Morgunblaðið - 05.07.2005, Blaðsíða 20

20 ÞRIÐJUDAGUR 5. JÚLÍ 2005 MORGUNBLAÐIÐ
MINNSTAÐUR
LANDIÐ
AUSTURLAND
„LÁTUM greipar sópa umhverfið“
er yfirskrift þjóðarátaks sem Ung-
mennafélag Íslands efnir til með
stuðningi Pokasjóðs. Sendir eru
ruslapokar inn á öll heimili lands-
ins, liðlega eitt hundrað þúsund, og
landsmenn hvattir til að tína rusl
úr sínu nánasta umhverfi.
„Okkur finnst komin þörf á að
efna til svona átaks. Umgengni er
víða ábótavant, það sjást umbúðir
og annað drasl á víð og dreif,“ segir
Ásdís Sigurðardóttir, verkefnis-
stjóri hjá UMFÍ, um leið og hún
minnir á kjörorð UMFÍ, Ræktun
lands og lýðs og Þátttaka er lífs-
stíll.
Ásdís segir að Ungmennafélag
Íslands hafi efnt til umhverfisátaks
fyrir tíu árum. Það hafi skilað góð-
um árangri en svo virðist sem eitt-
hvað hafi slaknað á síðustu árin og
því hafi verið talið tímabært að
minna fólk á mikilvægi góðrar um-
gengni. „Okkar nánasta umhverfi
er ekki aðeins heimilið og bíllinn,
heldur umhverfi heimilisins og hvar
sem við komum. Hluti af því að
taka þátt í samfélaginu er að ganga
vel um. Við státum af hreinu landi
og berum öll ábyrgð á því að svo
verði áfram,“ segir Ásdís.
Sýna gott fordæmi
Sendir verða stórir ruslapokar
inn á öll heimili landsins í lok þess-
arar viku eða byrjun þeirrar næstu,
alls liðlega eitt hundrað þúsund
pokar. Jafnframt eru fjölskyldurn-
ar hvattar til að fara saman út til að
tína rusl. „Þetta getur verið gott
tækifæri fyrir foreldrana að sýna
börnum sínum gott fordæmi og ala
þau upp í góðri umgengni við um-
hverfið,“ segir Ásdís. Einnig gefst
fólki kostur á að ná sér í minni
poka, til dæmis til að hafa með í
ferðalagið.
Þegar fólk hefur fyllt pokana
gefst því kostur á að taka þátt í
happdrætti með því að senda nafn
sitt til UMFÍ. Reglulega verður
dregið um vinninga og aðalvinn-
ingur sumarsins er síðan ferð fyrir
tvo á grímudansleik með Stuð-
mönnum í Feneyjum.
Ungmennafélag Íslands sendir ruslapoka inn á öll heimili
Hreinsað til Ásdís Sigurðardóttir stýrir hreinsunarátaki UMFÍ.
Fjölskyldurnar hvattar til að
fara út saman til að tína rusl
Eftir Helga Bjarnason
helgi@mbl.is
Mýrdalur | Afhjúpað hefur verið
minnnismerki um Deild-
arárskóla í Mýrdal. Um sextíu
gamlir nemendur skólans voru
viðstaddir athöfnina.
Deildarárskóli var starf-
ræktur frá 1904 til 1959 að
hann var sameinaður skólanum
á Ketilsstöðum. Skólahúsið var
flutt á Höfðabrekkuafrétt þar
sem það er enn notað sem leit-
armannaskáli.
Minnisvarðinn er í Deild-
arárgildi í landi Skammadals-
hóls, þar sem skólinn stóð.
Hann er gerður úr stuðlabergs-
steinum sem áletruð plata er
fest á. Gamlir nemendur skól-
ans söfnuðu fyrir gerð hans.
Morgunblaðið/Jónas Erlendsson
Skóli fyrir smala Gamla skólahúsið frá Deildará er nú notað sem smalahús
í Höfðabrekkuafrétti. Þar eru enn skólaborðin og stólarnir, ásamt gömlu
krítartöflunni. Leitarmenn hafa þar aðstöðu á haustin.
Afhjúpað minnismerki
um Deildarárskóla
Minning Guðbjörg Jónsdóttir, einn af
elstu núlifandi nemendum Deildar-
árskóla, afhjúpaði minnismerkið
ásamt Jóhönnu Jóhannesdóttur.
Neskaupstaður | Ekki virtist vera
mikill ágreiningur hjá þessum fé-
lögum um hvor bíllinn væri betri,
þar sem þeir sátu í blíðviðrinu og
virtu bílana fyrir sér þegar frétta-
ritari átti leið hjá og smellti af þeim
mynd. Ekki fékkst þó niðurstaða í
málið að svo stöddu.
