Fréttablaðið - 04.05.2004, Blaðsíða 8
8 4. maí 2004 ÞRIÐJUDAGUR
■ Lögreglufréttir
Ekkert gerðist á fundi ríkissáttasemjara:
Sjómenn enn samningslausir
KJARADEILA Ekki þokaðist í samn-
ingsátt á fundi forsprakka Lands-
sambands íslenskra útvegs-
manna, LÍÚ, og Sjómannasam-
bands Íslands hjá ríkissáttasemj-
ara. Kjarasamningur þeirra á
milli rann út um áramót og hafa
samningsaðilar fundað á sjö til tíu
daga fresti síðan.
Hólmgeir Jónsson, fram-
kvæmdastjóri Sjómannasam-
bandsins, sagði fundinn tíðindalít-
inn, allt strandaði á LÍÚ. „Við
erum að reyna að fá okkar mál
lagfærð, lífeyrissjóð og annað
sem aðrir hafa samið um, en það
gengur ekkert upp.“
Friðrik J. Arngrímsson, fram-
kvæmdastjóri LÍÚ, sagði sam-
bandið ekki geta fallist á kröfur
sjómanna að þessu sinni: „Báðir
aðilar hafa kröfur uppi og enn hef-
ur ekki tekist að náð saman“. Frið-
rik sagði kjaramál sjómanna flókn-
ari en annarrra launþega. Hann
greindi fullan vilja báðum megin
borðsins til að semja: „Það er bara
enn of langt á milli.“ Næsti fundur
er boðaður hjá ríkissáttasemjara
þann 19. maí næstkomandi. ■
Brutu gegn sam-
keppnislögum
Rannsókn á samráði tryggingafélaganna er
lokið. Tryggingafélögin teljast sek um brot
gegn samkeppnislögum en sleppa við sektir.
SAMKEPPNI Samkeppnisráð segir
samvinnu innan Sambands ís-
lenskra tryggingafélaga hafi
stundum brotið gegn samkeppnis-
lögum. Innan sam-
bandsins var rætt
um hvernig trygg-
ingafélögin ættu að
bregðast við inn-
komu nýrra keppi-
nauta. Þá er líka
fundið að því að
sambandið hafi
haldið sameigin-
lega uppi vörnum
fyrir iðgjalda-
stefnu. Trygginga-
félögin sleppa við sektir og hafa
samþykkt að fara að fyrirmælum
Samkeppnisráðs.
Samkeppnisráð segir trygg-
ingafélögin hafa notað sambandið
til að hafa áhrif á markaðinn,
meðal annars með upplýsinga-
miðlun um markaðsleg málefni og
hvatningu til hindrana, en það er
ekki í samræmi við samkeppnis-
lög. Samband íslenskra trygg-
ingafélaga braut gegn samkeppn-
islögum þegar það varði opinber-
lega verðlagsstefnu trygginga-
félaganna og samrýmist það ekki
banni samkeppnislaga um verð-
samráð. Að mati ráðsins braut
sambandið gegn lögunum með
endurteknum athugasemdum til
opinberra eftirlitsaðila vegna inn-
komu nýrra keppinauta. Við mat á
áhrifum til lagabreytinga og í
upplýsingamiðlun brutu bæði
sambandið og Íslensk endur-
trygging samkeppnislög. Með af-
skiptum sínum hafði sambandið
afskipti af kaupverði og við-
skiptakjörum tryggingafélaganna
á þjónustu sem félögin kaupa af
læknum og lögmönnum til þess að
draga úr samkeppni. Þá fóru fram
hjá báðum félögunum viðræður
um aðgerðir gagnvart keppinaut-
um tryggingafélaganna og við-
skiptavinum þeirra.
Hjá Íslenskri endurtryggingu
fannst minnisblað um starfs-
ábyrgðartryggingar þar sem lýst
er tveimur fundum hjá fulltrúum
VÍS, Sjóvár og Tryggingamið-
stöðvarinnar. Af minnisblaðinu
má ráða að fundarmenn hafi verið
sammála um að starfsábyrgðar-
tryggingar væru ekki svið þar
sem æskilegt væri að stunda
harða samkeppni.
