Fréttablaðið - 04.01.2004, Blaðsíða 16

16 4. janúar 2004 SUNNUDAGUR
Hver er maðurinn?
TRAUSTUR
Samferðarmenn mannsins eru á því að
hann sé orðheldinn, leitandi og víðsýnn,
djúpur og margbrotinn persónuleiki.
Skarp-
greindur og
leitandi
Hann er hugmyndafræðingur.Ótrúlega víðsýnn miðað við
hversu íhaldssamur hann getur
verið líka. Og framsýnn er hann
einnig. Ekki fer á milli mála að
hann er skarpgreindur og kom
það mér ánægjulega á óvart, þeg-
ar ég kynntist honum, hversu
reiðubúinn hann er að líta hlutina
í nýju ljósi,“ segir Ásdís Halla
Bragadóttir, bæjarstjóri í Garða-
bæ, um manninn sem um er spurt
að þessu sinni. Ásdís Halla hefur
þekkt hann nokkuð lengi. Svo er
einnig með Gunnar Eyjólfsson
stórleikara sem dregur hér upp
nokkra drætti með orðum sínum
sem mega heita einkennandi fyrir
manninn: „Hann er orðheldinn.
Mjög ríkt í hans fari. Síðan er eitt
sem einkennir hann sem er leitin.
Hann er leitandi maður. Og hann
leitast við að rísa undir því trausti
sem honum er sýnt. Traustur mað-
ur í alla staði.“
Lokaorðin á svo rithöfundurinn
Thor Vilhjálmsson: „Um þennan
mann stóð löngum styrr og ýmis
viðhorf hans ollu því að ég laðað-
ist ekki að honum fyrr en ég
kynntist manninum sjálfum og
skynjaði margbrotinn persónu-
leika. Atvik ollu því að við náðum
á sameiginleg áhugasvið og ég
kynntist mjúkum þáttum og dýpt.
Spunnust með okkur vinsamleg
kynni og hlý sem við ræktuðum á
báða bóga.“
Og nú er spurt: Hver er maður-
inn? Svar við þeirri gátu má sjá á
blaðsíðu 20. ■
Fréttablaðið leitaði fulltingis stjörnuspekings, talnaspekings og tveggja spákvenna til þess að rýna í komandi ár.
Að mati þeirra verður árið rólegt framan af en það er einungis lognið á undan storminum. Það er rauður þráð-
ur í spádómum þeirra allra, nema þó Sirrýar spákonu, að þegar Halldór tekur við í haust verður mikið umrót.
Allt fer í háaloft í haust
„Já, já, er það ekki bara. Verð-
ur þetta ekki ágætt ár? Frekar ró-
legt þar til Halldór tekur við,“
segir Guðlaugur Guðmundsson
stjörnuspekingur - einn helsti sér-
fræðingur Fréttablaðsins þegar
reynt er að sjá fram í tímann.
Fjölmiðlabylting framundan
Í stjarnspekilegu tilliti mun
eitt verulega merkilegt gerast,
sem er að Úranus fer inn í fiska-
merkið. Hann verður þar í sjö ár
og þetta er stórbreyting. Gunn-
laugur leggur á það áherslu að
hann er ekki spámaður í venjuleg-
um skilningi heldur skoðar hann
það sem fyrir höndum er út frá
stöðu stjarnanna og svo náttúr-
lega því sem sjá má í samtíman-
um.
„Það hefur verið gífurleg um-
ræða um peninga og völd undan-
farið. Ég myndi halda því fram að
það sé að víkja aðeins.“
Gunnlaugur hefur ekki velt Ís-
landi fyrir sér sérstaklega. „Ég
hef verið að reyna að koma mér út
úr þessu spádómarugli,“ segir
hann og sækir stjörnukort fyrir
Ísland. „Nú, veit ég ekki hvort þú
vilt heyra þetta en veturinn 2004
til 2005 verður erfiður fyrir DV.
