Fréttablaðið - 04.05.2004, Blaðsíða 11
■ Lögreglufréttir
11ÞRIÐJUDAGUR 4. maí 2004
FANNFERGI NORÐAN HEIÐA
Áhlaupið fyrir norðan síðustu daga hefur
gert bændum erfitt fyrir.
Kafaldsbylur fyrir
norðan:
Kemur illa
við bændur
VEÐUR „Kuldinn og snjórinn fyrir
norðan kemur sér afar illa þar
sem við getum ekki hleypt dýrun-
um út,“ segir Kjartan Gústafsson,
bóndi að Birnunesi á Ársskógs-
strönd.
Slæmt veður hefur verið fyrir
norðan land síðustu daga og segja
spár að ekki sé útlit fyrir að veð-
ur lagist fyrr en í fyrsta lagi við
lok vikunnar.
„Í venjulegu árferði væru
ærnar komnar út úr húsi en
reynslan kennir manni að sleppa
því ef slæm hret koma þegar
minnst varir. Við misstum þrjú
lömb síðast þegar hret kom að
sumarlagi vegna aurbleytu og
vatns og það er ekki eitthvað sem
við viljum lenda í aftur.“
Hret sem þessi eru þó fremur
algeng á Norðurlandi og er
skemmst að minnast hrets frá
júní í fyrra þegar snjór skyndi-
lega þakti flestar lendur í Eyja-
firðinum. ■
NÚTÍMINN Á GAZA
Asninn er enn þarfasti þjónninn í þessum
flutningum eftir vegi á sunnanverðri Gaza-
strönd. Bedúínakona notast við kerru til að
flytja greinar milli staða.
Landsmenn verja fimmfalt meira fé í íslenska tónlist
en erlenda:
Veltan fimm
milljarðar á ári
TÓNLIST Landsmenn verja um sex
milljörðum af einkaneyslu sinni í
tónlist og af þeim aðeins einum í er-
lendan tónlistariðnað á ári. Rúm-
lega 1.500 manns vinna með tónlist,
sem eru um 30 prósent þeirra sem
vinna að menningarviðburðum hér-
lendis. Menningaratburðir skila
fjórum prósentum til landsfram-
leiðslunnar árlega. Þetta kom fram í
skýrslu sem Ágúst Einarsson, deild-
arforseti viðskipta- og hagfræði-
deildar Háskóla Íslands, vann fyrir
Samtón, samtök tónlistarfólks á Ís-
landi.
Kjartan Ólafsson, formaður
Samtóns, segir skýrslunna unna í
tvennum tilgangi; að varpa ljósi á
landslagið í íslensku tónlistarlífi og
til að benda opinberum aðilum á hve
stór áhrif tónlist hefur á samfélag-
ið. „Það hefur sýnt sig að með aukn-
um stuðningi eykst menningarleg
og efnahagsleg arðsemi,“ segir
Kjartan. „Okkur kom ekkert á óvart
hvað tónlistarlífið er öflugt, það vit-
um við. Skýrslan hefur sýnt okkur
afkomu ýmissa greina innan at-
vinnulífsins sem taka þátt í tónlist-
arlífinu og við höfðum ekki leitt
hugann að áður.“ ■
ELDUR Í BÍL Klukkan 19.50 kvikn-
aði í bíl á Hafnarfjarðarvegi við
Kópavogslæk. Slökkvilið var kallað
á staðinn og náði að slökkva eldinn
með dufttæki. Engin slys urðu á
fólki en bíllinn er óökufær.
Veðurklúbburinn
á Dalvík:
Sannspár
um hretið
VEÐURKLÚBBUR Ólaf Tryggvason,
einn hinna galvösku eldri borg-
ara sem standa að veðurklúbbn-
um á Dalvík, dreymdi fyrir um
hret það sem hrellt hefur Norð-
lendinga undanfarna daga. Er
þetta ekki í fyrsta sinn sem
meðlimir klúbbsins eru sann-
spáir um veðurfar og undrar
marga hversu oft þeir hitta
naglann á höfuðið. Norðlending-
ar mega þá búast við svipuðu
veðri næstu daga en Ólafur seg-
ir hretið standa yfir í tíu daga
alls. ■
TÓNLEIKAR Á MENNINGARNÓTT
Óbein áhrif tónlistar eru veruleg og kom
sú niðurstaða skýrslunnar tónlistarmönn-
um verulega á óvart.
MAGNÚS ÞÓR HAFSTEINSSON
Burt úr Blaðamannafélaginu.
Magnús Þór Hafsteinsson:
Úr Blaða-
mannafélaginu
ALÞINGI Magnús Þór Hafsteinsso,
þingmaður Frjálslynda flokksins
og fyrrum fréttamaður, sagði sig í
gær úr Blaðamannafélagi Ís-
lands. Í tilkynningu frá Magnúsi
segir að með hliðsjón af þeirri
orrahríð sem nú sé fram undan í
umræðu um framtíð fjölmiðla á
Íslandi, og hann þáttakandi í
þeirri umræðu sem þingmaður,
telji hann ekki rétt að vera í
Blaðamannafélaginu. Magnús fer
þess á leit við stjórn Blaðamanna-
félagsins að úrsögnin taki strax
gildi og hann verði fjarlægður af
félagalista. ■