Fréttablaðið - 11.10.2003, Side 8

Ari Edwald, talsmaður Samtakaatvinnulífsins, sagði í Frétta-
blaðinu í gær að umræða um mál-
efni verkafólks við Kárahnjúka
væri í „hefðbundnum upp-
hrópanastíl“.
Jæja góði?
Verkamenn við Kárahnjúka
reyna að halda hita á löppunum á
sér með því að troða dagblöðum í
skóna sína. Þeir setja plastpoka
utan um sokkaræflana til að reyna
að varna því að verða strax hold-
votir. Þeir þurfa að fara í verkfall
til að fá ullarsokka og skárri skó.
Haldi þeir áfram baráttu fyrir
mannsæmandi aðstæðum eru þeir
reknir. Þeir þurfa að hóta að legg-
ja aftur niður vinnu ef þeir sem
vinna við logsuðu fá ekki fljótlega
hlífðargleraugu.
Verkfall til að fá ullarsokka
árið 2003!
Og er þá fátt eitt talið. Upp-
sagnarbréfin í höndum Impregilo.
Lélegur matur, sérstaklega fyrir
útlendinga. Ómögulegir, kaldir og
þröngir svefnskálar. Léleg eða
engin aðstaða til að hvíla sig og
hlýja sér. Dónalegt viðmót hinna
ítölsku herra. Brottrekstur af
minnsta tilefni. Léleg heilsugæsla
- a.m.k. fram að þessu. Ég
gæti haldið svona áfram.
Nefnum ekki launamálin
ógrátandi.
En það eru sem sagt
„hefðbundnar upphrópan-
ir“ að hafa orð á þessu.
Þakka þér kærlega fyrir,
Ari Edwald, að benda okk-
ur á það. Þú ert áreiðan-
lega fínn maður, hver sem
þú ert.
En lítið samt á dagsetn-
inguna framan á þessu
blaði sem þið eruð með í
höndunum. Þar stendur -
ef mér skjöplast ekki því
meira - 11. október 2003.
2003?
Að verkamenn á Íslandi
þurfi að fara í verkfall til
að fá ullarsokka árið 2003?
Að þeir sem vinna við logsuðu
þurfi að hóta verkfalli til að fá
hlífðargleraugu?!! Er það alveg
„hefðbundið“ þegar 21. öldin er
orðin þriggja ára? Ekkert umtals-
vert?
Greinilega finnst Ara Edwald
það ekki.
Né heldur Austfirðingum. Það
er sorglegra en tárum taki hvern-
ig furðu margir þar eystra flaðra
hvað sem á gengur upp um
Impregilo. Réttlæta, afsaka,
fegra.
Jú, kannski - þegar verstu
dæmin um ömurlegt framferði
Impregilo eru dregin fram - þá má
kannski viðurkenna að þarna sé
við ákveðna „byrjunarörðugleika“
að etja.
Íslendingar ekki vanir risa-
verkefnum?
Byrjunarörðugleika? Að hafa
ekki haft vit á að hafa tilbúna ull-
arsokka handa mannskapnum
þegar fór að kólna? Að þeir sem
logsjóða hafi bersýnilega engin
hlífðargleraugu?! Eru þetta „byrj-
unarörðugleikar“?
Og svo vogar einhver Enzo
Rinaldi, einn hinna ítölsku yfir-
manna, hann vogar sér í Frétta-
blaðinu í fyrradag að bera á borð
að umræðan í fjölmiðlum „sé til-
komin vegna þess að Íslendingar
eru alls ekki vanir því að starfa að
svona risaverkefni eins og er ver-
ið að vinna hér“!!
Ég tek sénsinn á þessum tveim-
ur upphrópunarmerkjum þó Ari
Edwald saki mig þá eflaust um
„hefðbundinn upphrópanastíl“. En
finnst ykkur það viðhorf sem birt-
ist í þessum orðum Rinaldis alveg
eðlilegt? Jafnvel burtséð frá
dæmalausum hrokanum?
En Rinaldi veit sem er að
Impregilo getur gert það
sem fyrirtækinu sýnist.
