Fréttablaðið - 08.01.2004, Blaðsíða 10
10 8. janúar 2004 FIMMTUDAGUR
RÚSSNESK JÓL
Samkvæmt gamla júlíanska tímatalinu,
sem grísk-kaþólska rétttrúnaðarkirkjan fer
eftir, eru jólin haldin 7. janúar. Hér á
myndinni sjáum við rússneska konu
kveikja á kerti í tilefni dagsins í Kazansky-
dómkirkjunni í Pétursborg.
R-listinn gagnrýndur:
Skortir lóðir fyrir sérbýli
BORGARMÁL Borgarstjórnarflokk-
ur Sjálfstæðisflokksins gagn-
rýnir að á síðustu þremur árum
hafi einungis verið seldur bygg-
ingarréttur fyrir 115 einbýlis-
hús í Reykjavík.
Sjálfstæðismenn telja að
þetta staðfesti rangar áherslur
R-listans í skipulagsmálum.
Máli sínu til stuðnings benda
þeir á að í nýlegri skýrslu um
húsnæðis- og búsetuóskir Reyk-
víkinga komi fram að borgar-
búar vilji mun meira framboð af
lóðum fyrir sérbýli með góðar
aðstæður fyrir bíla og bíla-
umferð.
Sjálfstæðismenn hvetja borg-
aryfirvöld til að nýta sér skýrsl-
una og niðurstöður hennar við
ákvarðanatöku í skipulags- og
byggingarmálum.
Anna Kristinsdóttir, borgar-
fulltrúi R-listans, sem situr í
skipulags- og byggingarnefnd,
vísar gagnrýni um rangar
áherslur í skipulagsmálum á
bug. Hún segir R-listann leggja
áherslu á blandaða byggð frem-
ur en að skipuleggja stór svæði
einungis með sérbýli í huga. Um
skort á lóðum segi hún að nýlega
verði seldar lóðir í Grafarholti
og framundan sé uppbygging í
Norðlingaholti við hlíðar Úlfars-
fells. ■
Lagabreyting kærð
til Evrópudómstóls
Náttúruverndarsamtök Íslands segja að fyrirhugaðar breytingar á lögum um umhverfismat séu
stórt skref aftur á bak. Stríða gegn Árósarsamningnum um þátttöku almennings sem Ísland hyggst
fullgilda 2006. Verði lögin að veruleika hyggjast samtökin kæra málið til Evrópudómstólsins.
NÁTTÚRUVERNDARMÁL Verði frumvörp
til laga um breytingu á lögum um
mat á umhverfisáhrifum og skipu-
lags- og byggingarlögum samþykkt
hyggjast Náttúruverndarsamtök
Íslands kæra málið til Evrópudóm-
stólsins árið 2006.
Hilmar J. Malmquist, stjórnar-
maður í samtökunum, segir að
markmið og inntak frumvarpanna
stríði einnig gegn Árósarsamningn-
um sem umhverfisráðherra hafi
heitið að fullgilda fyrir árið 2006.
Þar með stríði frumvörpin gegn til-
skipunum Evrópusambandsins um
fullgildingu þeirra ákvæða samn-
ingsins sem fjalla um aðgengi
almennings að upplýsingum og
þátttöku hans í ákvörðunartöku. Á
grundvelli þessa muni samtökin
kæra stjórnvöld.
Náttúruverndarsamtök Íslands
telja að ef frumvörpin verði að
veruleika sé löggjafinn að stíga
stórt skref aftur á bak í umhverfis-
málum. Í umsögn, sem samtökin
hafa sent umhverfisnefnd Alþingis,
segir að með frumvörpunum sé
verið að skerða aðgengi og áhrif
almennings að ákvörðunartöku í
mikilvægum umhverfismálum
verulega. Þá sé það einnig alvarleg-
ur galli á frumvörpunum að stjórn-
völd þurfi ekki að taka tillit til meg-
inniðurstöðu í mati á umhverfis-
áhrifum við veitingu framkvæmda-
leyfis.
Hilmar segir að þetta sé mjög
alvarlegt. Samkvæmt núgildandi
lögum þurfi stjórnvöld að veita
leyfi í samræmi við úrskurð Skipu-
lagsstofnunar en með breytingun-
um sé það orðalag tekið út og
stjórnvöld geti því hunsað niður-
stöðu stofnunarinnar. Hilmar segir
ekki eðlilegt að Skipulagsstofnun
fari alfarið með úrskurðarvald í
svona málum. Það sé hins vegar
mat Náttúruverndarsamtakanna að
stjórnvöld verði að taki tillit til
meginniðurstöðu stofnunarinnar.
Fyrirhuguð lagabreyting bjóði upp
á það að allt vinnuferlið um mat á
umhverfisáhrifum sé nánast til
málamynda.
