Fréttablaðið - 08.01.2004, Blaðsíða 2

2 8. janúar 2004 FIMMTUDAGUR
„Ef það er kosningabarátta þá
kemur Sveppi oftast þar nálægt.
En yfirmaður minn hefur sett link
inn á Popptíví og það gæti verið
að hjálpa mér.“
Auðunn Blöndal hefur yfirburðastuðning netverja
í kosningu á Skagfirðingi ársins á vefnum skaga-
fjordur.com. Sveppi, félagi hans í 70 mínútum,
rúllaði upp netkosningu fyrir tveimur árum og
hlaut Edduverðlaunin sem sjónvarpsmaður ársins.
Spurningdagsins
Auddi, ætlarðu að fá Sveppa til að
stýra kosningabaráttunni?
Boðar skoðun
viðskiptalífsins
Viðskiptaráðherra hyggst skipa nefnd til að skoða samkeppni innan-
lands og hvernig megi efla skilvirkni og traust viðskiptalífsins. Leggur
áherslu á að viðskiptaumhverfið verði skoðað á breiðum grundvelli.
SAMKEPPNI Valgerður Sverrisdótt-
ir viðskiptaráðherra hyggst skipa
nefnd sem skoða á umhverfi ís-
lensks viðskiptalífs. Nefndinni er
ætlað að taka
fyrir hvernig
bregðast megi
við aukinni sam-
þjöppun og með
hvaða hætti
skuli þróa regl-
ur þannig að við-
skiptalífið sé
skilvirkt og njóti
trausts.
„Það hafa
orðið gríðarleg-
ar breytingar í
viðskiptalífinu á
tiltölulega stuttum tíma. Við höf-
um haft áhrif á þær breytingar
með einkavæðingu bankanna.
Okkur í ráðuneytinu fannst því
gott í framhaldinu að við hefðum
frumkvæði að því að það færi í
gang ákveðin vinna til þess að
skoða alla þessa hluti,“ segir Val-
gerður.
Valgerður segir að vel sé hugs-
anlegt að viðskiptalífið sjálft leið-
rétti ójafnvægi sem kunni tíma-
bundið að myndast innan þess.
„Ég hef ekki ákveðið neitt fyrir
fram í þessu efni. Ég vil bara að
þetta sé skoðað á breiðum grund-
velli. Ég vil að viðskiptalífið sé
skilvirkt og njóti trausts.“
Valgerður segir mikilvægt að
hafa í huga að innlent viðskiptalíf
geti náð fram nauðsynlegri hag-
ræðingu. „Það er ekki til neitt ein-
hlítt svar við því hversu mörg
fyrirtæki eigi að vera í hverri
grein.“ Hún segist ekkert vilja
fullyrða um hvort nýleg sam-
keppnislög og Samkeppnisstofnun
veiti íslensku viðskiptalífi nægj-
anlegt aðhald. „Í sjálfu sér má
hugsa sér þá leið að skipa ekki
sérstaka nefnd, heldur styrkja
Samkeppnisstofnun. Ég tel reynd-
ar að það sé nauðsynlegt að
styrkja hana frekar, en engu að
síður finnst mér áhugavert að
fara ofan í það hvernig þetta er
hjá öðrum þjóðum. Þess vegna
bind ég vonir við það að þetta
nefndarstarf geti hjálpað okkur.“
Valgerður segir erfitt að bera
okkar markað saman við markað
hjá stórum þjóðum og horfa verði
til þess þegar þessi mál séu skoð-
uð í heild sinni.
haflidi@frettabladid.is
Tveir menn með dyravarðaþjónustu:
Ákærðir fyrir brot á skattalögum
DÓMSMÁL Tveir menn um fertugt
hafa verið ákærðir af ríkislögreglu-
stjóra fyrir bókhaldsbrot, skjala-
brot, fyrir brot á lögum um tekju-
stofna sveitarfélaga og fyrir brot á
virðisaukaskattslögum, tekju-
skattslögum og eignarskattslögum.
Í ákæru kemur fram að annar
mannanna hafi reynt að komast hjá
því að greiða tæplega hálfa milljón
króna í virðisaukaskatt. Hinum
manninum er gefið að sök að hafa
ekki greitt tæpar þrjár milljónir
króna í virðisaukaskatt og rúmar
fjórar milljónir í tekjuskatt og út-
svar.