Allir DV-gaurarnir, og reyndar
Gunnar Smári einnig, eru með
erfiðar stjörnur. Þar sé ég fyrir
mér samdrátt í haust. Krísu í júní,
júlí, ágúst og september.“
Gunnlaugur sér einmitt eitt-
hvað afar sérkennilegt varðandi
fjölmiðla og næsta vetur á árinu
2005 „Rás 2 verður í sviðsljósinu.
Vegið verður að rásinni og hún
líklega seld, í það minnsta verður
gífurleg uppstokkun. Það er ein-
hver fjölmiðlabylting fram-
undan.“
Læti í kringum Halldór
Árið 2004 verður þokkalegt ár
fyrir Ísland almennt. Hins vegar
verða gífurlegar sviptingar á ár-
unum 2005 og 2006 eftir að Hall-
dór Ásgrímsson hefur tekið við.
„Það eru alltaf sviptingar í kring-
um Halldór sem eru ekki í kring-
um Davíð Oddsson,“ segir Gunn-
laugur. „Ferill Halldórs, sem virk-
ar íhaldssamur og jarðbundinn en
er það ekki, er slíkur. Hann er
frjálslyndur og með mikið af kon-
um í kringum sig. Honum fylgja
miklar breytingar þó hann vilji
skilgreina sig sem jarðbundinn.“
Gunnlaugur boðar hreinsanir
og að umbrot verði í þjóðfélaginu
eftir að Halldór tekur við. Þrátt
fyrir allt sé kyrrð í kringum
Davíð þó hann eigi það til að arg-
ast. Þessi stöðugleiki fylgi Hall-
dóri ekki. „Erfitt er að útskýra
þetta í fáum orðum. Halldór er
samsettur úr andstæðum pólum,
jarðbundinn og svo frjálslyndur.
Hann vill endurnýjun, þó svo
hann gefi sig út fyrir að vera
íhaldssamur. Það er því spurning
hvernig hann höndlar þetta.
Framsóknarflokkurinn gengur í
gegnum miklar breytingar.“
VG í þoku og Solla í klípu
Samfylkingin er í leiðinda-
málum, segir Gunnlaugur, og
hann er á því að ferill Ingibjargar
Sólrúnar Gísladóttur hafi ein-
kennst af mistökum og Össur
Skarphéðinsson sé náttúrlega
vindhani - það sé í hans eðli.
„Kárahnjúkar og eftirlaunafrum-
varpið reyndust honum erfið.
Guðmundur Árni Stefánsson er
eini maðurinn í Samfylkingunni
sem kom vel út. Stjórnmálamenn
verða að þora að taka erfiðar
ákvarðanir. Fólk treystir ekki
Samfylkingunni. Guðbergur
Bergsson rithöfundur hefur bent
réttilega á að millistéttin á Íslandi
telur um 80 prósent íbúa. Fólk
sem hefur það ágætt en má ekki
við neinu. Vísakortin eru í há-
marki og við þorum ekki að
breyta einu né neinu. Þess vegna
treystum við ekki Samfylking-
unni,“ segir Gunnlaugur, sem sér
bara þoku í kringum vinstri
græna og Steingrím J. Sigfússon,
sem er í lausu lofti. „Hann er fast-
ur fyrir og stabíll en er svolítið
búinn að missa dampinn.“
Sprengja í tengslum við Jón
Baldvin
2005 verður meira sviptingaár
að mati Gunnlaugs. „Ég á von á
óvæntu frá Jóni Baldvin Hanni-
balssyni. Það er einhver sprengja
sem kemur frá honum á næstunni.
Óvænt útspil. Eitthvað merkilegt
og óvænt. Hann á eftir að koma
fram á sviðsljósið aftur. Ég myndi
fylgjast með honum.“
Og Gunnlaugur skynjar vinstri
sveiflu framundan. Afturhvarf
hjá fólki í þá áttina. Fólk sé búið
að fá nóg af frjálshyggju og pen-
ingagræðgi - geðvonsku í Davíð
og sjálftöku forstjóra. „Fólk er að
kikna og Íslendingar eru jafnað-
armenn. Þeir þola ekki að einhver
rísi hátt yfir annan. Sjálfstæðir
jafnaðarmenn. Þjóðin verður æf,
þolir ekki gengdarlausa sjálftöku.
