Fréttablaðið - 04.01.2004, Blaðsíða 17
17SUNNUDAGUR 4. janúar 2004
þetta loforð þar sem hann er enn
frekar á heiðarlegu nótunum.
Halldór er hins vegar ekki sú
manngerð sem á að vera í forsæt-
isráðherraembættinu. Hann er
talan 11 eða tvisturinn og hún
stendur fyrir hugmyndamanninn.
Þetta er maður tengslanna við
fólkið og þess vegna er hann vel
settur þar sem hann er núna, sem
utanríkisráðherra. Davíð er 22
sem er hin „mastertalan“ sem er
tala stjórnunar og framkvæmda.
Sá sem ræður. Það er eitthvað í
kringum Halldór, ekki endilega
beint hann sjálfur, sem gerir það
að verkum að stjórnartíð hans
sem forsætisráðherra verður ekki
mjög löng. Þetta á eftir að valda
alveg gríðarlegri ólgu.“
Gæti verið verra
„Árið leggst bara virkilega vel
í mig þó svo að það eigi eftir að
vera alls konar upphlaup. Íslend-
ingar eiga eftir að fjárfesta enn
meira erlendis á þessu ári og þeir
ríku halda áfram að verða ríkari
og fátæku fátækari. Það verða
engar breytingar þar á og þetta
bil heldur áfram að breikka,“ seg-
ir spákonan Sirrý.
„Þá liggur það ljóst fyrir að
ríkisstjórnin mun aldrei geta efnt
öll kosningaloforðin þó hún reyni
það enda spyr ég nú bara hvar á
að taka fjármagn fyrir öllum
efndunum? En þeir reyna. Það
verða miklar sviptingar í atvinnu-
lífinu og atvinnuleysi mun því
miður aukast og almenningur
mun ekki hafa eins mikla peninga
milli handanna og það er auðvitað
ekki gott. Almenningur er farinn
að kyngja svo miklu og verkalýðs-
félögin snúa sér bara í hina áttina.
Það vantar allan barning í fólk í
dag. Ég held að það sé bara búið
að gefast upp.“
Dauft í kringum Halldór
Sirrý segir það ekkert vafamál
að Halldór Ásgrímsson muni taka
við af Davíð Oddssyni og spáir því
að hann muni sigla lygnan sjó.
„Davíð er auðvitað allt öðruvísi
persóna. Hann er litskrúðugur og
skemmtilegur. Halldór er litlaus-
ari þannig að það verður rólegra í
kringum hann.“ Sirrý telur þó að
það muni ríkja almenn sátt um
Halldór enda sé „voðalega lítið
hægt að setja út á hann,“ en það
verði þó miklu minna fjör.
„Ingibjörg Sólrún fer erlendis,
eins og hún er búin að tala um.
Hún er þó ekki búin að segja sitt
síðasta orð þó það fari lítið fyrir
henni í ár. Hún er ákveðin og á
eftir að fara fram gegn Össuri og
verður sjálfsagt formaður í þess-
um flokki áður en yfir lýkur.“
Sirrý segir að Ólafur Ragnar
Grímsson verði endurkjörinn for-
seti á árinu og honum muni ekki
standa nein ógn af þeim sem bjóða
sig fram gegn honum þar sem
ekkert þungavigtarfólk verði í
þeim hópi. „Hann mun því sitja
áfram sem er mjög gott mál.“
Náttúruhamfarir en engin
dauðsföll
Sirrý segist ekki telja rétt að
spá fyrir náttúruhamförum en sér
samt ýmis teikn á lofti. „Við búum
nú einu sinni á Íslandi og það er
alltaf von á eldgosum, jarðskjálft-
um og slíku. Ég sé samt að þetta á
eftir að gerast. Ég hef á tilfinning-
unni að það komi bæði snjóflóð og
einhverjar jarðhræringar og jafn-
vel eldgos. Það verður þó ekkert
mannfall þegar þetta dynur yfir.
