Morgunblaðið - 30.11.2005, Blaðsíða 48
48 MIÐVIKUDAGUR 30. NÓVEMBER 2005 MORGUNBLAÐIÐ
BJARNI Ara sendi á dögunum frá
sér hljómplötuna Svíng. Þar syngur
Bjarni lög í svokölluðum svíng-
útsetningum með hjálp stórsveitar
sem skipuð er mörgum af færustu
hljóðfæraleikurum þjóðarinnar.
Bjarni Ara hefur verið þjóðþekktur
allt frá því að hann var valinn Lát-
únsbarkinn í samnefndri söngkeppni
sem Stuðmenn héldu í tívolíinu í
Hveragerði 5. júlí 1987. Mikið vatn
hefur runnið til sjávar síðan þá og á
Bjarni sex plötur að baki: Þessi eini
þarna sem kom út 1988, Öræfi sem
hann gerði með Sverri Stormsker og
kom út 1993, Milli mín og þín sem
kom út 1996 og Trúin og kærleikur
sem var tekin upp í Víðistaðakirkju í
Hafnarfirði árið 2000 og seldist í
rúmum 10 þúsund eintökum. Þá kom
platan Er ástin þig kyssir út 2002 og
svo nú platan sem hér um ræðir,
Svíng.
Bjarni segir að útgangspunkt-
urinn á Svíng hafi verið að búa til
svokallaða sveifluplötu í anda stór-
söngvara á borð við Frank Sinatra
þar sem undirspil væri í höndum
stórrar sveitar en að velja lög sem
hefðu hingað til ekki heyrst í slíkum
útsetningum, þótt þau hentuðu mjög
vel til slíks.
„Það er mjög skemmtilegt og
merkilegt með tónlistina að hún á
sér engin landamæri. Er að því leyti
eins og arkitektúr, eins og rými sem
hægt er að breyta og bæta á alls
konar máta.“
Spilar á trompet
Bjarni er að sjálfsögðu ekki stadd-
ur á nýjum slóðum með þessari plötu
enda sungið viðlíka lög með Millj-
ónamæringunum undanfarin miss-
eri. Hitt vita þó færri að Bjarni var
sjálfur í stórsveit á sínum yngri ár-
um.
„Ég spilaði á trompet áður en ég
byrjaði að syngja og var þá í lúðra-
sveit og í stórsveit sem spilaði svona
Big Band-tónlist. Ég held að það sé
meira að segja til myndskeið af mér í
sjónvarpssal með þessari stórsveit
þar sem ég stend upp og tek tromp-
etsóló. Þá er ég fjórtán ára gamall.
Mig minnir að þátturinn hafi heitið Á
líðandi stundu og stjórnendur voru
einmitt Sigmundur Ernir og Edda
Andrésdóttir. Millarnir komu miklu
seinna en nú má segja að ég sé kom-
inn aftur til upprunans.“
Hefur þetta kannski verið lang-
þráður draumur að gera svona
plötu?
„Já, tvímælalaust. Þessi músík
hefur alltaf heillað mig. Ég byrjaði
að hlusta á þessa tegund tónlistar
áður en ég byrjaði að syngja – á
Glenn Miller, Tommy Dorsey og
þessa kalla.“
Værirðu kannski trompetleikari í
dag ef þú hefðir ekki villst inn í tívol-
íið í Hveragerði?
„Ég var að vísu byrjaður að
syngja ári áður en ég vann keppnina
og það er líka til sjónvarpsupptaka
með mér þar sem ég er að synga í
unglingaþætti … Unglingarnir í
frumskóginum minnir mig að hann
hafi heitið og margir muna eftir
þessu þó að það sé mjög langt síðan.
Ég held að ég hefði endað á þessari
braut, fyrr eða síðar.“
Á enn mikið inni
Röddin þín vakti mikla athygli á
þessum tíma, mjög þroskuð þrátt
fyrir ungan aldur, ekki satt?
