Fréttablaðið - 19.10.2003, Qupperneq 2

2 19. október 2003 SUNNUDAGUR
Já, já, við lútum auðvitað dómstólum
og greiðum það sem þarf. Þetta verð-
ur greitt með sérstakri fjárveitingu.
Dómur hæstaréttar í öryrkjamálinu kveður á um
að Tryggingastofnun beri að endurgreiða
öryrkjum það sem vanti upp á fulla
tekjutryggingu fyrir 1999-2000. Varlega
áætlað er það um það bil 3-400 milljónir.
Spurningdagsins
Karl Steinar, eigið þið fyrir þessu?
SKOÐANIR „Staða útvarpsstjóra hjá
Ríkisútvarpinu er óþörf og hana
ber að leggja niður,“ segir Mörður
Árnason, þing-
maður Samfylk-
ingar, en hann á
sæti í mennta-
málanefnd Al-
þingis sem fer
með málefni
Ríkisútvarpsins.
„Þetta er
silkihúfa sem ekkert gagn gerir.
Upphaflega var þessi staða menn-
ingarlega mikilvæg í fátækri
flóru fjölmiðla á þeim tíma og
s t ö ð u n n i
gegndu merki-
legir menn sem
höfðu sannar-
lega áhrif í út-
varpinu og á
þjóðfélagið í
heild. Í dag eru
hins vegar
framkvæmda-
stjórar fyrir
bæði útvarp og
sjónvarp og
ekki verður séð
að útvarps-
stjóri hafi
neinu hlutverki
að gegna innan
stofnunarinnar.
Hann gerir ekk-
ert gagn að því
sem best verð-
ur séð.“
Mörður seg-
ir að margir
komi til greina
sem gætu sinnt
yfirstjórn í stað útvarpsstjóra.
„Það nægir að hafa formann
stjórnar eða starfsmannastjóra í
því hlutverki. Slíkt mundi spara
stofnuninni mikla fjármuni þar
sem laun útvarpsstjóra og rekstur
skrifstofu hans kosta á milli 15 og
20 milljónir á ári.“
Framsóknarmaðurinn Páll
Magnússon, sem sæti á í útvarps-
ráði, segir af og frá að útvarps-
stjóri gegni engu hlutverki. „Þetta
er fráleit hugmynd. Stofnunin fær
þrjá milljarða til umráða á hverju
ári til að reka tvær útvarpsrásir
og eina sjónvarpsrás og þó að það
séu framkvæmdastjórar fyrir
hvoru tveggja er nauðsynlegt að
það sé einn yfirmaður yfir þeim.“
„Þessi hugmynd er út í hött eins
og svo margt sem kemur úr þess-
ari átt,“ sagði Andri Óttarsson,
sem situr fyrir Sjálfstæðisflokk-
inn í útvarpsráði. „Það verður að
vera skipstjóri á skútunni annars
er hætta á upplausn áhafnarinnar
og að skipið reki stefnulaust.“
albert@frettabladid.is
Bandaríkjamenn segja Evrópuher ógna framtíð NATÓ:
Neyðarfundur í NATO á morgun
BRUSSEL, AP Bandaríkjastjórn hefur
farið fram á neyðarfund í Atlants-
hafsbandalaginu, NATO, vegna
ótta við að áætlanir um eflingu
Evrópuhers Evrópusambandsland-
anna veiki varnarsamvinnuna í
NATO. Fundurinn verður í höfuð-
stöðvum NATO á morgun.
Bandaríkjamönnum gremst að
Bretar hafi skipað sér í sveit með
Frökkum og Þjóðverjum með því
að fallast á ýmsar hugmyndir um
varnarsamstarf Evrópusam-
bandsins, óháð NATO. Meðal þess
sem vekur furðu Bandaríkja-
stjórnar er að Bretar skrifuðu
undir áætlanir Frakka og Þjóð-
verja um að sett yrði upp miðstöð
herstjórnar Evrópusambandsins
óháð herstjórn NATO.