Þeir sem hleyptu Kára-
hnjúkavirkjun af stokk-
unum eiga of mikið undir
því að framkvæmdir
haldi áfram.
Sjáið bara viðbrögð ís-
lensku ríkisstjórnarinnar.
Ef allt væri eðlilegt ætti
þetta mál náttúrlega helst
að vekja áhuga dóms-
málaráðherra og hann
ætti að senda löggusveit-
irnar sínar þangað upp
eftir til að stöðva þessi
ósköp þangað til Impreg-
ilo hefur snúið við blað-
inu og hinir ítölsku hroka-
gikkir hafa lært hvernig
Íslendingar eru vanir að
starfa að risaverkefnum.
En vitiði, ég held einhvern veginn
það verði ekkert af því.
Dapurleg ræða Árna Magn-
ússonar
Halldór Ásgrímsson hefur
enda mært Impregilo sérstaklega.
Og Árni Magnússon félagsmála-
ráðherra hefur ekki undan neinu
að kvarta. Ekki var það a.m.k. að
heyra á ræðu hans á Alþingi í vik-
unni. Engar athugasemdir við
framferði Impregilo. Ekki nokk-
ur! Þessi ræða hins unga félags-
málaráðherra var reyndar sér-
lega dapurlegt upphaf á ráðherra-
ferli Árna Magnússonar, manns
sem við héldum að væri knár og
duglegur og réttsýnn stjórnmála-
maður. Ég held við ættum ekki að
gleyma strax þessari ræðu Árna -
rifja hana kannski upp næst þegar
hann þarf atbeina kjósenda til að
halda áfram í sínu starfi. Færa
honum kannski slitur úr prentaðri
ræðunni til að troða í skóna sína
ef það skyldi vera kalt í ráðuneyt-
inu. ■
Helgina 4. og 5. október vorueldhúsdagsumræður í sjón-
varpinu. Þar kom fram að hag-
fræðingar spá svo skuggalegri vel-
megun á næstu árum að óhjá-
kvæmilegt verður að fresta kosn-
ingaloforðum stjórnarflokkanna
svo að þjóðfélagið kollsteypist
ekki. En fátækt er eins og allir vita
bráðnauðsynleg til að halda þjóð-
félaginu á réttum kili, og þess
vegna nauðsynlegt að stjórnin slái
upp skjaldborg til að vernda hana
og viðhalda.
Ef fátækt væri útrýmt mundi
enginn nenna að gera neitt annað
en borða á fínum veitingahúsum,
ferðast á sagaklass, versla með
verðbréf og rúnta á risajeppum
malandi í farsíma. Hver ætti þá að
byggja húsin, veiða kvótafiskinn,
slátra kindum, fara með þær á
öskuhaugana, afgreiða í búðum,
passa börn og sópa göturnar? Því
er nauðsynlegt að afstýra aðsteðj-
andi góðæri með því að fresta
kosningaloforðum.
Það er líka áhyggjuefni hvort
bankar og tryggingafélög hafi að-
stöðu til að varðveita alla þá um-
fram peninga sem ekki mega
lenda í höndunum á almenningi, en
að undanförnu hafa þessar stofn-
anir neyðst til að senda úr afkomu-
viðvaranir vegna óvænts ofsa-
gróða sem gefur til kynna hversu
alvarlegt efnahagsástandið er að
verða.
Til marks um hina miskunnar-
lausu aðhaldsstefnu ríkisstjórnar-
innar er ekki gert ráð fyrir nema
18 milljónum króna á fjáraukalög-
um til að endurnýja ráðherrabif-
reiðar.
Mánudaginn 6. október var hinn
gamli verkalýðsforingi Ásmundur
Stefánsson skipaður í embætti rík-
issáttasemjara, en hann er kjörinn
í það hlutverk vegna þeirrar þekk-
ingar sem hann hefur aflað sér á
hollum megrunarkúrum.
