Fréttablaðið - 28.01.2004, Blaðsíða 8

8 28. janúar 2004 MIÐVIKUDAGUR
■ Írak
Kommúnisti! Kommúnisti!
Deilan um bók Hannesar snýst
um tvennt: annars vegar að til-
vísanir í heimildir séu ófull-
nægjandi og að hann geri ekki
nógsamlega grein fyrir því
hvernig að hann styðjist við rit
annarra, og hins vegar að hann
geri texta annarra höfunda að
sínum.
Páll Valsson, útgáfustjóri og ævisagnahöfundur.
Morgunblaðið, 27. janúar.
Sammála, sammála
Í mínum huga hefur það alltaf
verið aðalatriðið að koma þess-
um harðstjóra frá.
Davíð Oddsson um Írak. DV, 27. janúar.
Minn meydóm fyrir próf
Eins og staðan er hjá mér núna
þá mun ég skulda 15 þúsund
pund þegar ég lýk námi.
Rosie Reid sem hyggst selja meydóm sinn
hæstbjóðanda. DV, 27. janúar.
Orðrétt
Formaður VG um vorþingið :
Heilbrigðismál og sparisjóðirnir
ALÞINGI Þingstörf hefjast aftur í
dag að loknu sex vikna jólaleyfi,
en mörg mál bíða afgreiðslu vor-
þingsins. Steingrímur J. Sigfús-
son, formaður Vinstri hreyfing-
arinnar græns framboðs, telur
að heilbrigðismálin eigi eftir að
taka mestan tíma á þinginu á
næstu misserum.
„Heilbrigðismálin verða
væntanlega ofarlega á baugi í
upphafi vorþingsins og þá aðal-
lega fjárhagsvandi Landspítal-
ans og áhrif niðurskurður á heil-
brigðisþjónustuna. Málefni
sparisjóðanna brenna einnig á
mönnum og ég geri ráð fyrir því
að þau verði rædd ítarlega á
þinginu, en deilur um hæfi for-
manns efnahags- og viðskipta-
nefndar hafa því miður komið í
veg fyrir að hægt sé að varpa
ljósi á stöðuna í þeim efnum,“
segir Steingrímur. Hann telur
einnig að sviptingar í sjávarút-
veginum beri á góma á vorþing-
inu.
„Það verður væntanlega rætt
um þær breytingar sem hafa
orðið í sjávarútveginum, sem og
það umrót sem hefur orðið í við-
skiptaheiminum að undanförnu.
Vinstri hreyfingin grænt fram-
boð telur brýnt að fjalla um at-
vinnuástandið og efnahagshorf-
ur í tengslum við kjarasamn-
inga, enda eru menn farnir að
gera sér grein fyrir því að þróun
gengis og vaxta er farin að hafa
áhrif á atvinnulífið, segir Stein-
grímur. ■
Eftir tæp sjö ár í embætti for-sætisráðherra Breta hefur
staða Tonys Blair aldrei verið erf-
iðari. Fjölgað hefur jafnt og þétt í
hópi þeirra sem eru óánægðir með
frammistöðu Blairs og margir spá
því að ferill hans sé senn á enda.
Ljóst er að framtíð forsætis-
ráðherrans ræðst að miklu leyti af
niðurstöðum Hutton-rannsóknar-
innar, sem kynntar verða almenn-
ingi í dag. Rannsóknin miðaði að
því að varpa ljósi á þá atburðarás
sem varð til þess að breski vopna-
sérfræðingur David Kelly svipti
sig lífi eftir að fjölmiðlar upplýstu
að hann hefði verið heimildar-
maður BBC í frétt um skýrslur
ríkisstjórnarinnar varðandi
vopnaeign Íraka.
Blair hefur sjálfur lýst því yfir
að honum beri að segja af sér ef
ásakanir um að hann hafi vísvit-
andi beitt blekkingum til að rétt-
læta stríðið í Írak reynist á rökum
reistar. Hann hefur ennfremur
viðurkennt að staða hans yrði
mjög erfið ef Hutton lávarður
kæmist að þeirri niðurstöðu að
hann hefði borið persónulega
ábyrgð á því að nafni Kellys var
lekið í fjölmiðla. Þess má geta að
samkvæmt skoðanakönnunum tel-
ur yfir helmingur bresku þjóðar-
innar að Blair hafi sagt ósatt þegar
hann fullyrti að hann hefði ekki
heimilað undirmönnum sínum að
greina frá nafni Kellys.
