Morgunblaðið - 27.12.2005, Blaðsíða 14

14 ÞRIÐJUDAGUR 27. DESEMBER 2005 MORGUNBLAÐIÐ
SKER Í TRÉ
Hér er gott að vera og kött-urinn er góður fé-lagsskapur,“ segir lista-maðurinn Teddi, eða
Magnús Theódór Magnússon, og
strýkur kettinum Gosa um bakið.
Teddi sagar, heggur og sker í tré
dagana langa þar sem hann hefur
komið sér vel fyrir með vinnustofu í
Arnarholti á Kjalarnesi. Húsnæðið
er þrjú hundruð fermetra stórt,
enda veitir ekki af fyrir stórar högg-
myndir hans. „Ég hef gert mér litla
íbúð hér inn af og dvel hér nokkra
daga í viku en á mitt lögheimili og
eiginkonu í Reykjavík. Ég held svei
mér þá að hjónabandið hafi aldrei
gengið eins vel og eftir að ég fór að
vera svona mikið hérna á Kjalarnes-
inu. Við Gosi erum miklir vinir og
við spjöllum oft saman og hann held-
ur niðri músunum fyrir mig. Hér er
ég eins og lítill kóngur í ríki mínu.“
Viður er eins og mannfólkið
Teddi hefur einbeitt sér að list
sinni undanfarin fimmtán ár og
hann vinnur mest með tré, ál og
kopar, og ekki finnst honum verra ef
viðurinn er forn. „Mér áskotnaðist
hundrað ára gamall álmur úr garði
sænska sendiráðsins sem þurfti að
fella og ég er að leggja lokahönd á
verk sem ég vann úr því,“ segir
hann og strýkur ávalar línur högg-
myndarinnar. „Þetta er eins og
kona, mjúkur og yndislegur viður.“
Gamlir hlutir öðlast nýtt líf í
höndum Tedda, hvort sem það er
stefni eða aðrir hlutar úr skipum
sem hafa strandað, eða maðkétnir
og fúnir bryggjustólpar sem hafa
marað í sjó í hálfa öld eða meira.
Gamall viður ber í sér svo mikla
sögu og það finnst honum eftirsókn-
arvert. Hann leyfir líka gömlu ryðg-
uðu járni sem er hluti af timbrinu að
njóta sín.
„Viður er nauðalíkur mannfólki að
því leyti að í honum eru óendanlegir
möguleikar. Maður veit aldrei hvað
liggur innan við yfirborðið.“
Teddi er óhræddur við að fara sín-
ar eigin leiðir í listsköpuninni og
glettnin er skammt undan. Hægt er
að sjá endalausar myndir úr verk-
unum og engir tveir sjá það sama.
„Nafntogaður maður í þjóðfélaginu
sagði eitt verkið mitt minna sig á
Síðumúlafangelsið. Ég hafði aftur á
móti gefið því nafnið Frelsi. En þeg-
ar ég fór að hugsa það betur komst
ég að því að frelsi er ekki til, því það
er alltaf hinum megin við fjallið eða
handan við næstu þúfu. Ég end-
urskírði því verkið sem nú heitir Til
frelsis.“
Verkin hans Tedda hafa farið víða
og verið sýnd í Þýskalandi, á Spáni, í
Halifax og Færeyjum. Hann hefur
sótt námskeið til Finnlands og
Þýskalands og eins segir hann graf-
íska vinnu sína til margra ára við
offsetprentun hafa nýst sér vel.
Rambó kemur upp úr lauginni
„Margir halda að ég sé flinkur í
höndunum en það er alls ekki rétt.
Ég hef aftur á móti villt ímyndunar-
afl og læt vaða í sköpun minni.“
Teddi er alsæll í Arnarholti en
segist hafa fundið fyrir þó nokkrum
kulda fyrst eftir að hann kom þang-
að. „Það er ekki laust við að ég hafi
verið smeykur hérna til að byrja
með. Ég fékk því prest til að blessa
húsið og þetta lagaðist smátt og
smátt og nú líður mér afskaplega vel
hér. Ég fer í sund hér í hverfinu á
hverjum degi til að halda geðheils-
unni. Ég er kannski eins og skrukka
þegar ég fer í laugina en eins og
Rambó þegar ég kem upp úr.“
 LIST | Teddi er óhræddur við að fara sínar eigin leiðir í listsköpun
Morgunblaðið/Árni SæbergTeddi situr hér stoltur við eitt listaverka sinna og er það ansi voldugt að sjá.
Fjölbreytt verk er um allt í vinnustofu Tedda í Arnarholti.
Kóngur
í ríki sínu
Eftir Kristínu Heiðu Kristinsdóttur
khk@mbl.is
NÝLEGA opnaði hönnunarfyr-
irtækið Normann Copenhagen
verslun í Kaupmannahöfn þar sem
salarkynnin gera mikið fyrir vöru-
úrvalið. Í húsnæðinu var áður kvik-
myndahús og þar er hátt til lofts og
vítt til veggja.
Margar skemmtilegar búðir eru í
Østerbrohverfinu í Kaupmanna-
höfn og ein þeirra er hin nýja stóra
verslun Normann Copenhagen.
Hún stendur við Østerbrogade 70, í
þríhyrningnum svokallaða
(Trianglen).
Búðin lætur ekki mikið yfir sér
þegar staðið er úti á götu en þegar
inn er komið tekur annað við. Gínur
íklæddar fötum ýmissa hönnuða,
danskra og erlendra, standa í
löngum gangi sem gestir þurfa að
ganga áður en komið er inn í salinn
stóra. Þar er svo bjart og hátt til
lofts að sumir taka andköf.
Hugsunin með versluninni er að
koma á óvart og það tekst. Blandan
er skemmtileg; litlir hlutir eins og
bakkar, bollar eða diskar sem
venjulegt fólk hefur ráð á, stór (og
dýr) húsgögn eins og sófar, skápar,
stólar og borð, og svo föt og skór
eins og í tískuverslun. Að auki eru
reiðhjól, ilmvötn og skartgripir á
boðstólum. Ekki hefðbundin
blanda.
Lýsingin kemur frá loftljósunum
þekktu sem sjást á myndunum, auk
kastara og annars konar lampa. Í
desember var hvítt jólaskraut áber-
andi; englavængir, lítil jólatré úr
fjöðrum, jólakúlur og ljós. Heild-
armyndin í þessu bjarta og rúm-
góða rými er a.m.k. skemmtileg og
það kostar ekkert að kíkja ef mað-
ur er á annað borð í Kaupmanna-
höfn.
Skemmti-
leg heild-
armynd
 HÖNNUNARBÚÐ
Morgunblaðið/Steingerður
FÆÐU-
OFNÆMI
daglegtlíf
ídesember