Fréttablaðið - 04.01.2004, Blaðsíða 26
■ ■ TÓNLEIKAR
17.00 Kvennakórinn Embla heldur
tónleika í Akureyrarkirkju. Fluttir verða
Fjórir söngvar eftir Johannes Brahms og
Söngvasveigur eftir Benjamin Britten.
Einsöngvarar eru Hildur Tryggvadóttir,
sópran og Elvý G. Hreinsdóttir, mezzo-
sópran. Hljóðfæraleikarar eru Emíl Frið-
finnsson, horn, Kjartan Ólafsson, horn,
og Sophie M. Schoonjans, harpa. Stjórn-
andi er Roar Kvam.
17.00 Tríó Artis heldur nýárstón-
leika í Mosfellskirkju. Flutt verða falleg
og hátíðleg verk eftir Fauré, Bach,
Rachmaninoff, Debussy og fleiri. Tríóið
skipa þær Kristjana Helgadóttir flautu-
leikari, Jónína Auður Hilmarsdóttir víólu-
leikari og Gunnhildur Einarsdóttir hörpu-
leikari.
20.00 Jónas Ingimundarson
píanóleikari kemur fram ásamt Elínu
Ósk Óskarsdóttur, sópran, Elsu Waage,
alt, Jónasi Guðmundssyni tenór, og Ólafi
Kjartani Sigurðarsyni, baritón, á árlegum
Stórtónleikum Rótarý á Íslandi í
Salnum, Tónlistarhúsi Kópavogs.
■ ■ LEIKLIST
14.00 Dýrin í Hálsaskógi eftir
Thorbjörn Egner á stóra sviði Þjóðleik-
hússins.
14.00 Leikhópurinn Á senunni
sýnir Ævintýrið um Augastein eftir Felix
Bergsson í Tjarnarbíói. Þetta er síðasta
sýningin.
14.00 Lína Langsokkur eftir Astrid
Lindgren á stóra sviði Borgarleikhúss-
ins.
17.00 Dýrin í Hálsaskógi eftir
Thorbjörn Egner á stóra sviði Þjóðleik-
hússins.
19.00 Grease með Birgittu og
Jónsa í Borgarleikhúsinu.
■ ■ SKEMMTANIR
Dj. Svali skemmtir á Sólon.
■ ■ ÚTIVIST
11.00 Gönguskíðaferð á vegum
Ferðafélags Íslands. Safnast verður sam-
an höfuðstöðvum félagsins í Mörkinni 6
og ákveðið hvert skal halda. Umsjón
með ferðinni hefur Þorsteinn Eiríksson.
■ ■ SAMKOMUR
10.00 Í tilefni af opnun Lauga,
nýrrar heilsu- og sundmiðstöðvar í Laug-
ardalnum, er landsmönnum boðið til
fjölskylduhátíðar, sem stendur frá
klukkan 10 til 20. Lína langsokkur og
Dýrin í Hálsaskógi koma í heimsókn og
þau Hera Hjartardóttir, Jónsi og Hrafn-
kell í Svörtum fötum syngja fyrir gesti.
■ ■ SÝNINGAR
Í Hafnarhúsinu stendur yfir sýning á
ljósmyndum Ólafs Magnússonar kon-
unglegs hirðljósmyndara er starfaði í
Reykjavík á árunum 1913–1954. Þar er
einnig sýning á völdum verkum franska
arkitektsins Dominique Perrault. Báð-
um þessum sýningum lýkur á morgun. Í
Hafnarhúsinu er einnig þemasýning úr
verkum Errós í eigu safnsins. Opið
10–17.
Í Gerðarsafni í Kópavogi stendur yfir
sýningin Carnegie Art Award 2004, þar
sem sýnd eru verk eftir 24 af helstu
listamönnum Norðurlanda. Sýningin
stendur til 22. febrúar. Gerðarsafn er
opið 11-17 alla daga nema mánudaga.
Opnuð hefur verið í Nýlistasafninu
sýning í tilefni af 25 ára afmæli safns-
ins. Á sýningunni eru verk eftir nokkra af
félögum safnsins og ýmislegt sem end-
urspeglar sögu starfseminnar.
Raunsæi og veruleiki - Íslensk
myndlist 1960-1980 er heiti sýningar
sem nú stendur yfir í Listasafni Íslands.