Með rannsókninni var ekki
sýnt fram á ólögmætt samráð eða
samstilltar aðgerðir hefðu farið
fram við iðngjaldabreytingar á
árunum 1996 og 1999.
Samkeppnisráð telur nægjan-
legt að beina fyrirmælum til
tryggingafélaganna varðandi
samstarf þeirra innan sambands-
ins og almennt. Meðferð málsins
hófst í september 1997 og hefur
því tekið á sjöunda ár og segir
ráðið ýmsar ástæður vera fyrir
því hversu langan tíma meðferðin
tók. Þar á meðal hafi ófyrirséð
umfangsmikil mál haft talsverð
áhrif.
hrs@frettabladid.is
BELTIN BJÖRGUÐU Bílvelta varð á
Árbæjarbraut í Rangárvallasýsu
á sunndag. Ung erlend stúlka
sem ók bílnum missti stjórn á
honum í lausamöl með þeim af-
leiðingum að hann valt á vegin-
um. Bíllinn er mikið skemmdur
en hvorki ökumann né farþega
sakaði. Að sögn lögreglunnar á
Hvolsvelli er það bílbeltum að
þakka að ekki skuli hafa farið
verr.
INNBROT Í VINNUVÉLAR Brotist
var inn í nokkur vinnutæki við
Sómastaði þar sem unnið er að
lagningu rafmagnskapla. Að sögn
lögreglunnar á Eskifirði uppgötv-
uðu starfsmenn innbrotin eftir
helgarfrí.
FÓRU ÚT AF Í KRAPA Tveir bílar
lentu utan vegar eftir að öku-
menn misstu stjórn á bílum í
krapa í Fagradal í gærdag.
NOTUÐU EKKI BELTI Níu ökumenn
voru kærðir af lögreglunni í
Reykjanesbæ fyrir að nota ekki
bílbelti á sunnudagskvöldið.
ÓLÖGLEG FARARTÆKI Bifreið
með kerru með fimm torfæru-
hjólum var stöðvuð í gær við
Krísuvíkurveg. Hjólin voru án
skráningarnúmera. Bannað er að
ferðast um á slíkum hjólum og
bað lögreglan í Keflavík eigendur
hjólanna vinsamlegast að láta það
vera að keyra um á hjólunum.
FRAMKVÆMDIR Verktakar á Austur-
landi búa sig nú undir nokkur
stórverkefni sem hefjast á næstu
vikum og mánuðum. Um er að
ræða vegagerð á Reyðarfirði;
endurbyggingu leiðarinnar milli
Sómastaða og Hólma, sem og ann-
an áfanga hjáleiðar niður fyrir
þéttbýlið á Reyðarfirði. Sú leið á
að verða tilbúin til notkunar fyrir
lok ársins, en frágangi á að ljúka á
næsta ári. Framkvæmdir við
vinnubúðir Bechtel á Reyðarfirði
hefjast innan skamms, sem og að-
stöðusköpun á álverslóðinni og
framkvæmdir við höfnina þar.
Tilboð í hafnargerð verða opn-
uð um miðjan næsta mánuð og því
verki á að verða lokið um mitt
næsta sumar. Leggja á 40 km
langan vegarslóða úr Fljótsdal á
Reyðarfjörð vegna lagningar há-
spennulínu úr stöðvarhúsi Kára-
hnjúkavirkjunar að álveri Alcoa
og á næstunni mun Landsvirkjun
bjóða út gangagerð við Ufsar-
árstíflu austan Snæfells. Verktak-
inn sem fær þá framkvæmd mun
einnig leggja svokallaðan
Hraunaveg, inn að Keldá. ■
HEILBRIGÐISMÁL „Biðlistar munu
lengjast, því miður,“ sagði Pálmi
R. Pálmason, formaður stjórnar-
nefndar Landspítala - háskóla-
sjúkrahúss, um ráðstafanir sem
grípa verður til vegna 60 millj-
óna króna framúrkeyrslu lyf-
lækningasviðs Landspítala - há-
skólasjúkrahúss það sem af er
þessu ári.
