Fréttablaðið - 12.03.2003, Blaðsíða 15
■ ■ SÝNINGAR
Þorbjörg Þórðardóttir sýnir listvefn-
að í fordyri Hallgrímskirkju. Verkin eru
unnin í ull, hör, sísal og hrosshár.
Sýning Blaðaljósmyndarafélags Ís-
lands á ljósmyndum ársins stendur yfir í
Gerðarsafni, Listasafni Kópavogs. Á
neðri hæðinni eru auk þess sýndar ljós-
myndir Ólafs K. Magnússonar frá fyrstu
20 árum hans á Morgunblaðinu.
Franski myndlistarmaðurinn Serge
Comte sýnir í Nýlistasafninu. Hann er
búsettur hérlendis en hefur að mestu
sýnt erlendis, einkum í París, þar sem
hann hefur átt velgengni að fagna.
Finnbogi Pétursson myndlistarmað-
ur sýnir innsetningu í Kúlunni í Ás-
mundarsafni þar sem hann myndgerir
hljóð.
Tassó Elías Englezos opnaði um
síðustu helgi sýningu á málverkum sín-
um á Caffé Kúltúre í Alþjóðahúsinu við
Hverfisgötu.
Helgi
Þorgils Frið-
jónsson er
með einka-
sýningu á
Kjarvals-
stöðum.
Hann sýnir
þar eingöngu
ný málverk.
15MIÐVIKUDAGUR 12. mars 2003
LJÓSMYNDIR Í Gerðarsafni í Kópa-
vogi stendur yfir sýning Blaða-
ljósmyndarafélags Íslands á úr-
vali frétta- og blaðaljósmynda
ársins 2002. Á neðri hæð safnsins
gefur jafnframt að líta ljósmyndir
Ólafs K. Magnússonar frá fyrstu
tuttugu árum hans á Morgunblað-
inu.
„Þessi sýning hefur stækkað
jafnt og þétt á undanförnum
árum. Fyrst voru sýndar 70 til 80
ljósmyndir, en núna eru 229
myndir á sýningunni,“ segir Jón
Svavarsson ljósmyndari, sem sá
um uppsetningu sýningarinnar.
„Sendar voru á sjötta hundrað
myndir inn í forvalið, en svo var
valið úr þeim á sýninguna.“
Fjögurra manna dómnefnd
valdi svo bestu myndirnar í níu
flokkum, meðal annars landslags-
mynd ársins, þjóðlegustu mynd
ársins, fréttamynd ársins og
íþróttamynd ársins.
Það var Gísli Egill Hrafnsson
sem tók myndina frægu af Guðna
Ágústssyni, sem var valin bæði
besta mynd ársins og skopmynd
ársins.
Fréttamynd ársins var hins
vegar valin mynd Júlíusar Sigur-
jónssonar á Morgunblaðinu, sem
hann tók þegar liðsmenn Falun
Gong voru leystir úr haldi í Njarð-
víkurskóla. ■
FRÉTTAMYND ÁRSINS
Ljósmynd Júlíusar Sigurjónssonar á Morgunblaðinu er meðal ljósmynda á sýningu Blaðaljósmyndarafélags Íslands í Gerðarsafni.
Bestu blaðamyndirnar
■ SÝNING