Fréttablaðið - 21.01.2004, Blaðsíða 12

12 21. janúar 2004 MIÐVIKUDAGUR
■ Asía
NÝJASTA TÍSKA
Franski tískuhönnuðurinn Stephane Sauni-
er sýndi þetta skemmtilega „flugnanet“ á
tískusýningu í París í gær þar sem nýjasta
vor- og sumartískan var sýnd.
Þrjátíu hús jöfnuð við jörðu:
Hundruð manna
heimilislaus
RAFAH Ísraelskar jarðýtur jöfnuðu
við jörðu þrjátíu íbúðarhús og
eina mosku í palestínsku flótta-
mannabúðunum í Rafah á Gaza-
ströndinni, að sögn palestínskra
embættismanna. Ísraelski herinn
segist aðeins hafa eyðilagt þau
hús sem skotið var úr að ísraelsk-
um hermönnum.
Palestínskir embættismenn
segja að um 400 manns hafi misst
heimili sín. Að sögn sjónarvotta
reyndu íbúarnir árangurslaust að
fá Ísraela til að gefa sér tíma til að
bjarga eigum sínum út úr húsun-
um.
Ísraelar hafa jafnað við jörðu
hundruð bygginga í flóttamanna-
búðunum í Rafah síðan átökin
blossuðu upp að nýju fyrir rúm-
lega þremur árum. ■
Beðið svara Annans
Bandarísk og írösk stjórnvöld hafa óskað eftir því að Sameinuðu þjóðirnar sendi fulltrúa sína til
Íraks til þess að kanna hvort hægt verði að efna til almennra kosninga í landinu áður en fyrir-
hugað valdaframsal fer fram í lok júní. Kofi Annan hefur beðið um frest til þess að meta stöðuna.
Sameinuðu þjóðirnar íhuga núað senda fulltrúa sína til
Íraks til þess að kanna hvort
hægt verði að efna til almennra
kosninga í landinu áður en fyrir-
hugað valdaframsal fer fram í
lok júní.
Þetta kom fram eftir fund
Kofi Annan, aðalframkvæmda-
stjóra Sameinuðu þjóðanna, með
Paul Bremer, landstjóra Banda-
ríkjamanna í Írak, og leiðtogum
íraska framkvæmdaráðsins í
höfuðstöðvum SÞ í New York á
mánudaginn.
Fundurinn var haldinn eftir
að tugir þúsunda sjíamúslima,
sem eru í meirihluta í Írak,
höfðu mótmælt áætlunum
Bandaríkjamanna á götum
Basra og Bagdad, en áætlunin
gerir ráð fyrir því að héraðs- og
sveitarstjórnir, sem Bandaríkja-
menn skipuðu sjálfir, skipi
bráðabirgðastjórn fyrir lok maí.
Hún taki síðan við völdum í lok
júní, en almennar kosningar fari
ekki fram fyrr en í lok næsta
árs.
Annan tekur sér frest
Leiðtogar sjíamúslima krefj-
ast þess aftur á móti að almenn-
ingur kjósi bráðabirgðastjórn-
ina og í bréfi sem Hojat Alsafi,
næstæðsti klerkur sjíamúslima
í Írak, sendi þeim Bush Banda-
ríkjaforseta og Blair, forsætis-
ráðherra Bretlands, varar hann
við því að ef Írakar fái ekki að
kjósa til sinna eigin stofnana
sjálfir í almennum kosningum
dragist bandamenn inn í stríð
sem þeir geti ekki unnið. Hann
sagði einnig að núverandi áætl-
un Bandaríkjamanna snerist
meira um forsetakosningarnar í
Bandaríkjunum en hagsmuni
Íraka.
Annan sagði í gær að formleg
ákvörðun hefði ekki enn verið
tekin um hvort sendinefnd yrði
send til Íraks en að ákvörðunar
væri að vænta fljótlega eftir
frekari viðræður. Hann sagði að
fyrst þyrfti að tryggja öryggi
sendifulltrúanna, sérstaklega í
ljósi sprengjuárásarinnar við
aðalbækistöðvar bandaríska
hersins í Bagdad á sunnudaginn,
en að sögn íraska heilbrigðis-
ráðuneytisins fórst 31 í árásinni,
aðallega íraskir borgarar, og
meira en 120 slösuðust.
Verkefnið er mjög brýnt
Að sögn Annans óskuðu bæði
bandarísk og írösk stjórnvöld
eftir aðstoð Sameinuðu þjóð-
anna, en bandarísk stjórnvöld
hafa ítrekað leitað eftir því við
Annan að Sameinuðu þjóðirnar
taki aftur til starfa í Írak eftir
að hafa flutt allt starfslið sitt á
brott frá landinu eftir sprengju-
árás á höfuðstöðvar samtakanna
í Bagdad í ágúst. 23 fórust í
árásinni, þar á meðal Sergio
Vieira de Mello, sérstakur
sendifulltrúi Annans í Írak.
„Ég hef óskað eftir nánari
upplýsingum í smáatriðum um
alla þætti verkefnisins og þegar
við höfum fengið þær upplýs-
ingar sem við þurfum munum
við taka ákvörðun,“ sagði Annan
en viðurkenndi að verkefnið
væri mjög brýnt og sagðist von-
ast eftir skjótri ákvörðun.
„Við megum ekki rasa um ráð
fram og taka rangar ákvarðanir
í upphafi ferðar því þá gætum
við lent í vandræðum þegar við
tökum næsta skref,“ sagði Ann-
an og bætti við að hann gerði sér
vel grein fyrir mikilvægi að-
stoðar Sameinuðu þjóðanna.
