Fréttablaðið - 11.12.2003, Side 14

14 11. desember 2003 FIMMTUDAGUR
KOSNINGAR Í PEKING
Í morgun hófust kosningar til héraðsþings í
Peking , þær fyrstu í meira en tuttugu ár þar
sem óháðir frambjóðendur bjóða sig fram.
DÓMSMÁL Tuttugu og fimm ára gam-
all Reykvíkingur hefur verið
dæmdur í 14 mánaða fangelsi fyrir
þjófnað, hylmingarbrot, umferðar-
lagabrot og fíkniefnalagabrot.
Maðurinn, sem á nær samfelldan
sakaferil frá árinu 1995, játaði brot
sín. Frá því hann var 18 ára hefur
hann hlotið fimm dóma og með brot-
um sínum á þessu ári rauf hann skil-
orð dóms frá því í janúar. Á viku-
tímabili í október stal maðurinn
veski við leikskólann Grænuborg
og braust inn í þrjá bíla, þar sem
hann stal meðal annars DVD-skjá
og geislaspilara. Á rúmlega tveggja
mánaða tímabili síðastliðið vor var
hann tekinn þrisvar fyrir ölvun-
arakstur þar sem hann ók meðal
annars á grindverk, kyrrstæða bif-
reið og lögreglubifreið sem lagt
hafði verið fyrir aftan hann. Í lok
mars á þessu ári lagði lögreglan
hald á tæp 15 grömm af hassi sem
voru í eigu mannsins.
Í dómnum segir að manninum
hafi áður verið gefinn kostur á að
bæta ráð sitt með skilorðsbundnum
refsingum, en hann hafi ekki nýtt
þau tækifæri og „haldið brotastarf-
semi sinni ótrauður áfram“.
Maðurinn hefur nú sótt um með-
ferð í Hlaðgerðarkoti en þrátt fyrir
að hafa lýst því yfir að hann vildi
bæta ráð sitt nú fékk hann ekki skil-
orðsbundinn dóm og þarf því að
sitja 14 mánuði í fangelsi. Til frá-
dráttar dómnum kemur gæsluvarð-
hald frá 16. október. Maðurinn var
einnig sviptur ökuréttindum í þrjú
og hálft ár. ■
Skortir skilning og vilja
Tæplega 90 geðfatlaðir einstaklingar eru á biðlista eftir félagslegu húsnæði. Þriðjungurinn er á
Norðurlandi eystra. Formaður Geðhjálpar segir stjórnvöld skorta skilning á stöðu þeirra.
GEÐFATLAÐIR „Það eru að jafnaði 80
til 120 geðfatlaðir einstaklingar
sem búa í óviðunandi húsnæði eða
eru hreinlega á vergangi. Þetta
sveiflast svolítið til eftir árstíma,“
segir Sigursteinn Másson, for-
maður Geðhjálpar.
Nú eru tæplega 90 geðfatlaðir
einstaklingar á biðlista eftir fé-
lagslegu húsnæði, þar af þriðj-
ungurinn á Vesturlandi og þriðj-
ungurinn á Norðurlandi eystra.
Stærstur hlutinn býr í heimahús-
um. Samtals bíður 21 eftir að kom-
ast á sambýli, 33 óska eftir íbúð
og 34 vilja komast í íbúð með sam-
eiginlegri aðstöðu.
Þetta kemur meðal annars
fram í svari heil-
brigðisráðherra
við fyrirspurn
Ástu Möller,
varaþingmanns
S j á l f s t æ ð i s -
flokksins.
F o r m a ð u r
Geðhjálpar seg-
ir stjórnvöld
skorta skilning á
stöðu þessa
fólks.
„Ég held að
það sé aðalatriðið, það skortir
skilning og kannski vilja líka.
Stjórnmálamenn hefðu mjög gott
af því að kynnast þessu fólki og
aðstæðum þess af eigin raun. Þá
held ég að kæmi annað hljóð í
strokkinn,“ segir Sigursteinn.
Hann segir að stór hluti þessa
fólks teppi dýr pláss á geðdeildum
en nú er tæpur þriðjungur geð-
fatlaðra sem bíða eftir viðeigandi
húsnæði vistaður á geðdeild.
Sigursteinn brýnir sveitar-
félög til samvinnu í málefnum
geðfatlaðra, einkum á höfuðborg-
arsvæðinu.
Kostnaðurinn við að leysa
vanda geðfatlaðra sem bíða eftir
húsnæði er langt í frá óyfirstígan-
legur að mati Sigursteins.
