Fréttablaðið - 01.04.2004, Blaðsíða 8
8 1. apríl 2004 FIMMTUDAGUR
■ Evrópa
Minna má það ekki vera
„Þetta hlýtur að vera dýrasti
skiptaráðandi í Íslandssögunni
því eftir því sem ég fæ best séð
reiknar hann sér milljón á dag í
laun fyrir þessa vinnu sína.“
Þorsteinn Þórðarson, DV 31. mars.
Næstum því?
„Ég var næstum því aprílgabb“
Kristján Guy Burgess, Fréttablaðið 31. mars.
Ætli Björn viti af þessu?
„Það er svo sem ekki undarlegt
að víða sé pottur brotinn og
stefnuleysi í fangelsismálum.
Fangelsismálastjóri hefur á
undanförnum árum farið um 15
ferðir til útlanda á hverju ári án
þess að hafa nokkru sinni sett
staðgengil fyrir sig og hann hef-
ur verið að stjórna fangelsis-
málum á Íslandi frá útlöndum
með rassvasasíma.“
Árni Johnsen, Morgunblaðið 31. mars.
Orðrétt
Þingsályktunartillaga um fækkun ríkisstofnana:
Fækki um 30 stofnanir
ALÞINGI Meðal aðkallandi verkefna
í ríkisrekstri er fækkun ríkis-
stofnana. Þær eru nú um 230 og
ber að stefna að því að fækka rík-
isstofnunum um að minsta kosti
30 á næstu fjórum árum. Þetta er
mat átta þingmanna Sjálfstæðis-
flokks, Framsóknarflokks og
Samfylkingarinnar. Fyrsti flutn-
ingsmaður þingsályktunartillögu
þar um er Bjarni Benediktsson,
Sjálfstæðisflokki.
Tilgangurinn á að vera að ein-
falda ríkisrekstur, stuðla að mark-
vissari og skilvirkari stjórnsýslu
og auka hagkvæmni í opinberum
rekstri. Í greinargerð með tillög-
unni segir meðal annars að dæmi
séu um að verkefni stofnana
skarist og jafnvel að stofnanir
sem sinni sömu málaflokkum séu
vistaðar í ólíkum ráðuneytum.
Þá er bent á að 50 ríkisstofnan-
ir séu með færri en 10 ársverk og
um 40% ríkisstofnana séu með
færri en 20 ársverk. Samkvæmt
skýrslu Verlsunarráðs Íslands er
ein ríkisstofnun á hverja 1.250
íbúa á Íslandi. Í Svíþjóð er ein
stofnun á hverja 14.600 íbúa og í
Bretlandi er hlutfallið ein stofnun
á hverja 458.000 íbúa.
Flutningsmenn leggja til að
áætlun um fækkun ríkisstofnana
ásamt tillögum og ábendingum
um hagkvæmustu leiðir fyrir ólík-
ar stofnanir liggi fyrir 1. maí á
næsta ári. ■
Gæði skipta meiru en magn
Aðstoðarmaður iðnaðar- og viðskiptaráðherra hefur gagnrýnt Áform, átak um markaðssetningu
íslensks lambakjöts til Bandaríkjanna. Segir það hafa misheppnast. Framkvæmdastjóri Áforms
segir kílóverð skipta meira máli en magn sem flutt er út.
ÚTFLUTNINGUR Átak um markaðs-
setningu íslensks lambakjöts í
Bandaríkjunum, Áform, hefur
mistekist að mati Páls Magnús-
sonar, aðstoðarmanns iðnaðar- og
viðskiptaráðherra. Á heimasíðu
sinni gagnrýnir hann Áform, sem
nýlega hafði látið IMG Deloitte
vinna fyrir sig úttekt á átakinu, en
að sögn Páls ber tölum um útflutn-
ing í skýrslunni ekki saman við út-
flutningstölur Hagstofunnar.
„Í fyrsta lagi er því haldið
fram í skýrslunni að 90 tonn af
lambakjöti hafi verið flutt út til
Bandaríkjanna á síðasta ári,“ seg-
ir Páll á heimasíðu sinni. Hann
bendir því næst á að samkvæmt
upplýsingum frá Hagstofunni
voru einungis flutt út 56 tonn af
fersku kjöti, en Áform flytji ein-
ungis út ferskar kjötvörur.
