Fréttablaðið - 28.01.2004, Blaðsíða 26
■ ■ TÓNLEIKAR
20.00 Guðni Franzson flytur eigin
tónsmíðar ásamt valinkunnum einleikar-
um og dönsurum í Salnum, Kópavogi,
með fulltingi nýjustu hljómtækja, ljósa
og myndtækja Salarins.
22.00 Hljómsveitirnar Hölt hóra og
Ríkið halda uppi merki pönksins á Bar
11. Aðgangur er ókeypis.
■ ■ FYRIRLESTRAR
12.15 Sigurður H. Magnússon,
gróðurvistfræðingur á Náttúrufræði-
stofnun Íslands, flytur erindið "Áhrif beit-
arfriðunar á gróðurframvindu á lítt grón-
um svæðum" á Hrafnaþingi, í sal
Möguleikhússins á Hlemmi, Reykjavík.
16.15 Ilse Eriksson við háskólann í
Helsinki heldur fyrirlestur um "Þróun lík-
ans að kennslufræðilegri leiðsögn á há-
skólastigi" í salnum Skriðu í Kennara-
háskóla Íslands við Stakkahlíð.
16.30 Kristján Ari Arason fjallar
um nám í fjölmiðlatækni á Félagsvís-
indatorgi Háskólans á Akureyri í Þing-
vallastræti 23, stofu 14.
■ ■ FUNDIR
12.15 „Hvað ræður mismun á
verðlagi frá einu landi til annars?" er
umfjöllunarefni á málstofu Hagfræði-
stofnunar, þar sem sérfræðingarnir Ás-
geir Jónsson og Sigurður Jóhannesson
reifa málin.
20.30 Félag íslenskra fræða held-
ur rannsóknakvöld í Sögufélagshúsinu,
Fischersundi 3, þar sem hugað verður
að jólabókaflóðinu sem er nýrunnið hjá.
„Þjóðlegt flóð?" nefnist erindi Jóns
Yngva Jóhannssonar, bókmenntafræð-
ings og gagnrýnanda, þar sem hann ger-
ir upp flóðið.
20.00 Pabbakvöld á Grand Rokk.
Karlmenn ræða um karlmennsku og
heimilislífið.
■ ■ SAMKOMUR
14.30 Síðdegisdans Félags eldri
borgara verður í Ásgarði, Glæsibæ.
Gestur verður Þorsteinn Ólafsson kenn-
ari. Hljómborðsleikarinn Guðmundur
Haukur leikur fyrir dansi. Kaffi og kökur.
20.00 Pabbakvöld á Grand Rokk.
Karlmenn ræða um karlmennsku.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
Semur ekki fyrir eilífðina
26 28. janúar 2004 MIÐVIKUDAGUR
hvað?hvar?hvenær?
25 26 27 28 29 30 31
JANÚAR
Miðvikudagur
Ég held að það hljóti að verasvolítið erfið tilfinning hjá
tónskáldum að vera alltaf að
skrifa fyrir ódauðleikann,“ segir
Guðni Franzson, og tekur fram að
sjálfur hafi hann ekki minnsta
áhuga á því að semja tónlist fyrir
eilífðina.
„Samt held ég að sú hugsun
blundi dálítið í mörgum tónskáld-
um.“
Sjálfur segir Guðni tónsmíðar
sínar endurnýjast og breytast
með hverjum flutningi.
„Enda lít ég fyrst og fremst á
mig sem performer. Tónsmíðarn-
ar mótast allar af því.“
Í kvöld verða í Salnum í Kópa-
vogi tónleikar þar sem Guðni
flytur eigin tónsmíðar ásamt val-
inkunnum hópi hljóðfæraleikara.
Tækjabúnaður Salarins er einnig
óspart notaður í flutningi verk-
anna, og er fléttað saman lifandi
tónlist og umhverfishljóðum af
ýmsu tagi ásamt myndlist,
vídeólist og lýsingu.
„Þetta verður frekar dimmur
konsert. Það verður lítið ljós í
salnum. Þetta er hugsað sem
ákveðin stemning í lokuðu um-
hverfi, upplifun sem ekki verður
hægt að endurtaka.“
Meðal flytjenda eru Sigrún Eð-
valdsdóttir fiðluleikari, Sigurður
Halldórsson sellóleikari, Róbert
Þórhallsson kontrabassaleikari,
Guðmundur Kristmundsson víólu-
leikari og Lára Stefánsdóttir
dansari, auk Guðna sjálfs sem
leikur á ýmis tréblásturshljóð-
færi.
Guðni segist sannfærður um að
tími rómantískrar tónlistar sé að
renna upp á nýjan leik.
„Ég trúi því að teknóið fari
brátt að líða undir lok og þetta
rytmabít allt sé að klárast. Það er
kominn tími til að slökkva á þessu
teknógrúvi. Næsta bylgja í tón-
listinni verður hárómantísk.“
Verkin á tónleikunum í kvöld
eru öll frá síðustu árum, og þau
draga óneitanlega dám af þessari
afstöðu Guðna.
„Þetta er bullandi rómantík allt
saman, nema síðasta verkið, sem
er dansverk, þar er smá grúv. En
það er líka grúv hjartans. Þar
erum við komin svolítið að upp-
hafi mannsins, fæðingunni. Hljóð-
in í þessu verki snúast mikið um
líf sem kviknar.“ ■
■ TÓNLEIKAR
■ FUNDUR
KK
Ég á nú nokkra gítara. Aðalmáliðer að þeir séu með sex strengj-
um og það sé hægt að spila á þá.
