Morgunblaðið - 05.08.2005, Page 1

Gazaborg. AP, AFP. | Tugþúsundir Pal-
estínumanna fögnuðu í gær væntan-
legum brottflutningi Ísraela frá Gaza-
svæðinu en hann á að hefjast 17.
þessa mánaðar. Á sama tíma er Ísr-
aelsstjórn hins vegar að herða á land-
töku sinni á Vesturbakkanum og
heimilaði í gær auknar húsbyggingar
þar þvert ofan í Vegvísinn, friðaráætl-
unina sem hún hefur samþykkt.
Ahmed Qorei, forsætisráðherra
palestínsku heimastjórnarinnar,
sagði í gær á fundi með um 10.000
manns í Gazaborg, að brottflutningur
Ísraela frá Gaza væri aðeins fyrsta
skrefið í átt til fulls sjálfstæðis Palest-
ínumanna á Gaza-svæðinu, öllum
Vesturbakkanum og með Austur-
Jerúsalem sem höfuðborg.
Nýjar íbúðabyggingar leyfðar
Palestínumenn óttast að Ariel
Sharon, forsætisráðherra Ísraels,
muni nota brottflutninginn frá Gaza
sem röksemd fyrir landtöku Ísraela á
Vesturbakkanum og sjálfur fer hann
ekki í neina launkofa með það. Því til
staðfestingar leyfði Ísraelsstjórn í
gær byggingu 72 íbúða í gyðinga-
byggð fyrir sunnan Jerúsalem.
Nítján ára gamall ísraelskur her-
maður skaut í gær til bana fjóra ísr-
aelska araba í strætisvagni í bænum
Shfaram í Ísrael. Bjó hann í einni
byggð bókstafstrúaðra gyðinga á
Vesturbakkanum og er atburðurinn
rakinn til andstöðu þeirra og annarra
landtökumanna við brottflutning Ísr-
aelshers frá Gaza. Eftir morðin safn-
aðist saman margt fólk við vagninn og
myrti hermanninn.
Sharon sagði í gær að um hefði ver-
ið að ræða „svívirðilegt hryðjuverk“
og að hermaðurinn hefði verið „blóð-
þyrstur hermdarverkamaður“.
Brottflutningi Ísra-
ela frá Gaza fagnað
Ísraelsstjórn treystir tökin á Vesturbakkanum
Reuters
Palestínsk ungmenni veifa fánum í Gazaborg í gær. Brottflutningur Ísraela hefst síðar í mánuðinum.
STOFNAÐ 1913 207. TBL. 93. ÁRG. FÖSTUDAGUR 5. ÁGÚST 2005 PRENTSMIÐJA MORGUNBLAÐSINS mbl.is
Fuglar hafa
fegurðarskyn
Guðmundur Páll Ólafsson og nýja
fuglabókin hans | Menning
Bílar og Íþróttir í dag
Bílar | Volkswagen Touareg og Kia Sportage reynsluekið

Hertar kröfur og dýrara meirapróf Íþróttir | Vals-
menn í úrslit gegn Fram
Titilvörn Birgis Leifs
LÖGREGLA handtók í gær 13 mót-
mælendur á byggingarsvæði Alcoa á
Reyðarfirði. Mótmælendurnir fóru
inn á svæðið um hálfellefu í gærmorg-
un og klifruðu þrír þeirra upp í þrjá 40
metra háa krana sem eru á staðnum.
Var svæðið umkringt og þess beðið að
mótmælendurnir kæmu niður. Sá
sem kom síðast niður dvaldi efst í ein-
um krananna í um sex klukkustundir í
roki og rigningu. Tveir sérsveitar-
menn náðu fólkinu úr krönunum en
að sögn lögreglunnar á Eskifirði hafa
þeir verið til taks fyrir austan.
Í yfirlýsingu sem aðstandendur
mótmælanna hafa sent frá sér segir
að aðgerðin sé ein af mörgum sem
ráðist verði í gegn Alcoa og öðrum
fyrirtækjum á sama sviði á Íslandi og
víðar um heiminn.
Á annað hundrað starfsmanna
verktakafyrirtækisins Bechtel voru
fluttir brott af svæðinu þegar mót-
mælin hófust. „Okkar ákvörðun var
að kæra athæfið ekki,“ sagði Hrönn
Pétursdóttir, kynningarstjóri Alcoa
Fjarðaáls. Aðspurð segir hún örygg-
isgæslu kringum byggingarsvæðið
ekki hafa verið mikla en hins vegar
mikið lagt upp úr að þau sem vinni
innan þess meiðist ekki. Fyrirtækið
hafi haft áhyggjur af því að mótmæl-
endur yrðu sjálfum sér til skaða.
