Morgunblaðið - 30.11.2005, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 30. NÓVEMBER 2005 VERÐ Í LAUSASÖLU 220 KR. MEÐ VSK.
NEMENDUR MA fjölmenntu á mótmælafund í Kvos-
inni síðdegis í gær. Þar mótmæltu nemar harðlega
samræmdum stúdentsprófum sem nú eru að hefjast. Á
fundinum kom fram að ítrekað hefði verið reynt að fá
fulltrúa menntamálaráðuneytis til fundarins, en án ár-
angurs. Rætt var um ýmsar hliðar prófanna, tilgang
þeirra og gildi, en m.a. kom fram að nemendur sem
mættu til prófs, rituðu nafn sitt á prófblaðið og færu
að því búnu út fengju 5 á prófinu! „Við erum höfð að
fíflum,“ sagði Ottó Elíasson nemi og taldi það einkum
vera vegna þvermóðsku menntamálaráðherra að
prófunum væri haldið til streitu þrátt fyrir mótmæli.
Morgunblaðið/Kristján
Nemendur Menntaskólans á Akureyri fjölmenntu á mótmælafund vegna samræmdra prófa í skólanum í gær.
Við erum höfð að fíflum!
LÖGREGLAN á Húsavík lagði
snemma í haust hald á hræ af
nokkrum alfriðuðum fuglum,
þremur fálkum,
tveimur brandugl-
um og tveim
smyrlum. Einn
maður hefur verið
yfirheyrður en
hann kvaðst að
sögn lögreglu hafa
fundið frystikistu
á sorphaugum
bæjarins með
hræjunum í. Þau
voru hins vegar
mjög vel varðveitt og segja fugla-
fræðingar að annaðhvort hljóti
meint kista að hafa verið komin á
haugana nokkrum mínútum áður
eða að hún hafi hreinlega verið
tengd við rafmagn á haugunum.
Lögreglan á Húsavík fann hræin
í frystikistu mannsins við húsleit
sem tengdist eftirliti með skot-
vopnum. Við húsleitina var lagt
hald á nokkrar byssur.
Fuglahræin eru nú til rannsókn-
ar á Náttúrufræðistofnun en við
röntgenmyndatöku kom í ljós að
fálkarnir, þrír að tölu, höfðu verið
skotnir með haglabyssu og sömu-
leiðis branduglurnar.
Friðaðir
fuglar í
frystikistu
Þessi fálki fékk
í sig högl og
fannst illa til
reika á Húsavík
á dögunum.
FRÁ og með 1. janúar næst-
komandi munu iðgjöld lög-
boðinna ökutækjatrygginga
hjá Sjóvá hækka um 4% en
jafnframt munu iðgjöld
kaskótrygginga lækka um
2%. Þá hækka iðgjöld lögboð-
inna ökutækjatrygginga
einkabifreiða sem skráðar eru
utan höfuðborgarsvæðisins
og Akureyrar um 7% og 9%
eftir því hvar á land-
inu bifreiðin er
skráð.
Samkvæmt upp-
lýsingum frá VÍS er
verið að skoða ið-
gjöld félagsins, sér-
staklega kaskó-
tryggingar og
húsnæðistrygg-
ingar, en engin
ákvörðun hefur enn verið tek-
in um breytingar á iðgjöld-
unum. Hjá Trygginga-
miðstöðinni er einnig
verið að fara yfir ið-
gjöld félagsins en
þeirri yfirferð er ekki
lokið. Samkvæmt upp-
lýsingum frá félaginu
má búast við ein-
hverjum hækkunum á
ökutækjatryggingum.
Í frétt frá Sjóvá
kemur fram að breyt-
ingarnar séu gerðar í kjölfar
skoðunar á afkomu af trygg-
ingunum. Afkoma lögboðinna
ökutækjatrygginga hafi
versnað til muna undanfarin
ár. Aftur á móti hafi afkoma
kaskótrygginga batnað á síð-
ustu árum og því lækki þau
iðgjöld. Iðgjöld lögboðinna
ökutækjatrygginga á lands-
byggðinni hafa að jafnaði ver-
ið lægri en á höfuðborgar-
svæðinu.
Samanburður á tjónakostn-
aði og iðgjöldum sýni að af-
koman á landsbyggðinni rétt-
læti að mati Sjóvár ekki þann
mismun sem verið hefur á ið-
gjöldum þar og á höfuðborg-
arsvæðinu og Akureyri og því
eru iðgjöld á þessum svæðum
hækkuð umfram almennar ið-
gjaldahækkanir. Iðgjöld á
landsbyggðinni verða þó
áfram mun lægri.
„Það hefur þó verið tekið
skref í þá átt að jafna þetta,“
segir Þór Sigfússon, sem í
vikunni tók við starfi forstjóra
Sjóvár. Aðspurður segir Þór
það engum geta dulist að af-
koman í vátryggingum hafi
verið bágborin.
„Það voru ákveðnar vís-
bendingar um það að slysatöl-
ur væru á niðurleið og vænt-
ingar voru um það að við
næðum aukinni hlutdeild, en
þegar við skoðum málið nú
sjáum við að tjónatölur hafa
ekki lækkað. Tölur sýna núna
að iðgjöld eru ekki í samræmi
við tjónin. Þess vegna þurfum
við að endurskoða þetta hjá
okkur.“
Breytingar verða á iðgjöldum ökutækjatrygginga Sjóvár – VÍS og TM að fara yfir iðgjöld sín
Ábyrgðartrygging hækkar, kaskó lækkar
Eftir Sunnu Ósk Logadóttur
sunna@mbl.is
Þór Sigfússon
TEKJUR stærstu sveitarfélaganna
á höfuðborgarsvæðinu af fasteigna-
sköttum á einstaklinga og atvinnu-
starfsemi hafa hækkað um 55–108%
á undanförnum sex árum. Tekju-
aukningin er minni á landsbyggð-
inni, og á Akureyri hafa tekjurnar
aukist um 16% á sama tíma.
