Fréttablaðið - 11.04.2003, Blaðsíða 7
FYRIR RÉTTI „Ég fullyrði að þessar
myndir eru ekki eftir föður minn,“
sagði Svavar Guðni Svavarsson,
sonur listmálarans Svavars Guðna-
sonar, en verk eftir hann eru áber-
andi í Stóra málverkafölsunarmál-
inu sem enn er fyrir Héraðsdómi
Reykjavíkur.
Svavar Guðni skoðaði fyrir rétti
67 myndir sem véfengdar hafa ver-
ið og hafnaði því staðfastlega að
þær gætu verið eftir föður hans.
„Nei, nei og aftur nei... Það vantar
allan kraft í þetta, ég hef aldrei séð
þessar myndir fyrr, nema hjá lög-
reglu.“ Og enginn í réttarsalnum
þurfti að velkjast í vafa um að hug-
ur fylgdi máli vitnisins.
Sonur listmálarans snjalla sagði
af því fræga sögu þegar Svavar bað
konu sína nótt eina að færa sig,
svipti lakinu af rúminu og málaði
eina af sínum albestu myndum.
Vildu verjendur hafa það til marks
um að efni sem Svavar málaði á
væri fjölbreytilegt. Þegar vitnið
hafði lokið máli sínu létu verjendur
færa til bókar að Svavar Guðni
hefði hafnað því að mynd, merkt til-
vik DK-15, væri höfundarverk
Svavars. Sú mynd er reyndar mjög
ólík efnistökum þeim sem Svavar
Guðnason er þekktur fyrir, en þá
mynd mun ákærði Jónas Freydal
hafa keypt af Ástu Eiríksdóttur,
ekkju Svavars. Hvort sú mynd
muni reynast jóker í spilastokknum
og skipta máli kemur væntanlega í
ljós í lokaræðu verjandans og síðar
í dómi.
Thor Vilhjálmsson rithöfundur
kom til að bera vitni en hann var
vinur Svavars og þekkir list hans
gjörla. Hann baðst undan því að
skoða myndirnar sem hann hafði
áður farið yfir hjá lögreglu. „Þarf
ég að fara í pyttinn aftur? Í það
myrka djúpið? Því fylgir mikil van-
líðan.“ Thor staðfesti fyrir rétti
skýrslu sem hann gaf við það tæki-
færi. Þegar Thor var þökkuð kom-
an spurði Jón H. Snorrason sækj-
andi hvort hann vildi bæta ein-
hverju við framburð sinn. Þá greip
rithöfundurinn aldni til orðkynngi
sinnar og sagði eitthvað á þessa
leið: „Þetta er mikið átak og ekki
sársaukalaust, þungbært. Ég er
ekki maður eins og Herkúles, sem
þarf að moka flórinn einn. Hér þarf
samstillt átak góðra manna og ég er
feginn að geta stuðlað að því að
þessi flór sé mokaður. Við Kjarval
vorum nánir vinir og manni svellur
móður þegar farið er að herma
þessa menn, sem eru tveir okkar
bestu. Og þetta hugarfar, að ein-
hver skuli dirfast að fremja slíkt
verk...“ Þegar þarna var komið
sögu stöðvaði dómarinn Pétur Guð-
geirsson Thor og þakkaði honum
kærlega fyrir ómakið.
Lungi gærdagsins fór hins vegar
í spurningar verjenda til Viktors
Smára Sæmundssonar forvarðar.
Mikið púður fór í að velta fyrir sér
uppruna efnisins alkyd sem Viktor
fann í flestum þeirra mynda sem
hann hafði til rannsóknar. Forvörð-
urinn vill meina að það hafi ekki
komið á markað fyrr en löngu eftir
ársetningu flestra verkanna, og
jafnvel eftir dánardægur sumra
þeirra listmálara sem til umfjöllun-
ar eru. Fram kom í spurningum
verjenda að efnið hefði verið komið
fyrr á markað, eða um 1920, og þeir
reyndu að leiða að því líkum að list-
málararnir hefðu hugsanlega haft
tök á að brúka það.
jakob@frettabladid.is
8 11. apríl 2003 FÖSTUDAGUR
FIMM EFSTU:
Jón Magnússon
hæstaréttarlögmaður
Ásgerður Jóna Flosadóttir
stjórnmálafræðingur
Ragnheiður Hauksdóttir
ferðamarkaðsfræðingur
Jónas Antonsson
háskólanemi
Guðrún Hulda Eyþórsdóttir
mannfræðingur
Amen
Dagar írösku þjóðarinnar eru
taldir og við blasir ofurkristið
leppríki á borð við Filippseyjar.
Ásgeir Hannes Eiríksson.
DV, 10. apríl.
Græðgi en ekki fátækt
Og fyrir nokkrum mánuðum gaf
Davíð lítið fyrir þann fjölda ein-
staklinga sem sækir nauðsynjar
til mæðrastyrksnefndar; Íslend-
ingar, sagði hann, hafa alltaf
verið tilbúnir að elta það sem er
ókeypis.
