Fréttablaðið - 06.01.2004, Síða 2

2 6. janúar 2004 ÞRIÐJUDAGUR
“Jú, ég býð hana bara velkomna.
Þetta er gagnlegt og skemmtilegt
námskeið fyrir alla.“
Þórhallur Heimisson, sóknarprestur í Hafnarfirði,
hefur um árabil haldið námskeið fyrir hjón og
sambúðarfólk. Britney Spears gekk í það heilaga
um helgina og mun nú þegar vera farin að leggja
drög að skilnaði.
Spurningdagsins
Þórhallur, þarf Britney ekki að koma
á námskeið hjá þér?
■ Evrópa
Um 80 vistmenn
í sóttkví um jólin
Veirusýking sem lýsir sér í uppköstum og niðurgangi kom upp á hjúkrunar-
heimilinu Seljahlíð. Gamla fólkið fékk ekki að hitta sína nánustu um jólin.
Vistmenn og starfsmenn veiktust. Hluti heimilisins er enn í sóttkví.
SÝKING Veirusýking kom upp á
hjúkrunarheimilinu Seljahlíð í
Breiðholti um jólin. Á Þorláks-
messu voru allir 83 vistmenn heim-
ilisins settir í sóttkví.
Um er að ræða svokallaða nóró-
veirusýkingu sem lýsir sér í upp-
köstum og niðurgangi. María Gísla-
dóttir, forstöðumaður Seljahlíðar,
segir að á bilinu 10 til 15 vistmenn
hafi sýkst og nokkrir starfsmenn.
Reynt hafi verið að sporna gegn
sýkingu með því að láta fólk þvo á
sér hendurnar reglulega með sótt-
hreinsandi efni. Þá hafi starfsfólk
notað andlitsgrímur þar sem veir-
an berist með hósta eða munnvatni.
María segir að þessi veirusýk-
ing sé ekki ný af nálinni hérlendis.
Hún hafi komið upp á nokkrum
hjúkrunarheimilum fyrir aldraða
hér á landi á síðasta ári.
Vegna ástandsins í Seljahlíð
fékk gamla fólkið á heimilinu ekki
að umgangast hvert annað og var
því gert að dvelja öllum stundum
inni á herbergjum sínum eða í
íbúðum. Matsalur heimilisins var
lokaður og fólki færður matur inn
á herbergin. Samkvæmt heimild-
um Fréttablaðsins komu sumir að-
standendur sjálfir með mat handa
sínum nánustu af ótta um að þeir
myndu sýkjast. Þeir máttu hins
vegar ekki afhenda þeim hann
sjálfir og þurftu því að koma hon-
um til fólksins með öðrum hætti.
Vegna sýkingarhættu fékk fólk-
ið ekki að umgangast sína nánustu
fyrr en á gamlársdag, þegar talið
var að mesta hættan á sýkingu
væri gengin yfir. Á nýársdag kom
sýkingin hins vegar aftur upp og
því voru vistmenn aftur settir í
sóttkví. Í gær lýsti stjórn Seljahlíð-
ar því yfir að ekki væri lengur
hætta á sýkingu á vistdeild og í
þjónustuíbúðunum. María segir að
þeir sem dvelji á hjúkrunardeild-
inni séu hins vegar enn í sóttkví.
Aðstandandi sem Fréttablaðið
ræddi við, en vildi ekki láta nafns
síns getið, gagnrýnir að upplýs-
ingagjöf hafi verið af skornum
skammti. Hann segir að öldruð
móðir hans hafi til að mynda ekki
fengið að vita nákvæmlega hvers
vegna hún væri í sóttkví. María
segir það miður ef svo hafi verið.