Að sögn Baldvins Jónssonar,
framkvæmdastjóra Áforms, voru
útflutningstölur fengnar frá
Norðlenska sem framleiðir allt
ferskt kjöt á Bandaríkjamarkað
sem markaðssett er þar á vegum
Áforma.
„Tölurnar frá Hagstofunni eru
ekki réttar,“ bendir Baldvin á.
„Við höfum unnið í því undanfarin
þrjú ár að leiðrétta hagstofutölur
en villurnar tengjast ekki einung-
is Bandaríkjamarkaði, heldur öll-
um útflutningi á kjöti.“
Hann segir að vandamálið
skapist vegna vanda við flokkun á
útfluttu kjöti og verið sé að vinna
í því að samræma hana.
„Niðurstöðutalan í fyrra er
raunar rúm 80 tonn enda þótt hag-
stofutölur sýni 72 tonn,“ segir
Baldvin.
Hann segist hafa fulla trú á því
að skýrsla IMG Deloitte sé rétt.
Það hafi verið samdóma álit fram-
kvæmdastjóra og stjórnar
Áforms að fela stofnuninni að
gera úttekt á verkefninu, að meta
kosti þess og galla og benda á leið-
ir til úrbóta ef þörf væri á.
„Niðurstöðurnar voru góðar en
það gleymist oft að sala lamba-
kjöts er flókið fyrirbæri og hefur
þróast mikið á undanförnum ár-
um og er útflutningur ekki lengur
bundinn við frysta flokka í
grisju,“ segir hann.
Hann bendir á að verðmæti séu
sífellt að aukast í útflutningi. Til
að mynda sé meðalverð á kíló sem
flutt er út til Bandaríkjanna 648
krónur samanborið við 208 krónur
til Bretlands.
Það verði að taka tillit til verð-
mæta þegar verið sé að skoða út-
flutningstölur því það væri já-
kvæð þróun að selja minna magn
af hágæðavöru á háu verði frem-
ur en mikið af vöru á lágu verði.
„Í skýrslunni er jafnframt bent
á að útlit er fyrir að útflutningur
aukist í 500 tonn til Bandaríkj-
anna innan fjögurra ára og mun
því ná sama magni og til Bret-
lands. Hins vegar verða verðmæt-
in þrefalt meiri því kílóverð er
þeim mun hærra í Bandaríkjun-
um,“ segir hann.
sda@frettabladid.is
Íslenska friðargæslan:
Lýkur hlut-
verki sínu í
Kosovo
FRIÐARGÆSLA Sturla Böðvarsson
samgönguráðherra kom til
Kosovo í gær en í dag fer fram
formleg athöfn þegar NATO und-
ir stjórn íslensku friðargæslunn-
ar, afhendir bráðabirgðastjórn
Sameinuðu þjóðanna í Kosovo
flugvöllinn í Pristina. Íslending-
ar hafa sem kunnugt er haft flug-
völlinn undir sinni umsjá um
tíma en nú lýkur því hlutverki.
Sturla mun bjóða öllum íslensk-
um starfsmönnum til málsverðar
af þessu tilefni í kvöld. ■
SKORAÐ Á BORGARSTJÓRA
Þórólfur Árnason borgarstjóri var meðal
fundargesta á almennum borgarafundi um
færslu Hringbrautar. Fundurinn krefst frest-
unar framkvæmda og vill að fram fari
almenn atkvæðagreiðsla meðal
borgarbúa um málið.
Færsla Hringbrautar:
Krefjast
frestunar
SKIPULAGSMÁL Almennur borgara-
fundur um færslu Hringbrautar
krefst þess að borgaryfirvöld
fresti fyrirhuguðum framkvæmd-
um við færslu vegarins svo tími
gefist til að kynna fyrir kjósend-
um í Reykjavík alla þætti málsins.