Í vikunni lögðu 14 þingkonur úr
öllu stjórnmálaflokkum - nema
Sjálfstæðisflokkum - fram laga-
frumvarp um refsingar fyrir þá
sem kaupa sér kynlífsþjónustu.
Einnig að hver sá sem hafi tekjur
af milligöngu um vændi annarra
skuli sæta fangelsi. Þingkonur -
nema Sjálfstæðiskonurnar - vilja
að Alþingi samþykki allt að fjög-
urra ára fangelsi fyrir þá sem
ginna, hvetja eða aðstoða barn,
yngra en 18 ára, til að stunda
vændi eða aðra kynlífsþjónustu.
Verktakafyrirtækið Impregilo
hélt áfram athyglisverðum rann-
sóknum á því, hversu mikla vos-
búð klæaðlitlir suðrænir verka-
menn geta þolað á hálendi Íslands.
Arnold Schwarzenegger var
kjörinn ríkisstjóri í Kaliforníu, og
hafa Bandaríkjamenn nú í hyggju
að breyta stjórnarskrá sinni í þá
veru, að hann geti einnig orðið
forseti Bandaríkjanna þótt hann
sé svo óheppinn að vera fæddur í
Austurríki. ■
Hin róttæka opnun Íslands viðlok níunda áratugarins og í
upphafi hins tíunda varð þjóðinni
til góðs. Frelsi í fjármagnsflutn-
ingum og margvíslegar réttar-
bætur opnuðu atvinnulífið og
settu markaðnum leikreglur.
Veigamestur var aðdragandi og
eftirleikur samningsins um hið
Evrópska efnahagssvæði. Þar
voru stjórnmálin í aðalhlutverki.
Opnun Íslands er þó aðeins að
takmörkuðu leyti viðfangsefni
stjórnmálanna. Ekkert svið mann-
lífsins er opnara og óvarðara fyr-
ir landamæralausum heimi en
menningin. Um áratugaskeið voru
áhyggjur Íslendinga af áhrifum
útlendinga heldur hvergi meiri.
Eftir hraðari breytingar í þessu
efni en nokkurn tímann áður í Ís-
landssögunni hefur ótti vikið fyrir
ótvíræðu sjálfstrausti. Íslensk
menning hefur ógrynni að gefa í
landamæralausum heimi.
Fæstir færa þann möguleika í
orð að stjórnmál hér á landi hefðu
eitthvað viðlíka fram að færa á al-
þjóðasviðinu og fornbókmenntirn-
ar eða Björk. Kannski segir það
meira en mörg orð um muninn á
atgervi í listum og pólitík. Stjórn-
málin standa engu að síður fram-
mi fyrir mikilvægum spurningum
um næstu skref við opnun Ís-
lands.
Kostnaður við einangrun
Sjálfstæði þjóðarinnar verður
seint metið til fjár. Öðru máli
gegnir um kostnaðinn við ein-
angrun. Hátt matvælaverð í al-
þjóðlegum samanburði er annað
hvort vegna skorts á virkri sam-
keppni (eins og Davíð sakar Baug
um) eða verndarstefnu í landbún-
aði (eins og Baugur sakar Davíð
um). Háir vextir eru sömuleiðis
ýmist vegna óhagkvæmni ís-
lenskra banka, skorts á sam-
keppni eða gjald vegna gengisá-
hættu, sjálfstæðrar myntar. Óút-
kljáð er hver hlutföllin eru á milli
þessara þriggja þátta. Öðrum
skýringum er þó ekki til að dreifa.
Utanríkisráðherra hefur tekið
ákveðna forystu í umræðu um
opnun Íslands. Hann á hrós skilið
fyrir að hreyfa lækkun verndar-
tolla í landbúnaði og fjárfestingu
útlendinga í sjávarútvegi. Hvort
tveggja er án efa umdeilt, leiðir til
aukins óöryggis um afkomu
bænda og setur spurninguna um
hvernig þjóðinni verði tryggður
arður af auðlindum hafsins í
brennidepil. Hvort tveggja þarf
að leiða til lykta.