Vinsældirnar dvína
Nýjustu skoðanakannanir sýna
að vinsældir Blairs hafa snar-
minnkað á undanförnum vikum.
Breskir fjölmiðlar greindu frá því
í síðustu viku að 59% þjóðarinnar
væru ósátt við frammistöðu for-
sætisráðherrans og innan við
þriðjungur væri ánægður með
störf hans. Fyrir kosningarnar árið
2001 töldu 52% Breta að Blair væri
hæfastur til að gegna embætti for-
sætisráðherra. Nú er hlutfallið að-
eins 31%, samkvæmt könnun sem
dagblaðið The Daily Telegraph
birti í síðustu viku. Michael
Howard, nýkjörinn formaður
Íhaldsflokksins, kemur fast á hæla
Blairs en 29% þjóðarinnar vilja sjá
hann í embætti forsætisráðherra.
Þessi vaxandi óánægja með
stefnu forsætisráðherrans hefur
óhjákvæmilega áhrif á gengi
Verkamannaflokksins. Í ofan-
greindri könnun mældist Íhalds-
flokkurinn með 40% fylgi á móti
aðeins 35% hjá Verkamanna-
flokknum. Síðan Blair tók við emb-
ætti forsætisráðherra hefur það
sjaldan komið fyrir að Íhaldsflokk-
urinn mælist með meira fylgi en
Verkamannaflokkurinn og fimm
prósenta forskot er nánast óheyrt.
Þess ber þó að geta að niðurstöður
The Daily Telegraph eru ekki í
samræmi við niðurstöður kannana
sem birst hafa í öðrum fjölmiðlum
á undanförnum vikum.
Dýrkeypt stríð
Öruggt er að sú ákvörðum
breska forsætisráðherrans að
fylgja félaga sínum George W.
Bush Bandaríkjaforseta í stríð
gegn Írökum á sinn þátt í dvín-
andi vinsældum Blairs. Stuðning-
ur Blairs við Bush hefur reynst
honum dýrkeyptur þar sem and-
staðan við stríðið er mun meiri í
Bretlandi en í Bandaríkjunum. Í
ofanálag virðist sem ásakanir um
að Blair hafi beitt blekkingum til
að afla stuðnings við stríðið í Írak
hafi kostað hann traust meiri-
hluta landsmanna.
Þrátt fyrir að engin gereyðing-
arvopn hafi fundist í Írak og hátt-
settir stjórnmálamenn og emb-
ættismenn hafi lýst því yfir að að
öllum líkindum hafi þau aldrei
verið til staðar, segist Blair enn
sannfærður um að skýrslur
bresku leyniþjónustunnar varð-
andi vopnaeign Íraka hafi verið
áreiðanlegar. Þó að í ljós komi að
fullyrðingar leyniþjónustunnar
hafi ekki átt við rök að styðjast
getur það reynst þrautin þyngri
að skera úr um hvort Blair hafi
vísvitandi tekið þátt í blekkinga-
leiknum.
Staða Bush Bandaríkjaforseta
er að mörgu leyti ólík stöðu
Tonys Blair enda er stuðningur
hins almenna borgara við stríðið
í Írak mun meiri í Bandaríkjun-
um en í Bretlandi. Bush hefur
tekist að beina athygli banda-
rísku þjóðarinnar frá vandræð-
unum í Írak og þeim óheyrilega
kostnaði sem innrásinni hefur
fylgt. Mikill meirihluti Banda-
ríkjamanna telur að það hafi ver-
ið rétt ákvörðun að fara í stríð og
yfir 70% þjóðarinnar telur að
hernaðaraðgerðirnar gangi vel,
samkvæmt nýjustu skoðanakönn-
unum. Það er því frekar efna-
hagsvandinn og atvinnuleysið
heimafyrir sem gæti orðið Bush
að falli í forsetakosningunum í
nóvember. ■
LÍFSTÍÐARFANGELSI FYRIR AÐ
DREPA DAGMÓÐUR Héraðsdómur
í Álaborg dæmdi 21 árs karlmann
í lífstíðarfangelsi fyrir að myrða
dagmóður sem hafði gætt hans
þegar hann var barn. Maðurinn
var einnig dæmdur fyrir að mis-
þyrma þrettán konum kynferðis-
lega. Flest fórnarlömbin voru
eldri konur.