Hvor er betri?
Morgunblaðið/Ágúst Blöndal
Kárahnjúkavirkjun | Nýlega var skipað upp á Eskifirði
risastórum stálrörum sem notuð verða til að fóðra fall-
göng Kárahnjúkavirkjunar. Rörin eru engin smásmíð,
rúmir 3 metrar í þvermál og 9 metrar að lengd og veg-
ur hvert þeirra um 45 tonn. Áætlað er að það taki um 18
mánuði að setja rörin saman og er það verk þegar haf-
ið. Það er Slippstöðin á Akureyri sem kemur rörunum
fyrir sem undirverktakar fyrir þýskan framleiðanda.
Morgunblaðið/Steinunn Ásmundsdóttir
Risarörin fóðra fallgöng
Um langt skeið hafa sveitarfélög, þar á með-
al sveitarstjórn Skútustaðahrepps, bent um-
hverfisyfirvöldum á óréttlæti það sem við-
gengst í þessum efnum, en talað fyrir
daufum eyrum. Endurgreiðsluhlutfall ríkisins
hefur stöðugt farið lækkandi og þar með hef-
ur kostnaður sveitarfélaganna vaxið að sama
skapi, vilji þau standa í stykkinu.
Sigbjörn sveitarstjóri spyr, hvort það geti
talist eðlilegt að 440 Mývetningar beri
ábyrgð á vargeyðingu á um 6.000 ferkíló-
metrum lands eða um 5,5% af Íslandi öllu, og
ekki síst þar sem lífríki er mjög sérstakt og
mat flestra að nauðsyn beri til að vernda það
fyrir áföllum eftir því sem mögulegt er.
Hann segir að hvorki hafi gengið né rekið í
viðræðum ríkis og sveitarfélaga í þessum efn-
Mývatnssveit | Sveitarstjórn Skútustaða-
hrepps ákvað við gerð fjárhagsáætlunar fyrir
þetta ár að skerða verulega framlag til eyð-
ingar á vargi og er það gert vegna þröngrar
stöðu sveitarsjóðs í kjölfar lokunar Kísiliðj-
unnar. Sigbjörn Gunnarsson sveitarstjóri
segir að undanfarin ár hafi um 4,5 milljónum
kr. verið varið árlega til málaflokksins sem
samsvarar 10 þúsund krónum á íbúa. Vekur
hann athygli á því að það samsvari því að
Húsavík verði 25 milljónum til þessa verk-
efnis, Akureyri 160 milljónum og Reykjavík
1.150 milljónum kr.
Nú á þessu ári gerir sveitarstjórn ráð fyrir
að verja um 2,6 milljónum til þessa verkefnis.
um og því hafi sveitarstjórnin nú ákveðið að
draga úr útgjöldum til málaflokksins.
Ekki má slaka á
Árni Einarsson, forstöðumaður Náttúru-
rannsóknarstöðvarinnar við Mývatn, er
manna kunnugastur lífríkinu í Mývatnssveit.
Hann segir að sérlega vel hafi tekist til með
að halda mink í skefjum. Hann telur afar
mikilvægt að í engu sé þar slakað á. Minkn-
um verði að halda í algjöru lágmarki. Hann
minnir í því sambandi á að sveitin er náttúru-
verndarsvæði á landsvísu og því óeðlilegt að
sveitarsjóður beri mestallan kostnað af eyð-
ingu minks. Um mikilvægi þess að eyða tófu
telur hann að refur sé ekki mjög áberandi
hér um slóðir og ef til vill minni nauðsyn til
þess að halda honum í skefjum. Um þetta at-
riði eru nokkuð deildar meiningar, en um
minkinn eru allir sammála að hann sé hinn
mesti skaðvaldur, sem verði að halda niðri
hér með öllum tiltækum ráðum.
Á síðasta ári vann Ingi Þór Yngvason
meindýraeyðir 97 minka sem er nálægt
meðalveiði. Hann vann 54 refi sem er óvenju-
lítið miðað við árin á undan. Talið er að Inga
Þór hafi tekist að eyða öllum mink nokkurn
veginn jafnharðan úr sveitarfélaginu og er
það ekki lítið afrek eins og umhverfi hér er
háttað.
Ef þessi mál þróast hér á næstunni svo
sem nú lítur út fyrir má búast við að minkur
og refur verði frjálsir ferða sinna og athafna
um Mývatnssveit þegar líður að hausti.
Sveitarstjórn Skútustaðahrepps dregur verulega úr framlögum til veiða á ref og mink
Ekki má slaka á við að halda minknum í skefjum
Eftir Birki Fanndal Haraldsson