Lækkun vaxta er enn mikil-
vægari. Ef nýtilkomin samkeppni
á bankamarkaði skilar ekki við-
undandi vaxtakjörum hlýtur að
verða að spyrja hvort sjálfstæð ís-
lensk króna sé of dýru verði
keypt.Til að hreyfa því þarf án efa
enn hugaðri stjórnmálamenn. En
kjarni málsins er þó kannski sá að
lækkun vaxta er of mikilvæg
spurning til að bíða þess að stjórn-
málamenn fái málið. ■
8 16. september 2003 ÞRIÐJUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Suðurgötu 10, 101 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Rafpóstur auglýsingadeildar:
auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu, Suðurnesjum og Akureyri. Einnig er
hægt að fá blaðið í völdum verslunum á lands-
byggðinni. Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
ISSN 1670-3871
Vel þjálfaðir
Framsóknarmenn
„Vel þjálfaðir Framsóknarmenn
hafa misst hæfnina til að sjá
mun á réttu og röngu. Því hentar
vel að gera þá að forstöðumönn-
um eftirlitsstofnana á borð við
fjármálaeftirlitið og vinnumála-
eftirlitið. Þeir láta sér ekki
bregða, þótt fjárglæframenn og
innherjar hafi fjármálastofnanir
að leiksoppi. Þeir láta sér ekki
bregða, þótt Landsvirkjun og
verktakar hennar hafi íslenzk
vinnulög og kjarasamninga að
leiksoppi. Langvinnt meðvitund-
arleysi gerir slíka forstöðumenn
síðan sérstaklega hæfa til að
verða ráðherrar, sem þurfa að
kunna á sjálfvirkan hátt að dá-
sama gerðir Landsvirkjunar og
Impregilio, illa þokkaðs fyrir-
tækis í þriðja heiminum.“
- JÓNAS KRISTJÁNSSON RITSTJÓRI Á JONAS.IS
Demókratar erfiðari
en illmenni
„Barátta Schwarzeneggers við
fjármál Kaliforníuríkis verður
líklega erfiðari en barátta hans
við illmennin á hvíta tjaldinu,
sérstaklega í ljósi þess að hann
þarf að búa við meirihluta
demókrata í þinginu og getur því
lent í erfiðleikum með að koma
hugmyndum sínum í fram-
kvæmd. Engu að síður ætti brún-
in á Kaliforníubúum að léttast
við ríkisstjóraskiptin. Nú fá þeir
ríkisstjóra sem hefur lýst vilja til
að draga úr umsvifum ríkisins og
lækka skatta, og losna um leið
við þann sem sá fáar aðrar
lausnir en hækkun skatta og op-
inberra gjalda.“
- AF SÍÐU VEFÞJÓÐVILJANS, ANDRIKI.IS
■ Af netinu
Skuggaleg velmegun
Sony Center - það fyrsta á Íslandi
Nú getur þú verslað Sony hjá Sony því að við
opnum nýja verslun í Kringlunni í október.
Gæði, þekking og fagmennska alla leið.

SONY CENTER
Kringlunni 4 - 12
103 Reykjavík
You make it a Sony
Skoðundagsins
DAGUR B.
EGGERTSSON
■
skrifar um opnun
Íslands.
Eitt eilífðarsmáblóm
ÞRÁINN BERTELSSON
■ rifjar upp minnisverð tíðindi vikunnar
ILLUGI
JÖKULSSON
■
skrifar um aðbún-
að verkafólks við
Kárahnjúka.
Um daginnog veginn
MATVÆLAVERÐ
„Hátt matvælaverð í alþjóðlegum samanburði er annað hvort vegna skorts á virkri sam-
keppni (eins og Davíð sakar Baug um) eða verndarstefnu í landbúnaði (eins og Baugur
sakar Davíð um).“
Opið Ísland
ARI EDWALD
„Ari Edwald, tals-
maður Samtaka at-
vinnulífsins, sagði í
Fréttablaðinu í gær
að umræða um
málefni verkafólks
við Kárahnjúka væri
í „hefðbundnum
upphrópanastíl“.
Jæja góði?“
Hefðbundnar
upphrópanir?!