Morgunblaðið - 02.11.2005, Qupperneq 12

12 MIÐVIKUDAGUR 2. NÓVEMBER 2005 MORGUNBLAÐIÐ
FRÉTTIR
Kauphöllin
kynnir íslensk
fyrirtæki
í London
á morgun
Í NÝJU skjali sem inniheldur fram-
tíðarsýn fyrir mennta- og menning-
arsetrið Eiða á Fljótsdalshéraði,
kemur fram að sú starfsemi sem þar
hefur þegar farið fram á vegum nú-
verandi eigenda hafi fyrst og fremst
verið tilraunastarfsemi til að kanna
hvort raunverulegur grundvöllur
væri fyrir grunnhugmyndum um
útilistagarð, alþjóðlegt mennta- og
menningarsetur, landshlutastarf og
menningartengda ferðaþjónustu-
starfsemi.
Sigurjón Sighvatsson og Sigurður
Gísli Pálmason hafa sent frá sér
nýja framtíðarsýn fyrir hönd Eiða-
stóls og var hún móttekin af bæj-
arstjórn Fljótsdalshéraðs 26. októ-
ber sl. Þar kemur fram að horft
verður til fjögurra meginþátta í
starfsemi:
Útilistagarðs, sem hugsaður er til
að fegra umhverfið. Alþjóðlegs
mennta- og menningarseturs sem
leggi áherslu á námskeiðahald, fyr-
irlestra og styttri samkomur fyrir
innlenda og erlenda aðila. Þá er gert
ráð fyrir að aðrir landshlutar eigi
ákveðinn aðgang að Eiðum og ein-
stökum viðburðum og kennurum
þar í gegnum landshlutastarfsemi,
sem fyrst og fremst er miðuð við að
auka mennta- og menningarmögu-
leika á Austurlandi.
Í tengslum við aukinn ferða-
mannastraum til Íslands og end-
urbyggingu og viðbótarbyggingar
við húsakost Eiða, verður jafnframt
rekin menningartengd ferðaþjón-
usta sem aftur mun gefa meiri
möguleika á mun betri nýtingu
húsakosts á Eiðum.
Fastir starfsmenn ráðnir
„Vegna mikillar undirbúnings-
vinnu og þess grunns sem búið er að
leggja mun starfsemin aukast til
muna strax á næsta ári, fyrst og
fremst vegna þess að nú er kominn
grundvöllur til að ráða fasta starfs-
menn til að sinna þessum þáttum,“
segir í framtíðarsýn þeirra Sig-
urjóns og Sigurðar Gísla. „Alls
munu hefja störf í árslok þrír starfs-
menn. Einn í fullu starfi í Reykjavík,
annar í fullu starfi á Eiðum (í viðbót
við staðarhaldara) og einn í hálfu
starfi á Egilsstöðum.“
Í vetur verða m.a. námskeið í
samvinnu við Heklu Jónsdóttur og
Listaháskóla Íslands og tónleikar á
vegum Smekkleysu. Sumarstarf-
semi verður aukin og m.a. er komið
á dagskrá tónskáldakennslu-
námskeið og kvikmyndanámskeið í
samvinnu við Baltasar Kormák, Dag
Kára Pétursson og hið danska fyr-
irtæki Zentropa Films. Þá verður
reist útilistaverk eftir franska lista-
manninn Philippe Parren. Haldið
verður áfram með grunnvinnu að
nýju húsi á Eiðum, sem verður 25
herbergja íbúðahúsnæði. Reiknað er
með að framkvæmdir geti hafist í
september á næsta ári og að húsið
verði komið í notkun fyrir sumarið
2007. Endurbætur verða gerðar á
sundlaug, íþróttasal og allri aðstöðu
þar í kring. í framtíðarsýninni segir
og að endurbygging Útgarðs og
sviðslistahúss muni koma í fram-
haldinu, en framkvæmdaforgangur
og tími muni ráðast af fjáröflun og
rekstrarþörf, þó áætlað sé að vinna
sviðslistahúsið á undan.
Í upphafi var einnig gert ráð fyrir
að á Eiðum yrði stofnað alþjóðleg
vatnsrannsóknamiðstöð, en sú hug-
mynd er ekki inni í nýju yfirliti eig-
enda yfir grunnþætti í starfseminni.
Eigendur Eiða leggja fram nýja framtíðarsýn fyrir Eiða
Teikning/Eiðastóll ehf.
Eigendur Eiða ætla að byggja upp á staðnum og er þetta 25 íbúða hús í bígerð ásamt frekara menningarstarfi.
Skerpt á grunnmarkmiðum
UNGMENNARÁÐ Austurbæjar Reykjavíkur
ásamt hverfisráði Háaleitis stóð nýverið fyrir opnu
málþingi í anddyri Borgarleikhússins þar sem yf-
irskriftin var „Ungt fólk og lýðræði“. Fundurinn var
liður í ungmennaskiptum ungmennaráða í austur-
bænum og ungmennaþingsins í Narva í Eistlandi en
á fundinum voru kynntar niðurstöður hópavinnu
ráðanna sem fram fór í Eistlandi í sumar. Fulltrúar
ungmennaþings Narva voru því sérstakir gestir
fundarins.
