Fréttablaðið - 31.12.2003, Blaðsíða 10

10 - 70 % afsláttur. Yfirhafnir í úrvali.
Stakir jakkar, peysur og vesti
Mörkinni 6
Sími 588 5518
Stórútsala hefst 2. janúar
opnum kl. 9.00
Opi
ð l
aug
ard
ag
og
sun
nud
ag
kl.
10–
18
10 31. desember 2003 MIÐVIKUDAGUR
■ Evrópa
■ Lögreglufréttir
HELDUR Á SÉR HITA
Japanskur makakíapi ornar sér við opinn
eld í Inuyama-apagarðinum í Japan, en
öpunum í garðinum, sem eru um
hundrað, finnst gott að sitja við eldinn í
vetrarnepjunni.
LÖGREGLUMÁL „Við óttumst að
hundurinn hafi verið tekinn,“ seg-
ir Hreiðar Hugi Hreiðarsson sem
búsettur er í Dvergaborgum 12 í
Grafarvogi, ásamt fjölskyldu
sinni. Þau sakna sárt hunds síns af
pomeranian-kyni sem hvarf síð-
astliðinn aðfangadag. Mikið hefur
verið leitað að honum en án árang-
urs. Hundurinn gegnir nafninu
Kasper, er níu ára og hefur aldrei
áður farið frá heimilinu.
„Við hleyptum honum út í garð,
eins og við höfum gert í mörg ár,“
segir Hreiðar. „Við settum einnig
út tík af sömu tegund sem við eig-
um. Svo þegar við kölluðum þau
inn, eins og við erum vön að gera,
kom tíkin en hundurinn ekki.“
Fjölskyldan hóf þegar leit, en
án árangurs. Þau hafa leitað á
hverjum degi síðan hundurinn
hvarf, talað við lögregluna tvisvar
á dag, verið í sambandi við hunda-
hótelið að Leirum, þar sem óskila-
hundum er oft komið fyrir, en
helst virðist sem hundurinn hafi
gufað upp. Í gær ætlaði Hreiðar
svo að ganga með auglýsingu í
sjoppur í hverfinu, þar sem birt er
mynd af hundinum og lýst eftir
honum.
Sorg ríkir í fjölskyldunni. Enn er
von um að hundurinn kunni að finn-
ast á lífi. Leitin heldur því áfram.
Ef einhver veit um hann eða af-
drif hans er símarnir hjá fjölskyld-
unni 586 1626 eða 697 8385. ■
Samrunaáform
kynnt fljótlega
Stofnfjáreigendum í SPRON verða kynnt áform um hlutafélaga-
væðingu sparisjóðsins og samruna við KB banka í byrjun nýs árs.
Tillaga um breytinguna verður afgreidd um miðjan febrúar.
SPRON Stjórn SPRON hefur boðað
stofnfjáreigendur til kynningar-
fundar 14. janúar næstkomandi en
þar verða kynnt þau áform að
SPRON verði sjálfstætt starfandi
dótturfélag Kaupþings Búnaðar-
banka. Að fengnu samþykki Fjár-
málaeftirlitsins er stefnt að því að
eigendur SPRON skipti á hlutum í
sparisjóðnum og nýjum hlutum í
Kaupþingi Búnaðarbanka. Til þess
að það gangi eftir, þarf stjórn
SPRON fyrst að fá samþykki
stofnfjáreigenda fyrir því að
breyta sparisjóðnum í hlutafélag.
Aukinn meirihluti stofnfjáreig-
enda eða tveir af hverjum þremur,
þarf að samþykkja hlutafélaga-
væðinguna.
Kaupþing Búnaðarbanki hyg-
gst bjóða stofnfjáreigendum að
kaupa hlutabréf þeirra í SPRON
hf. á genginu 5,54 en það er ívið
hærra gengi en reynt var í stofn-
fjárviðskiptum sumarið 2002. Þá
gerðu fimmmenningar, á vegum
Búnaðarbankans annars vegar og
Starfsmannasjóður SPRON hins
vegar, stofnfjáreigendum tilboð
um að kaupa bréf þeirra á genginu
5,5.
Tilkynning um samrunann við
Kaupþing Búnaðarbanka var send
Hlutafélagaskrá í gær en ætlunin
er að bera tillögu um breytingu á
rekstraformi SPRON upp á fundi
stofnfjáreigenda um miðjan
febrúar á næsta ári.
Stofnfjáreigendur SPRON eru
nú um 1.100 talsins.
Lengi framan af voru þeir að-
eins rúmlega 60 en á níunda ára-
tugnum var tekin sú ákvörðun að
opna frekar fyrir kaup á stofnfé.
Þá hafði umræðan þróast í þá veru
að SPRON væri lokaður hags-
munaklúbbur fárra útvalinna.
Því var skilvísum viðskipta-
mönnum SPRON boðið að kaupa
stofnfé í sparisjóðnum. Oftar en
ekki voru það útibússtjórar
SPRON sem mæltu með einstak-
lingum og fyrst um sinn mátti
hver og einn kaupa 10 stofnfjár-
bréf, hvert að nafnverði 25.000
krónur. Hámarkið var síðar hækk-
að í 20 stofnfjárbréf, hvert að
nafnverði 25.000 krónur.
Tilgangurinn með fjölgun
stofnfjáreigenda var fyrst og
fremst að afla SPRON aukins eig-
in fjár í harðnandi samkeppni á
bankamarkaði.