Ein skýring þessarar hækkunar
er mikil hækkun fasteignamats hús-
næðis á höfuðborgarsvæðinu, en
fasteignaverð hefur hækkað um 37%
á höfuðborgarsvæðinu síðustu 12
mánuði.
Samanlagðar tekjur allra sveitar-
félaga á landinu af fasteignaskatti
hafa aukist um 40% á milli áranna
1999 og 2004, þó reiknað sé á verð-
lagi ársins 2004. Í Reykjavík hafa
tekjurnar aukist um 55% á þessu
tímabili, í Kópavogi um 108% og í
Hafnarfirði um 105%.
Sveitarstjórnarmenn á höfuðborg-
arsvæðinu segja að fleiri skýringar
en hækkandi fasteignamat skýri
auknar tekjur af fasteignasköttum.
Gunnar I. Birgisson, bæjarstjóri í
Kópavogi, bendir einnig á að fast-
eignamatið hafi staðið í stað eða jafn-
vel lækkað á fyrri hluta 10. áratug-
arins, á meðan kostnaður sveitar-
félaganna hafi hækkað. Því megi
segja að verið sé að bæta það upp að
einhverju leyti.
Ákvörðun um hvort álagningar-
hlutfall fasteignaskatts lækkar verð-
ur tekin hjá sveitarfélögunum á
næstu dögum, flestir halda að sér
höndum með að taka ákvörðun þar
til nýtt fasteignamat liggur fyrir í
næstu viku. Sveitarstjórnarmenn
sem rætt var við voru almennt ósátt-
ir við hversu seint það liggur fyrir.
Steinunn Valdís Óskarsdóttir
borgarstjóri segir að miðað við 25%
hækkun fasteignamats megi gera
ráð fyrir því að skatthlutfallið lækki
úr 0,32% í 0,27%. Spurð hvort ekki
hafi þurft að lækka álagningarhlut-
fallið fyrr, segir Steinunn að tekist
hafi verið nokkuð á um það við af-
greiðslu fjárlaga borgarinnar fyrir
líðandi ár, en niðurstaðan hafi verið
sú að gera það ekki á þeim tíma-
punkti.
Tekjur sveitarfélaga af fasteignasköttum stóraukast
Tekjurnar allt að
tvöfaldast á 6 árum
Eftir Brján Jónasson
brjann@mbl.is
Tekjur hafa hækkað | Miðopna
STEINUNN Valdís Óskarsdóttir,
borgarstjóri, opnaði formlega nýja
byggingu við Laugardalshöll við
hátíðlega athöfn í gær. Steinunn
sagði við það tækifæri að ákaflega
vel hefði til tekist að byggja við
Laugardalshöllina, mannvirki sem
allir landsmenn þekktu. Hún sagði
Höllina verða lyftistöng fyrir
íþróttaviðburði, sýningar og aðra
stórviðburði í höfuðborginni og
þakkaði Samtökum iðnaðarins fyrir
gott samstarf. Þá blessaði sr. Bjarni
Karlsson nýbygginguna áður en
frjálsíþróttafólk lék listir sínar í
nýja salnum. Þórólfur Árnason,
fyrrverandi borgarstjóri, Alfreð
Þorsteinsson, forseti borg-
arstjórnar og Steinunn Valdís Ósk-
arsdóttir ræða hér við Gísla Hall-
dórsson arkitekt og heiðursforseta
Íþróttasambands Íslands, en hann
teiknaði Laugardalshöllina á sínum
tíma.
Morgunblaðið/Ómar
Nýbygging tekin í notkun
THE WASHINGTONIAN, virt mán-
aðarrit sem gefið er út í höfuðborg
Bandaríkjanna, segir erfitt að rifja
upp betur heppn-
aða herferð fyrir
sölu tiltekinna mat-
væla en herferð
haustsins frá Ís-
landi. Í desem-
berhefti The Wash-
ingtonian eru
mörgum þáttum
mannlífs í borginni
gefnar einkunnir,
m.a. valdir bestu
blaðamennirnir,
sýningarsalir, verslanir og hetjur árs-
ins svo nokkuð sé nefnt.
Íslenska lambið og aðrar íslenskar
landbúnaðarafurðir fá mikið hrós.
Sagt er að íslenska lambið sé „ef til vill
besta lambakjöt sem bandarískir neyt-
endur eiga völ á“. Síðan segir: „Ef til
vill er SKYR stjarna markaðskynn-
ingar ársins. Ferskur ostur sem lítur
út og bragðast eins og jógúrt. Það er
framleitt úr undanrennu og er fitu-
snautt og næringarríkt.“
Baldvin Jónsson, verkefnisstjóri
Áforms sem unnið hefur að markaðs-
setningu íslenskra landbúnaðarafurða
vestra, var mjög ánægður með um-
sögn The Washingtonian, enda mikið
mark tekið á þessu virta tímariti.
Matvælaher-
ferð ársins
Baldvin Jónsson,
verkefnisstjóri.