Fréttablaðið - 21.01.2004, Blaðsíða 6
6 21. janúar 2004 MIÐVIKUDAGUR
■ Viðskipti
GENGI GJALDMIÐLA
Bandaríkjadalur 69,27 -0,67%
Sterlingspund 124,52 -0,20%
Dönsk króna 11,57 -0,17%
Evra 86,19 -0,16%
Gengisvísitala krónu 119,33 -0,07%
KAUPHÖLL ÍSLANDS
Fjöldi viðskipta 472
Velta 8.321 milljónir
ICEX-15 2.322 0,84%
Mestu viðskiptin
Íslandsbanki hf. 364.334.300
Pharmaco hf. 258.486.603
Kaupþing Búnaðarb. hf. 237.754.893
Mesta hækkun
Opin Kerfi Group hf 6,63
Samherji hf. 4,86
Flugleiðir hf. 4,84
Mesta lækkun
Líftæknisjóðurinn hf. -4,76
Kögun hf. -2,51
Pharmaco hf. -2,43
ERLENDAR VÍSITÖLUR
DJ* 10.547,2 -0,5%
Nasdaq* 2.140,6 0,0%
FTSE 4.499,3 -0,4%
DAX 4.106,4 -0,8%
NK50 1.418,6 0,1%
S&P* 1.138,0 -0,2%
*Bandarískar vísitölur kl. 17.00
Veistusvarið?
1Hvað heitir flutningaskipið semhvolfdi við Björey nærri Björgvin í
Noregi?
2Kínverjar héldu upp á áramót í gær.Hvaða dýrategund er nýhafið ár kennt
við?
3Hvaða sæti skipar breska knatt-spyrnuliðið Newcastle í bresku úrvals-
deildinni?
Svörin eru á bls. 30
Tillögur heilbrigðisráðherra á ríkisstjórnarfundi:
Grænt ljós á endurgreiðslur
HEILBRIGÐISMÁL Hafin er vinna í
heilbrigðisráðuneytinu á því
hvernig skuli útfæra endur-
greiðslur til sjúklinga sem
greiddu fullt verð fyrir þjónustu
sérfræðilækna meðan á kjara-
deilu þeirra við Tryggingastofnun
ríkisins stóð. Jón Kristjánsson
heilbrigðisráðherra lagði fram
tillögur sínar um slíkar endur-
greiðslur á fundi ríkisstjórnar-
innar í gær. Ríkisstjórnin gaf
grænt ljós á tillögur ráðherra.
Sæunn Stefánsdóttir, aðstoð-
armaður heilbrigðisráðherra,
sagði í gær að hraðað yrði vinnu
við útfærslu á endurgreiðslunum
í ráðuneytinu. Væri vonast til að
þær lægju fyrir þegar líða tæki á
vikuna.
Hún sagði enn fremur að við
endurgreiðslurnar beindust
sjónir einkum að þeim sem hefðu
minnst handa á milli. Hins vegar
yrði hugað að því að koma með
einhverjum hætti til móts við
alla þá sjúklinga sem hefðu
greitt fullt verð fyrir læknisverk
meðan enginn samningur var í
gildi milli sérfræðilækna og
Tryggingastofnunar. ■
Langmest röskun hjá
hjúkrunarfræðingum
Röskun verður á starfi nær 150 hjúkrunarfræðinga á Landspítala-háskólasjúkrahúsi vegna
sparnaðaraðgerða stjórnar spítalans. Hnífnum er brugðið á öll svið spítalans, þar með talinn
nýjan barnaspítala svo og slysa- og bráðaþjónustu.
HEILBRIGÐISMÁL Langmest röskun
verður á störfum hjúkrunarfræð-
inga af einstökum faghópum á
Landspítala-háskólasjúkrahúsi ef af
fyrirhuguðum sparnaðaraðgerðum
verður. Þær munu snerta rétt um
150 starfsmenn í Félagi íslenskra
hjúkrunarfræðinga með einum eða
öðrum hætti. Tæplega 40 hjúkrun-
arfræðingar munu láta af störfum á
hinum ýmsu deildum, ýmist vegna
uppsagna eða starfsloka án upp-
sagnar.
Næststærsti hópur starfsmanna
sem störfum verður raskað hjá er
læknar. Í þeirra hópi munu 24 hætta
störfum, 5 vegna beinnar uppsagn-
ar en hinir vegna starfsloka án upp-
sagnar. Starfi 107 lækna verður
raskað með þessum hætti eða með
breytingum á vinnufyrirkomulagi.
Í fyrirliggjandi niðurskurðartöl-
um vekur athygli hversu margir
starfsmenn hafa verið ráðnir til
skamms tíma í senn. Í þessum hópi
eru starfsmenn sem ekki kemur til
beinna uppsagna hjá en verða ekki
endurráðnir. Aðgerðirnar fyrirhug-
uðu snerta störf 525 starfsmanna
sem eru í 25 stéttarfélögum. Fjöl-
mennustu hóparnir eru í Félagi ís-
lenskra hjúkrunarfræðinga,
Læknafélagi Íslands, Starfsmanna-
félagi ríkisstofnana, Sjúkraliða-
félagi Íslands og Eflingu. Áætlað er
að ríflega 200 manns hætti störfum
á spítalanum á þessu ári.