„Það kostar ekki meira en sem
nemur malbikuðum vegspotta að
tæma biðlistana og koma fólkinu
fyrir á viðeigandi stað. Það ætti
auðveldlega að vera hægt með
einföldum hætti á skömmum
tíma,“ segir Sigursteinn Másson.
the@frettabladid.is
„Stjórn-
málamenn
hefðu mjög
gott af því að
kynnast þessu
fólki og að-
stæðum þess
af eigin raun.
s í m i 5 5 3 8 0 5 0 • w w w . e c c o . c o m
Þ Ú Á T T Þ A Ð S K I L I Ð !
Business Square
34044-101
Business Square
34024-101
HASS
Konan hafði límt hassið á innanverð læri
og bak.
Upplýstu hasssmygl:
Reyndi að
smygla hassi
SMYGL 24 ára kona var tekin með
1.200 grömm af hassi í Leifsstöð
við komu frá Kaupmannahöfn á
sunnudag.
Hassið fannst við reglubundið
eftirlit tollgæslunnar en konan
hafði límt hassið á bak og innan-
verð læri. Að sögn Jóhanns R.
Benediktssonar, sýslumanns á
Keflavíkurflugvelli, var konan
úrskurðuð í gæsluvarðhald til
dagsins í dag en sleppt á þriðju-
dag í kjölfar handtöku tveggja
manna sem komu frá Kaup-
mannahöfn á mánudag. Þeir ját-
uðu aðild að máli konunnar og
telst málið upplýst.
AFGANISTAN Sex afgönsk börn létu
lífið í loftárás bandaríska hersins á
húsaþyrpingu skammt frá bænum
Gardez í austanverðu Afganistan.
Atvikið átti sér stað síðastliðinn
föstudag en ekki var greint frá því
fyrr en í gær, að því er fram kemur
á fréttavef BBC.
Bandaríski herinn fann lík barn-
anna sex og tveggja fullorðinna ein-
staklinga síðastliðinn laugardag eft-
ir að gerð hafði verið loftárás á
húsaþyrpingu skammt frá bænum
Gardez. Að sögn talsmanns hersins
lágu líkin undir húsvegg sem hafði
hrunið niður í árásinni. Talið var að
herskár talíbani, Mullah Jilani,
héldi til á svæðinu. Hermönnunum
tókst ekki að hafa hendur í hári Jil-
ani en handtóku níu aðra.
Um 2.000 bandarískir hermenn
taka þátt í herferð gegn talíbönum
og liðsmönnum al-Kaída sem haf-
ast við í fjallahéruðum í suðaustur-
hluta Afganistan. Síðustu helgi fór-
ust níu afgönsk börn í loftárás
Bandaríkjamanna á afskekkt þorp í
Ghazni-héraði. Yfirmenn banda-
ríska herliðsins í Afganistan viður-
kenndu að um mistök hefði verið
að ræða og sögðu að árásinni hefði
verið beint gegn Mullah Wazir,
fyrrum leiðtoga íslamskra harð-
línusamtaka. Að sögn hersins fórst
Wazir í árásinni. ■
BÖRNIN SYRGÐ
Skór og húfur lágu á víð og dreif eftir
að sprengju var varpað á íbúðarhús í
afskekktu þorpi í Afganistan síðustu
helgi. Níu börn fórust í árásinni.
Bandaríski herinn ræðst gegn vígamönnum í Afganistan:
Sex börn fórust í loftárás
ÞRIÐJUNGURINN Á GEÐDEILD
Tæplega 90 geðfatlaðir einstaklingar bíða nú eftir viðeigandi húsnæði. Tæpur þriðjungur
þeirra er vistaður á geðdeild.
GEÐFATLAÐIR Á BIÐLISTA
EFTIR VIÐEIGANDI HÚSNÆÐI
Reykjavík 21
Reykjanes 29
Vesturland 2
Vestfirðir 0
Norðurland vestra 0
Norðurland eystra 29
Austurland 1
Suðurland 6
Samtals 88
NÚVERANDI BÚSETA
Í heimahúsi 53
Á sjúkrastofnun 26
Óstaðsettur í hús 6
Skammtímavistun 3
ÓK Á LÖGREGLUBÍL
Maðurinn var tekinn þrisvar fyrir ölvunar-
akstur á rúmum tveimur mánuðum. Hann
ók meðal annars á lögreglubíl fullur.
Myndin tengist ekki málinu.
Tekinn með hass, stal veski, braust inn í bíla og ók fullur á lögreglubíl:
Dæmdur í 14 mánaða fangelsi