Sýningin er sú langstærsta sem haldin
hefur verið um þetta róttæka tímabil í
íslenskri listasögu. Safnið er opið alla
daga 11-17 nema mánudaga. Sýningin
stendur til 9. janúar.
Auk verka úr safneigninni standa nú
yfir þrjár sérsýningar í Safni, Laugavegi
37: Nýjar teiknimyndir eftir Lawrence
Weiner, Litir eftir Adam Barker-Mill og
kynning á verkum frá ferli listamannsins
Hreins Friðfinnssonar.
Í Listasafninu á Akureyri standa yfir
tvær sýningar. Blómrof nefnist sýning á
málverkum Eggerts Péturssonar í aust-
ur- og miðsal safnsins. Í vestursal sýnir
Aaron Michel innsetningu á skúlptúrum
og teikningum sem hann kallar Minn-
ingar og heimildasöfn.
Guðbjörg Lind er með málverkasýn-
ingu í gallerínu og skartgripaversluninni
Hún og hún, Skólavörðustíg 17b.
Í tilefni 140 ára afmælis Þjóðminja-
safnsins stendur yfir sýning í risi Þjóð-
menningarhússins.
Þorkell Þórisson sýnir yfir 50 olíu-
og akrílmyndir í nýju gallerí að Tryggva-
götu 18 sem nefnist Gallerí T-18.
26 4. janúar 2004 SUNNUDAGUR
hvað?hvar?hvenær?
1 2 3 4 5 6 7
JANÚAR
Sunnudagur É
g veit ekki hvort það á að
vekja með okkur hlátur eða
grátur. Ef til vill hvort tveggja,“
sagði Claude Debussy einhvern
tímann um Sónötu sína fyrir flau-
tu, lágfiðlu og hörpu, sem frum-
flutt var í apríl árið 1917, rétt
tæpu ári áður en tónskáldið lést.
Síðdegis í dag flytur Tríó Artis
þessa sónötu á tónleikum í Mos-
fellskirkju. Tríóið skipa þær
Kristjana Helgadóttir flautuleik-
ari, Jónína Auður Hilmarsdóttir
víóluleikari og Gunnhildur Ein-
arsdóttir hörpuleikari.
„Þessi sónata Debussys var
fyrsta verkið sem skrifað var
fyrir þessa óvenjulegu hljóðfæra-
samsetningu,“ segir Gunnhildur.
„Eftir það tóku mörg tónskáld
sér hann til fyrirmyndar og
sömdu verk fyrir þessa samsetn-
ingu, sem þótti afskaplega
skemmtileg. Þessi hljóðfæri
passa eitthvað svo vel saman.“
Þær stöllur kynntust í Amster-
dam fyrir fáeinum árum þegar
þær voru allar þar í námi. Tvær
þeirra kenna nú við Tónlistar-
skóla Mosfellsbæjar, en Gunn-
hildur er að ljúka prófi úti í
Amsterdam í vor.
Þar í borg stofnuðu þær einnig
Tríó Artis, sem hefur einu sinni
áður haldið tónleika hér á landi.
Það var í Salnum í Kópavogi í
febrúar á nýliðnu ári.
Gunnhildur segir að ekkert ís-
lenskt tónskáld hafi enn samið
verk fyrir þessa hljóðfærasam-
setningu. „En við ætlum að sjá til
þess. Það er á efnisskránni hjá
okkur að láta íslenskt tónskáld
semja fyrir okkur verk á næsta
ári.“
Á tónleikunum verða einnig
flutt tvö önnur verk sem útsett
eru fyrir þessi þrjú hljóðfæri,
annað eftir Gabriel Fauré, hitt
eftir Rachmaninoff.
Auk þess flytja þær nokkur dúó
fyrir flautu og hörpu ásamt ein-
leiksverki fyrir flautu eftir Carl
Philip Emanuel Bach.
„Þetta eru allt öðruvísi tónleikar
heldur en við vorum með í Salnum,“
segir Kristjana. Þar fluttu þær
miklu þyngri nútímatónlist, enda er
stefna tríósins að einbeita sér eink-
um að nútímatónlist.