Bandaríkjamenn höfðu haldið
að Blair myndi standa við gefið
loforð um að koma í veg fyrir að
stofnaður yrði sjálfstæður her
sem stjórnað væri utan NATO.
Blair segir að hann muni aldrei
fallast á neinar varnaráætlanir
Evrópubandalagsins sem ógni
samstarfinu innan NATO.
Evrópuherinn var ræddur á
fundi leiðtoga Evrópusambands-
ins í Brussel í vikunni.
Leiðtogar ESB eru sammála um
að taka eigi upp evrópska varnar-
málastefnu sem styðji við NATO
en veiti því ekki samkeppni. ■
OSAMA BIN LADEN
Hótar Bandaríkjunum og fleiri vestrænum
ríkjum.
Rödd Bin Ladens útvarpað:
Hótar fleiri
árásum
KAÍRÓ, AP „Við áskiljum okkur rétt
til þess að bregðast við á réttum
tíma og stað gegn öllum ríkjum
sem taka þátt í þessu rangláta
stríði, sérstaklega Bretlandi,
Spáni, Austurríki, Hollandi, Japan
og Ítalíu,“ sagði rödd á segulbandi
sem arabíska sjónvarpsstöðin Al
Djasíra í Katar útvarpaði í gær.
Röddin var sögð vera rödd
hryðjuverkaforingjans Osama bin
Ladens. Varaði hann Bandaríkja-
menn við fleiri sjálfsmorðsárás-
um.
„Við munum halda áfram písl-
arvættisárásum okkar, bæði inn-
an Bandaríkjanna og utan þeirra,
þangað til þið látið af óréttlæti
ykkar og hættið heimskupörun-
um.“
Síðast var ávarpi sem eignað
var Bin Laden útvarpað þann 10.
september síðastliðinn. ■
Á ÞREFÖLDUM HRAÐA Átján ára
ökumaður var tekinn á þreföld-
um leyfilegum hraða á Drotting-
arbraut á Akureyri á föstudags-
kvöld. Hann ók á 158 kílómetra
hraða þar sem leyfilegur há-
markshraði er 50 kílómetrar.
Hann var sviptur ökuréttindum á
staðnum.
SKEMMTANAHALD FÓR VEL FRAM
Að sögn lögreglunnar á Höfn í
Hornafirði var nokkur ölvun í
bænum á föstudagskvöld. Allt
skemmtanahald fór þó vel fram.
Reynt að koma á friði:
Forsetinn fær
ráðrúm
LA PAZ, AP Carlos Mesa, sem tók við
embætti forseta Bólivíu á föstu-
daginn, hóf í gær viðræður við
bæði stjórnmálaleiðtoga og
verkalýðsleiðtoga til þess að
reyna að koma á friði í landinu og
manna bráðabirgðastjórn.
Mesa var varaforseti en tók við
forsetaembættinu eftir að
Sanchez de Lozada sagði af sér á
föstudaginn eftir mikinn þrýsting
frá almenningi.
Þingmaðurinn Evo Morales,
sem er leiðtogi hreyfingarinnar
sem knúði fram afsögn forsetans,
sagði að Mesa myndi fá ráðrúm til
að „skipuleggja sig og uppfylla
loforðin“. ■
CARLOS MESA
Nýi forsetinn lagðist á bæn fyrsta dag sinn
í embætti.
Nýtt eignarhald á
Kaupási:
Áskaup
eignast 53,4%
ATHAFNALÍF Hópur fjárfesta
undir forystu Ingimars Jónssonar,
forstjóra Kaupáss, hefur keypt
53,4% hlut Framtaks - fjárfesting-
arbanka hf. í Kaupási, sem rekur
m.a. Nóatún, Krónuna og 11-11
verslanirnar.
Í fréttatilkynningu frá báðum
aðilum segir að fjárfestahópur-
inn, sem heitir Áskaup ehf., sam-
anstandi meðal annars af VÍS hf.
og Samvinnulífeyrissjóðnum. Í
fréttatilkynningunni er haft eftir
Ingimari að hann fagni því að nýir
eigendur séu komnir að rekstrin-
um og því uppbyggingarstarfi
sem þar hafi verið unnið.