Að sögn Brynhildar Bolladóttur, nema í Mennta-
skólanum við Hamrahlíð, snerist hópavinnan um að
finna muninn á ungmennaráðum á Íslandi og í Eist-
landi en jafnframt var reynt að svara því hvort og
hvernig hægt væri að koma á fullkomnu lýðræði.
Hún segir niðurstöður vinnunnar í stuttu máli hafa
verið þær að fullkomið lýðræði gangi ekki upp og
munurinn á ungmennaráðum landanna liggi aðal-
lega í því að þar þjóna ráðin frekar hlutverki
skemmtiráðs en pólitíkin hafi meira að segja hér á
landi og barátta fyrir bættum kjörum ungmenna.
Markmið ungmennaráða á Íslandi er meðal ann-
ars að skapa vettvang og leiðir til að gera þeim sem yngri
eru en 18 ára kleift að koma skoðunum sínum og tillögum
á framfæri við viðeigandi aðila og ungmennaráðin fá til að
mynda árlegan fund með borgarstjórn þar sem þau koma
með ýmsar tillögur um úrbætur í málum ungmenna.
Nú síðast kom Reykjavíkurráð ungmenna með tillögu
þess efnis að borgin skuldbyndi sig til að senda þau mál
sem varða ungt fólk til ráðsins og var það samþykkt.
Brynhildur segir hins vegar engin mál hafa borist ráðinu,
og engin svör yfirleitt, frá því fundurinn með borgar-
stjóra var haldinn, 12. apríl síðastliðinn, og vonast hún
eftir að málþingið veki umræður um ungmennaráðin,
sérstaklega í ljósi þess að senn líði að borgarstjórnar-
kosningum. Brynhildur segist vilja vekja áhuga fram-
bjóðenda og að litið verði í meira mæli til ungmennaráð-
anna þegar málefni ungs fólks eru annars vegar.
Ungmennaráð með málþing um ungt fólk og lýðræði
Vilja meira samráð um
málefni ungmenna
Morgunblaðið/Sverrir
Efnt var til pallborðsumræðna á málþinginu í kjölfar erinda
um ungt fólk og lýðræði. Þátttaka ungs fólks var góð.
SÍÐJÖKULTÍMI og lok ísaldar á
Íslandi er efni fræðsluerindis sem
dr. Hreggviður Norðdahl, sér-
fræðingur við Háskóla Íslands,
flytur kl. 12.15 í dag í sal Mögu-
leikhússins á Hlemmi í Reykjavík.
Erindið er liður í fræðsluerinda-
röð Náttúrufræðistofnunar Ís-
lands sem kallast Hrafnaþing á
Hlemmi.
Að því er fram kemur á heima-
síðu Náttúrufræðistofnunar um
efni fyrirlestursins benda aldurs-
ákvarðanir á skeljum sælindýra á
utanverðum Reykjanesskaga, og í
setkjörnum úr sjávarbotninum
hér við land, eindregið til þess að á
síðasta jökulskeiði hafi íslenski
meginjökullinn verið stærstur fyr-
ir minna en 22 þúsund árum. Þá
var hnattrænt sjávarborð um 100
metrum lægra en nú og bæling
jarðskorpunnar við núverandi
strendur var líklega nokkru meiri
en 250 metrar.
Mikil umskipti urðu í veðurfari
fyrir um 15 þúsund árum þegar
hlýir sjávarstraumar náðu aftur til
hafsvæðanna í kringum landið. Við
það fór meginjökullinn að hörfa af
landgrunninu og fyrir tæpum 13
þúsund árum var brún hans komin
inn fyrir núverandi strandlínu.
Mjög há fjörumörk mynduðust á
Vesturlandi og Norðausturlandi.
Aldursákvarðanir á fornum sæ-
skeljum sýna að þessi fjörumörk
séu um 12.700 ára gömul.
Ris og hnig strandlínunnar
Jökullinn hopaði hraðar af land-
grunninu og inn fyrir núverandi
strönd en svo að ris jarðskorpunn-
ar héldi í við hækkun hnattræns
sjávarborðs. Síðar varð landris
langt umfram hnattræna hækkun
sjávarborðs. Fjörumörk færðust
neðar, líklega niður undir hæð nú-
verandi sjávarborðs.
Aftur kólnaði og íslenski meg-
injökullinn stækkaði. Landið seig
undan vaxandi jökulfargi, sjávar-
borð hækkaði og náði hámarki fyr-
ir um 10.300 árum. Fyrir um níu
þúsund árum náði afstætt sjávar-
borð líklega lægstu stöðu sinni við
Ísland og var þá um 40 metrum
neðar en það er í dag.
Í hámarki fyrir
22 þúsund árum
Ísaldarlok rædd á Hrafnaþingi