Reynt hafi verið eftir fremsta
megni að upplýsa alla vistmenn um
sýkingarhættuna.
trausti@frettabladid.is
Kínverskur karlmaður smitaður af bráðalungnabólgu:
Þúsundum deskatta slátrað
KÍNA, AP Alþjóðaheilbrigðisstofnun-
in hefur staðfest að 32 ára karl-
maður frá Guangdong-héraði í
Kína hafi greinst með HABL, heil-
kenni alvarlegrar bráðrar lungna-
bólgu. 25 manns sem umgengust
hinn smitaða hafa verið settir í
sóttkví. Alþjóðaheilbrigðisstofn-
unin ítrekar að ekki sé um farald-
ur að ræða og því engin ástæða til
að vara við ferðum til Kína.
Kínversk yfirvöld áforma að
slátra þúsundum deskatta þar
sem óttast er að HABL-veiran
berist til manna úr þessum dýr-
um. Rannsóknir hafa sýnt að veir-
an er náskyld veiru sem fundist
hefur í desköttum og skyldum
dýrum. Deskettir eru vinsæl fæða
víða í Kína en nú hefur verið lagt
bann við því að selja þessi dýr á
mörkuðum.
Bráðalungnabólgunnar varð
fyrst vart í Guangdong-héraði í
nóvember 2002. Yfir 8.000 manns
smituðust af HABL á næstu sjö
mánuðum um heim allan og hátt í
800 létust af völdum sjúkdóms-
ins. Á undanförnum sex mánuð-
um hafa aðeins tveir aðrir menn
smitast af bráðalungnabólgu, en
báðir störfuðu þeir á rannsókna-
stofum. ■
ÁSMUNDUR STEFÁNSSON
Sáttasemjari mun hafa næg verkefni á
næstunni.
Ríkissáttasemjari:
Sáttafundi
var frestað
VINNUDEILUR Ríkissáttasemjari
frestaði í gær til miðvikudags
boðuðum sáttafundi Starfsgreina-
sambandsins og ríkisins sem
halda átti í gær. Frestunin er af
tæknilegum ástæðum en ekki
vegna ágreiningsmála. Fullkomin
óvissa ríkir í kjaramálum eftir að
verkalýðsfélögin kröfðust þess að
fá aukin lífeyrisréttindi til sam-
ræmis við það sem alþingismenn
úthlutuðu sjálfum sér og öðrum
æðstu mönnum ríkisins með laga-
setningu fyrir jól. Kjarasamning-
ar flestra launþega eru lausir eða
um það bil að renna út.
Í húsi ríkissáttasemjara er allt
með kyrrum kjörum en þó var
áformað að fulltrúar Starfs-
greinasambandsins og Samtaka
atvinnulífsins hittust á óformleg-
um fundi í dag. ■
SANDGERÐI
Sjófarendum er létt eftir að prammi sem
hékk í flaki lóðsbáts sleit sig lausan.
Sandgerði:
Prammi
skaust úr
hafdjúpi
SKIPSSKAÐI Prammi sem hékk í
dráttarbátnum Gamla lóðs þegar
hann sökk nokkru fyrir jól skaust
upp úr hafdjúpunum í fyrrinótt.
Gamli lóð sökk á um 100 metra
dýpi þar sem báturinn var á leið til
Vestmannaeyja. Nokkrar áhyggjur
voru vegna þess að þar sem
báturinn hefur mikið flotmagn
maraði hann skammt undir yfir-
borði sjávar og líklegt var talið að
hann gæti valdið sjófarendum
skaða. Til stóð að gera út leiðangur
til þess að ná prammanum frá flaki
Gamla lóðs. En áður en til þess
kom slitnaði pramminn frá. Björg-
unarsveitin Sigurvon í Sandgerði
gerði í gær út leiðangur til þess að
sækja prammann þar sem hann
var á reki um fjórar sjómílur frá
Sandgerði. Að sögn Björns Arason-
ar, hafnarstjóra í Sandgerði, gekk
sú ferð að óskum og var komið
með prammann til hafnar í gær. ■
BRESKIR HERMENN
Tony Blair, forsætisráðherra Bretlands,
heimsótti hermenn í Basra um helgina.
