Fréttablaðið - 29.01.2004, Blaðsíða 40

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Banvænn
sparnaður?
Ég verð að viðurkenna að ég skilekki alveg hvað er í gangi varð-
andi sparnað og Landspítalaháskóla-
sjúkrahús. Augljóslega finnst fjár-
málaráðherranum að kostnaður við
heilbrigðiskerfið sé kominn úr bönd-
unum og það er trúlega nokkuð til í
því. Venjulegan mann sundlar þegar
hann heyrir hversu margir milljarð-
ar af ríkisútgjöldunum renna til heil-
brigðisþjónustunnar.
ÁFLOGIN um sparnaðinn í heil-
brigðiskerfinu fara að verulegu leyti
fram í fjölmiðlum, almenningi til
mikillar hrellingar. Læknar bera
vitni einn af öðrum um að niður-
skurður á einstökum deildum muni
hafa lífshættulegar afleiðingar fyrir
viðskiptamenn heilbrigðisþjónust-
unnar, og heilbrigðisráðherrann er
kófsveittur við að halda því fram að
hægt sé að ná fram skynsamlegum
sparnaði án þess að fórna til þess
mannslífum. Deiluaðilar eru svell-
kaldir að kasta á milli sín fjöreggi
þjóðarinnar og almenningur stendur
hjá og vonar að skurnin á egginu
brotni ekki í þessum mikla fjölmiðla-
hasar.
STUTT en snörp reynsla mín af ís-
lenska heilbrigðiskerfinu er afar góð.
Fyrir rúmum áratug veiktist ég illa
og þá voru það snör og fumlaus
handtök starfsfólks á Borgarspítal-
anum sem björguðu lífi mínu og
hjúkruðu mér aftur til heilsu bæði
fljótt og vel. Síðan þá hef ég reynt að
sjá ekki ofsjónum yfir kjörum lækna
og borið óttablandna virðingu fyrir
heilbrigðiskerfi sem fer ekki í mann-
greinarálit og verndar jafnt líf og
heilsu fátækra sem ríkra.
HVORT ríkið sjálft rekur heilbrigð-
isstofnanir með allri áhöfn eða kaup-
ir þjónustu þeirra af einkavæddum
heilsuvarðliðum má einu gilda.
Kjarni málsins er sá að allir Íslend-
ingar, háir sem lágir, eigi aðgang að
og heimtingu á þeirri bestu heil-
brigðisþjónustu sem hægt er kaupa
fyrir 70% af ráðstöfunarfé ríkisins.
Og það ætti að vera sameiginlegt
markmið aðila í þessari sparnaðar-
deilu í stað þess að hóta almenningi
pínu og dauða á hverjum degi með
lokunum og niðurskurði á þjónustu.
Það er að vísu ólíkt Íslendingum að
spara, en hérna ætti að vera hægt að
ganga fram með góðu fordæmi og
sýna að sparnaður þarf ekki endilega
að vera banvænn.
ÓKEYPIS
LÖGFRÆÐIAÐSTOÐ
á hverju fimmtudagskvöldi
kl. 19.30 til 22.00 í síma 5511012.
ORATOR,
félag laganema við
Háskóla Íslands.