Fréttablaðið - 23.11.2003, Blaðsíða 19
SUNNUDAGUR 23. nóvember 2003
kvæmt heimildum voru
krísufundir í bankanum á föstu-
daginn. Þrýstingur var um að
bakka með samninginn, en
margir ráðgjafar stjórnendanna
voru á því að þeir ættu að halda
fast við ákvörðunina.
Þau atriði sem urðu þess
valdandi að lætin urðu svo mikil
vegna kaupanna eru í fyrsta lagi
hversu há upphæðin var. Í öðru
lagi var þegar orðinn til gengis-
hagnaður af kaupunum. Sumir
segja að Sigurður og Hreiðar
hafi verið svo seinheppnir að
bankinn gekk svona vel síðustu
mánuði. Í þriðja lagi lagði for-
sætisráðherra afl sitt í umræð-
una. Þeir sem Fréttablaðið hefur
rætt við eru ekki í vafa um að
forsætisráðherra hefði tjáð sig
um þessi kjör stjórnenda hvaða
banka sem er. Hins vegar hefur
forsætisráðherra haft horn í
síðu Kaupþingsmanna um langt
skeið. „Hann hefur lagt okkur í
einelti,“ sagði Sigurður Einars-
son í samtali við Fréttablaðið.
Rætur þess liggja í aðkomu
Kaupþings að Orca-hópnum svo-
kallaða þegar Fjárfestingar-
banki atvinnulífisins var seldur.
Davíð og ríkisstjórnin stefndu
að því að FBA yrði í dreifðri
eign. Aðkoma, Jóns Ólafssonar,
Jóns Ásgeirs Jóhannessonar,
Eyjólfs Sveinssonar og Þor-
steins Más Baldvinssonar sem
hóps í FBA vöktu reiði ráðherr-
ans. Altalað er innan viðskipta-
heimsins að Davíð hafi aldrei
litið þessa aðila réttu augu síð-
an, hafi hann þá nokkurn tímann
gert það. Arkitekt þessa hóps
var Kaupþing.
Þeir Sigurður og Hreiðar Már
hafa ekkert sérstaklega verið
tipla á tánum í kringum forsæt-
isráðherra. Flestir sem rætt
hefur verið við undanfarna daga
telja að forsætisráðherra hafi
mislíkað þegar Landsbankinn
seldi Frétt ehf. DV. Steininn hafi
þó tekið úr þegar ljóst varð að
Jón Ásgeir Jóhannesson hefði
keypt allar eigur Jóns Ólafsson-
ar. Þar með talið 63% hlut Jóns í
Norðurljósum. Davíð hefur tek-
ið svo til orða að þau viðskipti
líkist því að menn hafi verið að
skipta á þýfi. Það mun hins veg-
ar ekki óalgengt að gengið sé frá
flóknum viðskiptum utan hefð-
bundins dagvinnutíma.
Bak við tjöldin hefur allan
tímann verið unnið að því að
koma saman hópi um fjölmiðla-
rekstur Norðurljósa sem ætlað
var að mynda pólitískt jafnvægi
um fjölmiðilinn. Sú ákvörðun er
grundvölluð á ótta manna um að
Davíð muni að öðrum kosti beita
sér fyrir því að setja lög um
eignarhald á fjölmiðlum. Þá er
vaxandi ótti meðal bankamanna
um að lög verði sett um aðskiln-
að viðskiptabanka- og fjárfest-
ingarbankastarfsemi. Óljóst er
nú hvaða áhrif lætin í kringum
stjórnendur Kaupþings Búnað-
arbanka hafa á hvaða hópur
mun kaupa Norðurljós. Fram-
hald þess máls er í höndum
Kaupþings og Jóns Ásgeirs Jó-
hannessonar, forsætisráðherra
til lítillar gleði. ■