Það væri þá einna helst í snjóflóð-
inu sem ég held að komi. Það lítur
ekki vel út en málið er að ég sé
ekki dauðsföll, en mér er kannski
ekki ætlað að sjá þau.“
Sirrý sér einnig fram á sjóslys
og skipskaða en rétt eins og í nátt-
úruhamförunum gerir hún ráð
fyrir að mannbjörg verði. „Seinni-
partur ársins verður góður og við
munum fá gott sumar. Það verður
hlýtt, kannski mikil rigning en
alls ekki kalt.“
Slys og jarðskjálftar
„Árið leggst vel í mig, svona í
heildina,“ segir Kristjana Valde-
marsdóttir spákona. „Það verða
þó alla vegana tveir stórir brunar
á árinu, annar líklega í sumar en
ég get ekki séð mannskaða en það
verður því miður töluvert um slys
á árinu. Við losnum víst ekki við
það. Ég hef það á tilfinningunni að
það verði flugslys, líklega síðla
sumar en ég þori ekki alveg að
tímasetja það.
Ég get ekki séð eldgos en það
verða svolítið miklir skjálftar en
þó ekkert alvarlegir. Þeir tengjast
frekar Suðurlandinu en Vest-
fjörðunum. Það er engin skelfing
yfirvofandi en mér finnst ónota-
legt að sjá þessi slys sem tengjast
bílum og svo er ég hrædd um sjó-
slys sem tengist litlum stað á
landsbyggðinni. Það á eftir að
breytast mikið í atvinnumálum
þegar líður á árið og það verður
minna um atvinnuleysi næsta vet-
ur en verið hefur. Fólk á eftir að
eiga betra með að fá vinnu og þá
mun koma fram góð breyting í
sambandi við húsnæðismál.“
Gott sumar en hasar í haust
Kristjana spáir góðu sumri.
„Veðurfarslega verður sumarið
gott, en ekki jafn gott og í fyrra.
Það verður ekki jafn mikil sól. Ég
veit að júlí verður góður og það
nær eitthvað fram í ágúst en svo
gæti farið að rigna meira. Það
verður gleði yfir landinu en samt
pirrar mig eitthvað tengt sorg
sem kemur upp í nóvember.“
Þá gerir Kristjana einnig ráð
fyrir miklum hamagangi í stjórn-
málunum þegar líða fer á árið.
„Davíð hættir sem forsætisráð-
herra og það eiga eftir að verða
svolítil læti í kringum pólitíkina í
haust.“ Kristjana segir að það
muni vissulega eitthvað gusta um
Halldór Ásgrímsson í nýju emb-
ætti en spáir því að mest verði
fjaðrafokið í kringum Ingibjörgu
Sólrúnu Gísladóttur. „Hún er ekki
búin að segja sitt síðasta og það
verða svolítil læti.“
Fjölmiðlarnir munu heldur
ekki sleppa við hræringar og á
þeim vettvangi skiptast á skin og
skúrir eins og annars staðar.
„Fréttablaðið á eftir að verða enn
vinsælla á árinu en ég er voðalega
hrædd um að DV eigi eftir að líða
undir lok. Það verður í það
minnsta mjög tæpt á því. Frétta-
blaðið á hins vegar eftir að þenja
sig út. Það á eftir að gera mikið
gott og nýjungar sem koma fram í
blaðinu munu vekja mikla athygli.
Eitthvað sem höfðar rosalega vel
til fólksins.“
thorarinn@frettabladid.is
jakob@frettabladid.is
KRISTJANA VALDEMARSDÓTTIR
„Kári Stefánsson á eftir að láta meira í sér
heyra því það er eitthvað mikið að gerast
hjá honum. Miklar framfarir.“
SIRRÝ SPÁKONA
„Ég hef á tilfinningunni að það komi bæði
snjóflóð og einhverjar jarðhræringar og
jafnvel eldgos. Það verður þó ekkert
mannfall þegar þetta dynur yfir.“
Árið leggst bara
virkilega vel í mig þó
svo að það eigi eftir að vera
alls konar upphlaup. Íslend-
ingar eiga eftir að fjárfesta
enn meira erlendis á þessu
ári og þeir ríku halda áfram
að verða ríkari og fátæku
fátækari.“
,, Ég veit að júlí verður
góður og það nær
eitthvað fram í ágúst en svo
gæti farið að rigna meira.
Það verður gleði yfir landinu
en samt pirrar mig eitthvað
tengt sorg sem kemur upp í
nóvember.“
,,