Morgunblaðið - 02.11.2005, Blaðsíða 10

10 MIÐVIKUDAGUR 2. NÓVEMBER 2005 MORGUNBLAÐIÐ
FRÉTTIR
„ÉG ER algjörlega óvön að taka við
verðlaunum – held bara að ég hafi
aldrei gert það áður,“ sagði Ragn-
hildur Gísladóttir, söngkona og tón-
skáld, en hún hlaut Íslensku bjart-
sýnisverðlaunin 2005, sem afhent
voru í 25. sinn við athöfn í Íslensku
óperunni í gær. „Það vaknar upp í
manni barnið – það er gaman að fá
verðlaun, og það er sú barnslega
kennd sem kviknar hjá mér.“
Íslensku bjartsýnisverðlaunin
eiga sér langa sögu. Þau voru fyrst
afhent árið 1981 og voru þá kennd
við upphafsmann sinn, danska at-
hafnamanninn Peter Brøste. Þegar
Brøste dró sig í hlé fyrir sex árum
varð Alcan á Íslandi bakhjarl bjart-
sýnisverðlaunanna og hefur lagt sig
fram um að halda merki þeirra á
lofti. Verðlaunaféð er ein milljón
króna, en þeim fylgir einnig verð-
launagripur, áletraður straums-
vískur álklumpur, sem að öðrum
kosti hefði endað sína ævidaga í
þýskum bíl, að sögn talsmanna
Alcan.
Forseti Íslands, Ólafur Ragnar
Grímsson, afhenti Ragnhildi verð-
launin, en þau eru í senn hugsuð sem
viðurkenning og hvatning fyrir ís-
lenska listamenn.
Fer nýjar leiðir
Vigdís Finnbogadóttir, talsmaður
dómnefndar, sagði að nefndin hefði
verið einhuga um að veita Ragnhildi
verðlaunin. Frá upphafi hefði stefn-
an verið sú að veita þau listamönn-
um sem hafi haft óbilandi trú á það
sem þeir hefðu verið að gera, hefðu
haslað sér völl á nýjum leiðum og
sýnt áræðni í listinni. „Ragnhildur
fer alveg nýjar leiðir í list sinni og
brýtur allar brýr að baki sér. Hún
tók sig til, vinsæl söngkona, fór í
nýtt nám og hóf að semja fína tón-
list.“
Ragnhildur segist aldrei hafa ver-
ið spennt fyrir verðlaunum og eig-
inlega ekki skilið þau – nema fyrir
metramælda verðleika eins og í
íþróttum. „En þessi verðlaun eru
öðruvísi. Mér finnst þau vísa á það
sem er fram undan. Ég er bjartsýn
og þess vegna eiga þau vel við, og
mér finnst þetta því mjög skemmti-
legt. Mér finnst bjartsýnin vera að
vakna víða. Það er svo margt sem
við höfum tekið sem sjálfsagðan hlut
í samfélaginu, en höfum kannski
ekki sinnt nógu vel, eins og velferð
gamla fólksins og velferð barna. Það
þarf að sýna þessu fólki kærleik, og
ég er bjartsýn á að við förum að
hugsa betur um það. Ég trúi því líka
að tónlistarkennsla verði sjálfsögð í
öllum grunnskólum – svo bjartsýn
er ég,“ segir Ragnhildur. Hún segist
verða feimin við tilhugsunina um að
verðlaunin séu viðurkenning á því
fjölþætta tónlistarstarfi sem hún á
að baki. „Mér finnst ég alltaf vera
svo rosalega mikið að byrja, og eiga
allt eftir. Ég hef verið í ólíkum teg-
undum tónlistar og er sátt við margt
af því. Maður er þó alltaf með sama
kjarnann í sér hvað sem maður ger-
ir. Rithöfundur er ekki alltaf að
skrifa sömu söguna og málari ekki
að mála sömu myndina. Mér finnst
ég alveg eins hafa getað verið að
skrifa bók, eða mála málverk, eins
og að semja lög – ég hef bara ekki
lagt mig eftir því. Ef maður er lista-
maður, þá er maður í öllum listum,
bara spurning um hvar á þeim vett-
vangi maður kýs að starfa.“
Ragnhildur Gísladóttir hlýtur Íslensku bjartsýnisverðlaunin 2005
Alltaf að byrja og á allt eftir
Eftir Bergþóru Jónsdóttur
begga@mbl.is
Morgunblaðið/Árni Sæberg
Ragnhildur Gísladóttir tekur við viðurkenningu sinni úr hendi forseta Íslands, Ólafs Ragnars Grímssonar.
