Fréttablaðið - 29.01.2004, Blaðsíða 39
Rocky
FIMMTUDAGUR 29. janúar 2004
Lífið er svo skemmtilegt, mérgengur svo vel og ég útiloka
ekkert þegar það kemur að endur-
komu í sjónvarp,“ segir Hermann
Gunnarsson sem er mættur aftur á
skjáinn, nú á Stöð 2.
Hemmi ætlar til að byrja með að
mæta á föstudagsmorgnum í Ísland
í bítið og spjalla við þau Ingu Lind
Karlsdóttur og Heimi Karlsson um
heima og geima.
Hemmi sýndi gamla takta í
íþróttaþætti Guðna Bergssonar á
Sýn um daginn og það er ekki úti-
lokað að hann láti til sín taka í sport-
inu enda landskunnur fyrir hressi-
legar kappleikjalýsingar sínar á
árum áður. Hemmi tók við starfi
kynningarstjóra Vestfirska forlags-
ins á Hrafnseyri við Dýrafjörð í
fyrra en veit ekki hvernig fram-
haldið verður í bókaútgáfunni.
„Það er lægð í þessu á þessum
árstíma en það er vilji hjá báðum
aðilum að halda samstarfinu áfram
og við stefnum að því að gera eitt-
hvað skemmtilegt saman síðar á
árinu.“ ■
Þegar þingmenn komu samanaftur eftir jólahlé fengu þing-
menn Sjálfstæðisflokks að vita að
Frelsi.is, vefrit Heimdallar í
Reykjavík hefði skráð þá til leiks
í Frelsisdeildinni. Frelsisdeildin
er keppni á milli þingmanna um
hverjir séu duglegastir við að
auka frelsi Íslendinga og minnka
ríkisútgjöldin út frá hugmyndum
frjálshyggjunnar.
Keppnistímabilið hófst með
upphafi haustþings 2003 og því
lýkur í enda vorþings 2004. Þá mun
verða ljóst hvaða þingmaður Sjálf-
stæðisflokksins hlýtur titilinn
Frelsari ársins og til viðurkenning-
ar fær hann farandbikar til varð-
veislu í eitt ár. „Við gefum stig fyr-
ir flutning á lagafrumvörpum sem
miða að því að draga úr afskiptum
ríkisvaldsins og drögum frá stig
fyrir lagafrumvörp sem miða að
því að auka eða viðhalda forræðis-
hyggju ríkisvaldsins,“ segir Krist-
inn Már Ársælsson, ritstjóri Frels-
is. „Auðvitað geta komið upp vafa-
efni en þá er það bara eins og í fót-
boltanum, það dugar ekki að deila
við dómarann.“
Kristinn segir keppnina ágæta
fyrir þingmenn til að glöggva sig
á því hvernig ímynd flokksins er
út á við. „Fyrir utan að þetta er
skemmtilegt og aðgengilegt öllum
getur það líka orðið til þess að
sjálfstæðismenn beiti meiri
kænsku og fari að láta framsókn-
armenn leggja fleiri mál fram
fyrir sig.“
Staðan um miðbik keppnis-
tímabilsins er svo að efstur trónir
Einar K. Guðfinnsson með þrjú
stig en neðstur er Bjarni Bene-
diktsson með sautján stig í mínus.
Formaður flokksins, Davíð Odds-
son, er í ellefta sæti með sjö stig í
mínus. ■
Stjórnmál
■ Heimdallur skýrir frá Frelsisdeildinni.
Stig gefin fyrir frelsandi lagafrumvörp.
Keppt í frelsi
KRISTINN MÁR ÁRSÆLSSON
Einar K. Guðfinnsson hefur tekið forystuna
í frelsiskeppni Heimdallar en Bjarni Bene-
diktsson rekur lestina.
Lögreglan hefur sótt um tugmilljóna aukafjárveit-
ingu fyrir nýstárlegum vopnabúnaði!
Spurning hvaða vopnabúnað þeir þurfa til
að berja ekki dópsala í klessu eftir að þeir
handjárna þá!
Við ætlum að veiða þá í net... eins og Batman!
Hemmi alltaf hress
HERMANN
GUNNARSSON
Ætlar að mæta
galvaskur í Ísland
í bítið á föstudög-
um. Hann kann
vel við sig á
skjánum og úti-
lokar ekkert í
nýju lífi en hann
er á ótrúlegum
batavegi eftir al-
varlegt hjartaáfall.