Fréttablaðið - 06.01.2004, Blaðsíða 25

25ÞRIÐJUDAGUR 6. janúar 2004
Roman Abramóvits:
Kaupir
Jordan?
FORMÚLA 1 „Það er jákvætt hversu
mikill áhugi er á Formúlu 1 og liði
okkar,“ sagði talsmaður Jordan-liðs-
ins um fréttir af áhuga Roman
Abramóvits á að kaupa liðið. „Áhugi
Eddie Jordan snýr að öryggi liðsins
og að gera það að eins góðu keppn-
isliði og mögulegt er.“ Fréttir
herma að Jordan og Abramóvits
hafi átt nokkra fundi á undanförn-
um mánuðum en talsmaður Jordan
sagði að Abramóvits hefði hitt
Eddie Jordan tvisvar. Jordan-liðið
varð í 9. sæti í Formúluni í fyrra.
Liðið hefur ekki enn tilkynnt hverj-
ir verða ökumenn þeirra og hafa
enn ekki fengið styrktaraðila. ■
FÓTBOLTI „Mig hefur alltaf langað
til að þjálfa Feyenoord,“ sagði
Ruud Gullit, sem hefur verið ráð-
inn næsti þjálfari Feyenoord. „Fé-
lagið er mér enn mikils virði. Hol-
lenska knattspyrnusambandið veit
það mæta vel svo ég á ekki von á
að það hafi þetta tækifæri af mér.“
Gullit hefur verið þjálfari hol-
lenska U-19 landsliðsins frá því í
haust og þarf því samþykki knatt-
spyrnusambandsins fyrir því að
gerast þjálfari Feyenoord. Hann á
ekki von á öðru en að það gangi
upp og að hann taki við þjálfun
Feyenoord af Bert van Marwijk 1.
júlí eins og gert er ráð fyrir í
samningnum.
Gullit varð bikar- og deildar-
meistari með Feyenoord árið 1984,
tvisvar hollenskur meistari með
PSV og þrisvar ítalskur meistari
með AC Milan. Hann varð einnig
tvisvar Evrópumeistari með AC Mil-
an og einu sinni með Hollendingum.
Gullit var ráðinn þjálfari Chel-
sea sumarið 1996 og vorið eftir
vann félagið sinn fyrsta titil í 26 ár
þegar það lagði Middlesbrough í
úrslitaleik ensku bikarkeppninnar.
Gullit var rekinn frá Chelsea í
febrúar 1998. Hann tók við
Newcastle fyrir tímabilið 1998-99
en hætti ári síðar. ■
Iceland Express Cup:
Örgryte kemur í lok janúar
BMW-Williams:
Montoya vill
kveðja með titli
Þjálfari Barcelona:
Hættir eftir 20 ára starf
Feyenoord:
Gullit ráðinn þjálfari
RUUD GULLIT
(F. 1. SEPTEMBER 1962)
Deildarleikir og mörk
Haarlem (1981-82) 91 32
Feyenoord (1982-85) 85 30
PSV Eindhoven (1985-87) 68 46
AC Milan (1987-93) 117 35
Sampdoria (1993-94) 31 15
AC Milan (1994) 8 3
Sampdoria (1994-95) 22 9
Chelsea (1995-98) 49 4
Samtals (1981-98) 471 174
A-landsleikir og mörk
Holland 66 17
RUUD GULLIT
Þjálfari Feyenoord frá 1. júlí í sumar.
FORMÚLA 1 „Ég ætla að einbeita
mér 100 prósent að því að því að
sigra í keppni ökumanna,“ sagði
Kólumbíumaðurinn Juan Pablo
Montoya, þegar BMW-Williams
kynnti bílinn sem verður notaður
í Formúlu 1 keppninni í ár. Þetta
er síðasta ár Montoya hjá liðinu
en á næsta ári mun hann keppa
fyrir McLaren. „Þegar ég er í bíl
frá BMW-Williams er ég ökumað-
ur BMW-Williams og mun telja
mig hluta af því liði. Við eigum
raunhæfa möguleika á að sigra í
keppninni og enginn í liðinu vill
missa af því. Ég ætla að gera at-
lögu að titlinum hvort sem ég
þarf að sigra McLaren eða Ferr-
ari. Við erum einfaldlega í þessu
til að vinna og ég mun gera allt
sem í mínu valdi stendur til að
vinna.“
„Markmiðið er að takast það
sem okkur hefur ekki tekist síðan
1997,“ sagði tæknistjórinn Patrick
Head en liðið hefur ekki átt
heimsmeistara síðan 1997. „Þetta
hefur verið lengsta tímabilið í
sögu Williams án meistaratitils og
allir hjá Williams eru staðráðnir í
að koma þessu í rétt horf. Mark-
mið okkar er augljóslega báðir
meistaratitlarnir,“ sagði Head.