„Jú, ég var fimmtán ára að verða
sextán þegar ég sigraði en ég held að
barnslegt andlitið hafi vakið meiri
athygli. Ég er náttúrlega baíton-
söngvari en ekki bassi og röddin hef-
ur ef til vill hljómað þroskaðri en hún
raunverulega var vegna þessa
barnslega andlits sem ég bar.“
Lögin á Svíng eru öll eftir aðra
tónsmiði. Þig langar ekki til að
syngja fleiri lög eftir sjálfan þig?
„Ég samdi tvö lög á síðustu plötu
sem kom út 2002 og voru svona
popp-klassík-lög en það hefur í sjálfu
sér ekki unnist tími til að taka þetta
föstum tökum. Ég á einhver lög til
en þau verða að bíða betri tíma.“
Að lokum, hvar myndirðu segja að
þú værir á þínum söngferli?
„Ég held að ég sé á mjög fínum
stað. Ég hef verið í tónlist frá níu ára
aldri og maður hefur kynnst ótrú-
lega mörgum stefnum og straumum
bæði í gegnum sönginn og útvarpið.
Ég hef fengið frábærar viðtökur hjá
fólki sem hefur hlustað á plötuna og
það er sagt að söngvarar nái toppn-
um fjörutíu og fimm ára gamlir –
þannig að ég á enn mikið inni. Mér
finnst ég enn vera að bæta mig,
röddin að þroskast og maður að
þroskast sjálfur sem persóna. Ég
veit og kann meira í dag en ég vissi
og kunni í gær.“
Ég fæ ekki fyrirsögnina „Á toppn-
um“ frá þér?
„Já, ertu að fiska eftir henni? Eins
lengi og þú setur ekki í fyrirsögn: Í
syngjandi sveiflu, þá er ég sáttur.“
Útgáfutónleikar Bjarna Ara verða
í NASA við Austurvöll 5. desem-
ber.
Eftir Höskuld Ólafsson
hoskuldur@mbl.is
Tónlist | Bjarni Ara sendir frá sér plötuna Svíng
Í toppsveiflu Bjarni Ara fetar
í fótspor þeirra
færustu á nýju
plötunni Svíng.
GALDURINN hvernig plata, eða
réttara sagt plötur, verða til, skýr-
ist í heimildarmynd Bjarna Gríms
því hann fylgist með því þegar
Bubbi Morthens tók upp Ást og … í
6 skrefa fjarlægð frá Paradís, í
Frakklandi. Nú er væntanlegur á
markaðinn pakki með plötunum
báðum og þessari heimildarmynd að
auki, á mynddiski.
Myndin og innihald platnanna er
mjög persónulegt og endurspeglar
tilfinningakrísuna sem listamað-
urinn hefur gengið í gegnum og
ekki farið fram hjá alþjóð (hvort
sem hún vill eða ekki). „Ennþá ertu
fallegri en falleg þó himinn minn sé
orðinn grár …,“ yrkir hann á einum
stað, á öðrum blasir við eftirsjáin og
ískaldur raunveruleikinn í ljóðlín-
unni sem gefur myndinni (og ann-
arri plötunni), nafn.
Bubbi er sá lukkunnar pamfíll að
geta ort texta og ljóð og sungið sig
út úr verstu hremmingunum, hér
fáum við dálitla innsýn í það ferli. Í
myndinni segir Bubbi að hann hafi
samið efni á þrjár plötur á þremur
vikum, engin höfundatregða á þeim
bæ, þó að hann standi upp á um
sinn.
Áhorfandinn fær finnanlega nasa-
sjón af stressinu og álaginu sem
fylgir vinnu í hljóðveri, og getur
gert sér í hugarlund það sem ekki
sést. Það er ekki heiglum hent að
vinna fyrir Bubba, sem hefur sank-
að að sér miklum hæfileikamönnum
sem vita upp á hár hvers er krafist
af þeim og að afurðirnar ljúga engu
þegar þær eru komnar á diskinn.
Allt verður að vera rösklega 100%.
