Morgunblaðið - 05.12.2005, Blaðsíða 8

8 MÁNUDAGUR 5. DESEMBER 2005 MORGUNBLAÐIÐ
FRÉTTIR
Eftir umfangsmiklavinnu við breyt-ingar á skipulagi
miðbæjarins á Akureyri,
verður á næsta ári hafist
handa við framkvæmdir,
sem miða að því að bæta
skipulag, atvinnuforsend-
ur og mannlíf. Undirbún-
ingur þessara skipulags-
breytinga hefur staðið yfir
í mjög stuttan tíma, miðað
við umfang verksins og
fjölmargir lagt þar hönd á
plóginn.
Upphafsmaðurinn að þessu öllu
saman er Ragnar Sverrisson for-
maður Kaupmannafélags Akur-
eyrar en hann var orðinn þreyttur
á þeirri neikvæðu umræðu sem
var í gangi um miðbæinn og ákvað
að taka málið í sínar hendur. Hann
fékk til liðs við sig 14 öflug fyr-
irtæki og stofnanir, sem lögðu
fram umtalsverðar fjárhæðir til
verkefnisins. Í kjölfarið hófst svo
verkefnið undir yfirskriftinni Ak-
ureyri í öndvegi, sem vakið hefur
verðskuldaða athygli, bæði hér
heima og erlendis. Einn stærsti
þáttur verkefnisins var alþjóðleg
hugmyndasamkeppni sem Ráð-
gjafastofan Alta hafði umsjón með
en Alta hefur stýrt verkefninu
nánast frá upphafi. Verðlaunafé í
samkeppninni var 86.000 evrur og
var jafnframt gert ráð fyrir þeim
möguleika að kaupa afnotarétt
fleiri hugmynda. Næsta skref var
að efna til íbúaþings á Akureyri og
fór það fram í Íþróttahöllinni í
september í fyrra. Þar gafst bæj-
arbúum og öðrum áhugasömum
færi á að hafa áhrif á verkefnið
með vinnu með arkitektum og fag-
mönnum. Forsendur samkeppn-
innar tóku m.a. mið af þeim upp-
lýsingum sem söfnuðust á
íbúaþinginu. Bæjarbúar létu ekki
sitt eftir liggja því um 1.600
manns, eða um 10% bæjarbúa,
mættu á íbúaþingið, sem þótti tak-
ast einstaklega vel. Þessu til við-
bótar voru haldnir fundir með
hagsmunaaðilum og embættis-
mönnum bæjarins og því lætur
nærri að um 2.000 manns hafi
komið þar að málum. En það var
ekki aðeins á Akureyri sem áhugi
á þessu verkefni var mikill, því um
150 tillögur, frá um 40 löndum,
bárust í hugmyndasamkeppnina
og það var því ljóst að dómnefndin
átti mikið verk fyrir höndum.
Áræðni og drifkraftur
Keppnin hófst í nóvember í
fyrra eftir umfangsmikla vinnu
við skilgreiningu á forsendum
hennar. Keppnin var að ýmsu leyti
með nýstárlegu sniði, bæði vegna
hins umfangsmikla samráðs við
undirbúning hennar og ennfrem-
ur vegna þess hvernig veraldar-
vefurinn var hagnýttur sem upp-
lýsingamiðill. Þannig var þátttaka
um víða veröld mun auðveldari og
ódýrari en áður enda hafa aldrei
borist fleiri tillögur í samkeppni af
þessu tagi.
Tillaga Graeme Massie Archi-
tects í Edinborg í Skotlandi hlaut
fyrstu verðlaun í samkeppninni en
úrslitin voru kynnt við hátíðlega
athöfn á Hólum, húsi Menntaskól-
ans á Akureyri í maí í vor, um einu
ári eftir að Ragnar kaupmaður
lagði af stað með verkefnið. Í öðru
sæti var tillaga frá Ewu Wielinska
í Póllandi og tvær tillögur deildu
þriðja sætinu, önnur frá Þýska-
landi og hin tillagan var frá Ír-
landi. Að auki voru keyptar at-
hyglisverðar tillögur frá nokkrum
arkitektum. Á þessum tímapunkti
kom fram ríkur vilji hjá öllum sem
að málum komu, til að haldið yrði
áfram af fullum krafti með verk-
efnið, þannig að tillögurnar gætu
orðið að veruleika sem allra fyrst.
