Fréttablaðið - 21.01.2004, Blaðsíða 8

8 21. janúar 2004 MIÐVIKUDAGUR
Smekkvísir þjófar
„Þeir eru að minnsta kosti klár-
ir á merkinu, þeir eru greinilega
hrifnir af Nikon eins og ég og
þeir tóku reyndar líka eitt
Canon-sett, en það er ekki eins
verðmikið.“
Jóhannes Long ljósmyndari, Morgunblaðið 20.
janúar.
Og hverjum er það að kenna?
„Þetta þjóðfélag er að verða að
lítilli fituhlussu.“
Gaui litli, Fréttablaðið 20. janúar.
Það er nú það
„Ef lögreglan getur ekki farið
eftir lögunum með dóm á bak-
inu, þá spyr maður til hvers
hægt er að ætlast af öðrum.“
Atli Björn Þorbjörnsson héraðsdómslögmaður,
DV 20. janúar.
Hvar endar þetta?
„Mér finnst ég alltaf vera að
yngjast og er helvíti sprækur.“
Laddi, 57 ára, Fréttablaðið 20. janúar.
Orðrétt
Bókun bæjarráðs Húsavíkur um sparisjóðina:
Ber að verja sérstöðu sjóðanna
SPARISJÓÐIR „Við erum sammála því
að það beri að verja þá sérstöðu sem
sparisjóðirnir hafa haft og teljum
ekki nauðsynlegt að fullmarkaðs- og
hlutafélagavæða alla bankastarf-
semi í landinu. Sparisjóðirnir eru
ágætis blóm í flóruna og til þess
fallnir að styrkja fjármálageirann í
heild,“ sagði Reinhard Reynisson,
bæjarstjóri á Húsavík.
Bæjarráð Húsavíkur ræddi, líkt
og stjórnir fjölmargra annarra
sveitarfélaga, bréf Sambands ís-
lenskra sparisjóða varðandi hugs-
anleg kaup stóru bankanna á spari-
sjóðunum. Rætt var um umbeðinn
stuðning til að sparisjóðirnir geti
haldið starfsemi sinni áfram, óháðir
stórum fjármálastofnunum eða
fjárfestum.
Í bókun bæjarráðs segir að
sparisjóðirnir hafi víða verið horn-
steinar byggðarlaga og stuðlað að
margvíslegum framkvæmdum og
framförum á öllum sviðum mann-
lífsins. Starfsemi sparisjóðanna
hafi að verulegu leyti lotið öðrum
lögmálum en starfsemi hins al-
menna bankakerfis. Mikilvægt sé
að viðhalda þessu.
„Það eru hér þrír stórir bankar
og sparisjóðirnir eru nokkurs konar
Atlantsolía bankaerfisins, litlir en
nauðsynlegir til að veita þeim stóru
aðhald á ákveðnum sviðum,“ sagði
Reinhard Reynisson. ■
Hótelin í Reykjavík:
Meðalnýting
versnar
HÓTELREKSTUR Meðalnýting á gisti-
rýmum á höfuðborgarsvæðinu
versnaði milli áranna 2003 og 2002.
Samtök ferðaþjónustunnar munu á
næstu dögum gefa út tölur um nýt-
ingu gistirýma.
„Mér sýnist að meðalnýtingin
hafi lækkað aðeins á milli ára en
það er náttúrlega mjög eðlilegt af
því að framboðið hefur aukist svo
gríðarlega,“ segir Þorleifur Þór
Jónsson, hagfræðingur Samtaka
ferðaþjónustunnar.
Hann segir að minni nýting sé
eðlileg í ljósi þess að framboð á
gistirýmum hafi aukist um nálega
20% á milli áranna 2002 og 2003. ■
Við bjóðum nú gagnlegt og skemmtilegt
99 stunda nám fyrir konur á öllum aldri
í notalegu og afslöppuðu umhverfi undir
kjörorðinu: Menntun er skemmtun!
Í lok námskeiðisins vinna nemendur
lokaverkefni, 2-3 saman í hóp.
Námskeiðið hentar öllum konum sem vilja
auka þekkingu sína og nýta betur þá
fjölmörgu möguleika sem tölvutæknin
býður upp á í frístundum og í starfi.
Lengd: 99 stundir (morgun- eða síðdegisnámskeið)
Næsta námskeið: 9. febrúar
Stgr.verð: 70.300 kr.
Helstu námsgreinar:
Uppbygging tölvunnar
Streitustjórnun
Internetið í leik og starfi
Mannleg samskipti
Innsetning mynda í tölvu
Tímastjórnun og
markmiðasetning
Myndvinnsla
(með ljósmyndir)
Heimilisbókhaldið
Ritvinnsla með Word
Framsögn og framkoma
Hnitmiðað og vinsælt nám sem skilar sér
í fagmennsku í sölu ásamt aukinni
tölvuþekkingu og betri árangri í
samskiptum við viðskiptavini.
Styrktu stöðu þína!
- Lengd: 264 stundir.
- Næsta námskeið: 27. jan.
- Kennslutími: 2 kvöld og laugard.
- Stgr.verð: 179.550
- Hlutverk sölumanns
- Sölutækni
- Samskipti við viðskiptavini
- Sölu- og viðskiptakerfi
- Verslunarreikningur
- Windows - Word
- Excel - Power Point
- Markaðsfræði
- Framsögn og framkoma
- Tímastjórnun
- Auglýsingatækni
- Gerð kynningarefnis
- Lokaverkefni
VIÐSKIPTI Samskip hafa tekið
yfir rekstur hollenska flutn-
ingafyrirtækisins Nedshipping
Liner Agencies BV. Nedshipp-
ing er sérhæft í gámaflutning-
um milli Skandinavíu, Finn-
lands og meginlands Evrópu.