Mennirnir, sem voru með dyra-
varðaþjónustu, gáfu út reikninga til
veitingastaða í nafni tveggja manna
sem voru málinu óviðkomandi. Þeir
sem reikningarnir voru gefnir út á
eru taldir hafa fengið væga greiðslu
fyrir undirskrift sína. Ákærðu neita
sök og halda því fram að reikning-
arnir séu til komnir vegna inn-
heimtu sem þeir hafi séð um fyrir
þriðja aðila. Forsvarsmenn veit-
ingastaðanna segja hins vegar að
þeir hafi aðeins átt viðskipti við
ákærðu en ekki þann sem þeir segj-
ast hafa verið að innheimta fyrir. ■
TIMES SQUARE
Óvenjumiklar öryggisráðstafanir voru
gerðar vegna áramótafagnaðarins á Times
Square í New York.
Mælingar á geislavirkni:
Óttast geisla-
sprengjur
BANDARÍKIN Bandarískir vísinda-
menn stunduðu með leynd mæling-
ar á geislavirkni í helstu borgum
Bandaríkjanna yfir hátíðirnar þar
sem óttast var að hryðjuverkamenn
ætluðu að sprengja geislasprengjur.
Stjórnvöld óttuðust meðal ann-
ars að hryðjuverkamenn myndu
sprengja geislasprengju í New York
um áramótin og gerðu því út af örk-
inni hóp kjarnorkuvísindamanna
með sérstakan búnað til að mæla
geislavirkni. Vísindamennirnir
földu búnaðinn í skjalatöskum og
golftöskum til að vekja ekki á sér
athygli. ■
Fólskuleg árás á mann:
Árásarmenn
ganga lausir
LAUSIR Fjórum mönnum og einni
konu var sleppt úr haldi lögreglu í
fyrrakvöld en mennirnir voru
staðnir að verki við fólskulega árás
á rúmlega þrítugan mann aðfara-
nótt þriðjudags. Heimildir blaðsins
segja að handrukkarar og fíkniefna-
salar hafi verið þar að verki. Sá sem
varð fyrir árásinni hefur ekki lagt
fram kæru.
Við yfirheyrslur kom fram að
fjórmenningarnir hafi ekkert átt
sökótt við manninn sem þeir mis-
þyrmdu heldur vildu þeir fá hann til
að segja hvar vinkonu hans væri að
finna. Við hana áttu þeir einhver
óútkljáð mál.
Að sögn Sigurbjörns Víðis Egg-
ertssonar hjá lögreglunni í Reykja-
vík er málið enn í rannsókn. Hins
vegar hafi ekki verið ástæða til að
krefjast gæsluvarðhalds yfir fjór-
menningunum. ■
HANDTAKA Í ÍRAK
Að minnsta kosti 10.000 fangar eru nú í
haldi bandamanna í Írak.
Sáttaviðleitni í Írak:
Sleppa 506
föngum
ÍRAK Herstjórn bandamanna í Írak
hefur ákveðið að sleppa lausum
506 íröskum föngum og verður
fyrstu 100 föngunum sleppt í dag.
Að sögn Pauls Bremer, land-
stjóra Bandaríkjamanna í Írak, er
lausn fanganna liður í að ná sátt-
um í landinu.
„Þeir sem látnir verða lausir
verða að láta af öllu ofbeldi. Þetta
eru ekki ofbeldismenn með hend-
urnar ataðar blóði og enginn
þeirra hefur tekið beinan þátt í
árásum. Við viljum gefa þeim
tækifæri til þess að hefja nýtt líf
með fjölskyldum sínum en við
krefjumst þess að einhver
ábyrgist þá,“ sagði Bremer. ■
Þriggja mánaða fangelsi:
Nakinn
göngugarpur
LUNDÚNIR, AP Karlmaður á fimm-
tugsaldri, sem gerði ítrekaðar til-
raunir til að ganga allsnakinn yfir
Bretland, hefur verið dæmdur í
þriggja mánaða fangelsi fyrir að
raska almannaró.
Stephen Gough ætlaði að ganga
frá Eastleigh í Suður-Englandi til
John O’Groats í Skotlandi, án fata
en í stígvélum og með bakpoka.
Hann var handtekinn í Evanton
29. nóvember síðastliðinn eftir að
lögreglunni barst kvörtun frá
þorpsbúum.
