Fréttablaðið - 03.05.2004, Blaðsíða 2

2 3. maí 2004 MÁNUDAGUR
„Góðir aðstoðarmenn
eru gulli betri.“
Elsa B. Friðfinnsdóttir, fyrrum aðstoðarmaður heil-
brigðisráðherra, sagði efnislega í grein sem birtist
í Fréttablaðinu í gær að sjálfstæði stjórnmála-
manna væri í minna lagi og ráðherrar kyngdu því
sem forsætisráðherra ákveddi.
Spurningdagsins
Elsa, þurfa ráðherrararnir ekki betri
aðstoðarmenn?
■ Lögreglufréttir
■ Lögreglufréttir
FJÖLMIÐLALÖG Ákvæðið um að
markaðsráðandi fyrirtæki í
óskyldum rekstri megi ekki eiga í
fjölmiðlum er mjög umhugsunar-
vert og spurning hvort ekki sé
gengið of langt í lagasetningunni,
að sögn Guðmundar Heiðars
Frímannssonar, sem sat í nefnd
menntamálaráðherra um eignar-
hald á fjölmiðlum.
Hann segir jafnframt að það
hafi verið á ýmsan hátt óæskilegt
að skýrslan og frumvarpið hafi
verið lagt fram samtímis og að það
hafi komið í veg fyrir nauðsynlega
umræðu í þjóðfélaginu. Fyrsta um-
ræða um frumvarpið verður á Al-
þingi í dag.
„Það er nokkuð ströng regla að
banna ráðandi fyrirtæki á óskyld-
um markaði að eiga í fjölmiðlum.
Ég held að þjóðþingið verði að
vega það og meta hvort það er
reiðubúið að setja þá reglu,“ segir
Guðmundur.
Hann segir að það hafi komið
sér á óvart við vinnslu skýrslunnar
hve strangt og víðtækt regluverk
gildi um fjölmiðla bæði vestanhafs
og hér í Evrópu.
„Áhyggjuefnið um að setja
svona strangar reglur er að ríkis-
valdið getur gengið of langt. Það er
verulegt umhugsunarefni hve
langt ríkisvaldið á yfirleitt að
ganga í svona reglusetningu. Al-
menn skoðun um þær reglur sem
gilda í Evrópu er sú að þær gangi
ekki of nálægt tjáningarfrelsinu,“
segir Guðmundur.
Hann segir enn fremur að
ástæðan fyrir því að við erum
reiðubúin til að setja nokkuð
strangar reglur um fjölmiðla sé sú
að það er ekki eðlilegt og sjálfsagt
að auðmenn í samfélaginu geti náð
áhrifum á fjölmiðlamarkaði.
„Þau völd geta skilað þeim
verulegum áhrifum inn í þjóðmál
vegna þess að í þjóðmálum göng-
um við venjulega að því vísu að
þar gildi aðrar reglur en að menn
geti keypt sér völd og áhrif,“ segir
Guðmundur. Hann gagnrýnir það
að í frumvarpinu sé ekki lagt til að
fjölmiðlar setji sér ákveðnar innri
starfsreglur.
Frumvarp um lög um eignar-
hald á fjölmiðlum verður tekið til
umræðu á Alþingi í dag. Í athuga-
semdum við frumvarpið segir:
„Meginmarkmið frumvarps
þessa er að sporna við því að
eignarhald á fjölmiðlafyrirtækjum
og samþjöppun á fjölmiðlamarkaði
hamli gegn æskilegri fjölbreytni í
fjölmiðlun á Íslandi. Frumvarpið
er reist á almennt viðurkenndum
viðhorfum um mikilvægi fjölmiðla
fyrir skoðana- og tjáningarfrelsi í
nútímalýðræðisþjóðfélagi.“
Forsætisráðherra er flutnings-
maður frumvarpsins og hefst
þingfundur kl. 15.
sda@frettabladid.is
SKOÐANAKÖNNUN Tæplega 80 pró-
sent landsmanna eru ósammála
þeirri ákvörðun Björns Bjarna-
sonar dómsmálaráðherra að
skipa Ólaf Börk Þorvaldsson sem
hæstaréttardómara samkvæmt
skoðanakönnun Fréttablaðsins.
Ríflega 20 prósent segjast vera
sammála ákvörðun Björns.