Frá því stjórn SPRON ákvað að
hefja undirbúning að breytingu á
rekstrarformi SPRON í hlutafélag
vorið 2002, hefur enginn bæst í
hóp stofnfjáreigenda.
the@frettabladid.is
HABL-PRÓF
Maðurinn smitaðist af bráðalungnabólgu
þegar hann var að sinna starfi sínu á rann-
sóknarstofu í Tapei.
Bráðalungnabólga
í Taívan:
HABL-
sjúklingur
útskrifaður
TAÍVAN, AP Starfsmaður á taívan-
skri rannsóknarstofu, sem smit-
aðist af bráðalungnabólgu fyrir
tæpum mánuði, hefur verið út-
skrifaður af sjúkrahúsi. Maðurinn
er sá eini sem greinst hefur með
sjúkdóminn í Taívan síðan landið
var tekið út af lista Alþjóðaheil-
brigðisstofnunarinnar yfir út-
breiðslusvæði í júlí síðastliðnum.
Taívaninn er talinn hafa smit-
ast af HABL-veirunni þegar hann
var að ganga frá sorpi á rannsókn-
arstofunni. Hann hélt ástandi sínu
leyndu í tæpa viku af ótta við að
verða þjóð sinni til skammar. Eft-
ir að hann greindist með sjúkdóm-
inn var fjöldi manna settur í sótt-
kví en enginn þeirra hefur greinst
með bráðalungnabólgu. ■
ALELDA STRÆTÓSKÝLI Slökkviliðið
í Reykjavík var kallað út um
klukkan tvö í fyrrinótt vegna elds
í strætóskýli í Skógarseli.
Bensíni hafði verið helt á skýlið
og kveikt í og var það alelda um
hríð. Þegar slökkvilið kom á stað-
inn hafði lögregla ráðið niðurlög-
um eldsins.
ELDUR Á SPORTBARNUM Slökkvi-
lið á höfuðborgarsvæðinu var
kallað út skömmu fyrir klukkan
þrjú í fyrrinótt vegna elds í veit-
ingastaðnum Sportbarnum í
Hafnarfirði. Töluverður eldur
var húsinu og mikill reykur.
Slökkviliðið slökkti eldinn og
reykræsti húsið. Aðgerðirnar
tóku tæplega eina klukkustund.
Rannsókn stendur yfir á upptök-
um eldsins en rúða var brotin í
húsinu þegar slökkvilið bar að.
BRETAR LOKA SENDIRÁÐINU Í
PERÚ Bretar hafa ákveðið að loka
sendiráði sínu í Lima, höfuðborg
Perú, fram til 2. janúar af örygg-
isástæðum. Í tilkynningu frá
breska utanríkisráðuneytinu er
gefið í skyn að yfirvöld hafi und-
ir höndum upplýsingar um hugs-
anlegar hryðjuverkaárásir á
sendiráðið.
YUKOS SAKAÐ UM SKATTSVIK
Skattamálayfirvöld í Rússlandi
saka olíurisann Yukos um að hafa
ekki staðið skil á sem svarar
rúmum 234 milljónum íslenskra
króna sem fyrirtækinu bar að
greiða í skatta og sektir. Yfirvöld
sendu frá sér yfirlýsingu þessa
efnis eftir að hafa farið yfir
skattaskýrslur Yukos fyrir árið
2000. Fyrrum forstjóri Yukos,
Mikhail Khodorkovsky, var í nóv-
ember ákærður fyrir skattsvik
og skjalafals.
FORELDRAR SEKTAÐIR Breskir
foreldrar sem fara með börn sín í
frí þegar skólastarf er í fullum
gangi gætu átt það á hættu að
verða sektaðir um sem svarar allt
að 13.000 íslenskum krónum.
Menntamálayfirvöld ætla að veita
skólastjórum umboð til að sekta
foreldra sem taka börn sín úr skól-
anum án leyfis skólayfirvalda.
Kjötsala:
Eykst
milli ára
LANDBÚNAÐUR Kjötsala jókst um
tæp sjö prósent síðasta árið sam-
kvæmt yfirliti kjötsölu hjá
Bændasamtökunum. Söluaukn-
ingin er heldur meiri en fram-
leiðsluaukningin sem nam tæpum
sex prósentum á sama tíma.
Kindakjöt selst sem fyrr meira
en annað kjöt, 29% kjötsölunnar
var kindakjöt en litlu munaði á
næstu kjöttegundum, svínakjöti
með 28% markaðshlutdeild og ali-
fuglakjöti með 27%. Breytingarn-
ar eru þó miklar því fyrir fimm
árum voru 40% af seldu kjöti
kindakjöt. ■
HORFINN VINUR
Auður Ása og Hreiðar Leví Hreiðarsbörn með hundinn Kasper. Myndin var tekin á jólun-
um í fyrra. Kaspar er nú týndur.
Óttast að hundurinn
hafi verið tekinn
ÖFLUGAST Í EINSTAKLINGSVIÐSKIPTUM
Eftir samruna SPRON og KB banka er ætlunin að gera sparisjóðinn að öflugasta fjármálafyrirtæki landsins í einstaklingsviðskiptum.
FR
ÉT
TA
B
LA
Ð
IÐ
/R
Ó
B
ER
T