Tíminn - 02.08.1972, Blaðsíða 1

Tíminn - 02.08.1972, Blaðsíða 1
IGNIS UPPÞVOTTAVtLAR RAFIBJAN^ RAFTORG SlMI: 19294 SÍMI: 26660 172. tölublað — Miðvikudagur 2. ágúst—56. árgangur. kæli- skápaF* RAFTÆKJADEÍLD' Hafnarstræti 23 Sítnar 18395 & 86500 ' Forseti tslands, dr. Kristján Eldjárn, og forsetafrú, Halldóra, viðathöfnina igær. Timamynd: Ounnar. Gróðurbreytingar á Hornströndum: Blómabreiður neðan frá sjó upp í 200 metra hæð — Þetta er fjórða ferðin, sem ég fer á sex árum á eyðislóðirnar þarna vestra, sagði Eyþór EinarssVn grasafræðingur við Timann i gær, er við spurðum hann um siðustu Iornstiandaför- ina, er hann er nú nýkominn úr. Við fórum þetta tveir háskóla- kennarar, ég og Þorsteinn Þor- steinsson frá Húsafelli með náttúrufræðingana nýútskrifuðu og nokkra fleiri, alls átján manns. Fyrst og fremst var þessi ferð farin til þess að huga að gróðri og leita jurta, en nokkrir úr hópnum fengust þó við fuglaskoðun. Fóru sumir i Hrafnsfjörð og þaðan yfir i Furufjörð, en aðrir i Veiðileysu- fjörð og yfir i Hornvik, Látravik og Hrolleifsvik. Nokkrir komust i Rekavik og Hælavik. Gifurlegar breytingar hvarvetna á láglendi Sléttuhreppur'og Grunnavikur- hreppur hafa nii verið svo lengi i eyði, að senn hefur gróðurrikið fengið það yfirbragð, er ber mjög keim af ósnortnu landi. Auðvitað vitum við ekki, hvern- ig gróðurfari hefur verið háttað á þessum slóðum, áður en menn komu þangað, sagði Eyþór, en hitt blasir við augum, að miklar breytingar hafa orðið á gróðri á slóðum siðan mannabyggð féll þar niður. Þarna er engin beit framar, og allar jurtir, sem þar dafna, ná að þroskast og fella fræ. Þessar breytingar blasa við augum á láglendi og mýrum og i hliðum fjalla, og það vekur sam- stundis athygli hvers manns, hve mikilli útbreiðslu ýmsar blóm- jurtir hafa náð, einkum blágresi og sóley. Viða eru samfelldar blómabrekkur neðan úr flæðar- máli og upp i tvö hundruð metra hæð. Á þessum slóðum, neðan til i hliðum fjalla, hefur áhrifa beitar sennilega gætt hvað mest á með- an búskapur var þar stundaður. Litlar breytingar hátt til fjalla Ofar eru breytingarnar miklu minni, jafnvel litlar sem engar hátt til fjalla. Þar liggur snjór lengi, vaxtartiminn er stuttur og fáum jurtum hagfelldur, og þar hefur fénaður aldrei gengið á beit, svo verulegu nemi. —JH Dr. Kristján Eldjárn tekur við embætti á ný SB-Reykjavfk. Forseti tslands, dr. Kristján Eldjárn, tók f gær formlega við embætti til næstu fjögurra ára. Athöfnin fór fram i Dómkirkj- unni, þar sem biskup tslands prédikaði, og i Alþingishúsinu, þar sem forsetinn undirritaöi eið- stafinn og tók við kjörbréfi af handhöfum forsetavalds. Athöfnin I Dómkirkjunni hófst kl. 15.30 og hafði allmargt fólk safnazt saman á Austurvelli til að fylgjast með i gegnum hátalara. Gengið var úr Alþingishúsinu til kirkju. Fyrstir gengu forsetinn og Logi Einarsson, forseti hæsta- réttar, þá forsetafrúin, Halldóra Eldjárn og biskup tslands, herra Sigurbjörn Einarsson, siðan for- sætisráðherra, Ólafur Jóhannes- son, Asgeir