Í ályktun sem samþykkt var á
borgarafundi í fyrrakvöld er
skorað á stjórnvöld að efna við
fyrsta tækifæri til atkvæða-
greiðslu um þetta umdeilda mál.
Stungið er upp á að atkvæða-
greiðsla fari fram í tengslum við
forsetakosningar 26. júní næst-
komandi. ■
Lögreglan í Londonderry á Norð-
ur-Írlandi handtók í gær þrjá
menn sem grunaðir eru um að til-
heyra Írska lýðveldishernum,
IRA. Íbúðahverfi í borginni var
lokað af í nokkrar klukkustundir
á meðan lögreglan gerði húsleit á
fjölda heimila. Að sögn yfirvalda
var talið hugsanlegt að mennirnir
hefðu falið sprengiefni í hverf-
inu.
– hefur þú séð DV í dag?
Einkaviðtal við
sambýliskonu
Skeljungs-
ræningja
LITHÁEN, AP Stjórnarskrárdómstóll
í Litháen hefur komist að þeirri
niðurstöðu að Rolandas Paksas,
forseti landsins, hafi gerst sekur
um stjórnarskrárbrot þegar hann
veitti rússneskum kaupsýslu-
manni ríkisborgararétt. Úrskurð-
urinn eykur líkurnar á því að for-
setinn verði kærður fyrir emb-
ættisbrot.
Andstæðingar Paksas á lit-
háíska þinginu geta nú krafist
þess að efnt verði til atkvæða-
greiðslu um það hvort víkja beri
forsetanum úr embætti. Búist er
við því að málið verði rætt á þing-
inu á mánudag og greidd atkvæði
um málið síðar í vikunni.
Ásakanir um embættisbrot for-
setans komu fyrst fram í haust
eftir að leyniskýrsla um tengsl
hans við skipulögð glæpasamtök
og rússnesku leyniþjónustuna var
opinberuð. Áður hafi hann veitt
rússneska kaupsýslumanninum
Yuri Borisov ríkisborgararétt, en
talið er að hann hafi verið helsti
styrktaraðili Paksas í kosninga-
baráttunni fyrir forsetakosning-
arnar í janúar. ■
FORSETI LITHÁEN
Rolandas Paksas neitar öllum sakargiftum
og segir að afsögn komi ekki til greina.
Forseti Litháen í vanda staddur:
Braut stjórnarskrána
PÁLL MAGNÚSSON
„Tölurnar frá Hagstofunni eru ekki réttar“
BALDVIN JÓNSSON
Segir að tillit verði að taka til verðmæta þegar verið sé að skoða útflutningstölur því það
væri jákvæð þróun að selja minna magn af hágæðavöru á háu verði fremur en
mikið af vöru á lágu verði.
VILL FÆKKA RÍKISSTOFNUNUM
Bjarni Benediktsson, þingmaður Sjálfstæð-
isflokks, er fyrsti flutningsmaður þingsálykt-
unartillögu sem kveður á um fækkun ríkis-
stofnana um að minnsta kosti 30 á næstu
fjórum árum.
FR
ÉT
TA
B
LA
Ð
IÐ
/T
EI
TU
R
Stuðningur Byggða-
stofnunar við fiskeldi:
Lánaði 322
milljónir
FISKELDI Bygðastofnun lánaði rúm-
ar 322 milljónir króna til 11 fisk-
eldisfyrirtækja á árunum 1999 til
2003. Þetta kemur meðal annars
fram í svari iðnaðarráðherra við
fyrirspurn Valdimars L. Friðriks-
sonar, varaþingmanns Samfylk-
ingarinnar.
Fram kemur í svarinu að
Byggðastofnun veitti enga styrki
til fiskeldisfyrirtækja á tímabil-
inu né heldur keypti stofnunin
hlutafé í fiskeldisfyrirtækjum.
Mest var lánað til fiskeldis-
fyrirtækja á Vestfjörðum, 95,6
milljónir króna og til fyrirtækja á
Austurlandi, 90 milljónir. Einung-
is sjö milljónir voru lánaðar til
fiskeldisfyritækja á Suðurlandi
síðustu fimm ár. ■