Fréttablaðið - 04.05.2004, Blaðsíða 18

Válegar fréttir herja á okkar
þjóðfélag en eru kaffærðar í um-
ræðu um önnur mál. Rúmur
fimmtungur barna á Íslandi er
orðinn of feitur! Hér er á ferð-
inni alvarlegt samfélagsvanda-
mál og þróunina verður að
stöðva. Valdið liggur meðal ann-
ars hjá foreldrum. Ég er ekki
vanur að vera með stríðsfyrir-
sagnir og hrópa úlfur, úlfur, en í
þessu tilfelli verður að gera eitt-
hvað til að stöðva afskiptaleysið.
Árið 1998 fór ég á ráðstefnu um
ungt fólk og tóbak í Svíþjóð. Þar
sagði einn fyrirlesarinn að for-
varnir þyrftu að vera jafn sýni-
legar og McDonald’s og Coca
Cola. Forvarnir sem snúa að
heilsu og mataræði þurfa að vera
jafn sýnilegar! Ekki dugar að
henda tólf milljónum í Manneld-
isráð, stinga höfðinu í sandinn og
bíða eftir að málið leysi sig sjálft.
Offita á sér margar hliðar. Stund-
um þurfa börn að fá ást, um-
hyggju og faðmlög í stað þess að
stungið sé upp í þau matarbita.
Stundum þurfa þau einhvern til
að ýta á eftir sér til að fara út að
leika. Foreldrar mega ekki líta
svo á að þau séu að leggja feit
börn sín í einelti með því að beita
þau aga. Það þýðir ekki að gefast
upp. Offita er orðin að stórhættu-
legu vandamáli og framtíðin er
ekki vænlegri ef fram heldur
sem horfir. ■
Líkami og sál
GUÐJÓN BERGMANN, JÓGAKENNARI
OG RITHÖFUNDUR, SKRIFAR UM
HEILSU LÍKAMA OG SÁLAR.
A-vítamín hefur meðal annars áhrif á sjónina, ónæmiskerfið og
vöxt. A–vítamín fæst fyrst og fremst úr dýraríkinu, einkum lifur og
fiski, en einnig úr til dæmis brokkólíi og gulrótum. Það geymist
vel í líkamanum þannig að til dæmis lifur einu sinni í viku ætti
að vera nóg fyrir A-vítamínbúskapinn.
Þar sem þú getur treyst á gæðin
YGGDRASILL, KÁRASTÍG 1, 101 RVK., S: 5624082
Lífrænt ræktaðar vörur
YOGASTÖÐIN HEILSUBÓT
Síðumúla 15, s. 588 5711 og 694 6103
Y O G A Y O G A Y O G A
Líkamsæfingar, öndunaræfingar, slökun og hugleiðsla.
Morgun-, hádegis-, síðdegis- og kvöldtímar.
Sértímar fyrir byrjendur og barnshafandi konur.
www.yogaheilsa og NÝTT! Astanga joga
Mælirinn er lagður nærri gagnauganu og gefur frá sér tíst þegar niðurstaða er fengin.
Nýr hitamælir:
Mælirinn snertir
ekki líkamann
Offita er líka foreldravandamál!
Endurnærðu
mig með
höndum þínum
„Leiðin að heilbrigði er að fara í ilmandi
bað og fá nudd dag hvern“, sagði gríski
náttúruspekingurinn Hippókrates, sem
kallaður hefur verið faðir
læknisfræðinnar. Fjölmargar nuddað-
ferðir hafa þróast gegnum árþúsundin,
sem allar vinna með ólíka þætti manns-
líkamans og oftar en ekki með mismun-
andi markmið í huga. Flestir þekkja
hugtakið klassískt nudd, en til eru teg-
undir á borð við heildrænt nudd,
svæðanudd, sogæðanudd og fleira. Það
sem aðgreinir þessar fjölmörgu tegundir
er ekki einungis mismunandi tækni,
heldur einnig ólík markmið. Nudd mun
þó alltaf miða að uppbyggjandi áhrifum
á stoðkerfi, taugakerfi, blóðrás, sogæða-
kerfi og fleiri þátta líkamans. Aðferðirnar
eru jafn ólíkar og áherslurnar eru marg-
ar, en hér gefur að líta fáeinar tegundir
nuddmeðferðar sem allar er að finna á
höfuðborgarsvæðinu.
Heitsteinanudd
Þessi nuddmeðferð er aldagömul og er
upprunnin frá kanadískum indíánum.
Nuddþeginn er nuddaður með olíu og
50-60 gráðu heitum steinum. Þessi að-
ferð nær mun dýpra en hefðbundið
nudd og veitir mikla slökun í bandvefi
líkamans. Meðferðin er sögð afar góð
við vöðvabólgu, gigt, almennum stirð-
leika og bjúg. Meðferðin hefur einnig
uppbyggjandi áhrif á sogæðakerfið.
