Fréttablaðið - 21.01.2004, Blaðsíða 4

4 21. janúar 2004 MIÐVIKUDAGUR
Ertu orðin þreytt(ur) á snjónum?
Spurning dagsins í dag:
Ætlar þú út í sumar?
Niðurstöður gærdagsins
á www.frett.is
56,4%
43,6%
Nei
Já
Kjörkassinn
Farðu inn á frett.is og segðu þína skoðun
frétt.is
■ Lögreglufréttir
■ Lögreglufréttir
SJÁVARÚTVEGUR Hafrannsókna-
stofnunin aflétti í gær tímabund-
inni veiðistöðvun loðnuflotans.
Þann 14. janúar bannaði sjáv-
arútvegsráðherra, að tillögu Haf-
rannsóknastofnunarinnar, allar
loðnuveiðar til 29. janúar. Bannið
var sett á með fyrirvara um end-
urmat Hafrannsóknastofnunar-
innar. Rannsóknarskipið Árni
Friðriksson hefur verið við mæl-
ingar á loðnumiðunum síðan á
sunnudaginn en leitarskip höfðu
orðið vör við nýja göngu djúpt
norðaustur af landinu. Í tilkynn-
ingu frá Hafrannsóknastofnun-
inni segir að mælingu sé enn ekki
lokið. Endanlegt aflamark fyrir
yfirstandandi vertíð verði ákvarð-
að eftir að henni ljúki.
Börkur og Beitir, skip Síldar-
vinnslunnar í Neskaupstað, lögðu
á miðin strax eftir hádegi í gær,
skömmu áður en Hafrannsókna-
stofnunin tilkynnti að banninu
hefði verið aflétt. Þau voru komin
á miðin í gærkvöld.
„Ég hafði á tilfinningunni að það
væri eitthvað að gerast og ákvað
því að gera skipin klár strax í morg-
un [gærmorgun],“ sagði Freysteinn
Bjarnason, framkvæmdastjóri út-
gerðar Síldarvinnslunnar. „Þau
lögðu síðan úr höfn klukkan eitt. Ef
banninu hefði ekki verið aflétt
hefðum við að minnsta kosti liðkað
skipin aðeins.“
Freysteinn sagði alveg ljóst að
veiðibannið hefði valdið Síldar-
vinnslunni tekjuskerðingu. Síð-
ustu daga hefði loðnan verið átu-
laus og heppileg til frystingar.
Hann segist bjartsýnn á vertíðina
fram undan. ■
OSLÓ Björgunarmenn hafa gefið
upp alla von um að fleiri verði
bjargað á lífi af áhöfn norska
flutningaskipsins Rocknes, sem
fórst undan ströndum Noregs síð-
degis á mánudag. Í gærkvöldi
höfðu björgunarmenn fundið lík
þriggja skipverja, fimmtán var
enn saknað og tólf hafði verið
bjargað á lífi. Leitað hefur verið
meðfram strandlengjunni og
fannst lík eins skipverja um há-
degisbilið í gær, hátt í sex kíló-
metra frá flakinu.
Skipafélagið Jebsen Manage-
ment, sem gerir Rocknes út, hefur
lagt fram beiðni um að haldin
verði sjópróf í Noregi til að kom-
ast að því hvað olli því að skipinu
hvolfdi á lygnum sjó um hábjart-
an dag. Að sögn eftirlifandi skip-
verja tók skipið niðri eða rakst á
sker. Gripið hefur verið til að-
gerða til að koma í veg fyrir að
olía sem lekið hefur úr skipinu
valdi umhverfisspjöllum.
Skipið, sem er aðeins þriggja
ára, er 166 metrar á lengd og það
stærsta sinnar tegundar í heimin-
um. Það er sérútbúið til að flytja
möl og var á leið með fullfermi
frá Björgvin til Emden í Þýska-
landi. Í áhöfninni voru 24
Filippseyingar, þrír Hollendingar
og einn Þjóðverji en skipstjórinn
var Norðmaður. Norskur lóðs var
um borð þegar skipinu hvolfdi í
þröngu sundi skammt frá Björg-
vin. Lóðsinn stökk niður af brún-
ni þegar skipið tók að hallast og
var honum bjargað um borð í
þyrlu.
