Fréttablaðið - 03.05.2004, Blaðsíða 6
6 3. maí 2004 MÁNUDAGURVeistusvarið?
1Hvenær tók Þórólfur Árnason við afIngibjörgu Sólrúnu Gísladóttur sem
borgarstjóri í Reykjavík?
2Hvaða breska dagblað birti fyrstmyndir af breskum hermönnum að
pynta íraska fanga?
3Við hvaða enska knattspyrnulið hefurDavid Beckham verið orðaður síðustu
daga?
Svörin eru á bls. 30
BAGDAD, AP Eftir rúmar þrjár vikur
í haldi mannræningja tókst banda-
ríska vörubílstjóranum Thomas
Hamill að flýja úr gíslingu sinni.
Hamill tókst að smeygja sér út úr
húsinu í Bagdad þar sem honum
var haldið af vopnuðum mönnum.
Eftir að út var komið hljóp
Hamill uppi eftirlitssveit úr
bandaríska hernum, gerði grein
fyrir sér og leiddi hermennina að
húsinu þar sem honum hafði verið
haldið. Þar voru tveir menn hand-
teknir að sögn talsmanns banda-
ríska hersins.
Hamill var tekinn í gíslingu eft-
ir árás á bílalest í úthverfi Bagdad
fyrir rúmum þremur vikum. Fjór-
ir samstarfsmenn hans féllu í
árásinni og ekki er vitað um afdrif
bandarísks hermanns sem var
rænt í sömu árás. Ekkert hafði
heyrst í Hamill síðan mannræn-
ingjarnir sendu frá sér myndband
með myndum af honum og hótuðu
að myrða hann hætti Bandaríkja-
her ekki umsátri sínu um Fallujah
innan tólf klukkustunda.
Fjölskyldu Hamill létti mjög við
tíðindin. „Það var dásamlegt að
heyra í honum,“ sagði Kellie, kona
hans. „Hann sagðist hafa meiri
áhyggjur af mömmu sinni, ömmu,
mér og börnunum en sjálfum sér.“ ■
VARNARLIÐIÐ „Þetta eru skítlegar
fréttir,“ segir Kristján Gunnars-
son, formaður Verkalýðs- og sjó-
mannafélags Keflavíkur og ná-
grennis, um þau tíðindi að hernum
á Keflavíkurflugvelli sé gert að
skera niður rekstur sinn um 200
milljónir króna. „Það þarf að
segja upp fólki, ég sé ekki hvern-
ig þeir ætla að spara þessa pen-
inga með öðrum hætti.“
Tæplega 800 Íslendingar vinna
í herstöðinni og Kristjáni virðist
sem lengi sé hægt að fækka fólki.
„Menn draga úr þjónustu, loka
byggingum og hætta einu og öðru
til að mæta þessu.“
Um 1.500 Íslendingar unnu á
Vellinum þegar mest var og um
svipað leyti voru þar hátt í 600
starfsmenn Íslenskra aðalverk-
taka. Nú eru þar innan við 100 á
vegum verktakafyrirtækisins.
Kristján rifjar upp að hér áður
fyrr hafi samdrætti verið mætt
með því að færa verkefni frá
hernum sjálfum til verktaka.
Störfum hafi ekki fækkað en
starfsfólk flust milli vinnu-
veitenda. „Nú er þetta allt á sömu
bókina lært, það er stöðugur sam-
dráttur og minnkun á þjónustu og
þessu er að blæða út hægt og
rólega.“
Kristján segir mikilvægt að
stjórnvöld mæti ástandinu og gott
væri ef þau byrjuðu á að viður-
kenna vandamálið. „Það verður að
fara að nálgast málið út frá at-
vinnupólitískum sjónarmiðum en
ekki bara varnarpólitískum,“ seg-
ir hann.
Fjarað hefur undan sjávar-
útvegi á svæðinu, mikill kvóti hef-
ur verið keyptur burt úr byggða-
lögunum og skilið eftir sig fjölda
atvinnulausra.
Kristján segir nauðsynlegt að
eitthvað stórt gerist í atvinnu-
málunum og nefnir sem dæmi að
stjórnvöldum hafi verið boðið að
nýta húsnæði Íslenskra aðalverk-
taka á Vellinum undir fangelsi í
stað þess að reisa dýra byggingu í
landi Reykjavíkur. „Þarna myndu
falla til tugir starfa,“ segir hann.
„Svo gengur þetta ekkert
þarna úti í Helguvík, þar er allt á
hraða snigilsins. Keilisnesið
stendur svo alltaf ónotað og býður
eftir atvinnutækifærum. Menn
horfa bara norður í land og austur
á firði í stað þess að líta út um
gluggann á leið frá flugstöðinni,“
segir Kristján Gunnarsson og
hvetur til samvinnu allra sem að
málinu koma til að atvinnulíf á
Suðurnesjum geti orðið með
sæmilega hýrri há á ný. ■
JÓN KRISTJÁNSSON
Jón sagðist aðspurður ekkert vilja segja
um málið strax.
Sparnaður ógnar öryggi
Ráðherra
fámáll
HEILBRIGÐISMÁL Jón Kristjánsson
heilbrigðisráðherra vill ekkert
segja um það alvarlega ástand
sem blasir við lyflækningasviði
Landspítala og greint var frá í
Fréttablaðinu á laugardag.
Sagði Guðmundur Þorgeirsson,
sviðsstjóri lækninga, að grípa
þurfi til harkalegra aðgerða til að
uppfylla kröfur stjórnvalda um
sparnað. Jón sagðist aðspurður
ekkert vilja segja um málið strax
en Guðmundur boðar að hann
hyggist ganga á fund ráðherra
vegna þess. Telur Jón rétt að þeir
ræðist við áður en fleira verður
sagt. Hann vissi ekki til þess að
Guðmundur hefði pantað viðtal en
bjóst við að þeir töluðu saman ein-
hvern næstu daga. ■
www.plusferdir.is
Benidorm
29.955 kr.
N E T
Innifalið er flug, gisting, ferðir til og frá flugvelli erlendis,
íslensk fararstjórn og allir flugvallarskattar.
M.v. 2 fullorðna og 2 börn 2ja-11 ára í íbúð m/1 svefnh. í 7 nætur á Halley
19. eða 26. maí.
Verð miðað við að 2 fullorðnir ferðist saman 39.990 kr.
NETplús er einungis bókanlegur á www.plusferdir.is
19. eða 26. maí
Verð frá
Hernum blæðir út
hægt og rólega
Varnarliðinu gert að spara 200 milljónir. Formaður Verkalýðs- og sjómannafélags Keflavíkur segir ljóst
að frekari uppsagnir séu framundan. Gagnrýnir stjórnvöld fyrir að taka ekki á málunum.
FRÁ HERSTÖÐINNI Á MIÐNESHEIÐI
Um 1.500 Íslendingar unnu hjá hernum þegar mest var, nú eru þeir innan við 800.
KRISTJÁN GUNNARSSON
„Það verður að fara að nálgast málið út frá
atvinnupólitískum sjónarmiðum en ekki
bara varnarpólitískum,“
Bandarískur vörubílstjóri í Írak laus úr prísund sinni:
Flýði frá
mannræningjum
THOMAS HAMILL
Síðast sást til Hamill á þessu myndbandi sem mannræningjar hans sendu sjónvarpsstöð-
um 9. apríl.