Jón Kalmann Stefánsson, rithöfundur.
Morgunblaðið, 10. apríl.
Að borða fíl í einum bita
Ef litið er um öxl má segja að
helsti galli en jafnframt kostur
OZ var hversu stórhuga við vor-
um.
Skúli Mogensen, forstjóri OZ.
Morgunblaðið, 10. apríl.
Orðrétt
BANKARÁN Nítján ára piltur, sem
hefur verið í haldi lögreglunnar
vegna vopnaðs ráns í Sparisjóði
Hafnarfjarðar í síðustu viku, hef-
ur játað á sig ránið. Honum hefur
verið sleppt og bíður nú ákæru.
Lögreglan í Hafnarfirði segir
piltinn hafa vísað á mestan hluta
ránfengsins en öðru hafi hann
eytt. Hingað til hefur ekki verið
hægt að fá uppgefið hversu hárri
fjárupphæð pilturinn náði. Sam-
kvæmt heimildum Fréttablaðsins
er hún talsvert hærri en sem
nemur einni milljón króna. Þá
hafi misræmis gætt í byrjun hjá
Sparisjóðnum og piltinum hversu
hárri upphæð var stolið. Pilturinn
hafi lengi vel haldið því fram að
hún hefði verið mun lægri. Krist-
ján Ólafur Guðnason, aðstoðaryf-
irlögregluþjónn í Hafnarfirði,
staðfesti þetta. Pilturinn hefði að
lokum samþykkt sömu upphæð.
Rannsókn málsins væri að mestu
lokið.
Sem fyrr segir vísaði pilturinn
lögreglu á hluta ránsfengsins.
Heimildir herma að pilturinn hafi
farið með lögreglu út fyrir Hafn-
arfjörð og suður með sjó. Þar
hafði hann verið búinn að koma
peningunum fyrir á víðavangi.
Jón Höskuldsson, lögmaður
piltsins, vildi sem minnst tjá sig
um málið að öðru leyti en því að
pilturinn hefði sýnt lögreglu mik-
inn samstarfsvilja eftir að játning
lá fyrir. Vildi hann taka fram að
pilturinn væri reglusamur og
ekki í neinum tengslum við áfengi
eða fíkniefni. ■
BANKARÆNINGINN
Piltinum hefur nú verið sleppt eftir að hann játaði að hafa framið vopnað rán í Sparisjóði
Hafnarfjarðar 1. apríl síðastliðinn.
Bankaræninginn játar á sig brotið:
Faldi ránsfeng-
inn á víðavangi
Nýtt afl í Reykjavík
suður:
Jón efstur
STJÓRNMÁL Stjórnmálahreyfingin
Nýtt afl hefur stillt upp framboðs-
lista í Reykjavíkurkjördæmi suð-
ur.
Jón Magnússon hæstaréttar-
lögmaður skipar efsta sæti listans
og í öðru sæti er Ásgerður Jóna
Flosadóttir hjá Mæðrastyrks-
nefnd. Jón segir að Nýtt afl hygg-
ist bjóða fram lista í öllum kjör-
dæmum og verið sé að vinna að
því þessa dagana. Í dag reikni
hreyfingin með því að tilkynna
framboðslista sinn í Suðvestur-
kjördæmi. ■
JÓN MAGNÚSSON
Jón leiðir lista Nýs afls
í Reykjavík suður.
Manni svellur móður þegar
farið er að herma þessa menn
Í gær fóru verjendur Péturs Þórs Gunnarssonar og Jónasar Freydals í saumana á flestum þeirra
tilvika sem forvörðurinn Viktor S. Sæmundsson hafði áður gert grein fyrir í Stóra málverkaföls-
unarmálinu. Hins vegar hitnaði í réttarsalnum þegar líða tók á daginn.
UNA DÓRA COPLEY OG SVAVAR
GUÐNI SVAVARSSON
Börn listmálaranna Nínu Tryggvadóttur og
Svavars Guðnasonar, saman komin fyrir
utan réttarsal 101. Bæði hafa borið stað-
fastlega að hin véfengdu verk foreldranna,
sem fyrir rétti eru, séu fölsuð.
KRAFTLAUST VERK
Þetta er eitt þeirra verka af 67, olíumálverk
á léreft 101,5x76,5, sem Svavar Guðni
neitaði staðfastlega að væri eftir föður sinn.
DK-15
Þetta litla verk, túss á pappír 29 x 39,
reyndist jóker í spilastokknum. Jónas Frey-
dal mun hafa keypt það af ekkju Svavars
Ástu Eiríksdóttur á sínum tíma og er það
ekki talið falsað.
THOR VILHJÁLMSSON
Stal senunni einu sinni sem oftar og
baðst undan því að fara í myrka djúp-
ið og berja augum hin véfengdu verk,
því fylgi mikil vanlíðan.
FR
ÉT
TA
B
LA
Ð
IÐ
/R
Ó
B
ER
T