Allir starfsmenn Nedshipping í
Hollandi halda áfram störfum
hjá Samskipum og heyra undir
skrifstofu félagsins í Rotter-
dam.
Samskip hófu siglingar milli
meginlands Evrópu og Suður-
Noregs í ágúst í fyrra og hafa
félögin átt gott samstarf á
þeirri flutningaleið. „Kaupin á
Nedshipping styrkja enn frek-
ar stöðu okkar á Norður-
löndunum, ekki einungis í Nor-
egi, heldur einnig í Svíþjóð og
Finnlandi,“ segir Ásbjörn
Gíslason, forstjóri Samskipa
erlendis. ■
HUGMYNDASAMKEPPNIN KYNNT
Hugmyndasamkeppnin um nýtt skipulag miðbæjarins á Egilsstöðum var kynnt á fundi í
síðustu viku á Hótel Héraði.
Nýtt miðbæjarskipulag á Egilsstöðum:
Miðað við tvö-
földun íbúafjölda
SKIPULAG Hrundið hefur verið af
stað hugmyndasamkeppni um
nýtt skipulag miðbæjarins á
Egilsstöðum. Um er að ræða
metnaðarfulltog framsækið
skipulagsverkefni á ört vaxandi
þjónustusvæði en áætlað er að
íbúatala Egilsstaða tvöfaldist á
næstu fimmtán árum. Markmið
hugmyndasamkeppninnar er að
miðbærinn á Egilsstöðum verði
vettvangur verslunar, þjónustu,
mannlífs og samgangna á Austur-
landi. Samkeppnin er öllum opin
og verða peningaverðlaun veitt
fyrir bestu tillögur. Verðlaunafé
er samtals fimm milljónir króna.
Nú er unnið að uppbyggingu
á um 400 íbúðum á Austur-Hér-
aði sem komnar eru á mismun-
andi framkvæmdastig. Ýmist er
um að ræða íbúðir í byggingu
eða væntanlegar íbúðir sem
verða til sölu eða leigu. Sveitar-
félagið hefur því úthlutað eða
lofað einstaklingum og fyrir-
tækjum lóðum til byggingar á
íbúðum fyrir um 1.100 íbúa. Um
400 íbúðir eru taldar nauðsyn-
legar til að uppfylla þörfina fyr-
ir íbúðarhúsnæði á næstu árum,
en áætlanir gera ráð fyrir að í
sveitarfélaginu búi um 3.200
manns árið 2009. ■
Samræmd stúdentspróf:
Andstaðan eykst
meðal kennara
MENNTUN Andstaða framhaldsskóla-
kennara við upptöku samræmdra
stúdentsprófa hefur aukist mjög
undanfarin þrjú ár, af marka má
niðurstöður kannana sem Félag
framhaldsskólakennara lét gera.
Nú segjast um 70% kennara vera
frekar eða mjög andvíg því að tekin
verði upp samræmd stúdentspróf í
framhaldsskólum, en 30% eru því
frekar eða mjög hlynnt.
Þetta er meiri andstaða við sam-
ræmd próf en fram kom í könnun
sem Félag framhaldsskólakennara
lét gera fyrir þremur árum. Þá
sögðust 35% andvíg, 35% voru
hlynnt en þriðjungur var hlutlaus.
Þeir sem voru hlutlausir fyrir
þremur árum virðast hafa tekið af-
stöðu á móti samræmdum prófum
eftir því sem nær því hefur dregið
að samræmd próf yrðu tekin upp í
framhaldsskólum.
Á heimasíðu Kennarasambands
Íslands segir að líklegt sé að hér
ráði miklu hve margt hafi verið
óljóst um framkvæmd samræmdra
stúdentsprófa. ■
REINHARD REYNISSON
Bæjarstjórinn á Húsavík segir nauðsynlegt
að verja sérstöðu sparisjóðanna. Þeir séu
nokkurs konar Atlantsolía bankakerfisins.
Samskip í útrás:
Kaupa skipafélag
FR
ÉT
TA
B
LA
Ð
IÐ
/E
G
SAMRÆMD STÚDENTSPRÓF
Í maí 2005 verður fyrst efnt til samræmdra
stúdentsprófa. Þá verður prófað úr 3 grein-
um; íslensku, ensku og stærðfræði.
SAMRÆMD STÚDENTSPRÓF
- AFSTAÐA FRAMHALDSSKÓLA-
KENNARA
2003 2000
Andvígir 70% 35%
Hlynntir 30% 35%
Hlutlausir 0% 30%
GÁMEILD SAMSKIPS
Samskip hafa keypt hollenska fyrirtækið
Nedshipping Liner Agencies BV.
Frjálslyndir:
Vilja vernda
atvinnurétt
STJÓRNMÁL Þingflokkur Frjálslynda
flokksins hefur sent frá sér ályktun
þar sem skorað er á nýja eigendur
HB, Skagstrendings og ÚA að virða
atvinnurétt starfsfólks fyrirtækj-
anna. „Frjálslyndi flokkurinn vill
árétta að þeir sem keyptu útgerðar-
fyrirtækin keyptu tímabundinn að-
gang að sameiginlegri auðlind þjóð-
arinnar,“ segir í ályktuninni. .
Þá segir að við söluna vaxi skuld-
ir sjávarútvegsins. „Öllum ætti að
vera ljóst að kvótakerfi með frjálsri
sölu og leigu aflans mun áfram vega
að atvinnurétti fólks og byggða,“
segja Frjálslyndir og árétta að
Sjálfstæðisflokkur og Framsóknar-
flokkur beri höfuðábyrgð á þeirri
óvissu sem fylgi því að festa í sessi
brask með auðlindir þjóðarinnar. ■