Nokkur munur er á afstöðu
kynjanna. Konur eru almennt
mun ósáttari við skipun Ólafs
Barkar í embættið en karlar.
Tæplega 86 prósent kvenna segj-
segjast ósammála ákvörðun
Björns en tæplega 75 prósent
karla. Ekki er marktækur munu
á afstöðu fólks til málsins eftir
búsetu.
Úrtakið í könnuninni var 800
manns. Það skiptist jafnt milli
kynja og hlutfallslega eftir kjör-
dæmum. Rúmlega 28 prósent
sögðust óákveðnir eða neituðu að
svara. Spurt var: Ertu sammála
eða ósammála þeirri ákvörðun
Björns Bjarnasonar dómsmála-
ráðherra að skipa Ólaf Börk Þor-
valdsson sem hæstaréttardóm-
ara? ■
Á KOSNINGAFUNDI
Erfiðleikar í Írak hafa ekki nýst Kerry til
meira fylgis en Bush.
Val á varaforsetaefni:
Fjórir í sigtinu
BANDARÍKIN Fjórir menn eru helst
nefndir sem hugsanleg varafor-
setaefni Johns Kerry, forseta-
frambjóðanda demókrata. Dag-
blaðið Washington Post segir að
samstarfsmenn Kerry séu byrjað-
ir að rannsaka bakgrunn öldunga-
deildarþingmannanna Johns Ed-
wards og Richards Gephardts til
að komast að því hversu heppileg
varaforsetaefni þeir eru. Einnig
er sagt að verið sé að skoða bak-
grunn öldungadeildarþingmanns-
ins Evans Bayh og Toms Vilsack,
ríkisstjóra í Iowa.
Stjórnmálaskýrendur eru farn-
ir að velta upp þeim möguleika að
Kerry velji varaforsetaefni sitt
óvenju snemma til að efla kosn-
ingabaráttu sína sem sumum þyk-
ir hafa staðnað að undanförnu. ■
BROTIST INN Í GRUNNSKÓLA
Tveir menn um tvítugt voru
handteknir vegna innbrots í
grunnskólann á Fáskrúðsfirði í
fyrradag. Í bíl þeirra fannst þýfi
úr skólanum. Mennirnir voru
yfirheyrðir af lögreglu og sleppt
um tvöleytið í fyrrinótt eftir yfir-
heyrslu.
FÍKNIEFNI FUNDUST Tveir öku-
menn voru stöðvaðir aðfaranótt
laugardags og fannst eitt gramm
af amfetamíni í fórum þeirra.
Annar maðurinn játaði eign á
efninu við yfirheyrslu lögregl-
unnar og var mönnunum sleppt.
Málið telst upplýst. FÍKNIEFNI FUNDUST Fjórir karl-
menn á aldrinum 17–45 voru
stöðvaðir skammt norðan Akur-
eyrar á föstudag. Við leit í bíl
þeirra fundust 300 grömm af am-
fetamíni og 400 grömm af hassi.
Tveir játuðu á sig eign efnanna
og voru þau ætluð til eigin nota.
Mönnunum var sleppt í fyrradag
eftir yfirheyrslu lögreglunnar og
telst málið upplýst.
LÍKAMSÁRÁS Í KEFLAVÍK Minni-
háttar líkamsárás var í Keflavík í
fyrrinótt. Enginn slasaðist og
árásin hefur enn ekki verið kærð
til lögreglu.
ÖLVUNARAKSTUR Einn var tekinn
fyrir ölvunarakstur í umdæmi lög-
reglunnar á Húsavík í fyrrinótt.
BÍLVELTA Á AKUREYRI Árekstur
varð á Akureyri um hádegisbilið í
fyrradag á Austursíðu við Fögru-
síðu. Annar bíllinn valt og var öku-
maður hans fluttur á sjúkrahús en
hann slapp við alvarleg meiðsl.
HRAÐAKSTUR 23 voru teknir
fyrir of hraðan akstur aðfaranótt
sunnudags í umdæmi lögreglunn-
ar í Hafnarfirði og Garðabæ.
VEÐUR Snjókoma var víða á norð-
anverðu landinu í gær en rúm
vika er liðin af sumri samkvæmt
almanakinu. Hiti var um frost-
mark á Blönduósi, Akureyri og
Raufarhöfn klukkan sex í gær en
fjögurra stiga frost var á Hvera-
völlum og Kárahnjúkum. Hálka
var á einstaka vegum, færð leiðin-
leg og skyggni lítið.
