Fréttablaðið - 23.11.2003, Blaðsíða 1

MEST LESNA DAGBLAÐ Á ÍSLANDI Skaftaklíð 24, 105 Reykjavík — sími 515 7500
Tónlist 42
Leikhús 42
Myndlist 42
Íþróttir 40
Sjónvarp 44
SUNNUDAGUR
ÍR SÆKIR FH HEIM Þrír leikir fara
fram í Remax-deild karla í handbolta í
dag. HK tekur á móti ÍBV klukkan 16 í
Digranesi. Þór sækir Gróttu KR heim
klukkan 17 og FH mætir ÍR í Kaplakrika
klukkan 19.15.
DAGURINN Í DAG
VEÐRIÐ Í DAG
ÚRKOMA OG VINDUR Á LEIÐ-
INNI Vindurinn verður mestur síðdegis.
Allhvasst verður sunnan og vestan til en
skaplegra annars staðar. Talsverð úrkoma í
borginni. Síða 6
23. nóvember 2003 – 291. tölublað – 3. árgangur
GAGNRÝNIR RÁÐAMENN
Stjórnarformaður Kaupþings Búnaðarbanka
segir að aðgerðir ýmissa ráðamanna séu
áhyggjuefni og segir að þeir hafi „beinlínis
reynt að eyðileggja fyrir bankanum“ og
hluthöfum hans. Síða 4
SJÁLFSMORÐSÁRÁSIR Í BAGDAD
Að minnsta kosti fjórtán manns fórust og
tuttugu særðust þegar bílum hlöðnum
sprengiefni var ekið á lögreglustöðvar í
tveimur þorpum í útjaðri Bagdad í gær.
Síða 4
UPPREISN Í GEORGÍU Stjórnar-
kreppa og ringulreið ríkir í Georgíu. Stjórn-
arandstæðingar hafa náð löggjafarþinginu
á sitt vald en forsetinn Eduard Shevardna-
dze neitar að segja af sér. Síða 6
FÍKNIEFNAMÁL Í GRUNNSKÓL-
UM Þrjú fíkniefnamál bárust skólaráðgjafa
grunnskólanna í Reykjavík á síðasta ári. Alls
bárust 180 mál til ráðgjafans eða tæplega
60 fleiri en árið 2001. Síða 10
VIÐ INNSIGLINGUNA Unnið er að dýpkun innsiglingarinnar í Reykjavíkurhöfn um þessar mundir. Við vitann á Ingólfsgarði stóð maður og
fylgdist náið með framkvæmdum sem hafa verið töluverðar undanfarin ár. Frá árinu 1915 hefur athafnasvæði gömlu hafnarinnar vaxið úr
sjö hekturum í 55.
Stjórnarliðar ósammála
Formaður efnahags- og viðskiptanefndar Alþingis er hlynntur aðskilnaði viðskiptabanka- og
fjárfestingarbankastarfsemi. Viðskiptaráðherra er á annarri skoðun.
BANKAMÁL Efnahags- og viðskipta-
nefnd Alþingis er nú með til skoð-
unar frumvarp til laga um breyt-
ingu á lögum um fjármálafyrir-
tæki þar sem
kveðið er á um
aðskilnað milli
viðskiptabanka-
og fjárfestingar-
bankastarfsemi.
Pétur Blöndal, þingmaður Sjálf-
stæðisflokksins og formaður nefnd-
arinnar, segir rétt að skoða hvort
setja þurfi einhverjar takmarkanir
við það að banki geti bæði verið í við-
skiptabankastarfsemi og fjárfest-
ingarbankastarfsemi. Hann segir
slíkan aðskilnað tíðkast í sumum
löndum í kringum okkur og telur lík-
legt að ríkisstjórnin muni skoða
þetta mál sérstaklega á næstunni.
Valgerður Sverrisdóttir við-
skiptaráðherra segir málið ekki
hafa verið rætt í ríkisstjórninni.
„Þetta er mitt mál og ég hef
ekki uppi áform um að leggja til
breytingar hvað þetta varðar,“
sagði hún. „Við erum búin að fara
yfir hvernig þessu er háttað hjá
öðrum þjóðum. Bandaríkjamenn
voru með þetta fyrirkomulag um
tíma, en eru búnir að taka það aft-
ur upp að heimilt er að vera með
hvorutveggja. Ég tel mjög mikil-
vægt að við séum með sambæri-
legt umhverfi fyrir fjármálafyrir-
tæki að starfa í. Við erum á þess-
um opna markaði og við leggjum
mikla áherslu á að íslensku fyrir-
tækin séu íslensk áfram.“
Hreiðar Már Sigurðsson, for-
stjóri Kaupþings Búnaðarbanka,
segir lagasetningu um aðskilnað á
starfseminni ekki muni hafa áhrif á
rekstur fyrirtækisins þeir myndu
einfaldlega flytja fjárfestingar-
bankastarfsemina til útlanda.
Sjá nánar bls. 2
FOREST WHITAKER
Verður í aðalhlutverki í mynd Baltasar.
Baltasar Kormákur:
Leikstýrir
Whitaker
KVIKMYNDIR „Já, Forest Whitaker
hefur fallist á að taka að sér aðal-
hlutverkið,“ segir Baltasar Kor-
mákur sem leikstýrir Little Trip
to Heaven, kvikmynd sem fer í
tökur fljótlega eftir áramót. For-
est Whitaker er vel þekktur kvik-
myndaleikari sem hefur komið
víða við. Hann hóf feril sinn upp-
úr 1980 og hefur leikið í myndum
á borð við Platoon, Good Morning,
Vietnam, The Color of Money, The
Crying Game og í mynd Clints
Eastwood, Bird, en fyrir titilhlut-
verkið í þeirri mynd (Charlie
Parker) hlaut hann Gullpálmann á
Cannes-kvikmyndahátíðinni. „Við
höfum hist og fór vel á með okkur
enda er þetta afskaplega ljúfur
náungi,“ segir Baltasar.
Sjá viðtal á síðum 22 og 23.
Maðurinn sem missti húðina
Bandaríkjamaðurinn Eli Roth dvaldist á sveitabæ við Selfoss sem unglingur. Þar missti hann hluta af húð
sinni vegna sýkingar í heyi. Atburðarásin er núna orðin að hryllingsmynd í Bandaríkjunum, sem hryllings-
myndaaðdáendur binda miklar vonir við. SÍÐA 28–29
▲
Ný ævintýri Unnar
Unnur Jökulsdóttir, sem sigldi um
heimsins höf á Kríunni um fimm
ára skeið, er komin á fast land.
Nýju ævintýrin eru nýútkomin
barnabók og barnið hennar,
Alda, kemur frá Kína. SÍÐA 18
Átök í kring-
um Kaupþing
Átök stjórnenda Kaupþings
Búnaðarbanka við forsætis-
ráðherra í vikunni eiga sér
langan aðdraganda.
▲SÍÐA 26
▲
„Þetta er
mitt mál
FR
ÉT
TA
B
LA
Ð
IÐ
/G
VA