Meðferð tekur um eina og hálfa klukku-
stund.
Svæðanudd
Svæðanudd stuðlar að endurnýjun lífs-
þróttar og er sagt efla sjálfshjálparhæfni
líkamans. Svæðanudd er ýmist notað
eitt og sér eða með öðru nuddi og þá
sem hluti af heildarmeðferð. Svæða-
nudd byggir á tilteknum viðbragðssvæð-
um, sem má finna undir iljum og í lóf-
um nuddþega. Nuddari þrýstir þumal-
fingri á punkta og taugaenda, sem
tengjast aftur ákveðnum líkamssvæðum
og líffærum, en með því að þrýsta á
þessi tilteknu svæði næst svörun um all-
an líkamann. Svæðanudd er sagt veita
slökun og vellíðan, draga úr spennu sem
og örva blóðrás og taugaboð.
Klassískt
vöðvanudd
Klassískt vöðvanudd mýkir vöðva og örv-
ar hreyfingar blóð- og sogæðavökva,
jafnframt því sem meðferðin eykur slök-
un og vellíðan. Klassískt nudd hefur
einnig áhrif á losun úrgangsefna og
greiðir aðgang að næringarefnum sem
líkaminn notar sér til viðhalds og vaxtar.
Klassískt nudd vinnur bug á þreytu og
þreytutengdum verkjum, sem stafa
gjarna af einhæfri líkamsbeitingu. Klass-
ískt nudd er afar áhrifaríkt við vöðva-
bólgu og er einnig sú aðferð sem fólk
þekkir best undir hugtakinu nudd.
Viltu spyrja Guðjón? Sendu póst á gbergmann@gbergmann.is.
Genarannsóknir gætu í framtíðinni hjálp-
að læknum að sjá fyrir hvaða krabba-
meinssjúklingar ættu að prófa nýtt lyf,
Iressa, sem virðist hjálpa sumu fólki um-
talsvert en hefur engin áhrif á aðra.
Læknar hafa velt fyrir sér ástæðunni en
nú segja vísindamenn í Boston að lyfið
virðist aðeins virka á lungnakrabbamein
sem hefur þróast á sérstakan hátt.
Lungnasérfræðingar telja uppgötvunina
mjög mikilvæga þar sem hún marki upp-
hafið að persónulegri læknisþjónustu,
þar sem hver og einn fær meðferð við
sitt hæfi.
Aðeins um 10 prósent bandarískra sjúk-
linga sýna batamerki vegna lyfsins
Iressa, en hjá þeim hefur lyfið mikil áhrif
og hefur jafnvel lengt líf dauðvona sjúk-
linga um mánuði eða ár.
Í Japan virkar lyfið hins vegar á 20 til 25
prósent sjúklinga. Enginn veit ennþá
hver ástæðan er.
Krabbameinslyfið Iressa:
Virkar aðeins á sérstaka tegund krabbameins
CAMBRIDGE KÚRINN.
Nýtt á Íslandi!
Bæði til megrunar og uppbyggingar.
Hefur öll vítamín að geyma sem
líkaminn þarfnast.
Verndar innri líffæri og vöðva.
Viltu vita meira ?
Heimsæktu þá heimasíðu okkar
www.vaxtamotun.is eða í síma 894 1505 Karolína.
eða 894 1507 Þóranna
Það verður seint talið til uppá-
haldsiðju fólks að mæla sig til að
athuga hvort sótthiti sé á ferðinni.
Einkum falla slíkar mælingar illa
í kramið hjá börnum enda ekki
beint aðlaðandi að fá staut upp í
endaþarm, munn eða eyru. Nú er
kominn á markaðinn nýr mælir
sem metur líkamshitann án þess
að snerta líkamann og ætti hann
að geta leyst stautana af hólmi.
No Touch nefnist þetta nýja áhald
sem er haldið í um það bil 2,5
sentimetra fjarlægð frá gagnauga
sjúklings og mælir hitann á ör-
fáum sekúndum. Að ýmsu þarf þó
að hyggja áður en mælingin er
framkvæmd, meðal annars að
sjúklingurinn sitji ekki í sólar-
geisla eða yl frá arineldi og einnig
á að forðast að mæla hann innan
30 mínútna frá líkamlegri
áreynslu, baði eða eftir máltíð. Til
að auka nákvæmni ætti mælirinn
að vera í sama herbergi og sjúk-
lingurinn í 20-25 mínútur fyrir
mælinguna. Mælirinn er frá
ThermoTek og umboðsaðli er
Ýmus ehf. en mælirinn fæst í
ýmsum lyfjaverslunum. ■