ÖLL ritstjórn Læknablaðsins
sagði af sér sl. mánudag. Að
sögn Karls Andersen, hjarta-
læknis, má rekja úrsögn hans
og hinna fjögurra meðlima rit-
stjórnarinnar til þess að í kjöl-
far umdeildrar greinarbirtingar
í þarsíðasta tölublaði Lækna-
blaðsins hafi risið ágreiningur
ritstjórnar við ábyrgðarmann
blaðsins um ristjórnarstefnu og
verklag, sem leiddi til þess að
ritstjórnin sagði af sér.
Forsaga málsins er sú að í
nýjasta tölublaði Læknablaðs-
ins lýstu fjórir af fimm rit-
stjórnarmönnum blaðsins því
yfir að þau telji það hafa verið
mistök að birta aðsenda grein
Jóhanns Tómassonar læknis er
bar heitið „Nýi sloppur keis-
arans“ í þarsíðasta tölublaði. Í
grein Jóhanns gagnrýndi hann
afleysingar Kára Stefánssonar,
forstjóra Íslenskrar erfðagrein-
ingar, á taugadeild Landspítala
í sumar.
Yfirlýsing ritstjórnarmann-
anna fjögurra er svohljóðandi:
„Okkur er kunnugt um að það
sé stefna ritstjórnar Lækna-
blaðsins að blaðið sé opinn vett-
vangur fyrir lækna til skoðana-
skipta og kynningar á vísinda-
rannsóknum. Innsendar vís-
indagreinar fari í ákveðinn
farveg þar sem að minnsta
kosti tveir ritrýnar fari yfir
þær. Varðandi aðrar innsendar
greinar hefur ritstjórnin viðhaft
ákveðið vinnulag um það hvort
þær greinar séu birtar eða ekki
og reynt eftir fremsta megni að
koma til móts við óskir lækna
um birtingu greina að því
marki að þær séu ekki meið-
andi eða á annan hátt utan sið-
ferðilegra marka.
Í síðasta tölublaði Lækna-
blaðsins birtist innsend grein
undir yfirskriftinni „Nýi slopp-
ur keisarans“. Í þessari grein
er meðal annars fjallað um af-
leysingastörf læknis á tauga-
deild Landspítala nú í sumar.
Þar sem lögfræðingur Lækna-
félags Íslands hefur tjáð okkur
að ritstjórn Læknablaðsins sé
vanhæf til þess að fjalla um
þetta mál þá gerum við það
sem einstaklingar. Það er okkar
skoðun að birting þessarar
greinar í Læknablaðinu hafi
verið mistök.“ Undir þetta rit-
uðu Hannes Petersen, Emil L.
Sigurðsson, Karl Andersen og
Ragnheiður I. Bjarnadóttir, en
þau hafa nú ásamt Jóhannesi
Björnssyni, sagt sig úr rit-
stjórninni.
Öll rit-
stjórn
Lækna-
blaðsins
segir af sér
BÍLVELTA varð við Starengi í
Grafarvogi rétt eftir hádegi í gær
þegar ökumaður missti stjórn á bíl
sínum. Bíllinn rakst á ljósastaur og
valt á hliðina. Að sögn lögregl-
unnar í Reykjavík slasaðist enginn
en bíllinn skemmdist nokkuð.
Hálkublettir voru á götum borg-
arinnar og urðu 10 árekstrar í
Reykjavík fyrri part dagsins.
Að sögn lögreglunnar voru
árekstrarnir allir minniháttar og
urðu engin slys á fólki. Þó voru
barnshafandi kona og farþegi í bíl
flutt á slysadeild eftir árekstur
tveggja bíla á mótum Sæbrautar og
Höfðatúns rétt fyrir klukkan eitt í
dag. Meiðsl þeirra reyndust minni-
háttar.
