Fréttablaðið - 29.01.2004, Blaðsíða 8

8 29. janúar 2004 FIMMTUDAGUR
Var þetta ættleiðing?
Það er mikil ábyrgð fólgin í því
að taka að sér eignarhald á svo
stórum hlut í Flugleiðum.
Leiðari um kaup Hannesar Smárasonar og
Jóns Helga Guðmundssonar á 38,5% hlut í
Flugleiðum. Morgunblaðið, 28. janúar.
Skyldulesningin
Ég hafði samband við Jón og
spurði hann, hvort hann hefði
lesið bók mína: Hann kvað nei
við. Þetta er auðvitað dæma-
laust.
Hannes Hólmsteinn Gissurarson svarar
gagnrýni á bók sína, Halldór. Morgunblaðið,
28. janúar.
Sakavottorð sjónvarps-
glápara
Meirihluti þjóðarinnar er ekki
þjófóttur.
Sigurður G. Guðjónsson, forstjóri Norðurljósa,
um möguleika á að nota tölvur til að stela
dagskrá Stöðvar 2. DV, 28. janúar.
Orðrétt
Reykherbergið á Hrafnistu sett upp vegna mótmæla:
Góður staður en loftið hræðilegt
ALDRAÐIR Magnús Hansson, sem býr
á Hrafnistu í Reykjavík, segir reyk-
herbergið á Hrafnistu vera rólegan
og góðan stað, en loftið alveg hræði-
legt.
„Það er lítil sem engin loftræst-
ing hérna,“ segir Magnús. „Það
vantar alveg glugga – það hlýtur að
vera algjört skilyrði að hafa glugga
í reykherbergi.’’
Fréttablaðið greindi frá því á
mánudaginn að reykaðstaða fyrir
vistmenn á hjúkrunardeildinni væri
lítið nokkurra fermetra gluggalaust
herbergi með viftu sem truflar
heyrnartæki vistmannanna. Áður
en reykherbergið var sett upp
reyktu vistmenn á hjúkrunardeild-
inni í sameiginlegu rými. Sveinn
Skúlason, forstjóri Hrafnistu, segir
að vegna mótmæla aðstandenda
með þann ráðahag hafi reyk-
herbergið verið sett upp. Hann seg-
ir að mjög fáir nýti sér aðstöðuna,
en það breyti því ekki að aðstaðan
sé slæm enda sé ráðgert að bæta úr
henni á næstu mánuðum.
Benedikt Davíðsson, formaður
Landssamtaka eldri borgara, segir
að aðstaða fyrir reykingafólk þurfi
að vera mannsæmandi.
„Ég hef reyndar verið að fara á
milli stofnana og hef hvergi hef ég
orðið var við að aðstaða til reykinga
sé umkvörtunarefni,’’ segir Bene-
dikt. „Best væri auðvitað að enginn
þyrfti á þessu að halda, en meðan
svo er ekki þarf aðstaðan að vera til.
Mér skilst að það standi til að bæta
úr þessu og það lofar góðu.“ ■
Stjórnin frí af sök
Ríkisstjórn Tony Blair reyndi hvorki að afvegaleiða þjóðina í aðdraganda innrásar í Írak né bar
hún ábyrgð á sjálfsmorði vopnasérfræðingsins Davids Kelly að sögn Huttons lávarðar.
Blair krefst afsökunarbeiðni.
LONDON, AP Breska ríkisstjórnin
reyndi ekki að blekkja bresku
þjóðina í aðdraganda styrjaldar
og bar ekki ábyrgð á því að vopna-
sérfræðingurinn David Kelly
framdi sjálfsmorð. Þetta er
meginniðurstaða Huttons lávarð-
ar sem rannsakaði fréttaflutning
BBC, sjálfsmorð Kellys og fram-
gang stjórnvalda.
Hutton lávarður segir ljóst að
ásakanir fréttamannsins Andrews
Gilligan væru ekki á rökum reist-
ar, en Gilligan sagði stjórnvöld
hafa líklega vitað að sú staðhæf-
ing væri röng að Írakar gætu not-
að gjöreyðingarvopn með 45 mín-
útna fyrirvara. Gilligan hélt því
enn fremur fram að staðhæfingin
hefði ekki birst í drögum skýrsl-
unnar vegna þess að leyniþjónust-
an vissi að hún væri röng. Hutton
sagði ástæðuna þá að staðhæfing-
in hefði komið of seint fram. Stað-
hæfingin hefði hins vegar verið
talin traust.