„En þetta eru nýárstónleikar
með afskaplega ljúfri tónlist. Fólk á
að geta átt þarna notalega stund í
kirkjunni.“ ■
■ TÓNLEIKAR
Á ljúfu nótunum í Mosfellskirkju
Lýðheilsustöð auglýsir eftir umsóknum um styrki úr Forvarnasjóði
samkvæmt skv. lögum um Lýðheilsustöð nr. 18/2003.
Umsóknarfrestur er til 31. janúar 2004.
Tilgangur Forvarnasjóðs er skv. lögum um gjald á áfengi nr.
96/1995 að stuðla að forvörnum gegn áfengis- og vímuefnaneyslu
og eru veittir styrkir úr honum til verkefna af þeim toga. Lýðheilsustöð
skal ráðstafa fé úr Forvarnasjóði skv. 7. gr. laga nr. 96/1995, um gjald
af áfengi og tóbaki, til verkefna á sviði áfengis- og vímuvarna í sam-
ráði við ráðherra að fengnum tillögum áfengis- og vímuvarnaráðs.
Við úthlutun styrkja verður hugað að jafnvægi milli landshluta,
niðurstöðum nýjustu rannsókna og fyrirliggjandi upplýsingum um
vímuefnaneyslu og forvarnir í samfélaginu. Forgangs njóta tímabund-
in verkefni sem lúta að grasrótarstarfi í sveitarfélögum, meðal for-
eldra og ungmenna, innan heilsugæslu, skóla, leikskóla, félagsþjón-
ustu, tómstundastarfs og sem varða eftirlit og löggæslu á sviði vímu-
varna. Litið verður á samvinnu um verkefni og mótframlög annarra
sem kost. Auk þess er hluta Forvarnasjóðs varið til styrktar áfanga-
heimila.
Lýðheilsustöð áskilur sér rétt til að:
1. Senda umsóknir til umfjöllunar fagaðila og óska eftir nánari
upplýsingum um verkefni, framkvæmdaaðila og fjármögnun.
2. Skilyrða styrkveitingar og ákveða að styrkir verði greiddir
út í samræmi við framvindu verkefnis.
Félög, samtök og opinberar stofnanir geta sótt um styrki. Einstak-
lingar geta að jafnaði einungis sótt um styrki til rannsóknarverkefna.
Tekið er við þrenns konar umsóknum fyrir:
1. Almenn verkefni
2. Rannsóknir
3. Áfangaheimili
Sé sótt um styrk til framhaldsverkefna þarf framvinduskýrsla
að liggja fyrir.
Nánari upplýsingar og umsóknareyðublöð fást á skrifstofu Lýð-
heilsustöðvar, sími 5851470 og á heimasíðunni www.vimuvarnir.is.
Þar er einnig að finna reglugerð nr. 361/1999 um sjóðinn og upplýs-
ingar um styrki sem hafa verið veittir undanfarin ár.
Umsóknir sendist með tölvupósti á vimuvarnir@hr.is eða með
venjulegum pósti í tvíriti til Lýðheilsustöðvar, Heilsuverndarstöð
Reykjavíkur, Barónsstíg 47, 101 Reykjavík.
Styrkir úr
Forvarnarsjóði
Augasteinn kveður
Felix Bergsson flytur Ævin-týrið um Augastein í síðasta
sinn í Tjarnarbíói í dag. Felix
segir sýninguna hafa fengið
mjög góðar viðtökur, en þar sem
efni henar tengist jólunum er
varla hægt að sýna hana mikið
lengur. Að minnsta kosti ekki
fyrr en þá þegar næstu jól fara
að nálgast.
Samnefnd bók kom út fyrir
jólin og leyndist í býsna mörg-
um jólapökkum smáfólksins.
Kolbrún Halldórsdóttir al-
þingismaður leikstýrir höfund-
inum í þessari sýningu, en þau
Kolbrún og Felix stofnuðu ein-
mitt leikhópinn Á senunni árið
1998. ■
TRÍÓ ARTIS
Flytja ljúfa og notalega tónlist fyrir lágfiðlu, flautu og hörpu í Mosfellskirkju.
■ LEIKLIST
FELIX BERGSSON
Nú þegar jólunum er að ljúka lýkur jafn-
framt sýningum á Ævintýrinu um Auga-
stein.