Nýi bíllinn FW26 var kynntur í
Valencia á Spáni í gær. BMW-
Williams liðið telur að hönnun
hans muni færa þeim það sem
hefur vantað á til að tryggja þeim
titilinn. „Ef nýjasti bíllinn er ekki
sá besti eigum við í alvarlegum
vandamálum. En við verðum að
vera varkárir með yfirlýsingar
þar til við höfum ekið bílnum. Við
höfum tekið það lengi þátt í
keppninni að við vitum að við
þurfum að bíða og sjá hvernig
bíllinn er á brautinni,“ sagði
Head. ■
BMW WILLIAMS
Ralf Schumacher og Juan Pablo Montoya við nýja FW26 bílinn sem var kynntur í gær.
KEFLAVÍK
ÍA, KR og sænska félagið Örgryte keppa á Iceland Express-móti Keflvíkinga í lok mánaðarins.
FÓTBOLTI Sænska úrvalsdeildar-
félagið Örgryte IS kemur hingað
til lands í lok mánaðarins og tek-
ur þátt í Iceland Express-mótinu
sem Keflvíkingar halda. Kefl-
víkingar leika við Skagamenn og
KR-ingar við Örgryte í Egilshöll
föstudaginn 30. janúar en daginn
eftir leika tapliðin um þriðja
sætið og sigurliðin til úrslita.
Leikir laugardagsins verða háðir
í Reykjaneshöllinni.
Örgryte hefur tólf sinnum
orðið sænskur meistari, síðast
árið 1985, en félagið varð í
fjórða sæti í Allsvenskan í sum-
ar. Nokkrir Íslendingar hafa
leikið með félaginu á undanförn-
um árum, til dæmis Eyjamaður-
inn Örn Óskarsson og KR-ing-
arnir Rúnar Kristinsson og
Brynjar Björn Gunnarsson. Ak-
ureyringurinn Atli Sveinn
Þórarinsson hefur verið á mála
hjá Örgryte undanfarin fjögur
ár og í sumar lék hann fjórtán af
26 deildarleikjum félagsins.
Finninn Jukka Ikäläinen tók
við þjálfun Örgryte í haust af
Erik Hamrén, sem fór til danska
félagsins AaB í Álaborg.
Ikäläinen lék með Örgryte á ár-
unum 1981-85 og sagðist ekki
hafa verið í vafa þegar honum
bauðst starfið. „Örgryte er
framsækið félag og það er frá-
bært að vera með í framtíð
félagsins.“
Mótið á Íslandi er einn liður-
inn í undirbúningi Örgryte fyrir
keppnina í Allsvenskan í sumar.
Félagið leikur gegn dönsku fé-
lögunum AaB, AB, OB og Rand-
ers á hraðmóti í Álaborg 18. jan-
úar og leikmenn liðsins verða í
æfingabúðum hjá brasilíska
samstarfsfélagi sínu Atletico
Mineiro frá 22. febrúar til 12.
mars. Sænska deildakeppnin
hefst í byrjun apríl. ■
DAGSKRÁ ICELAND
EXPRESS CUP
Egilshöll, föstudaginn 31. janúar
Keflavík - ÍA 18.00
KR - Örgryte IS 20.15
Reykjaneshöll, laugardaginn 31. janúar
Leikur um þriðja sætið 16.00
Úrslitaleikur 18.15
HANDBOLTI Einn frægasti hand-
boltaþjálfari heims, Spánverjinn
Valero Rivera, hefur gefið það út
að hann muni hætta að þjálfa
spænsku meistarana í Barcelona
þegar tímabilinu lýkur. Rivera
hefur þjálfað lið Barcelona síð-
ustu 20 árin og á þeim tíma hefur
félagið unnið 69 titla og unnið
Evrópukeppni meistaraliða sex
sinnum. Á árinu 2003 vann
Barcelona undir hans stjórn fimm
af sjö titlum í boði og tapaði úr-
slitaleikjunum í hinum tveimur
mótunum. Árangur Börsunga á
síðustu mánuðinum hefur aftur á
móti verið af allt öðrum toga enda
hefur allt gengið á afturfótunum
síðan Viggó Sigurðsson og læri-
sveinar hans í Haukum urðu
fyrsta liðið í sex ár til að taka stig
af Börsungum á þeirra eigin
heimavelli þegar Haukar gerðu
27-27 jafntefli í Barcelona í riðla-
keppni meistaradeildarinnar. Síð-
an hefur Barcelona-liðið, sem
vann Hauka með tíu mörkum á
Ásvöllum í
október, dottið
út úr 8 liða úr-
slitum Meist-
aradeildarinnar
fyrir ungverska
liðinu Fotex
Veszprém og
tapað úrslita-
leik spænska
deildabikarsins
fyrir Ciudad
Real með 11
marka mun, 18-29. Auk þess er
Ciudad Real komið með þriggja
stiga forskot í deildinni og allt
stefnir í að Ólafur Stefánsson og
félagar hans í Ciudad stöðvi enn
og aftur sigurgöngu Börsunga á
Spáni. Það má því segja að Íslend-
ingar hafi átt sinn þátt í því að
einn sigursælasti handboltaþjálf-
ari sögunnar, sem nú stendur á
fimmtugu, hafi ákveðið að láta af
störfum en hann þjálfaði einmitt
Viggó Sigurðsson þegar Viggó lék
með Barcelona á sínum tíma. ■
VIGGÓ
SIGURÐSSON
Átti hann þátt í falli
gamla lærimeistar-
ans í Barcelona?