Hernám Íraks:
Bretar ekki
á heimleið
LUNDÚNIR, AP Breskar hersveitir
verða að öllum líkindum áfram í
Írak í mörg ár eftir að völdin hafa
verið færð í hendur heimamanna,
að sögn Jack Straw, utanríkisráð-
herra Breta. Straw segist eiga von
á því að það muni takast að koma
á fót bráðabirgðastjórn í Írak
fyrir 1. júlí eins og stefnt er að.
„Innan skamms munu Írakar
bera ábyrgð á eigin öryggi og
stjórn,“ sagði Straw í samtali við
breska ríkisútvarpið, BBC. Hann
ítrekaði þó að fjöldi breskra her-
manna yrði áfram við störf í Írak
í nokkur ár.
Um 10.000 breskir hermenn
eru nú í og við borgina Basra í
suðurhluta Íraks. ■
EVRÓPUÞINGMENN FÁ BRÉFA-
SPRENGJUR Bréfasprengjur voru
sendar til tveggja þingmanna
Evrópuþingsins í gær. Engan sak-
aði þegar sprengjurnar sprungu,
á skrifstofu Bretans Gary Titley í
Manchester og hjá Þjóðverjanum
Hans-Gert Pöttering í höfuð-
stöðvum Evrópuþingsins í Brus-
sel. Pakkarnir voru póstlagðir í
Bologna og beinist grunur að
samtökum ítalskra stjórnleys-
ingja. Fjórar aðrar bréfasprengj-
ur hafa verið sendar til evr-
ópskra embættismanna á síðustu
tveimur vikum.
VEL HEPPNUÐ NAUÐLENDING
Austurrísk farþegaflugvél með
32 innanborðs nauðlenti á snævi
þöktum akri skammt frá flugvell-
inum í München í Þýskalandi.
Flugmaðurinn hafði orðið var við
bilun í hreyfli vélarinnar, sem
var af gerðinni Fokker 70. Engin
teljandi meiðsl urðu á fólki. Far-
þegar og áhöfn voru flutt á flug-
völlinn í München þar sem fólk-
inu var veitt áfallahjálp.
Sóttvarnalæknir um sýkingu:
Gamalt fólk berskjaldað
SÝKING Haraldur Briem, sótt-
varnalæknir hjá Landlæknis-
embættinu, segir að veirusýk-
ingin sem kom upp á hjúkrunar-
heimilinu Seljahlíð geti haft al-
varlegar afleiðingar fyrir gam-
alt fólk með veikt ónæmiskerfi
og valdið langvarandi veikind-
um.
„Þessi sýking er mjög út-
breidd,“ segir Haraldur. „Hún
er meginástæðan fyrir þeim al-
gengu magapestum sem ganga í
samfélaginu, en venjulega geng-
ur þetta fljótt yfir.“
Hann segir að sýkingin, sem
kölluð er nóróveirusýking, hafi
verið stórt vandamál á síðasta
ári, það stórt að sérfræðingum
hafi fundist með ólíkindum hver-
su oft hún hafi komið upp. Hann
segir að sýkingin hafi greinst
óvenju oft á sjúkrahúsum og
hjúkrunarheimilum hérlendis á
síðastliðnu ári. Einnig hafi hann
vitneskju um það að sýkingin
hafi óvenju oft gert vart við sig
erlendis. Til dæmis hafi heilu
skemmtiferðaskipin verið sett í
sóttkví vegna hennar. ■
MEINTUR SMITBERI
Kínverjar áforma að slátra þúsundum
deskatta af ótta við að þeir beri
bráðalungnabólgusmit til manna.
HARALDUR BRIEM
Haraldur segir sýkinguna hafa verið stórt
vandamál á síðasta ári.
HJÚKRUNARHEIMILIÐ SELJAHLÍÐ
Vegna ástandsins í Seljahlíð fékk gamla fólkið á heimilinu ekki að umgangast hvert annað og var því gert að dvelja öllum stundum inni á
herbergjum sínum eða í íbúðum.