Morgunblaðið - 05.07.2005, Side 18

útsalan hefst í dag
Verið velkomin
Laxamýri | Taðhlaðar við fjárhús eru ekki algeng
sjón nú á dögum en taðið er að margra áliti ómiss-
andi í reykhúsið á haustin. Það er mikil fyrirhöfn að
stinga út, kljúfa, hlaða og hreykja, en taðið gefur
gott reykbragð sem ekki má missa sín.
Hjalti Kristjánsson, bóndi á Hjaltastöðum í Þing-
eyjarsveit, er einn þeirra manna sem hafa sauðfé
sitt á taði. Hann leggur mikið upp úr því að hafa
taðið vel verkað og er hverri taðskán vel raðað upp
svo hún þorni sem best.
Nýlega var Hjalti að vinna í taðinu og þurrkvöll-
urinn voru fjárhúsin sjálf enda féð farið á fjall.
Hann sagðist eiga nóg tað fyrir sitt heimili og búast
má við góðri lykt úr reykhúsi Hjalta þegar haustar.
Morgunblaðið/Atli Vigfússon
Taðið þarf að þurrka vel
Reyking
Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Það er mikið að gerast í Borgarfirði og
allir virðast hafa nóg að gera. Kannski það
skemmtilegasta í þessari uppsveiflu er að
ungt fólk úr héraðinu er að flytjast þangað
aftur eftir að hafa verið í burtu um skeið.
Svona eins og gengur og gerist með ungt
fólk sem þarf að skoða sig svolítið um í
heiminum. En sem sagt hús eru að skjóta
upp kollinum hér og þar um sveitirnar og
þangað ætlar ungt fólk að flytjast og von-
andi setjast að og ala börnin sín upp.
  
Ástæðan fyrir því að ekki fjölgar í skól-
anum er kannski ekki síst sú að það vantar
húsnæði í sjálfan kjarnann, Borgarnes.
Einhver hús eru í byggingu en betur má ef
duga skal. En þá vantar fleira fólk til að
byggja húsin og það fólk vantar þá hús-
næði líka. Vonandi rætist úr svo hægt sé
að nýta þennan áhuga á búsetu á svæðinu
til að efla byggðarlagið. Borgarfjörður er
nefnilega að verða mjög girnilegur kostur
til búsetu. Hann er á góðum stað á landinu
og samgöngur til höfuðborgarinnar alltaf
að batna. Húsnæði á höfuðborgarsvæðinu
er orðið svo dýrt að ungt fólk hlýtur að
eiga erfitt með að fjármagna það.
  