Svo á móti eru foringjar vinstri-
manna hálflamaðir, Steingrímur í
þoku, Ingibjörg í lægð og Össur
þykir ómarktækur.“
Kærleiksrík tala
„Sú tala sem kemur upp sem
2004 er náttúrlega tala sem við
tölum um í sambandi við okkar
vestræna heim og getum ekki
heimfært hana upp á Kína og aðra
staði þar sem önnur ártöl eru í
gangi,“ segir Hermundur Rósin-
kranz talnaspekingur.
„En þegar við miðum við stærst-
an hluta heimsins þá er þetta
svokölluð „domestic“ eða heimilis-
tala þannig að það eiga að koma upp
mál sem við eigum að taka á hérna
heima hjá okkur, í okkar eigin
landi. Þetta er líka að vissu leyti
tala samkenndar og það sem skiptir
mestu máli fyrir þetta ár er að
sinna kærleikanum, fjölskyldunni,
heimilinu og vinunum.“
Hermundur gerir þrátt fyrir
þetta ráð fyrir nokkurri spennu á
Íslandi. „Ef ég skoða tölu Íslands
sem er 17. júní 1944 þá kemur hún
út sem talan 5 og ef við leggjum
saman 5 og töluna í ár 2004 sem
verður 6 kemur út tölugildið 11.
Undir ellefunni er mjög oft mjög
mikil spenna sem getur bæði verið
jákvæð og neikvæð og þá er spurn-
ing hverju við höfum verið að sá í
umhverfið. Ef við höfum verið að
sá velgengni með réttu hugarfari
og með samþykki allra þá erum við
að uppskera góða hluti í kringum
2006. Ef við höfum, hins vegar, ver-
ið að sá neikvæðu, eins og til dæm-
is alþingismenn með lífeyrisrétt-
indafrumvarpinu og því að ganga á
bak orða sinna, verður uppskeran
slæm og þannig má búast við að
samningar bresti í ár. Ég sé okkur
þó ekki fara í gífurleg verkföll en
einhverjar starfsgreinar munu þó
leggja niður störf.“
Halldór valtur
„Davíð Oddsson lofaði Halldóri
Ásgrímssyni forsætisráðherra-
stólnum og ég tel að það verði
lokastarf Halldórs, sem stjórn-
málamaður, að ná þessu sæti sem
hann hefur stefnt að allan sinn
feril. Davíð stendur vonandi við
GUNNLAUGUR GUÐMUNDSSON
„Þjóðin verður æf, þolir ekki gengdarlausa sjálftöku. Svo á móti eru foringjar vinstrimanna
hálflamaðir, Steingrímur í þoku, Ingibjörg í lægð og Össur þykir ómarktækur.“
HERMUNDUR RÓSINKRANZ
„Ef ég skoða tölu Íslands sem er 17. júní
1944 þá kemur hún út sem talan 5 og ef
við leggjum saman 5 og töluna í ár 2004
sem verður 6 kemur út tölugildið 11. Und-
ir ellefunni er mjög oft mjög mikil spenna
sem getur bæði verið jákvæð og neikvæð
og þá er spurning hverju við höfum verið
að sá í umhverfið.“
Ég á von á óvæntu
frá Jóni Baldvin
Hannibalssyni. Það er ein-
hver sprengja sem kemur frá
honum á næstunni. Óvænt
útspil. Eitthvað merkilegt og
óvænt. Hann á eftir að koma
fram á sviðsljósið aftur. Ég
myndi fylgjast með honum.“
,,
Það sem skiptir
mestu máli fyrir
þetta ár er að sinna kær-
leikanum, fjölskyldunni,
heimilinu og vinunum.“
,,