Fréttablaðið - 08.01.2004, Blaðsíða 8

8 8. janúar 2004 FIMMTUDAGUR
Enga menningarritskoðun
„Ritskoðum ekki menningu okk-
ar af misskilinni tillitssemi við
útlendinga. Líki þeim ekki við
hana í núverandi mynd mun
þeim líka enn verr við fölsun-
ina.“
Davíð Þór Jónsson í DV 7. janúar.
„Ráðamenn sem tala á þann
drambsama hátt til þjóðarinnar,
sem Davíð Oddsson gerði á gaml-
ársdag, verða að fá orð í eyra.
Þeir þurfa aðhald. Þeir þurfa
hreinlega á leiðsögn að halda.“
Ögmundur Jónasson í Fréttablaðinu 7. janúar.
Desailly linur...
„Terry er vanur svona slagsmál-
um og er tilbúinn í þau. Ég átti
hins vegar von á því að ég gæti
látið Desailly finna fyrir mér án
þess að fá alltof mikið til baka.“
Heiðar Helguson um leik Watford og Chelsea í
Morgunblaðinu 7. janúar.
Orðrétt
Minnisvarði um fórnarlömb hryðjuverkaárásanna 11. september:
Tvær laugar á grunni Tvíburaturnanna
NEW YORK, AP Ísraelski arkitektinn
Michael Arad fór með sigur af hólmi
í alþjóðlegri samkeppni um hönnun
minnisvarða um þá 2.752 einstak-
linga sem létu lífið þegar tveimur
flugvélum var flogið á Tvíburaturn-
ana í New York 11. september 2001.
Minnisvarðinn verður reistur árið
2006.
„Ég vona að mér takist að heiðra
minningu allra þeirra sem fórust og
skapa stað þar sem við getum öll
syrgt og fundið einhvern tilgang,“
sagði Arad þegar honum var tilkynnt
um úrslitin. Minnismerki Arads eru
tvær laugar á grunni Tvíbura-
turnanna og steinsteyptur garður
með furutrjám. Nöfn fórnar-
lambanna verða grafin í tilviljana-
kenndri röð í lágan vegg umhverfis
tjarnirnar. Vatn fellur niður í holur í
tjörnunum miðjum og á það að tákna
fjarveru þeirra sem létust. Líkams-
leifar sem ekki hefur tekist að bera
kennsl á verða grafnar undir laugun-
um.
Þrettán manna dómnefnd skipuð
listamönnum, arkitektum og opin-
berum embættismönnum valdi hug-
mynd Arads úr yfir 5000 innsendum
tillögum frá hátt í sextíu löndum. ■
Umskurður kvenna
verði refsiverður
Þingmenn Vinstri grænna vilja bregðast við auknum fjölda innflytjenda
frá löndum þar sem umskurður tíðkast með því að setja lög á Íslandi
sem gera slíkan verknað refsiverðan.
LAGAFRUMVARP „Það er skylda Ís-
lendinga í samfélagi þjóðanna að
leggja sitt af mörkum til að þessi
forna hefð verði aflögð og komið
verði í veg fyrir limlestingu fjöl-
da stúlkubarna,“ segir í greinar-
gerð frumvarps til laga um bann
við umskurði á kynfærum kvenna
sem lagt hefur verið fram. Flutn-
ingsmenn þess eru Kolbrún Hall-
dórsdóttir, Steingrímur J. Sigfús-
son og Þuríður Backman, þing-
menn Vinstri grænna. Frumvarp-
ið bíður fyrstu umræðu á Alþingi
en verði það að lögum er litið á
það sem fyrirbyggjandi aðgerð og
skýra yfirlýsingu um stuðning Ís-
lendinga við baráttuna gegn þess-
um hroðlegu misþyrmingum og
mannréttindabrotum á börnum og
konum í heiminum.
Samkvæmt frumvarpinu er
gert ráð fyrir að hver sem með
ásetningi eða gáleysi veldur tjóni
á líkama eða heilsu stúlku eða
konu með umskurði á kynfærum
hennar skuli sæta allt að sex ára
fangelsi. Hafi verknaðurinn haft
svo alvarlegar afleiðingar að bani
hafi hlotist af þá varðar brotið allt
að 16 ára fangelsi og hverjum
þeim sem verður var við að stúlka
hafi verið umskorin eða eigi slíkt
á hættu verður gert skylt að gera
barnaverndarnefnd viðvart. Í
einni grein frumvarpsins segir að
íslenskir ríkisborgarar sem frem-
ja verknaðinn erlendis skuli sæta
refsingu, þótt umskurðurinn sé
ekki refsiverður í landinu þar sem
hann er framinn.
Vegna aukins fjölda innflytj-
enda frá löndum þar sem um-
skurður tíðkast þykir þörfin hafa
aukist á lagasetningu í Evrópu
sem bannar verknaðinn. Vitað er
að umskurður hefur verið fram-
inn í Danmörku, Bretlandi, Frakk-
landi og Spáni og því gæti þess
verið skammt að bíða að siðurinn
berist til Íslands. Það hefur rekið
á eftir lagasetningu af þessu tagi í
löndum Evrópu að stúlkubörn
hafa látist í kjölfar aðgerðar, en
henni fylgir mikill líkamlegur
sársauki og eftirköstin geta verið
slæm vegna sýkinga, blóðeitrunar
og alnæmissmits.
Umskurður á sér djúpar rætur
og hefur tíðkast í aldir, einkum í
ríkjum múslima í Afríku. Mann-
réttindasamtökin Amnesty
International áætla að um 135
milljónir kvenna og stúlkna hafi
þolað misþyrmingar á kynfærum
sínum. Taið er að um tvær millj-
ónir stúlkubarna séu umskornar á
hverju ári, um 6000 stúlkubörn á
dag.
bryndis@frettabladid.is
MINNISVARÐINN
Mörgum aðstandendum fórnarlamba
hryðjuverkaárásanna finnst hönnun
Michaels Arad of „mínímalísk“ til að geta
endurspeglað þessa skelfilegu atburði.
UMSKURÐUR KVENNA
Áætlað er að um 135 milljónir kvenna og stúlkna hafi þolað misþyrmingar á
kynfærum sínum, að um tvær milljónir stúlkubarna séu umskornar á hverju ári,
um 6000 stúlkubörn á dag.
Handtökur á Vesturbakkanum:
Þrír Palestínumenn skotnir
VESTURBAKKINN Ísraelskir hermenn
skutu þrjá Palestínumenn til bana í
aðgerðum á Vesturbakkanum í fyrr-
inótt. Að sögn palestínskra stjórn-
valda var einn hinna látnu grunaður
Hamas-liði og mun hann hafa fallið
þegar til skotbardaga kom í bænum
Tulkarem.
Hinir tveir voru skotnir til bana í
bænum Nablus eftir að hafa veitt
mótspyrnu við handtöku, en báðir
voru þeir meðlimir Al-Aqsa-her-
deildarinnar.
Að sögn talsmanns ísraelska
hersins voru alls 24 grunaðir liðs-
menn palestínskra andstöðuhópa
handteknir í aðgerðum næturinnar
og þar af ellefu í Nablus.
Alls tólf Palestínumenn hafa
verið skotnir til bana í aðgerðum
ísraelska hersins á síðustu níu
dögum. ■
ÚTSALAN
hefst í dag
kl. 10.00
N ý t t k o r t a t í m a b i l
Laugavegi 6 • S: 562 3811
LÁTNIR LIÐSMENN AL-AQSA
Tólf Palestínumenn hafa verið skotnir til bana á síðustu dögum.