Fyrir nokkrum árum var ekki mikið að
gerast í atvinnulífinu á svæðinu. Nú hefur
orðið heldur betur viðsnúningur í þeim
efnum því víða vantar fólk í vinnu. Upp-
gangur er á fleiri sviðum en í byggingar-
iðnaði, til dæmis í ferðaþjónustunni. Ný-
lega var opnað mikið tjaldstæði og
veitingastaður við Fossatún. Hótel er risið
við golfvöllinn á Hamri, hótelið í Reykholti
hefur tekið stakkaskiptum svo eitthvað sé
nefnt. Nýir möguleikar nýtast líka íbúum
svæðisins og það er ekki amalegt að hafa
um fleiri kosti að velja ef fólk vill gera sér
glaðan dag og fara út að borða. Mikilvægt
er í markaðssetningu þessara staða að þeir
auglýsi opnunartíma sinn rækilega. Það er
ekki skemmtilegt þegar fólk hefur gert sér
ferð, kannski um langan veg, til að fara út
að borða á nýjum fallegum veitingastað að
koma að lokuðum dyrunum.
Úr
sveitinni
ÁLFTANES Á MÝRUM
EFTIR ÁSDÍSI HARALDSDÓTTUR
BLAÐAMANN
Grundfirðingurinn ÞorsteinnBjörgvinsson opnaði nýlegaVélaþjónustu Þorsteins á
Snoppuvegi 1 í Ólafsvík. Þorsteinn seg-
ist hafa haft mikinn áhuga á vélum al-
veg frá fimmtán ára aldri og ákveðið að
láta gamlan draum rætast með því að
stofna eigið fyrirtæki.
Þorsteinn er búsettur í Grundarfirði
og vann um fimm ára skeið sem fanga-
vörður á Kvíabryggju. Hann átti ekki
möguleika á að stunda nám í Fanga-
varðaskólanum og missti vinnuna. Hann
segist vera orðinn of gamall til þess að
nokkur vildi ráða sig til vinnu. Hann
ákvað því að fara út í sjálfstæðan at-
vinnurekstur enda átti hann mikið af
tækjum og tólum til slíkrar starfsemi.
Ekkert húsnæði var á lausu í Grundar-
firði en hann segist hafa fengið gott hús-
næði í Ólafsvík og því hafi hann opnað
verkstæði þar. Hann ekur daglega á milli
og segir að það sé ekki mikið mál.
Þorsteinn er með alhliða viðgerðir á
bátum og bifreiðum auk þess sem hann
er með smur- og hjólbarðaþjónustu.
Morgunblaðið/Alfons
Eigin herra Þorsteinn Björgvinsson hef-
ur opnað vélaverkstæði.
Missti vinnuna og
stofnaði eigið verkstæði Þ
egar ferðast er um
landið er gaman
að hafa með sér
kver um byggðarlögin
eða rifja upp stökur eftir
bændur sem á bæjunum
bjuggu. Í Langadal norð-
ur hafa margir hagyrð-
ingar og skáld búið.
Einna kunnastur er Þórð-
ur Magnússon á Strjúgi. Í
Fjósarímum er þessi vísa:
Karlamagnús keisari dýr
kenndi trúna hreina;
aldrei hann fyrir aftan kýr
orrustu háði neina.
Í Mæðgnasennu segir
frá því, að Þórður hafi á
jólanótt komið að bæ og
lagst á skjáinn. Heyrði
hann þá heldur óþvegna
umræðu mæðgna þriggja.
Þær urðu varar við hann,
svo að móðirin reif úr
skjáinn og þreif í skeggið
á Þórði, en hann hafði
engin ráð önnur en skera
af sér skeggið. Þessi
staka er lögð í munn einni
mæðgnanna:
Við skulum ekki hafa hátt
hér er margt að ugga;
í allt kvöld hefi eg andardrátt
úti heyrt á glugga.
Þórður á Strjúgi
pebl@mbl.is
Súðavík | Súðavíkurhreppur mun verja um
10 milljónum króna á ári næstu fimm árin til
að fjölga íbúum og atvinnutækifærum í
sveitarfélaginu. Meðal þess er að boðinn er
gjaldfrjáls leikskóli og einstaklingar styrkt-
ir til að byggja íbúðarhús.
Ómar Már Jónsson, sveitarstjóri í Súða-
vík, segir að íbúum Súðavíkur hafi fækkað á
undanförnum árum. Nefnir hann að í
sveitarfélögunum þremur sem sameinuðust
í Súðavíkurhrepp hafi verið 294 íbúar á
árinu 1996 en séu nú 235. Í Súðavík sjálfri
séu nú 193 íbúar og hafi fækkað þar um
nærri fimmtíu. „Við erum með aðstöðu,
meðal annars grunnskóla og leikskóla, til að
þjóna miklu fleiri íbúum,“ segir Ómar.
Gjaldfrjáls leikskóli
Sveitarstjórnin hefur samþykkt stefnu-
mörkun sem ætlað er að snúa þessari þróun
við. Þar er stefnan sett á að fjölga íbúum um
40 fyrir árið 2010 og stöðugildum í atvinnu-
fyrirtækjum um tólf.
Aðgerðirnar sem gripið er til í þessum til-
gangi eru í atvinnumálum og byggðarmál-
um. Í byggðarmálunum er tiltekinn gjald-
frjáls leikskóli. Mun Súðavíkurhreppur vera
fyrsta sveitarfélagið sem það gerir. Í Súða-
vík er lóðum úthlutað án endurgjalds, eins
og verið hefur í raun, en nú eru einnig teknir
upp byggingastyrkir, sem nema 17.500
krónur á hvern fermetra af íbúðarhúsnæði.
Samsvarar það 1.750 þúsund kr. á 100 fer-
metra hús sem byggt er í sveitarfélaginu.
Í atvinnumálum nefnir Ómar Már að
frumkvöðlum sem stofna til atvinnurekstrar
verði veittir styrkir og verður allt að þremur
milljónum veitt til þess á ári. Einnig eru
veittir umhverfisstyrkir til ferðaþjónustu-
aðila og kúabændur styrktir til að kaupa
kvóta. Þá verður húsnæði sem hreppurinn
er að byggja leigt út eða selt til atvinnu-
rekstrar.
Sveitarfélagið stendur vel
Ómar Már áætlar að þessar aðgerðir
kosti 10 milljónir á ári. Hann segir að tekjur
komi á móti með hverri nýrri fjölskyldu sem
flytji til bæjarins. Annars eru aðgerðirnar
fjármagnaðar með rekstrartekjum og eigin
fé sveitarfélagsins sem stendur fjárhags-
lega mjög vel vegna sölu eigna í atvinnu-
rekstri og orkuveitu. Nefnir Ómar Már að
fjármagnstekjur umfram fjármagnsgjöld
hafi numið 10 til 17 milljónum kr. á ári og
rekstur sveitarfélagsins skilað afgangi.
„Landsbyggðin er í varnarstöðu vegna
fólksfækkunar. Við höfum getu til að bregð-
ast svona við og okkur ber skylda til þess að
gera það til hagsbóta fyrir samfélagið.“
Styrkir
greiddir til
húsbyggjenda