Stuðningur Öryggisráðsins
Fulltrúar Öryggisráð SÞ, sem
funduðu með Kofi Annan á
mánudaginn, lýstu yfir stuðningi
við beiðni Bandaríkjamanna og
fulltrúa íraska framkvæmda-
ráðsins en sögðust virða óskir
Annans um tíma til þess að skoða
stöðuna. Þeir sögðust vonast til
þess að Annan samþykkti beiðn-
ina um leið og hann hefði verið
sannfærður um öryggi sendifull-
trúanna.
„Ég á von á því að gengið
verði að hans kröfum um örygg-
isgæsluna,“ sagði Jean Marc de
la Sabliere, sendiherra Frakka.
„Það er áríðandi fyrir alla að
bráðabirgðastjórn, sem sátt er
um, taki við völdum í Írak sem
fyrst,“ sagði la Sabliere.
Að sögn Adnans Pachachi,
forseta íraska framkvæmda-
ráðsins, var almennur vilji fyrir
því á fundinum með Annan að
væntanlegri sendinefnd Sam-
einuðu þjóðanna yrði einnig
falið það verkefni að ná sáttum
um framkvæmd valdaframsals-
ins og leggja fram drög að sam-
komulagi. „Við verðum að sýna
samningsvilja og finna leiðir til
þess að ná sáttum og til þess að
okkur takist það er þátttaka
Sameinuðu þjóðanna í sátta-
ferlinu nauðsynleg,“ sagði
Pachachi.
Bandaríkjamenn hafa hingað
til ekki viljað ljá máls á því að
bráðabirgðastjórnin verði kosin í
almennum kosningum, til þess sé
tíminn of naumur. Eftir fundinn
á mánudaginn sagði Paul Bremer
aftur á móti að sú spurning ætti
fullan rétt á sér. „Þátttaka Sam-
einuðu þjóðanna hefur mikið að
segja og opnar nýja möguleika,“
sagði Bremer. ■
Loftárás í Afganistan:
Ellefu létust
AFGANISTAN Ellefu afganskir
borgarar, þar af þrjár konur og
fjögur börn, létu lífið þegar
bandarísk herþyrla gerði
sprengjuárás á smáþorpið Sag-
hath í Oruzgan-héraði í suður-
hluta Afganistans á sunnudaginn.
Daginn áður hafði bandarísk
hersveit leitað talíbana í þorpinu
og sagðist Abdul Rahman héraðs-
stjóri ekki vita af hverju árásin
var gerð. „Þetta voru eingöngu
þorpsbúar en ekki talíbanar,“
sagði Rahman.
Haft var eftir talsmanni banda-
ríska hersins í Afganistan að vopn
hefðu fundist í einu húsinu í þorp-
inu og það hefði vakið grunsemd-
ir um að talíbanar væru þar í fel-
um. ■
INDVERJAR SEMJA VIÐ RÚSSA
Indverjar hafa gengið frá samn-
ingi við Rússa um kaup á flug-
móðurskipi og tólf orrustuþotum.
Heildarkaupverðið er sem svarar
um 112 milljörðum íslenskra
króna. Áætlað er að skipið komi
til Indlands árið 2008, að loknum
gagngerum endurbótum. Indverj-
ar eiga fyrir eitt breskt flugmóð-
urskip.
MATARÞJÓFAR TEKNIR AF LÍFI
Yfirvöld í Norður-Kóreu hafa lát-
ið taka fólk af lífi á almannafæri
fyrir að stela mat, auk þess sem
fjöldi manna hefur látist af völd-
um næringarskorts í vinnubúð-
um, að sögn Amnesty Inter-
national. Samtökin saka stjórn-
völd um að nota þann gífurlega
matarskort sem er í landinu til að
útrýma pólitískum andstæðing-
um.
SPRENGING Í EFNAVERKSMIÐJU
Einn lést og að minnsta kosti 60
manns slösuðust þegar sprenging
varð í efnaverksmiðju á eynni
Jövu í Indónesíu. Talið er að um
slys hafi verið að ræða. Mikill
eldur kom upp í PT Petro Wi-
dada-verksmiðjunni í kjölfar
sprengingarinnar og áttu björg-
unarmenn í miklum erfiðleikum
með að nálgast slysstaðinn.
RAFAH
Íbúarnir reyndu að bjarga eigum sínum út
úr húsunum áður en ísraelskum jarðýturn-
ar jöfnuðu þau við jörðu.
Fréttaskýring
ERLINGUR KRISTENSSON
■ fjallar um valdaframsalið í Írak.
ÁÆTLUN BANDARÍKJAMANNA
Febrúar 2004
Bráðabirgðastjórnarskrá lögð fram.
Maí 2004
Bráðabirgðastjórn skipuð.
Júní 2004
Bráðabirgðastjórn tekur við völdum og
framkvæmdaráðið lagt niður.
Mars 2005
Stjórnarskrárnefnd skipuð til þess að
semja nýja stjórnarskrá.
Desember 2005
Ný stjórnarskrá tekur gildi; almennar
kosningar og ný ríkisstjórn mynduð.
KOFI ANNAN METUR STÖÐUNA
Annan sagði í gær að formleg ákvörðun hefði ekki enn verið tekin um hvort sendinefnd yrði send til Íraks en að ákvörðunar væri að
vænta fljótlega eftir frekari viðræður.