Fréttablaðið - 27.05.2003, Blaðsíða 30
30 27. maí 2003 ÞRIÐJUDAGUR
...fær Guðni Bergsson fyrir að
halda áfram að spila með
landsliðinu þótt hann sé hættur
að spila fótbolta.
Hrósið
■ Leiðrétting
Að gefnu tilefni skal tekið fram að Frelsi
Símans virðist ná alla leið inn í bókhaldið.
■ Veistu svarið?
Svör við spurningum á bls. 6
1.
2.
3.
1. júní.
Heiðrún Jónsdóttir.
Ragnhildur Steinunn
Jónsdóttir.
Íslenski fáninn að húni hvern 17. júní
Ib Árnason Riis komst í heims-fréttirnar eftir að Lundúnablað-
ið Sunday Times birti fréttir af
því að samkvæmt gögnum sem
nýlega hafa verið gerð opinber
hafi breska leyniþjónustuan haft
grun um að hann læki upplýsing-
um í Þjóðverja. Ib þvertekur fyrir
þetta og segist ekki hafa haft hug-
mynd um hvað dulkóðuð skeyti
sem hann sendi hafi innihaldið. Í
bók Ásgeirs Guðmundssonar,
Gagnnjósnari Breta á Íslandi, seg-
ir Ib sögu sína.
IB er fæddur í Hellerup í Dan-
mörku. Foreldrar hans voru bæði
fædd á Ísafirði og var íslenska töl-
uð á heimilinu í Danmörku. Eftir
að Þjóðverjar hertóku Danmörku
var hann sendur til Íslands til að
njósna fyrir Þjóðverja. Ib komst í
land við Langanes í apríl 1942.
Hann gaf sig fram við bresk hern-
aðaryfirvöld og gerðist gagn-
njósnari Breta hér á landi.
Á stríðsárunum kynntist Ib
eiginkonu sinni, Sigrúnu Þórar-
insdóttur. Ib var ekki sáttur við
hvernig Bretar launuðu honum
starfann í stríðinu og taldi sig
hafa verið settan út í kuldann.
Fjölskyldan fluttist til Danmerk-
ur við lok stríðsins. Þar gekk illa
að finna framtíðarstarf og kom
fjölskyldan til Íslands 1947.
Tveimur árum síðar fluttist hún
aftur til Danmerkur og þaðan til
Kanada.
1955 flutti fjölskyldan til Kali-
forníu. Ib og Sigrún eignuðust
fjögur börn sem öll búa í Banda-
ríkjunum. Þau reistu sér heimili í
Pacifica í Kaliforníu. Ib starfaði
lengst af á Sjóminjasafninu í San
Francisco. Sigrún starfaði lengi á
bæjarbókasafninu í Pacifica. Ib er
bandarískur ríkisborgari en seg-
ist líta á sig sem Íslending og
dregur íslenskan fána að húni við
heimilið hvern 17. júní. ■
IB ÁRNASON RIIS
Gekk illa að fá vinnu eftir stríðið og fluttist
vestur um haf og býr í Kaliforníu.
Persónan
IB ÁRNASON RIIS
■ var gagnnjósnari Breta á Íslandi. Bretar
launuðu honum illa greiðann. Hann flutt-
ist á endanum til Kaliforníu fyrir tæpri
hálfri öld og bjó þar ásamt konu sinni og
fjórum börnum.
Regnbogi meistarans
yfir Suðursveit
BÓKMENNTIR Málþing um Þórberg
Þórðarson verður haldið að
Hrollaugsstöðum í Suðursveit á
uppstigningardag, þann 29. maí.
Tækifærið verður einnig notað til
þess að ganga frá formlegri stofn-
un sjálfseignarstofnunar um Þór-
bergssetur að Hala og skrifað und-
ir samstarfssamning við tíu rann-
sóknar- og menningarstofnanir
um uppbyggingu setursins.
Hægt er að nálgast dagskrá
ráðstefnunnar og skrá sig til þátt-
töku á vefnum www.thorbergur.is
en þar má einnig finna fjöldann
allan af greinum um Þórberg,
verk hans, ritaskrá og tilvitnanir í
meistarann sjálfan en vefurinn
var síðast tekinn hressilega í gegn
á afmælisdegi meistarans þann
12. mars.
Þorbjörg Arnórsdóttir kom að
gerð síðunnar ásamt „galdra-
mönnunum“ hjá vefsmiðjunni
Galdri á Höfn í Hornafirði. Hún
segir starf þeirra hafa fallið í frjó-
an jarðveg í Háskólanum og
fræðasamfélaginu og þannig hafi
stofnun sjálfseignarstofnunarinn-
ar komið til. „Setrið sjálft mun
ekki rísa í bráð. Í það minnsta ekki
næstu tvö árin en það mun standa
fyrir fleiri málþingum sem við
ráðgerum að gera að árlegum við-
burði.“
Meginmarkmiðið með stofnun
setursins og uppsetningu vefjar-
ins er að leggja áherslu á þann
menningararf sem Suðursveit á í
verkum Þórbergs og viðhalda
staðbundinni þekkingu sem hefur
verið á nokkru undanhaldi í
breyttum heimi.