Ásakanir Gilligans um að
stjórnvöld hefðu þrýst á skýrslu-
höfunda að bæta vafasömum upp-
lýsingum í skýrsluna til að rétt-
læta innrás í Írak standast ekki að
mati Huttons. Lávarðurinn telur
hins vegar að orðalag kunni að
hafa orðið sterkara en ella vegna
eindreginna óska forsætisráð-
herrans og talsmanns hans um að
skýrslan yrði sem afdráttar-
lausust án þess þó að byggt væri á
upplýsingum sem vitað væri að
væru rangar eða ótraustar.
Gavyn Davies, einn æðsti yfir-
maður BBC, sagði af sér í kjölfar
þess að skýrslan var birt.
Bresk stjórnvöld, og einkum
varnarmálaráðuneytið, voru gagn-
rýnd fyrir að staðfesta að David
Kelly væri heimildarmaður Gillig-
ans. Var því haldið fram að
Gilligan hefði átt mikinn þátt í
sjálfsmorði Kellys. Hutton segir
hins vegar að það hafi verið rétt að
staðfesta nafn Kellys þegar frétta-
menn voru komnir á sporið. Varn-
armálaráðuneytið hefði þó mátt
veita honum betri aðstoð eftir að
upplýsingarnar urðu opinberar og
undirbúa hann betur undir að svo
kynni að fara. Enginn hefði getað
séð fyrir sjálfsmorð Kellys.
„Ásökunin um að ég eða ein-
hver annar hafi logið að þinginu
eða afvegaleitt þjóðina með því að
falsa skýrslur um gjöreyðingar-
vopn er lygar,“ sagði Tony Blair
forsætisráðherra eftir að skýrsl-
an varð opinber og krafðist afsök-
unarbeiðni frá þeim sem hefðu
haldið slíku fram. ■
LEITAÐ Á SLYSSTAÐ
Flugslysið á Rauðahafi þar sem 148 manns
fórust varð til þess að reglur um flugörygg-
ismál voru endurskoðaðar innan ESB.
Flugöryggi í Evrópu:
Svartur listi
samþykktur
BRUSSEL, AP Samkomulag hefur
náðst innan Evrópusambandsins
um að birta svartan lista yfir flug-
félög sem standast ekki settar
öryggiskröfur, en málið hefur
verið til umræðu innan ESB síðan
flugvél Flash Airlines, sem var á
bannlista í Sviss, hrapaði í Rauða-
haf með þeim afleiðingum að 148
manns fórust.
Samkomulagið, sem leyfir að
nöfn flugfélaga sem valda áhyggj-
um verði birt á listanum, var
kynnt á blaðamannafundi í Bruss-
el í gær og þykir að sögn tals-
manna ESB mikið framfaraspor í
flugöryggismálum. ■
Nám sem undirbýr nemendur fyrir krefjandi störf á
nútíma skrifstofu. Mikið er lagt upp úr verkfærni,
metnaði og skipulögðum vinnubrögðum nemenda.
Þetta er tilvalið nám fyrir alla þá sem vilja styrkja stöðu
sína í starfi og þá sem eru í leit að nýjum starfsvettvangi.
Innifalið í verði námskeiðsins eru TÖK próf og öll
námsgögn.
- Næsta morgunnámskeið er byrjar 2. feb.
- Næsta kvöldnámskeið byrjar 5. feb.
- Lengd: 258 stundir - Stgr.verð: 179.550
- Windows - Word
- Excel - Access
- Power Point
- Internetið
- Bókhald
- Tölvubókhald
- Verslunarreikningur
- Sölutækni og þjónusta
- Mannleg samskipti
- Framkoma og framsögn
- Tímastjórnun
- Lokaverkefni
Helstu námsgreinar:
Við bjóðum námslán frá
Íslandsbanka með fyrstu
afborgun 2 mánuðum
eftir að náminu er lokið.
NÁMSGREINAR:
Mismunandi gerðir kynningarefnis
Adobe Illustrator
Adobe Photoshop
Vefauglýsingar m/ ImageReady
Meðhöndlun lita
Meðferð leturgerða
Uppsetning prentgripa
Samskipti við fjölmiðla og prentsm.