Áfram er gert ráð fyrir kulda
og éljum nyrðra næstu daga en
úrkomulítið verður sunnan til á
landinu. Heldur á að hlýna undir
lok vikunnar. ■
SUMARIÐ HEILSAR MEÐ SNJÓ
Iðunn Dóra, 12 ára stúlka á Akureyri, var
ein af fáum Akureyringum sem í gær
fagnaði því að farið var að snjóa.
Flestir aðrir voru farnir að vona að sumarið
væri komið enda aðalfundur Kaupfélagsins
nýbúinn og menn töldu sig hafa sloppið
við hið sögufræga „Kaupfélagshret“ sem
fundinum fylgir.
Vetrartíð í sumarbyrjun:
Kuldi og snjókoma
FR
ÉT
TA
B
LA
Ð
IÐ
/G
U
N
N
AR
E
R
N
IR
B
IR
G
-
IS
SO
N
Gagnrýnir ákvæði í
fjölmiðlafrumvarpi
Einn nefndarmanna í fjölmiðlanefndinni segir ákvæði um að markaðs-
ráðandi fyrirtæki í óskyldum rekstri megi ekki eiga í fjölmiðlum mjög
umhugsunarvert. Fjölmiðlafrumvarpið verður rætt á Alþingi í dag.
FORSÆTISRÁÐHERRA Á ALÞINGI ER HANN KYNNTI FJÖLMIÐLAFRUMVARP
„Meginmarkmið frumvarps þessa er að sporna við því að eignarhald á fjölmiðlafyrirtækj-
um og samþjöppun á fjölmiðlamarkaði hamli gegn æskilegri fjölbreytni í fjölmiðlun á
Íslandi,“ segir í athugasemdum með frumvarpi um eignarhald á fjölmiðlum
sem tekið verður fyrir á Alþingi í dag.
Kenndi örugga meðferð
skotvopna:
Skaut
sig í fótinn
FLÓRÍDA, AP Bandarískur lögreglu-
maður sem var að kenna ungling-
um örugga meðferð skotvopna
skaut sig í fótinn þegar hann ætl-
aði að sýna þeim byssu sína fyrr í
mánuðinum.
Maðurinn dró byssuna úr
hulstri sínu, fjarlægði skothylki
úr henni og bað einn viðstaddra að
staðfesta að ekkert skot væri í
byssu sinni. Þá vildi ekki betur til
en svo að skot hljóp úr henni og í
læri mannsins. ■
BJÖRN BJARNASON
Landsmenn eru almennt ósammála
ákvörun dómsmálaráðherra að skipa Ólaf
Börk Þorvaldsson sem hæstaréttardómara.
SKIPUN HÆSTARÉTTARDÓMARA
Fólk var spurt hvort það væri sammála
eða ósammála ákvörðun
dómsmálaráðherra um að skipa Ólaf Börk
Þorvaldsson sem hæstaréttardómara.
Skoðanakönnun Fréttablaðsins:
Nærri 80% ósammála
ákvörðun ráðherra
Sammála 20%
Ósammála 80%
Gönguskörð:
Tvö
vélsleðaslys
SLYS Tvö slys urðu um miðjan dag-
inn í gær með stuttu millibili við
Gönguskörð.
Í fyrra slysinu var um að ræða
einn vélsleðamann sem þarfnaðist
aðstoðar til byggðar en líklegt er
að hann hafi farið fram af hengju.
Í seinna slysinu, slösuðust fimm
vélsleðamenn er þeir fóru fram af
hengju. Fjórir kílómetrar eru á
milli slysstaðanna.
Björgunarsveitarmenn voru á
leið á slysstað þegar Fréttablaðið
fór í prentun í gærkvöldi en
sóttist ferðin seint vegna veðurs.
Þyrla Landhelgisgæslunnar gat
ekkert aðhafst á slysstað sökum
veðurs og í gærkvöldi var hún í
viðbragðsstöðu á Akureyri.
Ástand vélsleðamannsins úr
fyrra slysinu er ágætt, en ekkert
samband hafði náðst við hina
fimm mennina. ■