Við verðlaunaafhendinguna sagði
Kristján Þór Júlíusson bæjar-
stjóri að verkefninu hefði verið ýtt
úr vör af kraftmiklum einstakling-
um og fyrirtækjum sem bæru hag
bæjarins fyrir brjósti og yrði þeim
seint fullþakkað þetta glæsilega
frumkvæði. „Áræði þeirra og drif-
kraftur er til marks um það besta
sem hver bær getur alið.“ Eftir að
úrslit í samkeppninni lágu fyrir
var efnt til sýningar á öllum þeim
tillögum sem bárust. Jafnframt
hófst vinna stýrihóps, undir for-
ystu Kristjáns Þórs bæjarstjóra,
við frekari útfærslu á verðlauna-
tillögunum. Niðurstaða stýrihóps-
ins var svo kynnt um miðjan síð-
asta mánuð og þá var það
jafnframt ljóst að miðbærinn mun
í nánustu framtíð taka miklum
breytingum. Þar er m.a. gert er
ráð fyrir stórmarkaði í miðbæn-
um, umfangsmikilli íbúðarbyggð,
uppbyggingu Glerárgötu, síki frá
Pollinum og að Skipagötu, að hluti
Akureyrarvallar fari undir íbúða-
byggð og þar verði jafnframt fjöl-
skyldu- og skemmtigarður.
Bæjarstjóri sagði að skipulag
miðbæjarins mundi endurspegla
ásetning bæjaryfirvalda um að
hann yrði þungamiðja mannlífs og
menningar á Akureyri jafnt sem á
Norðurlandi. Tillögur stýrihóps-
ins voru kynntar á opnu húsi í
Amtsbókasafninu um síðustu
helgi og þangað komu fjölmargir
bæjarbúar til að kynna sér fyrir-
liggjandi hugmyndir. Tillögurnar
verða teknar til afgreiðslu á næsta
fundi umhverfisráðs og í bæjar-
stjórn í kjölfarið. Önnur stór sveit-
arfélag á landinu sem hafa farið af
stað með verkefni sem þetta, þar
sem íbúum hefur gefist kostur á
að láta skoðanir sínar í ljós á íbúa-
þingi, hafa öll horft til Akureyrar.
Fréttaskýring | Framkvæmdir við breyt-
ingar á miðbænum hefjast á næsta ári
Akureyri í
öndvegi
Verkefnið miðar að því að bæta skipu-
lag, atvinnuforsendur og mannlíf
Íbúaþingið heppnaðist mjög vel.
Ragnar var orðinn þreytt-
ur á neikvæðri umræðu

Oft veltir lítil þúfa þungu
hlassi, segir máltækið og það á
vel við þegar rætt er um verk-
efnið Akureyri í öndvegi. Ragnar
Sverrisson kaupmaður var orð-
inn þreyttur á neikvæðri um-
ræðu um miðbæinn. Hann tók því
málin í sínar hendur, fékk til liðs
við sig öflug fyrirtæki og stofn-
anir, sem hleyptu verkefninu af
stað. Verkefnið hefur vakið gríð-
arlega athygli bæði hérlendis og
erlendis.
Eftir Kristján Kristjánsson
krkr@mbl.is
ÍSLENSK börn af erlendum uppruna heimsóttu forseta
Íslands, Ólaf Ragnar Grímsson á Bessastöðum um
helgina. Tilgangurinn var að afhenda honum fyrsta
eintakið af geisladisknum „Úr vísnabók heimsins.“
Börnin sungu nokkur lög fyrir forsetann, en á geisla-
diskinum er að finna barnalög frá 18 löndum sungin á
15 tungumálum.
Ólafur Ragnar var ánægður með sönginn og þakkaði
kærlega fyrir sig.
Með lögunum vilja börnin vekja athygli á að að-
stæður barna í heiminum eru æði misjafnar og jafn-
framt vilja þau safna fé til styrktar bágstöddum börn-
um. Allar tekjur af sölu disksins renna óskiptar til
aðstoðar Rauða krossins við munaðarlaus börn í sunn-
anverðri Afríku.
Diskurinn er unninn að frumkvæði Ellenar Krist-
jánsdóttur söngkonu og Eyþórs Gunnarssonar tónlist-
armanns.
Morgunblaðið/Brynjar Gauti
Sungu fyrir forsetann
úr vísnabók heimsins
DR. ANNA Ingólfsdóttir, dósent í tölvunarfræði við
Álaborgarháskóla, sem sótti um stöðu dósents við tölv-
unarfræðiskor verkfræðideildar Háskóla Íslands, hefur
ákveðið að kæra til kærunefndar jafnréttismála ráðn-
ingu karlkyns umsækjanda á grundvelli gagna sem hún
telur að bendi til þess að hún sé hæfari samkvæmt öll-
um hefðbundnum akademískum matsvenjum. Að sögn
Önnu voru engin fagleg rök gefin fyrir vali umsækjand-
ans, hvorki í skor, deild né af rektor, þó svo að lög og
reglur háskólans kveði á um slíkt.
