Fréttablaðið - 01.04.2004, Blaðsíða 24
1. apríl 2004 FIMMTUDAGUR
Tillögur um málefni innflytjenda:
Landsmiðstöð verði stofnuð
INNFLYTJENDUR Starfshópur sem
félagsmálaráðherra skipaði til að
fjalla um skipulag og þjónustu við
innflytjendur á Íslandi hefur nú
skilað tillögum sínum, en í honum
sátu meðal annars fulltrúar
Flóttamannaráðs, Fjölmenningar-
seturs og Alþjóðahússins. Megin-
tillaga hópsins er að sett verði á
laggirnar sérstök sjálfseignar-
stofnun sem starfi á landsvísu og
byggi á stoðum Alþjóðahúss og
Fjölmenningarseturs og hafi
heildaryfirsýn yfir þjónustu við
innflytjendur á Íslandi.
Sérstök áhersla yrði á að auka
þjónustuna úti á landsbyggðinni,
til dæmis á Austfjörðum, og er
markmiðið að mið-
stöðin geti þjónað öll-
um innflytjendum á
Íslandi, í samstarfi við
sveitarfélögin og aðila
vinnumarkaðarins.
Mikil aukning
hefur orðið á fjölda út-
lendinga á Íslandi, en
á síðustu tíu árum hef-
ur fjöldi erlendra rík-
isborgara hér á landi
tvöfaldast, eða úr
fimm þúsund manns í
rúmlega tíu þúsund árið 2003. Í
sumum sveitarfélögum er fjöldi
útlendinga allt að 20% af heildar-
íbúafjölda. ■
Tölur Hagstofunnar um aflaverðmæti árið 2003:
Tíu milljarða króna samdráttur
SJÁVARÚTVEGUR Heildaraflaverð-
mæti íslenskra skipa á síðasta
ári nam alls 67.1 milljarði króna,
sem er tæplega tíu milljarða
króna samdráttur frá árinu 2002.
Munar þar mestu um verðmæti
botnfisks sem náði tæplega 50,1
milljarði króna árið 2002 en að-
eins 45 milljörðum á síðasta ári.
Verðmæti þorsks var 26 millj-
arðar sem er lækkun um 2,5
milljarða milli ára. Verðmæti
ýsuaflans dróst saman um 1,3
milljarða.
Um samdrátt er að ræða í öll-
um flokkum sjávaraflans miðað
við fyrra ár nema í flatfiski en
verðmæti útflutnings hans jókst
lítillega úr 5,9 milljörðum í sex
milljarða. Vestfirðir urðu hlut-
fallslega verst úti en alls nam
samdrátturinn þar 20,5% frá
fyrra ári en í hreinum aflaverð-
mætum varð höfuðborgarsvæðið
af mestum tekjum eða rúmlega
tveimur milljörðum. ■
TRYGGINGAR „Ég hvet fólk til að
sækja lækkanir til sinna trygg-
ingafélaga“ segir Jóhannes Gunn-
arsson, formaður Neytendasam-
takanna. Samkeppni á trygginga-
markaði hefur harðnað á undan-
förnum misserum með tilkomu Ís-
landstryggingar og Varðar. „Ég
vona að hreyfingin verði enn meiri
því það er til bóta fyrir neytendur
sem hafa í mörg ár þurft að borga
alltof há iðgjöld.“
Jóhannes segir að grónu trygg-
ingafélögin séu eftir sem áður með
óbreytta gjaldskrá og því verði
neytendur að bera sig eftir því að
fá betri kjör. „Tryggingafélögin
eru strax tilbúin að lækka sig
þegar viðskiptavinir þeirra hafa
fengið betra tilboð annars staðar.
Mér fyndist mun eðliðlegra að fé-
lögin lækkuðu verðskrána þannig
að allir nytu góðs af.“
Jóhannes bendir á að það sé
undir neytendum komið að við-
halda samkeppninni. „Þegar ný
fyrirtæki koma inn á staðnaða
markaði verða hræringar en ef
neytendur láta sér duga að fá til-
boð og snúa sér svo aftur til gamla
fyrirtækisins þá dregur það úr
framtíðarmöguleikum nýja aðil-
ans.“
Vátryggingafélagið Vörður hóf
að bjóða upp á alhliða vátrygg-
ingaþjónustu í byrjun mars. „Við-
brögðin undanfarnar vikur hafa
farið fram úr okkar björtustu von-
um“ segir Sigurður Sveinsson hjá
Verði. Hann segir að félaginu hafi
borist fjöldi fyrirspurna og send
hafi verið út nokkur hundruð til-
boð. Sigurður viðurkennir þó að
oft fari mikill tími í að vinna til-
boð sem fólk fari svo með í sitt
gamla félag til að knýja fram
betri kjör.
Talsmenn gömlu trygginga-
félaganna, Sjóvár-Almennra, VÍS
og Tryggingamiðstöðvarinnar,
kannast ekki við að verulegar
breytingar hafi orðið á markaðin-
um með tilkomu Varðar en viður-
kenna að samkeppnin hafi harðn-
að á undanförnum misserum.
„Við lækkum ekki iðgjöldin
bara af því að einhver annar býð-
ur betur,“ segir Ómar Svavarson,
hjá Sjóvá-Almennum. „Aðilar á
markaði eru ekki að bjóða sömu
vöru og við og það þýðir ekkert
fyrir fólk að koma og segja að það
geti fengið ódýrari tryggingar
annars staðar.“
Ásgeir Baldurs hjá VÍS segir að
að undanförnu hafi verið teknir
upp auknir afslættir, fyrst og
fremst vegna hagstæðrar tjóna-
reynslu. „Við berjumst fyrir hverj-
um einasta viðskiptavini en förum
auðvitað eftir okkar gjaldskrám.“
bb@frettabladid.is
ALÞJÓÐAHÚSIÐ
Starfshópur leggur til að stofnuð verði sér-
stök sjálfseignarstofnun sem starfi á lands-
vísu og hafi heildaryfirsýn yfir þjónustu við
innflytjendur á Íslandi.
FRÉTTAB
LAÐ
IÐ
/RÓ
B
ERT
HARÐNANDI SAMKEPPNI
Fimm tryggingafélög bjóða upp á alhliða vátryggingaþjónustu hér á landi.
FISKVEIÐAR
Mikill samdráttur varð í aflaverðmætum
Íslendinga milli áranna 2002 og 2003.
BREYTINGAR Á
AFLAVERÐMÆTI MILLI ÁRA:
Höfuðborgarsvæðið -17.2%
Suðurnes -12.5%
Vesturland -10.9%
Vestfirðir -20.5%
Norðurland vestra -12.6%
Norðurland eystra -13.6%
Austurland -12.6%
Suðurland -16.1%
Þögult verðstríð á
tryggingamarkaði
Samkeppni á tryggingamarkaði hefur aukist á undanförnum misserum.
Engu að síður verða neytendur að bera sig eftir betri kjörum því litlar
breytingar hafa orðið á gjaldskrám grónu tryggingafélaganna.