STRÍÐIÐ Í ÍRAK RÉTTLÆTANLEGT
Dönsk stjórnvöld studdu innrás-
ina í Írak, ekki vegna þess að
Írakar kynnu að ráða yfir gereyð-
ingarvopnum heldur vegna þess
að Saddam Hussein neitaði öllu
samstarfi við Sameinuðu þjóðirn-
ar, segir forsætisráðherrann
Anders Fogh Rasmussen.
Markmiðið með námskeiðinu er að þjálfa
fólk fyrir kröfuhörð bókhaldsstörf.
Námið er byggt upp á verklegum æfingum
sem miðast við að gera námið sem líkast
raunveruleikanum. Allar námsgreinar eru
kenndar frá grunni og vönduð námsgögn
innifalin í verði námskeiðsins.
Lengd: 126 stundir - Stgr. verð: 106.875
Tími: Kvöldnámskeið hefst 10. feb.
og morgunnámskeið 4. feb.
Síðan ég lauk
námskeiðinu hef ég
starfað við bókhald hjá
SÍF hf. Þar hefur þetta
magnaða námskeið
NTV nýst mér
frábærlega.
Anna María
- bókari hjá SÍF
Bókhald
Verslunarreikningur
Tölvubókhald Navision
VSK uppgjör
Afstemming / Ársreikningar
Námsgreinar
STEINGRÍMUR J. SIGFÚSSON
Formaður vinstri grænna telur
brýnt að fjalla um atvinnuástand-
ið og efnahagshorfur í tengslum
við kjarasamninga, enda þróun
gengis og vaxta farin að hafa
áhrif á atvinnulífið
FIMM LÁTAST Í SPRENGJUÁRÁS
Þrír bandarískir hermenn og
tveir óbreyttir íraskir borgarar
létu lífið þegar sprengja sprakk í
vegkanti þar sem bandarísk her-
bílalest átti leið um, vestur af
Bagdad í gær. Fjöldi Íraka særð-
ist í árásinni.
HÓTA AÐ REKA TYRKI Á BROTT
Leiðtogar Kúrda í Irbil-héraði í
norðanverðu Írak, hóta að loka
skrifstofu tyrkneska friðargæslu-
liðsins í Irbil ef Tyrkir hafa sig
ekki á brott sjálfviljugir. Kúrdar
segja enga þörf á veru Tyrkjanna
eftir fall stjórnar Saddams
Hussein. Herlið Tyrkja hefur
verið á svæðinu frá því á síðasta
áratug.
SKÆRULIÐAR SKOTNIR Banda-
rískir hermenn felldu þrjá menn
sem taldir eru tilheyra skæru-
liðahreyfingu með tengsl við
fyrrum stjórnvöld í Írak. Menn-
irnir voru skotnir í árásum í
Beiji, bæ skammt frá Tikrit, fæð-
ingarstað Saddams Hussein.
Tony Blair í kröppum dansi
Svo virðist sem Tony Blair, forsætisráðherra Breta, hafi orðið að gjalda þátttökunnar í
Íraksstríðinu dýru verði. Vinsældir hans hafa minnkað verulega á undanförnum vikum og
mánuðum og margir spá því að tími hans í embætti forsætisráðherra sé senn á enda.
TONY BLAIR
Breski forsætisráðherrann svarar spurningum Jeremy Paxman, stjórnanda þáttarins
Newsnight hjá BBC.
■ Norðurlönd
Fréttaskýring
BRYNHILDUR BIRGISDÓTTIR
■ fjallar um erfiða stöðu Tonys Blair,
forsætisráðherra Breta.