Þá vekur athygli hversu mjög
niðurskurðarhnífnum er beitt á nýj-
um barnaspítala. Þar verður röskun
á störfum tæplega 100 starfsmanna.
Gert er ráð fyrir að þar af hætti 14
hjúkrunarfræðingar störfum á
barnasviði, 3 læknar og 14 sjúkra-
liðar.
Slysa- og bráðasvið Landspítal-
ans fer ekki varhluta af aðgerðun-
um. Þar er gert ráð fyrir að breyt-
ingar verði á störfum rúmlega 40
starfsmanna og 4 hætti.
Fréttablaðið hefur áður greint
frá miklum fyrirhuguðum sparnað-
araðgerðum á geðsviði og stoðþjón-
ustu spítalans. Gert er ráð fyrir að
12 starfsmenn á geðsviði láti af
störfum. Þá er skorið niður í röðum
starfsmanna innan Stéttarfélags ís-
lenskra félagsráðgjafa og Stéttar-
félagi sálfræðinga.
Hugmyndir um röskun á störf-
um þeirra sem halda starfi sínu
felast einkum í breytingum á
vinnufyrirkomulagi, svo sem
vöktum. Þá er nokkuð um lækkun
starfshlutfalls og uppsagnir á
yfirvinnu.
Þessar aðgerðir eru liður í
sparnaðaráformum stjórnar Land-
spítala-háskólasjúkrahúss, en
stjórnvöld hafa gert henni að ná
sparnaði í rekstri upp á 1.500 millj-
ónir króna. Til þess hefur stjórnin
tvö ár. Ekki eru öll kurl komin til
grafar varðandi uppsagnir enn,
þar sem enn hefur ekki verið tekin
ákvörðun um fækkun starfa í
kennslu- og vísindastarfsemi. Er
talið að fækkunin þar geti numið
allt að 10 ársverkum.
jss@frettabladid.is
Fiskifélag Íslands:
Til Akureyrar
FISKIFÉLAGIÐ Höfuðstöðvar Fiski-
félags Íslands hafa verið fluttar
frá Reykjavík til Akureyrar. Fé-
lagið hefur frá stofnun árið 1911
verið í Reykjavík og lengst af
unnið að margvíslegum verkerfn-
um fyrir sjávarútveg og í nánu
samstarfi við stjórnvöld. Fyrir
fimm árum var gerð veruleg
skipulagsbreyting og starfsem-
inni eingöngu beint að sameigin-
legum hagsmunum sjávarútvegs-
ins. Þá hefur Fiskifélagið, í sam-
vinnu við sjávarútvegsráðuneytið
og Hafrannsóknastofnunina, ann-
ast rekstur skólaskipsins Drafnar.
Tveir starfsmenn fylgja félag-
inu til Akureyrar en tveir starfs-
menn í hlutastarfi verða um kyrrt
í Reykjavík. ■
HÓLMI YFIR 90 PRÓSENT Hólmi,
félag í eigu afkomenda Aðalsteins
Jónssonar á Eskifirði, hefur eign-
ast 92 prósenta hlut í Eskju. Í síð-
ustu viku eignaðist Hólmi yfir 70
prósent í Eskju. Við það myndað-
ist kaupskylda Hólma gagnvart
öðrum hluthöfum. Við 90 prósenta
mörkin myndast söluskylda ann-
arra hluthafa í félaginu.
HÆKKANIR ÁFRAM Hlutabréf
héldu áfram að hækka í gær. Úr-
valsvísitalan hækkaði um 0,84
prósent í gær. Hækkun hennar frá
áramótum nemur nú 9,84 pró-
sentum.
SÆUNN STEFÁNSDÓTTIR
Útfærslum lokið fyrir helgi.
HÓPUPPSAGNIR
Yfirmenn starfsmannamála á Landspítala-háskólasjúkrahúsi hafa kynnt trúnaðarmönnum launþegasamtaka og stéttarfélaga fyrirhugaðar
hópuppsagnir eins og gera ber samkvæmt lögum. Myndin var tekin þegar fulltrúar LSH kynntu fulltrúum BSRB aðgerðirnar.
RÖSKUN HJÁ STARFSFÓLKI
Á LSH
Stéttarfélag Fjöldi
Félag ísl. hjúkrunarfræðinga 147
Læknafélag Íslands 107
Starfsmannafélag ríkisstofnana 79
Sjúkraliðafélag Íslands 38
Efling 31
Félag geislafræðinga 17
Meinatæknafélag Ísl. 16
Stéttarfél. ísl. félagsráðgjafa 14
Stéttarfélag sálfræðinga 12
Bandalag háskólamanna 11
Starfsmannafélag Reykjavíkurborgar 6
Starfsmannafél. Reykjav.-háskólafólk 4
Ljósmæðrafélag Íslands 9
Kjarafélag viðskipta- og hagfræðinga 6
Iðjuþjálfafélag Íslands 4
Félag ísl. náttúrufræðinga 3
Stéttarfélag bókasafns- og
uppl.fræðinga 3
Stéttarfélag verkfræðinga 2
Tæknifræðingafélagið 1
Félag bókasafnsfræðinga 2
Lyfjafræðingafélag Ísl. 2
Tæknifræðingafél. Íslands 1
Tæknifræðingafélagið 1
Rafiðnaðarsamband Íslands 1
Þroskaþjálfafélag Íslands 1