Umhverfið er friðsamt og frá-
bært til listsköpunar, gamlar en
klassískar upptökugræjur, fyrsta
flokks upptökustjórar og hljóðfæra-
leikarar og hljóðverið sjálft í miðri,
franskri sveitasælu. Plöturnar eru
komnar út og standa fyrir sínu og
eftir fárið, hljómar í enn fleiri
strengjum hjá Bubba.
Heimildarmyndin dregur dám af
innri aðstæðunum, það er mikið
álag í gangi, við kynnumst ekki náið
hvað er að gerast undir yfirborðinu.
Bubbi opnar sig betur á plötunum
sínum og þar verður myndin
skemmtilegur aukabónus.
Plötur
fæðast
KVIKMYNDIR
Skjár einn
Ást í 6 skrefa fjarlægð frá Paradís
Heimildarmynd. Leikstjórn, kvikmynda-
taka: Bjarni Gríms. Klipping: Ásta Briem.
Hljóðblöndun: Gunnar Steinn. M.a. koma
fram: Bubbi Morthens, Barði Jóhannes-
son, Óskar Páll Sveinsson, Arthuro.
Tinehf. Sena. Skjár einn í nóvember.
Ísland 2005.
Sæbjörn Valdimarsson
TÓNLISTARKONAN Kristín
Björk Kristjánsdóttir, sem kallar sig
gjarnan Kiru Kiru, lenti í þeirri
óskemmtilegu reynslu á dögunum
að tölvunni hennar var stolið. Í tölv-
unni voru allar upptökur af tón-
smíðum hennar og hugmyndum
undanfarin ár. Missirinn var því eins
og gefur að skilja mikill enda oftast
um að ræða einu eintök tónlistar-
innar.
Fyrir skemmstu rataði tónlist
Kristínar þó aftur í réttar hendur,
„með hjálp góðra manna“, segir hún
sjálf án þess að vilja gefa upp meira
um málið að svo stöddu.
Kristín sagðist í samtali við Morg-
unblaðið vera himinlifandi að end-
urheimta sköpunarverk sitt.
„Ég lærði ýmislegt á þessari leið-
inlegu lífsreynslu,“ sagði hún.
„Það rann til dæmis upp fyrir mér
mitt í öllu þessu að þrátt fyrir að
verkin mín væru horfin þá gæti eng-
inn tekið það frá mér að vera lista-
maður. Listin og listsköpun er ekki
mæld í eignum, það skiptir ekki máli
hvort maður á allt eða ekkert.“
Kristín sagðist þó beina þeim til-
mælum til kollega sinna að taka afrit
af öllu því sem þeir gera og geyma í
bankahólfi. „Ég er allavega byrjuð á
því núna,“ sagði hún að lokum.
Tónlist | Tónlistarkonan Kristín Björk
Endurheimti verkin sín
Morgunblaðið/Þorkell
Nýjasta stafræna
teiknimyndaundrið frá Disney.
Toppmyndin í USA.
„Meistarastykki!“
-F.G.G., Fréttablaðið
„Tilvalin
fjölskylduskemmtun
sem auðgar
andann!“
-S.P., Rás 1
„Sjón er sögu ríkari!“
-H.J., Mbl
Þar sem er vilji,
eru vopn.
S.V. MBL
Þar sem er vilji, eru vopn.
S.V. MBL
H.J. Mbl.
V.J.V. topp5.is
Þau eru góðu
vondu gæjarnir.
Sýnd bæði með
íslensku og ensku tali.
Þegar maður er þetta lítill verður maður að hugsa
stórt.
Harry Potter og Eldbikarinn kl. 6 - 8 og 10 B.i. 10 ára
Lord of War kl. 5.30 - 8 og 10 B.i. 16 ára
March of the Penguins kl. 6 - 8 og 10.30
Litli Kjúllinn kl. 6 Íslenskt tal
Elizabeth Town kl. 10
Tim Burton´s Corpse Bride kl. 8 Gæti vakið ótta ungra barna!
Drabet (Morðið) Hlaut kvikmyndaverðlaun Norðurlandaráðs kl. 6 m/ísl. texta
FORSÝND KL. 8
Í KRINGLUBÍÓI