Asgeirsson, fyrrver- andi forseti, Eysteinn Jónsson, forseti sameinaðs Alþingis og ráðherrar. Viðstaddir athöfnina i kirkjunni voru einnig alþingismenn, full- trúar erlendra ríkja og ýmsir framámenn. A eftir ræðu biskups var flutt bæn og dómkórinn söng, en siðan var gengið aftur til Alþingishúss- ins. Er gestir höfðu komið sér fyr- ir i sætum, gengu forsetafrúin og biskupinn i salinn og siðan forset- inn og handhafar forsetavalds. Logi Einarsson, forseti hæsta- réttar, flutti ávarp og las upp eið- stafinn, sem dr. Kristján Eldjárn undirritaði. Að lokinni athöfninni gengu for- setahjónin út á svalir þinghúss- ins þar sem forsetinn flutti minni fósturjarðarinnar. Lúðrasveit Reykjavikur lék „Ég vil elska mitt land" og mannfjöldin hróp- aði ferfalt hiirra fyrir tslandi. Þá gengu forsetahjónin aftur inn fyr- ir og forsetinn flutti ræðu, sem fólkið úti fyrir hlustaði á gegnum hátalara. Sjá einnig bis. 5—6 Fór Flekka yfir þver- an Vatnajökul? Flekka, sem heimsótti vfsindamennina á Bárðar- bungu, verður æ dularfyllri. Þegar Timinn átti tal við Páll Theódórsson eðlisfræðing* i gær, kom upp úr kafinu, að mark á henni var talið vera tveir bitar aftan hægra og heilhamrað vinstra — ekki hamrað. En þessi mörk eru til ' i nálægum sýslum. — Hún fékk rúgbrauð hérna hjá okkur, sagöi Páll, og svo nartaði hún litillega i gamalt Morgunblaö. Liklega hefur henni þó fundizt i þvi litil mat- arfurða, þvi að hún gekk frá leifðu. Klukkan tiu um morg- uninn var hún horfin — hafði sýnilega haldið áfram jökul- göngu sinni. Andspænis fregn af svona undarlegri kind koma auðvit- að I hugann sögur um fé útilegumanna eða þá huldufé, sem oft kvaö hafa verið mis- litt. Úr mannabyggðum kynni Flekka þó að vera, ef ekki hefðu verið bitar á hægra eyra, heldur tvö stig. Þá hefði verið á henni mark Jakobs bónda Bjarnasonar á Hörgs- landi á Siðu. Hafi aftur á móti verið hamraö á vinstra eyra eins og sagt var i útvarpsfrétt- um, þá kynni hún að vera eign Páls Bjarnasonar i Hórgsdal. Þeir eiga báðir flekkóttar ær. Reynist nú svo, að ærin hafi verið sunnan af Siöu, sagði Páll I Hörgsdal sennilegast, aö hún hafi farið á jökulinn milli Hverfisfljóts og Skaftár. En af þvi leiðir aftur, að hún hefur farið um þveran Vatnajökul. Kröfur Breta og Þjóðverja fyrir Haagdómstólnum Krafa Breta um bráðabirgða- bann við útfærslu tslendinga á fiskveiðisögu sinni við strendur landsins kom fyrir Haagdómstól- inn i gær. Sams konar krafa frá Vestur-Þjóðverjum mun koma fyrir hann í dag. Fara stjórnar- völd beggja þessara landa fram á, að dómstóllinn leggi bann við útfærslunni, þar til dómur hefur gengið um réttmæti hennar. Rikistjórn tslands hefur ekki sent neinn fulltriia til Haag til þess að tala þar máli sínu, þar eð hún telur dómstólinn ekki hafa neitt vald til þess að kveða upp úrskurð i þessu máli eða taka neinar ákvarðanir um viðáttu fiskveiðilögsögunnar. Jafntefli í 9. skákinni— Sjá umsögn Friðriks Ólafssonar á bls. 3.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.