Fréttablaðið - 12.05.2004, Blaðsíða 40
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Heyr mína
bæn
Reykjavík að morgni, um helgi.Dásamlegt veður, nánast logn,
bjart. Fátt fallegra. Settist á hjólið og
hjólaði með Ægisíðunni í Nauthólsvík.
Fáir komnir af stað. Sjórinn spegil-
sléttur, fjöruilmurinn hreint stórkost-
legur. Kyrrð slík að það var eins og
við hvern metra sem hjólið geystist
áfram væri ég að stinga mér fyrstur
til sunds, gerði gárur á vatnið. Ekkert
er fegurra en vorkvöld í Reykjavík,
söng Raggi Bjarna í útvarpinu. Jú,
sagði ég upphátt, Raggi minn, vor-
morgunn er ekki síðri.
FÓLK var komið í Nauthólsvíkina.
Börn og eldri. Allir heilsuðu, brosandi.
Haukur Morthens söng Ó borg, mín
borg. Átti vel við. Náði fjörutíu og
fimm kílómetra hraða niður brekkuna
sunnan við Kirkjugarðinn. Nýtt met.
Brosti og sleppti höndum. Var ekki
eins og fimmtugur maður. Fínt. Dró úr
hraðanum. Mætti frú sem gaf mér
merki um að stöðva. Hlýddi. Hún benti
mér á mann sem lá sofandi í grasinu.
Verðum við ekki að hringja í lögguna,
sagði frúin. Eftir að hafa athugað með
manninn sáum við að hann var ekki
eins lánsamur og við, átti hvergi
heima. Létum hann sofa.
FÓLK var í Fossvoginum. Ekki margt,
en þó. Sumir gangandi, aðrir á línu-
skautum. Ég einn á hjóli. Í miðjum
Fossvogsdalnum hóf Þorvaldur að
syngja Á sjó. Einkennilegt. Í Fossvogs-
dalnum. Brosti með mér. Aðrir brostu
við mér og ég við þeim. Kom í Elliðaár-
dalinn. Nokkrir strákar stukku af kletti
í ána. Skríktu af gleði og orku. Veifuðu
og ég veifaði á móti. Næst í Laugardal-
inn. Menn að slá golfkúlur. Engin vind-
högg og engar holur.
FÓLK var komið að Skúlagötu-
strönd. Mest útlendingar. Gul trilla
og önnur rauð komu út úr höfninni.
Rufu sléttan hafflötinn. Fjöruilmur-
inn ekki minni en við Ægisíðuna. Esj-
an, Akrafjallið, Flóinn, fólkið, birtan
og vellíðan. Stoppaði hjólið. Spennti
greipar og þakkaði. Bað um að fleiri
svona dagar verði í sumar, og næsta
sumar. Ekki alltaf, ekki frekar en jól-
in, bara stundum. Ellý Vilhjálms
söng Heyr mína bæn. Held að hann
hafi heyrt bænina okkar. Hjólaði
brosandi í höfn. Tuttugu kílómetrar á
fimmtíu og sjö mínútum og þrjátíu
og sjö sekúndum. Yfir tuttugu kíló-
metra meðalhraði. Gott hjá fimmtug-
um. Gott að vera í Reykjavík. Og
kostar ekki krónu. ■
BAKÞANKAR
SIGURJÓNS M.
EGILSSONAR