Þar er einnig greint frá ánægju
Þórðar Más Jóhannessonar, fram-
kvæmdastjóra Straums, með
þessi viðskipti en Framtak er al-
farið í eigu Straums. ■
SKJÁLFTI VIÐ TRÖLLADYNGJU
Jarðskjálfti sem mældist 3,5 á
Richter varð við Trölladyngju
norðan Vatnajökuls rétt fyrir
klukkan tvö í gærdag. Sam-
kvæmt upplýsingum frá Veður-
stofu Íslands fylgdi enginn eftir-
skjálfti.
OLÍUVERÐ Allt stefnir í að verð-
stríð sé hafið á olíumarkaðinum
eftir að Atlantsolía hóf að selja
dísilolíu á einkabifreiðar síðari
hluta vikunnar á 35 krónur
lítrann.
Í gærmorgun lækkaði Orkan
sem staðsett er á höfninni í Hafn-
arfirði disilolíu í 34,80. Guðmund-
ur Kjærnested hjá Atlantsolíu
segir það furðulegt að olía skuli
eingöngu hækka á einni stöð. „Ef
þeir geta lækkað, hví ekki þá á öll-
um stöðvum. Olíufyrirtækin hafa
vanalega borið fyrir sig breytingu
á gengi dollarans eða verðbreyt-
ingum erlendis, þegar verð á
bensíni og olíu hækkar eð lækkar
hjá þeim. Því spyr ég hvort dollar-
inn hafi aðeins lækkað í Hafnar-
firði,“ segir Guðmundur.
Símon Kjærnested fram-
kvæmdastjóri segist ekki hafa til-
takanlegar áhyggjur af þessu.
„Við erum ekki að fara á taugum
og höldum okkar striki.“
Gunnar Skaftason segir það
forkastanlegt að menn skuli geta
selt olíu í gegnum einhvern stút í
Hafnarfirði. „Þetta er ekki bens-
ínstöð hjá mönnunum og ég skil
ekki í yfirvöldum að láta þetta
viðgangast. Þeir verða náttúrlega
að vera með löglega bensínstöð til
að keppa við okkur, en það er
sama hvað Atlantsolía gerir, við
verðum alltaf ódýrastir,“ segir
Gunnar. ■
ÓGNVALDURINN BLAIR
Bandaríkjamenn undrast afstöðu Tonys
Blairs til Evrópuhers og segja herinn ógna
framtíð NATO.
Orrustuflugmaður ákærður:
Skaut
á vinaher
BANDARÍKIN, AP Réttarhöld yfir
flugmanni bandarískrar orrustu-
þotu standa nú yfir í Louisiana í
Bandaríkjunum. Maðurinn er
ákærður fyrir að hafa varpað
sprengju á vinaher í Afganistan,
sem olli dauða fjögurra hermanna.
Lögmaður flugmannsins segir
að rekja megi slysið til ákvarðana
yfirmanna flugmannsins og sam-
skiptavandamála. Flugmaðurinn
hafi varpað sprengjunni þar sem
hann hafi talið að hermennirnir
hafi verið óvinaher með loftvarn-
arbyssu. Lögmaðurinn hefur farið
fram á að fá upplýsingar um 17
önnur sambærileg tilfelli. ■
Olíustríð í uppsiglingu:
Atlantsolía hefur
sölu á dísilolíu
„Slíkt
mundi spara
stofnuninni
15–20 millj-
ónir á ári.
Staða útvarps-
stjóra óþörf
Mörður Árnason alþingismaður vill sjá breytingar á yfirstjórn
Ríkisútvarpsins. Telur hann starf útvarpsstjóra tímaskekkju og vill
láta leggja stöðuna niður.
MÖRÐUR ÁRNASON
Segir starf útvarpsstjóra óþarft og vill leggja stöðuna niður.
PÁLL MAGNÚSSON
Segir fráleitt að gefa í skyn að útvarpsstjóri
hafi engu hlutverki að gegna.
■ Lögreglufréttir
■ Náttúruhamfarir