Málþingið verður sett við minn-
isvarðann um Þórberg ofan við
gamla bæinn á Hala. Fjöldi erinda
um Þórberg verður haldinn og
þeir sem leggja orð í belg eru með-
al annarra Soffía Auður Birgis-
dóttir bókmenntafræðingur, Pétur
Gunnarsson rithöfundur og Vé-
steinn Ólason prófessor. Þá mun
Svavar Sigmundsson frá Örnefna-
stofnun fjalla um örnefnin hjá
Þórbergi, Hjörleifur Guttormsson
kynnir Suðursveit og Helga Jóna
Ásbjörnsdóttir segir frá Sobbegga
afa og Mömmugöggu. ■
ÞORBJÖRG ARNÓRSDÓTTIR
„Við erum fyrst og fremst að vekja athygli á tengslum Þórbergs við sveitina en það vill svo
heppilega til að umhverfi og saga Suðursveitar er að hluta til skrifuð inn í verk hans. Ég
held að það megi segja að engin önnur sveit eigi sambærilegan menningararf og þetta
býður upp á ýmsa möguleika í menningartengdri ferðaþjónustu og annarri nýrri atvinnu-
starfsemi.“
Sobbeggi afi
■ Málþing um meistara Þórberg Þórðar-
son verður haldið á Hrollaugsstöðum á
fimmtudaginn. Fjöldi skemmtilegra fyrir-
lesara tekur þátt í þinginu og Þórbergur
sjálfur mun mæta í eigin persónu þegar
Jón Hjartarson leikari stígur á svið.
Fjölmiðlafræði | samfélags- og hagþróunarfræði | sálarfræði | lögfræði
www.unak.is
Nánari upplýsingar á heimasíðunni og í síma 463 0900. Umsóknarfrestur er til 5. júní 2003.
Nýtt og spennandi nám við félagsvísinda- og lagadeild
ARNALDUR INDRIÐASON
Danskir gagnrýnendur eru yfir sig hrifnir af
Mýrinni og segja hana meðal annars
glæpasögu í hæsta gæðaflokki.
Brimsaltur
reyfari
BÆKUR Sakamálasagan Mýrin eftir
Arnald Indriðason kom út í Dan-
mörku nýlega og þarlendir fjöl-
miðlar hafa undanfarið birt um
hana afskaplega lofsamlega
dóma. Gagnrýnandi Weekend-
avisen segir Mýrina vera glæpa-
sögu í hæsta gæðaflokki og hún
hafi verðskuldað verið kosin
besta norræna glæpasagan í
fyrra.
Politiken hrósar stíl bókarinn-
ar og segir hana „frábæra afþrey-
ingu“ og hún sé „í senn kjaftfor og
mannleg“. Gagnrýnandi In-
formation slær heldur ekki af og
segir Mýrina „brimsaltan og fjári
vel saman settan og skrifaðan bita
frá sögueyjunni“. Hann segir bók-
ina ekki vera fyrir viðkvæmar
sálir. „Sviðið er regnvot Reykja-
vík, það er dimmt og drungalegt
haust, og hrifnir Íslandsfarar sem
vonast kannski eftir fögrum nátt-
úrulýsingum og hugljúfum skáld-
skap geta gleymt öllu slíku.“ ■
Þó hugmyndin hljómi kannskivel er þetta fölsk vörn,“ segir
Þórólfur Guðnason, læknir á sótt-
varnardeild landlæknisembættis-
ins, um ferðamenn sem hafa tekið
upp á því að ferðast með hanska
til að forðast HABL-smit erlendis.
„Þó hanskarnir hlífi höndunum er
viðkomandi alltaf í snertingu við
hanskana og spurning hvernig
ætti að framkvæma þetta,“ segir
Þórólfur, sem hvetur ferðamenn
frekar til að þvo sér reglulega um
hendur og gæta ítrasta hreinlætis
á ferðalögum sínum. „Sjálfur
væri ég hræddari við salmonellu
á ferðalagi í Evrópu vegna þess
að álfan er enn vel sett hvað
HABL varðar. Fólk ætti að gæta
þess vel að þvo alla ávexti og
grænmeti sem það neytir erlend-
is. Það er það sem gildir í Evr-
ópu,“ segir sóttvarnalæknirinn.
Mikið er hringt í Landlæknis-
embættið þessa dagana frá fólki
sem er að leggja í ferðalög og vill
fá að vita hvað varast eigi í til-
teknum löndum. Þórólfur gefur
alltaf sama svarið: Gæta hrein-
lætis og þvo sér reglulega um
hendur. Þó hanskar séu ágætir til
síns brúks og notaðir af starfs-
fólki á sjúkrahúsum sé það hand-
þvotturinn sem sé reglan og
besta vörnin gegn smiti. Hansk-
arnir komi sér vel í návígi við
blóð og annað slíkt en þegar allt
kemur til alls sé það handþvott-
urinn sem gildi. ■
Hanskar fölsk vörn gegn HABL
HANSKAR
Handþvotturinn haldbetri á ferðalögum.
HABL
■ Ferðamenn hafa í auknum mæli tekið
upp á því að ferðast með hanska til að
forðast smit af bráðalungnabólgunni. Það
er í raun óþarfi í Evrópu.
VALA FLOSADÓTTIR
Sumarmót kennt við hana á Bíldudal.
Vala til
Bíldudals
ÍÞRÓTTIR Vala Flosadóttir mætir á
sumarmót íþróttasinnaðrar æsku
sem haldið verður á Bíldudal í
sumar. Mótið er kennt við Völu
sjálfa en hún er sem kunnugt er
alin upp á staðnum og á þar rætur.
Hafa börn og táningar á Bíldudal
verið dugleg við æfingar fyrir
Völumótið og hlakka mjög til komu
íþróttagoðsins, sem fyrr í vor
dvaldi í þrjár vikur í æfingabúðum
á Kúbu. Segir Vala íþróttaanda á
Kúbu stórmerkilegan og góðan.
Vala vinnur nú að því að fínpússa
stangarstökktækni sína og ætlar
að sýna sínar bestu hliðar á sumar-
hátíðinni í Bíldudal því hún veit
sem er að þar munu mörg lítil augu
mæna til hennar og ungviðið taka
hana sér til fyrirmyndar. ■