Náttúruverndarsamtökin fara
fram á að umhverfisráðherra dragi
frumvörpin annaðhvort til baka eða
að umhverfisnefnd breyti þeim með
róttækum hætti. trausti@frettabladid.is
Laugavegi 53, simi. 552 3737
ÚTSALA ÚTSALA
NÝTT KORTATÍMABIL
OPIÐ 9-19
Vinnustofa SÍBS • Hátúni 10c • Sími: 562 8500 • 562 8501 • Fax: 552 8819 • Heimasíða www.mulalundur.is
BIC Atlantis penni
Verð 90 kr/stk
PILOT SUPER GRIP
Verð 75 kt/stk
Ljósritunarpappír frá 359 kr/pakkningin og upp í 397 kr
Skilblöð númeruð,
lituð, stafróf eða eftir
mánuðum.Geisladiskar þar sem gæðin skara framúr í 10-25-50 og 100 stk einingum
NOVUS
B 425
4ra gata, gatar 25 síður.
Verð 2.925 kr
TILBOÐ Á EGLA BRÉFABINDUM - VERÐ 339 KR / STK. Tilboðið gildir til 31. janúar 2003
Ljósritunarglærur,
100 stk í pakka.
Verð 1.594 kr/pk
Bleksprautu
50 stk í pakka 2.694 kr/pk
STABILO BOSS
Verð 78 kr/stk
Umhverfisráðherra um lagabreytingar:
Stangast ekki á við
Árósarsamninginn
NÁTTÚRUVERNDARMÁL Siv Friðleifs-
dóttir umhverfisráðherra segir að
fyrirhugaðar breytingar á lögum
um mat á umhverfisáhrifum og
skipulags- og byggingarlögum séu
ekki skref aftur á bak í umhverfis-
málum.
Náttúruverndarsamtök Íslands
segja að með breytingunni sé verið
að skerða aðgengi og áhrif almenn-
ings á ákvörðunartöku í umhverfis-
málum. Breytingin bjóði ennfremur
upp á það að allt vinnuferlið um mat
á umhverfisáhrifum verði bara til
málamynda þar sem stjórnvöldum
sé ekki gert að taka tillit til niður-
stöðu Skipulagsstofnunar.
Siv segir þetta ekki rétt. Með
fyrirhuguðum lagabreytingunum sé
verið að laga löggjöfina að því sem
gengur og gerist í Evrópu. Það
þekkist til að mynda ekki neins
staðar að ákveðin stofnun hafi úr-
skurðarvald í umhverfismálum.
Náttúruverndarsamtökin segja að
lagabreytingarnar stríði gegn Árós-
arsamningnum. Siv segir það mat
lögfræðinga umhverfisráðuneytis-
ins að svo sé ekki. ■
Siðræn neysla:
Íslendingar
skera sig úr
NEYTENDUR Íslenskir neytendur
hafa minnsta vitund um svo-
kallaða siðræna neyslu af Norð-
urlandabúum. Þetta kemur
fram í nýrri norrænni skýrslu
sem fjallað er um á heimasíðu
Neytendasamtakanna.
Siðræn neysla felst í að
kaupa aðeins vöru ef framleið-
endur hennar og seljendur star-
fa í samræmi við siðferðileg
grundvallargildi í félagi manna
og í umgengni við náttúruna. Í
stuttu máli má segja að siðræn
neysla sé að neyta með góðri
samvisku.
Samkvæmt skýrslunni virð-
ast Íslendingar ekki fá nokkrar
upplýsingar um siðræna neyslu
og skera sig verulega úr bornir
saman við hin Norðurlöndin. ■
GRAFARHOLT
Annar Kristinsdóttir, borgarfulltrúi R-listans,
segir að uppbygging standi enn yfir í
Grafarholti og að ráðgert sé að byggja upp
í Norðlingaholti og í hlíðar Úlfarsfells.
SIV FRIÐLEIFSDÓTTIR
Umhverfisráðherra segir að með fyrirhug-
uðum lagabreytingunum sé verið að laga
löggjöfina að því sem gengur og gerist í
Evrópu.
KÁRAHNJÚKAVIRKJUN MÓTMÆLT
Náttúruverndarsamtök Íslands segja að með frumvörpunum sé verið að skerða aðgengi
og áhrif almennings á ákvörðunartöku í mikilvægum umhverfismálum verulega.
Borgarbúar:
Vilja flytja
í sérbýli
HÚSNÆÐISMÁL Nær þrír af hverjum
fjórum borgarbúum, nánar tiltekið
74%, vilja fremur búa í sérbýli en
annars konar húsnæði samkvæmt
könnun á húsnæðis- og búsetu-
óskum Reykvíkinga. Þegar þeir
sem gera ráð fyrir að flytja á næstu
þremur til fimm árum eru spurðir
út í hvernig húsnæði þeir flytji lík-
lega í nefna hins vegar einungis
41% sérbýli en jafn margir fjölbýli.
Ellefu prósent borgarbúa vilja
helst flytja í sambýli en 18%
þeirra sem flytja á næstu árum
gera ráð fyrir að flytja í slíkt hús-
næði. 15% borgarbúa vilja helst
búa í fjölbýli. ■