Fréttablaðið - 01.04.2004, Blaðsíða 37

FIMMTUDAGUR 1. apríl 2004
Meistarafélag hárskera héltupp á 80 ára afmæli sitt nú á
dögunum. Við það tilefni var Vil-
helm Ingólfsson, eða Villi rakari
eins og hann er alltaf kallaður,
heiðraður fyrir langt og mikið
starf í þágu íslenskra rakara en
Villi rakari var formaður félags-
ins í 14 ár. „Þetta er viðurkenning
á 24 ára starfi sem formaður
verðlagsnefndar og á 14 ára starfi
sem formaður félagsins,“ segir
Villi og bætir við að líf innan fé-
lagsins sé ekki það sama eftir að
verðsamráð var bannað. „Veislan
sjálf var ósköp hófleg. Það var
veislumatur og svo skemmtilegar
umræður á eftir. Auðvitað voru
allir vel snyrtir, nema kannski ég.
Þegar maður hættir að reka stofu
er maður latari að fá sér klipp-
ingu,“ segir Villi en það eru fimm
ár síðan hann hætti með sína rak-
arastofu.
Stéttarfélag hárskera var
stofnað árið 1924 og hlaut þá
nafnið Rakarmeistarafélag
Reykjavíkur en seinna var nafn-
inu breytt í Meistarafélag hár-
skera. ■
Eigenda- og ræktunarfélaglandnámshænsna hefur gefið
út sitt fyrsta tölublað af blaði
sínu, sem ber einfaldlega heitið
Landnámshænan, undir ritstjórn
Jóhönnu G. Harðardóttur. Í blað-
inu má finna fallegar myndir af
landnámshænunni ásamt viðtals-
greinum og ýmsum hollráðum í
sambandi við uppeldið á hænunni.
Blaðið hefur strax vakið
nokkra athygli og er skemmst að
minnast þess að borgarfulltrúinn
Stefán J. Hafstein velti því fyrir
sér í þættinum Ísland í dag hvern-
ig Reykjavík yrði ef borgarbúar
færu að ala hænur í garðinum sín-
um eftir að hafa flett þessu riti,
þó að svo hann hafi ekki verið viss
um að ræktun hænsnfugla í
heimahúsum væri leyfileg innan
borgarmarkanna.
Flestar hænur á Íslandi eru
hvítar á lit og eru ættaðar frá Ítal-
íu. Landnámshænan er aftur á
móti mjög litskrúðug og getur
borið í sér marga liti. Í blaðinu
kemur fram að Ræktunarfélag
landnámshænsna vill reyna að
koma í veg fyrir að ítalska kynið
verði allsráðandi og það íslenska
hverfi með tímanum. Í því skyni
er nú farið að rækta kynið sér-
staklega og það jafnvel á fjarlæg-
um stöðum eins og í Kaliforníu.
Stofnfélagar ræktunarfélags-
ins fara nú að nálgast annað
hundraðið eftir að félagið var
stofnað 1. nóvember 2003. Allt
blaðið er unnið í sjálfboðavinnu
og eru flestir félagsmenn virkir á
einhvern hátt. ■
Hár
VILLI RAKARI
■ Var heiðraður á 80 ára afmæli
Meistarafélags hárskera.
Tímarit
LANDNÁMSHÆNAN
■ Fyrsta tölublað tímarits um landnáms-
hænuna hefur litið dagsins ljós.
„Allir vel snyrtir, nema kannski ég“
KRINGLUNNI
ÚTSALA
Í FJÓRA DAGA
40% AFSLÁTTUR
VILLI RAKARI
Heiðraður fyrir langt og mikið
starf í þágu íslenskra rakara.
LANDNÁMSHÆNAN
Mun litskrúðugri en hin hvíta ítalska hæna
sem flestir kannast við hér á landi.
Landnámshænan
vekur athygli