Anna hefur farið fram á rökstuðning háskólarektors
fyrir ráðningunni og bent rektor á að verkfræðideild
hafi gengið framhjá öllum innsendum gögnum og með-
mælum hennar.
Svörin sem bárust frá lögfræðingi rektors voru engan
veginn viðunandi að mati Önnu.
Ráðningarferlinu klúðrað
„Það sem gerir þetta mál enn bagalegra er að jafn-
réttisráð er nýbúið að veita HÍ jafnréttisviðurkenningu
og því hlýtur það að skjóta skökku við þegar karl er
tekinn fram yfir hæfari konu í deild þar sem nánast
engar konur gegna kennslu,“ segir Anna. „Ráðning-
arferlinu verður best lýst sem klúðri því hvorki er tekið
tillit til rannsóknareynslu umsækjenda né jafnrétt-
isáætlunar Háskóla Íslands, heldur byggist ákvörðun
verkfræðideildar eingöngu á mati á kennslu í grunn-
námi. Því til viðbótar eru ekki færð rök fyrir því að sá
sem stöðuna hlaut sé hæfari en ég í kennslu en látið
nægja að vitna í framburð eins deildarmanns um málið.
Svona meðferð mála býður einmitt upp á klíkuskap í
ráðningum sem því miður er allt of algengur við stofn-
unina.
Þessi meðferð mála, þ.e.a.s. að horfa algjörlega
framhjá rannsóknareynslu umsækjenda, stangast einn-
ig algjörlega á við þá auknu áherslu sem er á rann-
sóknir og rannsóknatengt nám í háskólaumhverfinu
bæði hér og annars staðar og kom til dæmis glögglega í
ljós í viðtali við rektora Háskóla Íslands og Háskólans í
Reykjavík í Kastljósi Ríkisútvarpsins nýlega.“
Telur Háskóla Íslands hafa
brotið jafnréttislögin
REKTOR Háskóla Íslands féllst á
sjónarmið verkfræðideildar varðandi
ráðningu Kristjáns Jónassonar og
sendi Önnu Ingólfsdóttur umsækj-
anda bréf þar sem rökstuðningur
rektors var reifaður. Í bréfi rektors
til Önnu hinn 18. nóvember er vísað
til sjónarmiða fundar verkfræðideild-
ar frá 8. júní en þar var komist að
þeirri niðurstöðu að óska eftir því að
Kristján yrði ráðinn dósent. Í niður-
stöðunni er þess einnig getið að deild-
in hafi lagt áherslu á kennsluþátt
starfsins. Mat deildarinnar var að
Kristján væri afburðagóður kennari
og ætti auðvelt með að fá nemendur
til samstarfs. Þrátt fyrir mikla
reynslu Önnu á sviði rannsókna og
kennslu væri það mat deildarinnar að
Kristján væri hæfari til að gegna
starfinu, enda hefði hann farsælan
rannsókna- og kennsluferil að baki
við HÍ. Niðurstaða fundarins var
byggð á þeirri reynslu sem einstaka
kennarar innan deildarinnar hefðu
haft af samstarfi við þessa umsækj-
endur.
Reynt að leggja eins hlutlægt
mat á umsækjendur og unnt er
Kristín Ingólfsdóttir rektor HÍ
segir í samtali við Morgunblaðið að
ráðningarferli við HÍ sé tvíþætt, ann-
ars vegar er skipuð dómnefnd sem
metur menntun, rannsóknavirkni og
kennslureynslu. „Að því loknu fer
umsóknin til meðferðar hjá viðkom-
andi deild sem greiðir atkvæði að
teknu tilliti til dómnefndarálits. Einn-
ig er tekið tillit til árangurs í kennslu
og tekið mið af almennum þáttum, s.s.
samskiptahæfileikum og fleiru. Þessi
niðurstaða er send rektor sem virðir
að jafnaði niðurstöðu úr þessu ferli og
það er það sem gerðist í þessu tilviki.
Það er reynt að leggja eins hlut-
lægt mat á umsækjendur og unnt er
og leitast við að komast að bestu nið-
urstöðunni. Auðvitað eru ekki allir
alltaf ánægðir með niðurstöðuna og
þá hefur fólk ýmis úrræði s.s. að
kæra.“
Aðspurð hvort það skjóti ekki
skökku við að karl sé tekinn fram yfir
konu við deild sem nánast alfarið er
skipuð körlum, á sama tíma og HÍ
hefur hlotið jafnréttisviðurkenningu,
segir Kristín að HÍ hafi lagt áherslu á
jafnréttismál eins og dæmin sanni.
„Það að karl sé valinn í stað konu er
niðurstaða tvíþætts ferlis, þar sem
tekið er tillit til hinna mismunandi
þátta eins og ég áður nefndi.“
Rektor fellst á sjónarmið
verkfræðideildar skólans