Fréttablaðið - 23.11.2003, Blaðsíða 42
■ ■ LEIKLIST
14.00 Ævintýrið um Augastein,
nýtt barnaleikrit eftir Felix Bergsson,
verður sýnt í Tjarnarbíói.
14.00 Lína Langsokkur e. Astrid
Lindgren á stóra sviði Borgarleikhússins.
14.00 Dýrin í Hálsaskógi á stóra
sviði Þjóðleikhússins.
17.00 Lína Langsokkur e. Astrid
Lindgren á stóra sviði Borgarleikhússins.
17.00 Dýrin í Hálsaskógi á stóra
sviði Þjóðleikhússins.
20.00 Græna landið eftir Ólaf
Hauk Símonarson í sal Frumleikhússins
í Keflavík.
20.00 Kvetch e. Steven Berkoff á
nýja sviði Borgarleikhússins í samstarfi
við leikhópinn Á senunni.
20.00 Veislan á Smíðaverkstæði
Þjóðleikhússins.
■ ■ ÚTIVIST
11.00 Ferðafélag Íslands efnir til
þriggja tíma göngu um Búrfellsgjá og
Kaldársel. Áætlaður göngutími eru þrjár
klukkustundir. Fararstjóri Eiríkur Þor-
móðsson. Verð kr. 2000 fyrir félags-
menn og 2.300 fyrir aðra. Brottför frá
BSÍ með viðkomu í Mörkinni 6.
■ ■ SAMKOMUR
15.00 Fimmtíu ára afmælis Kín-
versk-íslenska menningarfélagsins
verður minnst með hátíðarfundi í Nor-
ræna húsinu. Á dagskránni verður tón-
list í flutningi kínverskra listamanna,
Baldvin Halldórsson les ljóðaþýðingar
eftir Helga Hálfdanarson, Matthías Jo-
hannesen og Vilhjálm Gíslason og flutt
verða stutt ávörp.
■ ■ SÍÐUSTU FORVÖÐ
Sýningu Gústavs Geirs Bollasonar,
„að sjá nálgast það sem kemur”, lýkur í
dag á gallerí Hlemmi.
Á Kjarvalsstöðum lýkur í dag sýn-
ingu á myndum eftir Ingunni Birtu Hin-
riksdóttur, Inga Hrafn Stefánsson,
Elisabet Yuka Takefusa og Hlyn Stein-
arsson en öll eru þau nemendur í
Listasmiðju Lóu. Þetta er fimmta og
næstsíðasta sýningin í röð myndlistar-
sýninga listahátíðarinnar List án lan-
damæra á Kjarvalsstöðum.
■ ■ TÓNLEIKAR
14.00 Harmonikutónleikar nem-
enda Almenna Músíkskólans verða í
Ráðhúsi Reykjavíkur. Tónleikarnir enda
með leik Skæruliðanna sem er um 30
manna harmonikusveit skólans.
42 23. nóvember 2003 SUNNUDAGUR
hvað?hvar?hvenær?
20 21 22 23 24 25 26
NÓVEMBER
Sunnudagur
Þetta er alveg yndisleg músík,algert eyrnakonfekt,“ segir
Þóra Einarsdóttir sópran um
Ítölsku ljóðabókina, sönglaga-
flokk eftir Hugo Wolf, sem hún
ætlar að flytja í Langholtskirkju
í dag ásamt eiginmanni sínum,
Birni Jónssyni tenór og Kristni
Erni Kristinssyni píanóleikara.
Tónskáldið samdi þessi
sönglög við ljóð eftir þýska ljóð-
skáldið Paul Heyse. Hann sótti
innblástur í ítalskar tækifæris-
vísur og þjóðvísur, sem hann
umorti með ljóðrænum tilþrif-
um á þýsku.
„Þetta eru allt ástarljóð, til-
finningaþrungin eins og maður
getur ímyndað sér fyrstu ung-
lingaástina. Það er bara annað-
hvort eða: Ef ég fæ ekki ástina
mína þá bara græt ég allt lífið
eða tek hnífinn og bora honum í
gegnum brjóst mér. Svona eru
þessir textar.“
Í dag gefst tækifæri til að
hlýða á þessi lög í Langholts-
kirkju í flutningi Þóru og eigin-
manns hennar, Björns Jónsson-
ar tenórsöngvara.
„Þegar við Bjössi byrjuðum í
söngnámi hjá Ólöfu Kolbrúnu
fyrir fimmtán árum, þá byrjaði
hún að tala um að við ættum að
gera þetta. Við náðum okkur í
nótur og byrjuðum að kíkja á
þetta, en það hefur ekkert orðið
af þessu fyrr en loksins núna.“
Í ár er hundrað ára dánar-
afmæli Hugo Wolfs og þau
ákváðu því að slá til.
„Það er óskaplega gaman að
fá loksins tækifæri til að flytja
þetta.“
Ítalska ljóðabókin hefur einu
sinni áður verið flutt í heild hér
á landi. Það var árið 1982 þegar
Ólöf Kolbrún Harðardóttir og
Garðar Cortes fluttu bálkinn
ásamt píanóleikaranum Erik
Werba.
Þau Þóra og Björn eru bæði
búsett í Wiesbaden í Þýskalandi,
þar sem Björn er í lausa-
mennsku en Þóra er fastráðin
við óperuhúsið Hessische
Staatsoper.
„Núna um þessar mundir er ég
að syngja þar Pamínu í Töfraflaut-
unni, Súsönnu í Brúðkaupi Fígarós
og Woglinde í Rínargullinu. Svo er
ég að fara að syngja Adele í Leður-
blökunni.“ ■
■ TÓNLEIKAR
Tilfinninga-
þrungin ástarljóð
Hárgreining
Lágmúla mánudaginn 24. nóvember kl. 15-18
Smáratorgi þriðjudaginn 25. nóvember kl. 15-18
Garðatorgi miðvikudaginn 26. nóvember kl. 15-18
Spönginni fimmtudaginn 27. nóvember kl. 15-18
Keflavík föstudaginn 28. nóvember kl. 15-18
Kynningar í verslunum Lyfju:
Komið í hárgreiningu og fáið ráðleggingar um val
á PTP hársnyrtivörum sem henta þínu hári
ÞÓRA EINARSDÓTTIR OG BJÖRN JÓNSSON
Flytja Ítölsku ljóðabókina eftir Hugo Wolf í Langholtskirkju í dag.
FR
ÉT
TA
B
LA
Ð
IÐ
/A
LD
A
LO
A