Guðmundur Þorgeirsson,
sviðsstjóri lækninga á sviðinu,
lýsti því í Fréttablaðinu fyrir
helgi til hvaða ráðstafana yrði að
grípa ef ekki fengist aukafjár-
veiting á fjáraukalögum til að
rétta af rekstur sviðsins. Í máli
hans kom fram að jafnvel yrði að
ganga svo langt að loka rúmum á
deildum fyrir bráðveika sjúk-
linga.
Pálmi sagði að á einhvern hátt
yrði að svara þeim rekstrar-
kostnaði umframt heimildir á
fjárlögum sem þegar hefði orðið
til á árinu.
„Mér finnst ekki hægt að ætl-
ast til þess með nokkurri sann-
girni að læknar fari að beita að-
ferðum sem kannski var beitt
fyrir tíu árum, þegar komnar eru
aðrar betri,“ sagði hann. „Þeir
hafa auðvitað metnað til að nota
einungis það besta. Þá er ekkert
annað að gera, ef ekki eru til fjár-
munir, en að bíða. Spítalinn hefur
verið að vinna á biðlistum að und-
anförnu og það hefur gengið vel.
Reksturinn hefur að flestu leyti
staðist fjárhagsáætlanir nema á
lyflækningasviði. En eins og bent
hefur verið á eru ástæður fyrir
þessu þar sem sjúklingum fer
fjölgandi frá einu ári til annars.
Það er ekkert bruðl á ferðinni
þarna.“ ■
icelandair.is/vildarklubbur
Tvöfaldir
Vildarpunktar
til 1. maí
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
24
12
5
0
4/
20
04
Til viðbótar koma veltutengdir Vildarpunktar kortsins
BEÐIÐ FYRIR FRIÐI
Nokkrum dögum eftir að 32 féllu í Krue-
Sae musteri í Taílandi í átökum lögreglu
og vígamanna í síðustu viku voru trúaðir
komnir saman til bæna í musterinu á
nýjan leik.
Sameining
Fréttablaðsins og DV:
Engar
athugasemdir
RANNSÓKN Samkeppnisstofnun hefur
lokið rannsókn á sameiningu Frétta-
blaðsins og DV og var engin athuga-
semd gerð að sögn Guðmundar Sig-
urðssonar hjá Samkeppnisstofnun.
Hjá stofnuninni er einnig til
rannsóknar sameining Íslenska út-
varpsfélagsins sem meðal annars
rekur Stöð 2 og Bylgjuna, Fréttar
sem gefur út Fréttablaðið og DV og
Skífunnar sem rekur hljómplötu-
útgáfu og verslanir, undir hatti
Norðurljósa. Guðmundur segir þá
rannsókn vera um það bil hálfnaða
en stefnt er að því að henni verði
lokið í síðari hluta júní. ■
SJÁ EKKI ENN TIL LANDS
Þrátt fyrir regluleg fundahöld frá áramót-
um sjá sjómenn og útvegsmenn ekki til
lands í viðræðum um nýjan kjarasamning.
Sjómenn eru þó ekki enn farnir að íhuga
aðgerðir til að knýja á um samning.
■
Af minnisblað-
inu má ráða að
fundarmenn
hafi verið sam-
mála um að
starfsábyrgðar-
tryggingar
væru ekki svið
þar sem æski-
legt væri að
stunda harða
samkeppni.
GUÐMUNDUR SIGURÐSSON
Forstöðumaður samkeppnissviðs
Samkeppnisstofnunar. Samkeppnisyfirvöld
telja nægjanlegt að beina fyrirmælum til
tryggingafélaganna í stað þess að beita
stjórnvaldssektum.
Austurland:
Mikið umleikis vegna
álversframkvæmda
LYFLÆKNINGASVIÐ
Vel hefur tekist til við að vinna á biðlistum á deildum Landspítala - háskólasjúkrahúss. Nú
er útlit fyrir að þeir muni lengjast aftur á lyflækningasviði.
Aukinn sparnaður á lyflækningasviði LSH:
Biðlistar
munu lengjast