Prentferlið og frágangur prentgripa
Lokaverkefni
Markmiðið er að nemendur geti komið frá sér
hugmyndum á tölvutæku formi þannig að
frágangur allra verka sé réttur hvort sem það er
fyrir offsetprentun, dagblöð, Internetið eða
umhverfisauglýsingar.
Nemendur þurfa að hafa haldgóða þekkingu á
Windows stýrikerfinu. Námið er skemmtilegt,
krefjandi og hefur hlotið einróma lof nemenda í
þau sjö ár sem það hefur verið kennt hjá NTV.
- Lengd: 156 stundir - Stgr.verð: 141.550 kr.
- Tími: Kvöld- og síðdegisnámskeið byrja 2. feb.
Við bjóðum námslán
frá Íslandsbanka með
fyrstu afborgun eftir
að náminu lýkur.
NÁMSLÁN
LÉTTIR Í JANÚAR
Brúnin hefur lyftst á íslenskum almenningi í janúar miðað við í desember. Væntingar Ís-
lendinga til efnahagslífsins eru nú mun meiri en þær voru í desember.
Væntingavísitala Gallups:
Þjóðin bjartsýnni á ný
EFNAHAGSMÁL Íslendingar eru
óðum að taka gleði sína á ný eftir
smá svartsýniskast í desember.
Væntingavísitala Gallups hækkar
um tæp 20 stig milli desember og
janúar. Hún stendur nú í 123,7
stigum. Vísitalan féll um tæp 17
stig í desember.
Væntingavísitalan er unnin á
sama hátt og sambærileg vísitala í
Bandaríkjunum. Hún þykir hafa
gott forspárgildi um þróun einka-
neyslu. Vísitalan 100 gefur til
kynna að jafn margir eru jákvæðir
og neikvæðir um stöðu sína í efna-
hagslegu tilliti að sex mánuðum
liðnum. Þar er horft til almennra
þátta í efnahagslífinu, ásamt vænt-
ingum um eigin afkomu.
Bjartsýnin hefur ekki verið
meiri síðan í október á síðasta ári.
Þá var vísitalan ríflega 125 stig.
Væntingavísitalan náði hæsta
gildi sínu frá því að mælingar
hófust hér á landi í maí síðastliðn-
um, eða 136,8 stigum. Lægst fór
vísitalan í nóvember árið 2001. Þá
mældist hún 61,8 stig. ■
VÆNTINGAVÍSITALA GALLUPS
Febrúar 106,6
Mars 115,8
Apríl 125,8
Maí 136,8
Júní 117,9
Júlí 112,6
Ágúst 115,3
September 116,8
Október 125,2
Nóvember 120,9
Desember 104,2
Janúar 123,7
GÓÐUR SÓLARHRINGUR FORSÆTISRÁÐHERRANS
Á þriðjudagskvöldið samþykktu þingmenn umdeilt frumvarp sem heimilar háskólum að
rúmlega tvöfalda skólagjöld. Í gær hreinsaði Hutton lávarður Tony Blair og stjórn hans af
ásökunum í tengslum við sjálfsmorð Davids Kelly og mál sem því tengjast. Málin voru tvö
þau erfiðustu sem Blair stóð frammi fyrir.
Kanadískur ríkisborgari:
Færður til
Sýrlands
TORONTO, AP Kanadísk stjórnvöld
hafa fyrirskipað rannsókn sem á að
leiða í ljós hvers vegna Bandaríkja-
menn vísuðu kanadískum ríkisborg-
ara úr landi og fluttu hann til Sýr-
lands.
Maðurinn, kanadískur ríkisborg-
ari fæddur í Sýrlandi, var handtek-
inn þegar hann kom við í Bandaríkj-
unum á heimleið frá Túnis, þar sem
leyniþjónusta taldi að hann tengdist
al Kaída. Honum var vísað úr landi
og fluttur til Sýrlands þar sem hann
segist hafa verið pyntaður. Engin
ákæra hefur verið gefin út á hendur
manninum, sem neitar því með öllu
að vera hryðjuverkamaður. ■
REYKHERBERGIÐ
Í vor verður reykherberginu lokað og ný og
betri aðstaða fyrir reykingafólk sett upp.