Tíminn - 02.08.1972, Blaðsíða 6

6
TÍMINN
Miövikudagur 2. ágúst 1972
FRÁ EMBÆTTISTÖKU FORSETA ISLANDS í GÆR

I iil

£ : .:

Biskup islands, herra Sigurbjörn Einarsson flytur ræöu sfna f Dómkirkj
unni. (Tfmamyndir Gunnar,
Gongiö i kirkju. Kremstir fara forscti islands og forscti lfæstaréttar
Korseti islands, Kristján Eldjárn, undirritar eiöstafinn
llandliafar forsetavalds f.v. tllalfur Jóhannesson, forsætisráöherra, Logi Einarsson, forseti hæstaréttar
(Ljósmvnd Pétur Thomseó
aö lcsa upp eiöstafinn og Eysteinn Jónsson, forseti sameinaös Alþingis.
AVARP FORSETA ÍSLANDS
Framhald af 5. siðu.
að fyrirhöfn og þrautseigju og
það mun áreiðanlega halda
áfram að gera það. Þetta er
ekki svartsýni, heldur raunsæi
og reynsla. Það er alltaf verið
að takast á við erfiðleika og ekki
heldur við öðru að búast. Eitt
tekur við af öðru, ýmist blitt eða
stritt. Þegar ég stóð hér fyrir
fjórum árum var mjög mikið
talað um erfiðleika fram undan.
Þeir eru nú að mestu horfnir i
skuggann, en nýir komnir i
staðinn. Ég trúi þvi fastlega að
það, sem nú er kviðvænlegast,
verði orðið minning ein og saga,
næst þegar forseti verður settur
inn i embætti. En hvað þá verð-
ur helzt við að glima má
hamingjan vita, en eitthvað
verður það. Kannski eitthvaö
skylt við þann ótta, sem nú hrjá-
ir mannkynið, óttann við eyði-
leggingu mannlegs umhverfis
og auðlinda jarðar, i einu orði
sagt óttann við ragnarök. Það er
furðuleg tilhugsun, að fyrir fjór-
um árum var varla á þetta
minnzt. Nú fyllir þetta efni
hvert blaö og hvert timarit og
óteljandi bækur, og það fyllir
huga fólks um heim allan og
enginn veit fyrir vist hvernig
áhrif þess eru á þá, sem eru að
alast upp og eiga áður en langt
liður að erfa þessa jörð.
Á þvi kjörtimabili, sem nú fer
i hönd, munum vér Jslendingar
halda hátiðlegt ellefu alda
afmæli mannabyggðar i land-
inu. Margt hefur verið nefnt
manna i milli, sem þá skuli gera
til hátiðabrigða eða lokið skuli
vera fyrir þetta merkisár.
Meðal annars, sem nefnt hefur
verið, er endurskoðun stjórnar-
skrár lýðveldisins. Hitt er þó
frásagnarverðara, að á siðasta
Alþingi komu fram tvær þings-
ályktunartillögur, sem báðar
lutu að þessu efni. Leiddi þetta
til þess, að alþingi kaus nefnd til
að vinna að þessari endurskoð-
un. Engu skal ég um það spá,
hvort henni verður lokið 1974,
enda skiptir það ekki megin-
máli, heldur hitt að hér hefur
verið hrundið af stað merkilegu
máli, sem margt gott á af að
leiða, þegar reyndir menn bera
saman ráð sin. Stórnarskráin er
grunnmúr þjóðskipulags vors,
og þar skyldi hverjum steini
vera sem haganlegast fyrir
komið og að sem bezt yfirveg-
uðu ráði. Ég nefni þetta úr-
lausnarefni sérstaklega við
þetta tækifæri, af þvi að kunn-
ugt er, að margir hafa á þvi
mikinn áhuga og með þvi mun
verða fylgzt vandlega á næst-
unni. Má nærri geta, að sá sem
fer með embætti forseta Islands
og tekið hefur við þvi með nú-
gildandi ákvæðum, hlýtur að
gefa hinn fýllsta gaum að öllum
hugsanlegum breytingum og
nýjum viðhorfum, enda mun ég
gera það.
Ég tek nú við embætti forseta
íslands i annað sinn með sömu
auðmýkt og sama góöa vilja og
fyrr, til að standa við þá ábyrgð
sem embættinu fylgir. Ég mun
leitast við að gera eins vel og
mér endist vit og auðna til og bið
um styrk i hverjum vanda, sem
aö höndum kann að bera. En
öllu öðru framar óska ég og bið
þjóð vorri og fósturjörö blessun-
ar og farsældar á hverri tið.
Korsetahjónin veifa til mannfjöldans á Austurvelli eftir embættistök-
una i gær. (Timamynd Gunnar)