Þremur filippeyskum vélstjór-
um var bjargað á lífi sjö klukku-
stundum eftir að skipinu hvolfdi.
Björgunarmenn höfðu heyrt í
þeim inni í vélarúmi skipsins og
tókst að skera holu á skipsskrokk-
inn til að bjarga þeim út. Vélstjór-
arnir höfðu fengið yl frá vélinni
og skiptust þeir á miðum við
björgunarmennina til að gera
grein fyrir líðan sinni. Þremenn-
ingarnir voru fluttir á sjúkrahús
til aðhlynningar en meiðsl þeirra
eru ekki talin alvarleg.
Eftir að vélstjórunum hafði
verið bjargað út hættu að berast
hljóð innan úr skipinu. „Við mun-
um halda áfram að leita svo lengi
sem það er einhver von, og jafn-
vel lengur,“ sagði Birgit Sildnes,
talsmaður norsku björgunar-
mannanna. Björgunaraðgerðir
voru mjög erfiðar vegna kulda og
var þeim hætt síðdegis í gær.
Áformað er að draga skipið til
næstu hafnar og senda kafara inn
í flakið til að leita að líkum skip-
verjanna.
bb@frettabladid.is
SÆRÐUR
Ísraelski hermaðurinn sem særðist í árás
liðsmanna Hezbollah fluttur á sjúkrahús.
Hefndarárás:
Ísraelsmenn
hefndu sín
ÍSRAEL Ísraelskar orrustuþotur
gerðu í gær loftárásir á skotmörk
í suðurhluta Líbanons, degi eftir
að liðsmenn skæruliðahreyfingar
Hezbollah drápu ísraelskan her-
mann og særðu annan í eldflauga-
árás á jarðýtu við landamæri
Líbanons í fyrradag.
Talsmaður Hezbollah sagði að
skotið hefði verið á jarðýtuna af
því að hún hefði farið yfir
landamæralínuna en talsmaður
ísraelska hersins sagði að unnið
hefði verið að því að hreinsa upp
jarðsprengjur sem liðsmenn Hez-
bollah hefðu komið fyrir Ísraels-
megin við landamærin.
Að sögn talsmenna ísraelska
hersins var árásunum í gær beint
að bækistöðvum Hezbollah í
Bekadal, en engar fréttir höfðu
borist af mannskaða. ■
SÝNINGIN AUGLÝST
Listrænn stjórnandi þjóðminjasafnsins í
Stokkhólmi hefur ákveðið að láta taka
niður auglýsingaspjöld fyrir sýninguna
„Making Differences“.
Umdeild listasýning:
Gífurleg
aðsókn
STOKKHÓLMUR Gífurleg aðsókn hef-
ur verið að umdeildri sýningu á
sænska þjóðminjasafninu í Stokk-
hólmi eftir að sendiherra Ísraels
vann skemmdir á einu listaverk-
anna. Þegar safnið hafði verið
opið í þrjár klukkustundir í gær
höfðu yfir 650 gestir komið á sýn-
inguna en um 300 manns heim-
sækja safnið á venjulegum degi.
Listaverkið samanstendur af
litlum seglbáti sem flýtur á blóð-
rauðu vatni en á seglinu er mynd
af palestínskri konu sem gerði
sjálfsmorðsárás í Ísrael. Listrænn
stjórnandi safnsins hefur ákveðið
að láta fjarlægja auglýsinga-
spjöld með mynd af konunni en
neitar að verða við beiðni ísr-
aelskra stjórnvalda um að taka
verkið niður. ■
NOREGUR Íslenskur starfsmaður á
ferjunni Color Festival, sem sigl-
ir á milli Hirtshals og Oslóar, hef-
ur verið kærður fyrir að nauðga
tveimur samstarfskonum sínum.
Íslendingurinn er í haldi lögregl-
unnar í Osló og var hann yfir-
heyrður í gær.