Margur gítarinn er með sinn eigin
persónuleika, rétt eins og mann-
fólkið og svo tengist maður þeim
bara þegar þeir verða á vegi
manns. Ég á einn, Martin D 53
gítar sem er 30 ára gamall. Hann
er búinn að fylgja mér nokkuð
lengi, svona 20 ár. Svo á ég líka
rosalega skemmtilegan Gibson Sj
kassagítar frá 1957 sem hljómar
mjög vel.“
Hljóðfæriðmitt
Hljómsveitarstjóri ::: Rumon Gamba
Einleikari ::: Pekka Kuusisto
Ludwig van Beethoven ::: Fiðlukonsert
Dímitríj Sjostakovitsj ::: Sinfónía nr. 4
Sími 545 2500 I www.sinfonia.is
M
Á
T
T
U
R
IN
N
&
D
Ý
R
Ð
IN
FIMMTUDAGINN 29. JANÚAR KL. 19:30
Aðalstyrktaraðili Sinfóníuhljómsveitarinnar
FIÐLUKONSERT
BEETHOVENS
OG 4. SINFÓNÍA
SJOSTAKOVITSJ
laugard. 31. jan. kl. 20. örfá sæti laus
laugard. 7. feb. kl. 20. nokkur sæti laus
föstud. 13. feb. kl 20. laus sæti
GUÐNI FRANZSON OG SIGURÐUR HALLDÓRSSON
Umhverfishljóð úr hvernum Strokki og frá Strikinu í Kaupmannahöfn koma meðal annars við sögu á rómantískum tónleikum
Guðna Franzsonar í Salnum í Kópavogi.
JÓN YNGVI JÓHANNESSON
Fer yfir jólabókaflóðið á fundi í Sögufélags-
húsinu Fischersundi í kvöld.
Rýnt í
bókaflóðið
FUNDUR „Ég fer svona vítt og breitt
yfir sviðið,“ segir Jón Yngvi Jó-
hannesson, sem í kvöld ætlar að
huga að nýliðnu jólabókaflóði á
rannsóknarkvöldi Félags ís-
lenskra fræða í kvöld, sem haldið
verður í Sögufélagshúsinu,
Fischersundi 3.
„Það er svolítið erfitt svona
stuttu eftir að finna einhver sam-
eiginleg einkenni, en athygli mína
vakti að þær skáldsögur sem mest
voru áberandi voru sögulegar
skáldsögur, eins og bók Ólafs
Gunnarssonar um Jón Arason og
eins bók á borð við Landslag er
aldrei asnalegt eftir Bergsvein
Birgisson.“
Yfirskrift erindis Jóns Yngva
verður því „Þjóðlegt flóð?“ – með
spurningarmerki, því svo virðist
sem áhugi á sögunni hafi verið
helsti drifkraftur sagnanna.
„Mér finnst líka merkilegt
hversu áberandi sjálfsævisögur
voru fyrir jólin. Ekki síst finnst
mér gleðilegt að mikið er að koma
út af minningabókum sem eru
sjálfsævisögur eða skáldævisög-
ur, þar sem fólk segir sjálft frá lífi
sínu.“
Þar nefnir hann bækur á borð
við Eins konar ég eftir Þráin Ber-
telsson og Lygasögu Lindu Vil-
hjálmsdóttur. ■
Pabbakvöld á
Grand Rokk
Karlahópur Femínistafélags Ís-lands stendur fyrir Pabba-
kvöldi á Grand Rokk í kvöld. Þar
verður fjallað um stöðu feðra hér
á landi. Tveir feður segja frá
reynslu sinni og einnig ætla full-
trúar frá Félagi ábyrgra feðra og
Félagi einstæðra foreldra að
kynna samtök sín.
„Við viljum fyrst og fremst
reyna að halda gangandi þessari
umræðu um föðurhlutverkið,“
segir Arnar Gíslason, sem er einn
hinna vösku drengja í karlahóp
Femínistafélags Íslands.
„Það er örugglega ekkert auð-
velt alltaf að samræma það að
vera bæði pabbi og fyrirvinna.
Karlar standa frammi fyrir kröf-
um um að standa sig í vinnunni,
sinna henni almennilega, og þá er
oft spurning hvort þeir þurfi þá að
setja föðurhlutverkið í annað
sæti. Og það viljum við ekkert.
Þetta er örugglega eitt af því sem
brennur hvað heitast á karlmönn-
um í dag.“
Karlahópur Femínistafélagsins
er einn af ellefu starfshópum fé-
lagsins. Þeir hittast um það bil
einu sinni í mánuði til að ræða
ýmis mál sem snúa að körlum, þar
á meðal karlmennskuímyndina og
nauðganir.
Þetta er í þriðja skiptið sem
karlahópurinn heldur samkomur
af þessu tagi á Grand Rokk.
„Einu sinni vorum við með
karlmennskukvöld, síðan kom
fyrirmyndakvöld þar sem þjóð-
kunnir karlar ræddu um fyrir-
myndir sínar, og nú finnst okkur
tími kominn til að taka fyrir karl-
menn sem uppalendur.“ ■
ARNAR GÍSLASON
Karlahópur Femínistafélags Íslands verður með pabbakvöld á Grand Rokk í kvöld.
FR
ÉT
TA
B
LA
Ð
IÐ
/V
IL
H
EL
M