Fréttablaðið - 21.01.2004, Blaðsíða 26
■ ■ KVIKMYNDIR
Sjá www.kvikmyndir.is
Sambíóin Kringlunni, s. 588 0800
Sambíóin Álfabakka, s. 587 8900
Háskólabíó, s. 530 1919
Laugarásbíó, s. 5532075
Regnboginn, s. 551 9000
Smárabíó, s. 564 0000
Sambíóin Keflavík, s. 421 1170
Sambíóin Akureyri, s. 461 4666
Borgarbíó, Akureyri, s. 462 3500
■ ■ SKEMMTANIR
20.00 Dagskrá í Salnum á afmæli
Jóns úr Vör þar sem greint er frá niður-
stöðum úr ljóðasamkeppni á vegum
Lista- og menningarráðs Kópavogs.
Upplestur, tónlistarflutningur, léttar veit-
ingar. Aðgangur ókeypis, allir velkomnir.
■ ■ FYRIRLESTRAR
16.30 Stefán Ingi Stefánsson,
nýráðinn framkvæmdarstjóri UNICEF á
Íslandi, heldur fyrirlestur um starf UNI-
CEF, stofnun og markmið íslensku
landsnefndarinnar á Félagsvísindatorgi
í Þingvallastræti 23, stofu 14, í dag.
■ ■ FUNDIR
20.00 Kristileg skólasamtök (KSS)
standa fyrir kynningarfundi á svokölluðu
Alfa námskeiði í kvöld í húsi KFUM og
KFUK við Holtaveg 28. Námskeiðið sjálft
hefst í næstu viku, fjallar um grunnatriði
kristinnar trúar og leitast við að svara
spurningunni um tilgang lífsins. Allir eru
velkomnir.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
26 21. janúar 2004 MIÐVIKUDAGUR
hvað?hvar?hvenær?
18 19 20 21 22 23 24
JANÚAR
Miðvikudagur
Dagurinn í dag er fæðingardagurJóns úr Vör, sem er eitt merk-
asta ljóðskáld Kópavogsbúa. Til þess
að heiðra minningu hans hefur Kópa-
vogsbær staðið fyrir árlegri ljóða-
samkeppni og opinberað úrslitin á
fæðingardegi Jóns í Salnum, tónlist-
arhúsi Kópavogs.
„Það voru félagar í ritlistarhópi
Kópavogs sem áttu þessa hugmynd,
að halda ljóðasamkeppni í minningu
Jóns úr Vör,“ útskýrir Sigurbjörg
Hauksdóttir, ritari Björns Þorsteins-
sonar, framkvæmdastjóra tóm-
stunda- og menningarráðs Kópa-
vogs. „Keppnin heitir Ljóðstafur
Jóns úr Vör þar sem hann var Kópa-
vogsbúi og ljóðskáld og það er verið
að heiðra minningu hans og halda í
arfinn.“
Dagskráin hefst með því að Sig-
urrós Þorgrímsdóttir, formaður
Lista- og menningarráðs, setur sam-
komuna. Hjörtur Pálsson les upp
ljóð. Þá minnist bæjarstjórinn í
Kópavogi, Sigurður Geirdal, Jóns.
Ólafur Kjartan Sigurðarson baritón
og Jónas Ingimundarson píanóleik-
ari flytja nokkur lög.
Formaður dómnefndar, Matthías
Johannessen, skáld og fyrrum rit-
stjóri Morgunblaðsins, gerir síðan
grein fyrir niðurstöðum nefndarinn-
ar og formaður Lista- og menningar-
ráðs afhendir verðlaunin. Auk
Matthíasar eiga sæti í dómnefnd þau
Olga Guðrún Árnadóttir og Skafti Þ.
Halldórsson.
Aðgangur er ókeypis og boðið
verður upp á léttar veitingar. Um
300 ljóð bárust keppninni í ár og má
því búast við því að Salurinn verði
fullur af ljóðskáldum, þó þau beri
það ekkert endilega utan á sér. „Það
skila allir undir dulnefni þannig að
við vitum ekkert hverjir eru að
senda okkur ljóð. Umslagið með
nafni viðkomandi er opnað eftir að
ljóst er hvaða ljóð vann.“
Þrjár viðurkenningar voru afhent-
ar í fyrra en enginn ljóðstafur. Fyrsta
árið var það Hjörtur Pálsson sem
fékk Ljóðstafinn eftirsótta en í ár
verður afhentur ljóðstafur og tvær
viðurkenningar. Verðlaunin eru veg-
leg. „Þetta er göngustafur Jóns úr
Vör sem búið er að setja skjöld á. Þar
í eru grafin nöfn þeirra sem fá hann
þar sem þetta er farandgripur. Svo
eru afhent peningaverðlaun upp á 300
þúsund krónur fyrir sigurvegarann
og 100 þúsund fyrir viðurkenningarn-
ar,“ uppljóstrar Sigurbjörg. ■
■ LJÓÐ
Fullur Salur af leyniskáldum
Háskólabíó við Hagatorg I Sími 545 2500 I sinfonia@sinfonia.is I www.sinfonia.is
AÐALSTYRKTARAÐILI
SINFÓNÍUHLJÓMSVEITAR
ÍSLANDS
M
Á
T
T
U
R
IN
N
&
D
Ý
R
Ð
IN
Hljómsveitarstjóri ::: Guðmundur Óli Gunnarsson
Einleikari ::: Sigurgeir Agnarsson
Johannes Brahms ::: Tilbrigði um stef
eftir Joseph Haydn
Joseph Haydn ::: Sellókonsert í C-dúr
Modest Músorgskíj ::: Nótt á Nornagnípu
Sergej Rakhmanínov ::: Vocalise
Pjotr Tsjajkovskíj ::: 1812, forleikur
FIMMTUDAGINN 22. JANÚAR KL. 19:30
FÖSTUDAGINN 23. JANÚAR KL. 19:30
VALINKUNN VERK AF VINSÆLDALISTA ALDANNA
LJÓÐSTAFUR JÓNS ÚR VÖR
Þessi glæsilegi farandstafur verður afhentur sigurvegara kvöldsins.