Maðurinn er 41 árs en fórnar-
lömbin rúmlega tvítug. Mun hann
hafa ráðist á aðra konuna um
borð í ferjunni þar sem hún lá við
bryggju í Osló aðfaranótt mánu-
dags. Um 200 starfsmenn voru þá
um borð en ekki liggur fyrir
hvort gleðskapur stóð yfir. Hin
nauðgunin átti sér stað fyrir um
það bil viku, einnig í ferjunni.
Skipstjóra Color Line bárust
fregnir af árásunum snemma í
gærmorgun og eftir að hafa rætt
við hlutaðeigandi aðila ákvað
hann að kalla til lögreglu. Helge
Otte Mathisen, upplýsingafull-
trúi skipafélagsins Color Lines,
segist ekki hafa ástæðu til að
draga frásögn kvennanna í efa
þar sem Íslendingurinn hafi í
orðsins fyllstu merkingu verið
tekinn með buxurnar á hælunum.
Hann mun jafnframt hafa verið
undir áhrifum áfengis, sem sam-
ræmist ekki reglum fyrirtækis-
ins. ■
Tillaga Íslands samþykkt:
Áhætta
vegna áfeng-
isneyslu
HEILBRIGÐISMÁL Tillaga Íslands
þess efnis að Alþjóðaheilbrigðis-
málastofnunin (WHO) setji heil-
brigða lífshætti efst á forgangs-
lista sinn var samþykkt einróma á
fundi framkvæmdastjórnar sam-
takanna í gærmorgun, að því er
segir í frétt frá heilbrigðisráðu-
neytinu.
Í tillögunni felst meðal annars
að nú er hvatt til þess að menn
beini á vettvangi heilbrigðismála-
stofnunarinnar sjónum sínum
meira að áfengisneyslu og áhætt-
unni sem henni er samfara, ekki
síst þar sem í hlut eiga börn, ung-
menni og vanfærar konur. Sama
gildir um áfengi og akstur og
áfengisneyslu á vinnustöðum. ■
Tímabundinni veiðistöðvun loðnuflotans aflétt:
Börkur og Beitir
fóru strax á miðin
KOMIN Á MIÐIN
Skip Síldarvinnslunnar í Neskaupstað lögðu á miðin strax eftir hádegi í gær, skömmu áður
en Hafrannsóknastofnunin tilkynnti að banninu hefði verið aflétt.
Orsakir slyssins
eru ókunnar
Óttast er að átján manns hafi farist þegar norska flutningaskipinu
Rocknes hvolfdi undan ströndum Noregs. Orsakir slyssins eru ókunnar
en skipafélagið Jebsen Management hefur lagt fram beiðni um sjópróf.
HARÐUR ÁREKSTUR Á HRING-
BRAUT Harður árekstur varð á
gatnamóum Hringbrautar og
Njarðargötu klukkan níu í gær-
morgun. Engin slys urðu á fólki.
Annar bíllinn ók í vesturátt eftir
Hringbraut og beygði til vinstri
inn á Njarðargötu. Við það skall
hann á öðrum sem ók í gagn-
stæðri átt eftir Hringbraut. Báðir
bílarnir eru mikið skemmdir og
voru fjarlægðir með kranabíl.
FLAK ROCKNES
Norska flutningaskipið Rocknes liggur á hvolfi í þröngu sundi við Björey á vesturströnd
Noregs.
Íslendingur í haldi norsku lögreglunnar vegna nauðgunar:
Tekinn með buxurnar á hælunum
COLOR FESTIVAL
Íslenskur skipverji á dönsku ferjunni Color Festival er í haldi norsku lögreglunnar,
grunaður um að hafa nauðgað tveimur samstarfskonum sínum.
SNJÓRUÐNINGSTÆKI BAKKAÐI Á
BÍL Snjóruðningstæki bakkaði á
kyrrstæðan bíl í Neskaupstað í
gærmorgun. Bíllinn stóð við
loðnubræðslu Síldarvinnslunnar.
Hann skemmdist mikið en engin
slys urðu á fólki.