Fréttablaðið - 01.04.2004, Blaðsíða 18

18 1. apríl 2004 FIMMTUDAGUR
VERKAMAÐUR Í VERKFALLI
Grískur verkamaður málar líkan af fornu
seglskipi í höfninni í Aþenu á Grikklandi.
Athafnalíf í höfuðborginni lamaðist í gær
þegar stærsta stéttarfélag Grikklands efndi
til verkfalls í einn sólahring til að knýja
fram launahækkanir.
Veðurstofa Íslands:
Snjórinn
að fara
VEÐRIÐ „Það var stutt í kalda loftið
fyrir vestan okkur og skilin voru
aðeins austar en gert var ráð fyr-
ir,“ segir Óli Þór Árnason, að-
spurður um hvað ylli því að spár
um meiri hita og rigningu hefðu
ekki gengið eftir.
Óli segir að í gær hafi verið um
fjögurra stiga hiti og sunnan-
strekkingur á hálendinu í gær og
mun hlýrra þar en á suðvestur-
horninu. Hann segir að skilin hafi
verið á leið vestur fyrir land. Þeg-
ar það gengi eftir myndi hlýna í
kjölfarið, bæta í vind og fara að
rigna. Óli Þór segir að í síðasta
lagi um hádegi í dag ætti að vera
komin tiltölulega ákveðin suð-
austan átt og mun hlýrra. Snjór-
inn eigi því að leysast fljótt upp
þar sem jörð er ófrosin. ■
Tónleikar á Nasa:
Til styrktar
Grænfrið-
ungum
TÓNLEIKAR Um miðjan mánuðinn
verða haldnir á skemmtistaðnum
Nasa tónleikar til stuðnings bar-
áttu Grænfriðunga gegn áfram-
haldandi hvalveiðum Íslendinga.
Alls hafa 31 þúsund manns skráð
nöfn sín á heimasíðu samtakanna
þar sem óskað er eftir frekari
upplýsingum um Ísland, hætti
stjórnvöld hvalveiðum.
Tvær sænskar hljómsveitir
auk gjörningarsveitar taka þátt í
tónleikunum sem haldnir verða
þann 15. apríl. ■
20% afsláttur
af öllum rúmfatnaði og gjafavörum
fimmtudag, föstudag og laugardag. Glæsibæ, s. 552 0978
www.damask.is
PÁSKATILBOÐ
Gyðingar flytja inn í hverfi Palestínumanna:
Táragasi varpað á íbúana
HÚSLEIT
Ísraelskir hermenn fara inn í byggingu í Silwan-hverfinu í Jerúsalem.
JERÚSALEM, AP Til átaka kom milli
ísraelskra lögreglumanna og
palestínskra íbúa í Silwan-hverf-
inu í Jerúsalem þegar hópur
strangtrúaðra gyðinga flutti inn í
nýuppgert fjölbýlishús í austur-
hluta borgarinnar.
Mikill meirihluti íbúa í Silwan-
hverfinu eru Palestínumenn. Þeg-
ar gyðingarnir mættu á svæðið
með búslóð sína, vopnaðir riffl-
um, hófu íbúarnir að kasta grjóti
og reyndu að hrekja þá á braut.
Ísraelskar öryggissveitir komu
sér fyrir á húsþökum og vörpuðu
táragasi á mannfjöldann. Að sögn
Ísraelsmanna særðust sex lög-
reglumenn í átökunum og að
minnsta kosti þrír Palestínumenn.
Að sögn palestínskra sjónar-
votta voru þeir Palestínumenn
sem búsettir voru í fjölbýlishús-
inu hraktir á braut. Gyðingarnir
fullyrtu aftur á móti að þeir hefðu
keypt húsið með löglegum hætti.
Þeir tilheyra samtökum sem berj-
ast fyrir endurreisn gyðingasam-
félagsins í austurhluta Jerúsalem.
Ísraelskar öryggissveitir fóru
inn í nokkur hús í Silwan-hverfinu
og drógu út unga Palestínumenn.
Að minnsta kosti níu Palestínu-
menn voru færðir til yfirheyrslu. ■
SNJÓRINN
Snjórinn ætti að leysast fljótt upp með hækkandi hita.