Lögreglan hvetur ökumenn til að
aka eftir aðstæðum þegar hálka
getur spillt færð.
Bílvelta í
Grafarvogi
DÓMSMÁLARÁÐUNEYTIÐ
hefur aldrei haft samband að
fyrra bragði við Ljósmyndara-
félag Íslands eða Samtök iðnaðar-
ins vegna fyrirhugaðra breytinga
á myndatökum í vegabréf, að sögn
Kristrúnar Heimisdóttur, lög-
fræðings hjá Samtökum iðnaðar-
ins. Næsta vor á að taka upp vega-
bréf með lífkennum og frá og með
þeim tíma fer passamyndataka
fram á sýslumannsskrifstofum en
ekki hjá ljósmyndurum eins og nú
er.
Ljósmyndun lögvernduð
iðngrein
„Við höfum nú óskað eftir fund-
um við ráðherra um þetta og við
munum líka eiga fundi með emb-
ættismönnum ráðuneytisins,“
segir Kristrún. Hún bendir á að
annars staðar á Norðurlöndunum
hafi yfirvöld haft samband við fag-
félög ljósmyndara vegna breyt-
inganna. Hafi Ljósmyndarafélag
Íslands frétt um þær hjá systur-
samtökum sín á Norðurlöndun-
um.
Kristrún segir að það veki
undrun að opinber stjórnvöld ætli
að láta ófaglært fólk sinna mynda-
tökunum, en ljósmyndun sé lög-
vernduð iðngrein. „Við munum
benda ráðuneytinu á þetta,“ segir
Kristrún. Hún segir að því verði
einnig haldið til haga í viðræðum
við ráðuneytið hvort komið hafi
upp tilfelli á Íslandi þar sem fólk
hafi villt á sér heimildir þegar það
sækir um vegabréf. Kveðst hún
ekki vita til þess að það hafi verið
vandamál og menn hljóti að
spyrja hvort það sé nauðsynlegt
að ganga jafn langt og til stendur.
„Þetta eru gríðarlega harð-
neskjulegar aðferðir gagnvart
þessum rótgróna atvinnurekstri,“
segir Kristrún og bætir við að
þetta muni eflaust reynast kostn-
aðarsamt fyrir ríkið og þungt í
vöfum.
Samtök iðnaðarins vilja fund með
dómsmálaráðherra um vegabréf
Ekkert sam-
band haft að
fyrra bragði
MENNTAMÁLARÁÐHERRAR
Norðurlandanna hafa ákveðið að
styðja við framleiðslu og dreifingu há-
gæða norrænna tölvuleikja fyrir börn
og unglinga. Ákvörðun þessi byggir á
þeirri sannfæringu að betri skilyrði til
frumlegrar framleiðslu norrænna
tölvuleikja muni stuðla að auknu úr-
vali vandaðra tölvuleikja.
Til að ná þessu markmiði er ætl-
unin m.a. að koma á kerfi sem gerir
auðveldara og ódýrara að staðfæra og
þýða tölvuleiki á norræn mál. Að með
rétti til stafrænnar dreifingar verði
upphafsmanni tryggður aðgangur að
notendum og neytendum. Með bein-
um styrkjum til þróunar nýrra, frum-
legra verkefna með norrænum brag
sem tryggir norrænan höfundarrétt.
Menntamálaráðherrarnir hafa
ákveðið að veita 62 milljónum ís-
lenskra króna til upphafs verkefnisins
á næsta ári. Ætlunin er að verkefnið
standi yfir árin 2006–2012 og að til
þess verði varið meira en 720 millj-
ónum íslenskra króna, að því er fram
kemur í fréttatilkynningu.
Verkefnið verður nánar kynnt á
ráðstefnunni Nordic Game Potential í
Malmö, Svíþjóð, 23.–24. nóvember
næstkomandi.
Norrænir menntamálaráðherrar
Styðja gerð nor-
rænna tölvuleikja
Morgunblaðið/Jim Smart
TENGLAR
..............................................
www.nordicgame.net