Morgunblaðið - 05.08.2005, Blaðsíða 37

MORGUNBLAÐIÐ FÖSTUDAGUR 5. ÁGÚST 2005 37
DAGBÓK
Listasumar í Súðavík er haldið dagana4. til 7. ágúst. „Það má segja að þettasé svona lítil og heimilisleg listahátíðþar sem tónlist er höfð í hávegum og
fjölskyldan líka, enda reynum við að hafa Lista-
sumarið fjölskylduvænt,“ segir Pálína Vagns-
dóttir, framkvæmdastjóri Listasumars í Súða-
vík, sem nú er haldið í sjöunda skipti.
„Hátíðin er sett með opnun málverkasýn-
ingar Súðvíkingsins Sigríðar Rannveigar Jóns-
dóttur, eða S. Ranný, eins og hún kallar sig, og
opnar hún sína fyrstu einkasýningu í opnu rými
verslunarmiðstöðvar Súðavíkur. Myndin Í
faðmi hafsins verður þá sýnd í Félagsheimili
Súðavíkur á fimmtudagskvöldið og það verður
að segjast að engar bíósýningar teljast spenn-
andi í Súðavík nema rafmagnið fari minnst einu
sinni af.
Á föstudeginum verður síðan bál og brekku-
söngur í fjörunni fyrir neðan grunnskólann og
þar syngja allir, stórir sem smáir, af lífs og sál-
ar kröftum áður en haldið er í íþróttahúsið til
að hlýða á tónleika systkinanna Ragnheiðar og
Hauks Gröndal. Þau eru í hópi okkar færustu
listamanna og því mikill heiður að fá þau hing-
að. Laugardagskvöldið hefst svo á kjötsúpu-
kvöldverði á veitingastaðnum Jóni Indíafara,
áður en poppkeppni í anda Það var lagið verður
haldin milli bæjarfélaga og kemur Hermann
Gunnarsson til með að stýra þeirri söngstund af
sinni alkunnu snilld. Hljómsveitin Buff sér þar
um tónlistina auk þess að halda dansleik í
íþróttahúsinu síðar um kvöldið. Á sunnudeg-
inum halda síðan þau Ellen Kristjánsdóttir og
Eyþór Gunnarsson tónleika í Súðavíkurkirkju,
auk þess að syngja við kaffihlaðborð sem efnt
er til á eftir. Þá má einnig nefna að fjöl-
skyldugarður, Raggagarður, sem athafnakonan
Vilborg Arnardóttir stendur að, verður opnaður
með leik og látum þessa helgi.“
Að sögn Pálínu eru allir velkomnir á Lista-
sumarið og segir hún hátíðina eiga trygga
stuðningsmenn sem láti sig ekki vanta. „Á
Listasumar mæta bæði Súðvíkingar og fólk úr
nágrannabyggðarlögum og raunar af landinu
öllu, auk þess sem erlendir gestir hafa líka látið
sjá sig. Hátíðin er líka jafnt ætluð þeim sem
hér búa, eða eiga hingað rætur að rekja, og eins
þeim sem bara þekkja orðið þessa litlu listahá-
tíð. Hérna gefst líka gott tækifæri til að upplifa
vestfirska náttúrufegurð og andrúmsloft um
leið og njóta má hágæðatónlistar og góðrar
skemmtunar. Súðvíkingar eru stórtækari í
menningarmálum en mörg önnur byggðarlög af
sömu stærðargráðu, enda höldum við upp á
Bryggjudaga að vori og svo Listasumarið í lok
sumars og báðar þessar hátíðir eru orðnar fast-
ur liður í tilverunni.“
Mannfagnaðir | Tónlistin í hávegum höfð á Listasumri í Súðavík
„Fastur liður í tilverunni“

Pálína Vagnsdóttir
fæddist á Bolungarvík
30. nóvember 1964.
Hún er stúdent frá
Flensborgarskóla í
Hafnarfirði og vinnur,
auk þess að gegna
starfi framkvæmda-
stjóra Listasumarsins,
hjá Endurskoðun Vest-
fjarða í Bolungarvík.
Pálína er gift Hall-
dóri Páli Kr. Eydal, málarameistara, vél-
virkja og smíðanema, og eiga þau saman
börnin Pál Sólmund 11 ára og Steinunni Mar-
íu 6 ára.
Spingold.
Norður
♠104
♥Á3 A/Allir
♦Á543
♣ÁG654
Suður
♠K
♥KD106
♦D9876
♣K103
Suður spilar fimm tígla eftir þess-
ar sagnir:
Vestur Norður Austur Suður
-- -- 2 spaðar Dobl
3 spaðar Dobl Pass 4 tíglar
Pass 4 spaðar * Pass 5 tíglar
Pass Pass Pass
Útspilið er spaði, sem austur tekur
með ás og spilar drottningunni til
baka.
Hver er áætlunin?
Áætlunin er í stuttu máli sú að
gefa aðeins einn slag á tromp og
finna laufdrottninguna! Undir venju-
legum kringumstæðum er rétta
íferðin í trompið að taka á ásinn og
spila að drottningunni næst. En hér
hefur austur vakið á tveimur veikum
spöðum, svo það er alls ekki fráleitt
að húrra út tíguldrottningu og reyna
að negla staka tíu eða gosa í austur.