Gunnar Hjaltason, íbúi á Reyðar-
firði, tók sig til ásamt félaga sínum og
batt tóg í bifreið, sem mótmælend-
urnir komu á, og ætlaði sér að draga
hana í burtu. Ekkert varð þó úr
drættinum þar sem lögregla stöðvaði
athæfið og færði Gunnar á brott.
Mótmælendurnir þrettán voru
látnir lausir um miðnættið eftir yfir-
heyrslur hjá lögreglunni á Eskifirði. Morgunblaðið/Helgi Garðarsson
Tveir sérsveitarmenn losuðu einn mótmælendanna af krananum og létu
hann síðan síga til jarðar. Borði með slagorðum gegn Alcoa sést neðst t.h.
Sóttir af sér-
sveitarmönnum
13 handteknir á byggingarsvæði Alcoa
Eftir Önnu Pálu Sverrisdóttur og
Jón Pétur Jónsson
 Markmiðið/6
Bæta heilsu
og spara fé
HJÓLREIÐAR stórbæta líkamlega
og andlega líðan fólks og geta spar-
að samfélaginu miklar fjárhæðir.
Danski samgönguráðherrann telur
hugsanlegt að brátt verði farið að
líta á reiðhjólastíga sem jafnbrýna
fjárfestingu og vegi og járnbrautir.
Danski umferðarráðgjafinn
Thomas Krag hefur reiknað út að
ykju Danir hjólreiðar um 50%
myndi það spara samfélaginu að
minnsta kosti nærri 20 milljarða ís-
lenskra króna á ári. Kom þetta
fram í Berlingske Tidende.
Margir hafa tekið undir með
Krag og þeirra á meðal er Anker
Boye, borgarstjóri í Óðinsvéum.
Segir hann frá mjög athyglisverðri
útkomu aukinna hjólreiða þar í
borg. Fyrir nokkrum árum ákvað
borgarstjórnin að verja rúmlega
200 millj. ísl. kr. í áróður fyrir
auknum hjólreiðum og það hafði
þau áhrif að á næstu þremur árum
sparaði borgin sér 340 millj. ísl. kr.
í útgjöld til heilbrigðismála. Dauðs-
föllum og innlögnum á sjúkrahús
fækkaði og upphæð sjúkradagpen-
inga lækkaði verulega.
Washington. AP, AFP. | Tuttugu og
sjö Bandaríkjamenn hafa fallið í
Írak það sem af er vikunni og 38 á
síðustu 10 dögum. Vekur mann-
fallið miklar áhyggjur í Bandaríkj-
unum þar sem stuðningur við
Íraksstríðið minnkar stöðugt.
Fjórtán hermenn týndu lífi í
fyrradag þegar vegsprengja
sprakk undir farartæki þeirra við
bæinn Haditha í Vestur-Írak og
sjö féllu á mánudag. Aðrir hafa
fallið í skærum á þessum slóðum
eða annars staðar í landinu. Virð-
ist sem vegsprengjur skæruliða
verði æ öflugri, en sú, sem sprakk
í fyrradag, tætti í sundur 25 tonna
þungan og brynvarðan láðs- og
lagar bíl.
George W. Bush, forseti Banda-
ríkjanna, ítrekaði í gær að Banda-
ríkjaher yrði ekki fluttur frá Írak
fyrr en hann hefði náð takmarki
sínu þar en ný AP-Ipsos-könnun
sýnir að aðeins 38% Bandaríkja-
manna styðja stefnu hans í Írak.
Þá er sagt að margir þingmenn
repúblikana séu farnir að ókyrrast
en á næsta ári verður kosið um
mörg þingsæti.
Segja Bush ekki eiga
um margt að velja
Bandarískir fréttaskýrendur
segja að Bush eigi raunar ekki
margra kosta völ því að dómur
sögunnar um forsetatíð hans muni
fara eftir þróuninni í Írak.
„Verði fækkað í herliðinu í Írak
með þeim afleiðingum að ástandið
versni enn, þá mun það hafa gíf-
urleg áhrif í kosningunum á næsta
ári. Það er því skárri kostur að
halda því í horfinu,“ segir Anthony
H. Cordesman, sérfræðingur í
málefnum Íraks og fyrrverandi
starfsmaður bandaríska varnar-
málaráðuneytisins.
Auknar áhyggj-
ur af mannfalli