Gough hélt því fram fyrir rétti
að hann hefði fullan rétt á að
ganga um landið nakinn og vísaði
til mannréttindaákvæða um tján-
ingarfrelsi. „Það eru engin lög
sem segja: Þér skulið ekki nakinn
ganga,“ benti Gough réttilega á. ■
Varð fyrir voðaskoti:
Stúlkan er á
batavegi
SLYS Stúlkunni sem varð fyrir
voðaskoti á Hallormsstað líður vel
að sögn læknis á gjörgæsludeild
Landspítalans við Hringbraut.
Búist var við að hún yrði útskrif-
uð af gjörgæslu í dag og flutt á
Barnaspítala Hringsins. ■
HÉRAÐSDÓMUR REYKJAVÍKUR
Fyrirtaka í máli tveggja manna sem eru
meðal annars ákærðir fyrir brot á skatta-
lögum var í Héraðsdómi Reykjavíkur í gær.
Samkeppni í viðskiptalífinu:
Samkeppnishæfnin mikilvægust
SAMKEPPNI „Það sem okkur finnst
mikilvægast er að íslenskt at-
vinnulíf búi við sambærileg skil-
yrði og atvinnulíf okkar ná-
granna- og samkeppnislanda,“
segir Ari Edwald, framkvæmda-
stjóri Samtaka atvinnulífsins, um
boðaða nefnd viðskiptaráðherra
um samkeppni í atvinnulífinu.
Hann segir enga ástæðu til þess
að hafa á móti því fyrir fram að
fara yfir mál og skoða þau sjónar-
mið sem menn hafi í þessum efn-
um. „En hvort sem það verður nið-
urstaðan að breytinga sé þörf á ís-
lenskum samkeppnislögum eða
ekki, þá held ég að mikilvægasta
greinarmerkið sé að starfs-
umhverfið sé sambærilegt. Við
erum að opna viðskiptalífið fyrir
alþjóðlegu umhverfi og erum
hluti af fjölþjóðlegu viðskiptalífi.
Það þarf að gæta að því við allar
breytingar á reglum.“
Ari segir að almennt sé ekki
meiri samþjöppun í íslensku við-
skiptalífi í heild en verið hefur
áður. „Ég held að þeir viðskipta-
klasar sem taka þátt í íslensku
viðskiptalífi og hafa fjárhagsleg-
an styrk og burði til þess að láta
til sín taka á ýmsum sviðum séu
fleiri en nokkru sinni fyrr.“ Heim-
urinn sé líka minni og landið opn-
ara fyrir alþjóðlegri samkeppni. ■
ARI EDWALD
Framkvæmdastjóri Samtaka atvinnulífsins
segir þeim hafa fjölgað sem hafi burði til
þess að láta til sín taka í viðskiptalífinu.
ASÍ um sérfræðinga:
Deilan leyst
sem fyrst
HEILBRIGÐISMÁL Miðstjórn Alþýðu-
sambandsins hvetur til þess að deila
sérfræðilækna og Tryggingastofn-
unar verði leyst hið fyrsta. Hún
bitni harðast á þeim sem síst skyldi.
„Að því leyti sem kröfur sér-
fræðilækna miða að því að þeir hafi
sjálfdæmi um hvenær fara eigi að
samningum við Tryggingastofnun
og hvenær ekki, vega þær að þeirri
grundvallarhugsun sem almanna-
tryggingakerfið hvílir á, að allir eigi
alltaf óhindraðan aðgang að þjón-
ustu,“ segir í ályktun miðstjórnar.
„Þessi krafa gengur þvert gegn
sjónarmiðum verkalýðshreyfingar-
innar.“ ■
SKILVIRK SAMKEPPNI
Valgerður Sverrisdóttir viðskiptaráðherra telur breytingar á viðskiptalífinu kalla á að staða
samkeppnismála sé skoðuð. Hún segist ekki gefa sér neitt um niðurstöðu slíkrar skoðunar.
„Í sjálfu sér
má hugsa sér
þá leið að
skipa ekki
sérstaka
nefnd, heldur
styrkja Sam-
keppnisstofn-
un.
Hass í vörusendingu:
Þrír í gæslu-
varðhaldi
HASS Þrír menn voru úrskurðaðir í
tveggja vikna gæsluvarðhald í Hér-
aðsdómi Reykjavíkur í gær vegna
gruns um fíkniefnainnflutning.
Talsvert af hassi fannst í vöru-
sendingu sem kom til landsins og
voru mennirnir handteknir eftir að
sendingarinnar var vitjað. Þeir hafa
ekki áður komið við sögu lögreglu
vegna fíkniefnabrota. ■