Norður
♠104
♥Á3
♦Á543
♣ÁG654
Vestur Austur
♠9532 ♠ÁDG876
♥982 ♥G754
♦K102 ♦G
♣D97 ♣82
Suður
♠K
♥KD106
♦D9876
♣K103
Ef sagnhafi tekur réttan pól í
hæðina í trompinu verður létt verk
að finna laufdrottningu á eftir. Fyrst
er hjartað prófað og þá sannast að
austur hefur byrjað með 6–4 í hálit-
unum og þar með aðeins tvílit í laufi.
Og úr því að vestur á þrjú lauf er
betra að gera ráð fyrir drottningunni
þar.
Spilið er frá úrslitaleik Spingold-
keppninnar. John Hurd í sveit
Carmichaels var í sæti sagnhafa og
hann valdi að spila trompinu beint af
augum, tók ásinn fyrst og fór þannig
þráðbeint niður. Á hinu borðinu
spiluðu AV þrjá spaða, þrjá niður.
BRIDS
Guðmundur Páll Arnarson | dagbok@mbl.is
1. d4 d5 2. c4 c6 3. Rf3 Rf6 4. Rc3 a6
5. a4 e6 6. Bg5 a5 7. e3 Be7 8. Be2
Ra6 9. O-O O-O 10. Db3 Rb4 11.
Hac1 b6 12. cxd5 Rfxd5 13. Bf4 Rxf4
14. exf4 Bd6 15. g3 Bb7 16. Bc4 c5
17. d5 Bxf4 18. Hcd1 b5 19. axb5 Bd6
20. Hd2 a4 21. Dd1 e5 22. He1 a3 23.
bxa3 Hxa3 24. Dc1 Da8 25. Rg5 Hd8
26. Rce4 Ha5 27. Db1 h6 28. Rxd6
hxg5
Staðan kom upp á ofurmóti sem
lauk fyrir skömmu í Dortmund í
Þýskalandi.
Peter Heine Nielsen (2668) hafði
hvítt gegn Etienne Bacrot (2729). 29.
Rxf7! Kxf7 30. Df5+ Kg8 31. d6+
Bd5 illnauðsyn þar eð ella myndi
hvítur máta eftir 31...Kh8 32. Dh3#.
32. Bxd5+ Rxd5 33. De6+ Kh7 34.
Hxd5 Hxb5 35. Hdxe5 Hf8 36. Hxg5
og svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Sólvík – Frábær
veitingastaður á Hofsósi
FYRIR nokkru var ég á ferð í
Skagafirði og heimsótti Vesturfara-
setrið á Hofsósi. Ég var á ferð með
enskum vinahjónum og við
ákváðum að fá okkur hádegisverð í
fallegu húsi sem hafði að geyma
veitingastaðinn Sólvík. Staðurinn
var fallegur og matseðillinn fullur
af girnilegum réttum á mjög góðu
verði. Þjónustan var frábær og mat-
urinn einnig. Manni fannst maður
vera hjá vinum.
Ensku hjónin voru yfir sig hrifin
og þekkja vel til veitingastaða hér á
landi en þau hafa komið til Íslands
reglulega síðan 1986.Við hjónin vilj-
um þakka fyrir ánægjulega stund
og munum leitast við að koma aftur
ef við verðum í nærsveitum. Hafið
bestu þakkir fyrir.
Jón Gröndal, 260449-2149
Dalseli 8, Reykjavík.
Kveðskaparsíða á Netinu
NÚ er mikið um það að ein-
staklingar, hópar eða félagasamtök
haldi út heimasíðu á Netinu. Þó er
minna um að kveðskaparhópar
haldi úti slíkri síðu. Eina kveðskap-
arsíðan sem er á veraldarvefnum er
http://www.slegidoghlegid.blogs-
pot.com/.
Þar er afar vel kveðið um hið
daglega líf. Ég skora á fleiri að gera
slíkt hið sama og kveðast á. Sjaldan
er góð vísa of oft kveðin.
Ó.Þ.
Pási er týndur!
PÁSI er lítill gári, ljósgrænn með
gult höfuð og blátt stél. Hann slapp
frá okkur í Vallenginu, Grafarvogi,
á sunnudagskvöldið og við höfum
ekki séð hann síðan og söknum
hans sárt. Hann er gæfur og kemur
á fingur eða öxl. Ef þú hefur séð
hann eða veist um hann viltu
hringja í okkur í síma 567 8237.
Guðný og Anna.
Velvakandi
Svarað í síma 5691100 frá 10–12
og 13–15 | velvakandi@mbl.is
SÆNSKI djassgítarleik-
arinn Andreas Öberg held-
ur ferna tónleika víðsvegar
um landið yfir helgina.
Djasstríóið Hrafnaspark
á Akureyri og DjangoJazz
Festival Akureyri standa
fyrir ferð Andreasar til
landsins en Andreas hefur,
eins og segir í tilkynningu,
öðlast sess sem einn af fær-
ari djassgítarleikurum
samtímans. Andreas Öberg
leikur djass af ýmsu tagi,
þó sérstaklega sígaunad-
jass og djass í anda Django
Reinhardt.
Hrafnaspark mun leika
með Andreas á tónleikum
hans en tónleikarnir verða
sem hér segir:
Föstudaginn 5. ágúst á
Café Rósenberg kl. 21.30.
Laugardaginn 6. ágúst í
Ketilhúsinu á Akureyri kl. 21.30. Á sunnudag, 7. ágúst, kl. 21 í Edinborg-
arhúsinu á Ísafirði og loks mánudaginn 8. ágúst kl. 21.30 aftur á Café Rósen-
berg.
Miðar eru seldir við innganginn og má fá nánari upplýsingar á www.andr-
eas-oberg.com.
Andreas Öberg
á tónleikaferð
Andreas Öberg